رواية علميهم ليه احبك حب ما حبه بشر -45

رواية علميهم ليه احبك حب ما حبه بشر - غرام

رواية علميهم ليه احبك حب ما حبه بشر -45

ارتاحت شوي يوم استوعبت انها رنيم والتفتت عليها

رنيم: انا قلت على وين ؟

مشاعل: مشوار صغير مارح اطول

رنيم: انتي ماعندك خبر يعني انو بابا مانعك من الطلعه ؟

مشاعل: قلت لك مشوار صغير ولارح اطول

رنيم: اسمعيني يا مشاعل ..انا ماعندي استعداد اخبي عليك واطيح بمشاكل مالها اول ولا تالي مع بابا وماما .. ارجعي غرفتك احسن لك

مشاعل قربت منها: انا بطلع الحين .. ولا رح اطول كلها ساعتين وراجعه .. وانا اعرف انو قلبك مايطاوعك تعلمين علي .. سوو انا ضامنه الوضع تقريبا

رنيم بصراخ: مشاعل..انا اللي فيني كافيني على غرفتك الحين

مشاعل وهي تناظر الصينيه بيد رنيم: روحي روحي لضيوفك ذوقيهم عمايل يدينك ولاتضيعين وقت .. باااي وطلعت بسرعه قبل لا احد يشوفها غير رنيم وتتوهق من جد ..

رنيم حست انها بتنهار من القهر .. كل شي ضدها الحين ..توترها من ماجد وقربه لها ..ومشاعل وطلعتها اللي لو درى عنها ابوها بيقلب البيت ولودرت امها بتتعب زياده .. ايش تسوي .. خلااص زهقت !!

راحت للحديقه وهي تغلي من القهر

الحديقه ..

ماجد كان يضحك مع ام رنيم ويسولف بانسجام معها .. كان يحكي لها عن حياته باستراليا هو وبندر وايش المواقف اللي قبلتهم اول ماراحوا هناك ..

ولاحس على رنيم الا بعد ماحطت الصينيه بقوة على الطاوله لدرجة انو نص العصير انكب

ماجد فز من الحركه والتفت لها باستغراب

اما ام رنيم انصدمت من حركة بنتها ..اول مره تشوفها كذا حاميه مع انها معروفه بهدوءها

ماجد ابتسم واخذ العصير: اووه شكل زوجة المستقبل تبيني اطلع بسرعه من هنا

ام رنيم وهي تطالع بنتها: لا حشى يا ولدي لا تقول كذا .. احنا نبيك تطول بالقعده معنا ولا يارنيم ؟

رنيم وهي تقعد قالت بدون نفس: الا

ماجد ماحب يثقل عليها زياده ..حس انه وجوده مو مرحب فيه عند رنيم .. ماكمل العصير ..قام وباس راس ام رنيم

ماجد: اشوفك على خير خالتي ..

ام رنيم: ليش ياولدي اقعد توك ..ولا حتى كملت عصيرك

ماجد : مره ثانيه ان شاء الله .. عندي اشغال كثيره ..

التفت على رنيم : تامريني على شي ؟

رنيم بدون ماتطالعه : سلامتك

حزت حركتها بخاطر ماجد:طيب ..استأذن ..

ام رنيم: الله يحفظك ياولدي ..

مشى ماجد وام رنيم التفتت على بنتها

ام رنيم: وش فيك يارنيم ؟

رنيم:مافيني شي ..

ام رنيم: هذي طريقه تتعاملين فيها مع خطيبك ؟

رنيم:ماما انا الحين متوتره وهو جا فجأة .. كل شي طلع غصب علي

ام رنيم سكتت .. لانها عارفه انو ماهو طبع ببنتها ..

اما رنيم ..مسكت دفترها وفتحته تبي تكمل رسمتها ..

طاحت عينها على اللي مكتوب تحت ..

انصدددددددمت ..

فدووووووووك الناس

ياأجمل من رسم فيني

بلاد احساس

يافنانه..

ياصوتٍ لو سكت

فيني تنام وتصحى ألحانه

ياشعرٍ..ماأنكتب(لسّه)

..تنام الفتنه بـ أوزانه

ياصمتٍ لونطق صارت

أصابعنا مدى وأقواس

فدوووك الناس..!

والتوقيع تحت الكلام باسمه ..

يعني فتح الدفتر .. وشاف اللي فيه ..

اااه ياربي لااااا ..

انا الحين ابي اخفي حبي له يقوم يشوفه ..

التفتت على امها اللي كانت لاهيه بجوالها ..وسكرت الدفتر وحطته مكانه

خذت نفس عميييييق ورجعت تحكي مع امها ..لكن بالها كله مع ماجد

بيت ام عبدالله ..

خالد كان قاعد بغرفته يسمع اغاني ويفكر ..

دخلت عليه امه بعدما طقت عليه الباب اكثر من مره

ام عبدالله: خالد !!!

خالد قام من مكانه: سمي ..

ام عبدالله : وينك الله يهديك .. صار لي اطق الباب عليك من فتره

خالد قعد جمب امه : امري ..

ام عبدالله:مايامر عليك عدو .. قول لي حبيبي وش فيك ؟

خالد : وش فيني ؟

ام عبدالله : صار لك فتره منت على بعضك .. مدري وش فيك ..سرحان واحسك مهموم ..وكملت بمزح ..حتى طاري الزواج معد جبته ..

كنه ضربت على وتر حساس .. اي زواج واللي ابيها راحت مني

خالد: ابد شلت الفكره من بالي

ام عبدالله: وليش ؟

خالد : خلاص يمه الموضوع تقفل ولا ابي افتحه

ام عبدالله مسكت يده : حبيبي وش فيك ..مو بالعاده تخبي عن ماما .. انت صديقي من يومك صغير .. ايش صار الحين ماتبي تحاكيني ؟

خالد :.......

ام عبدالله : احكي حبيبي .,

خالد:............ ببساطه اللي ابيها راحت مني

ام عبدالله انصدمت

خالد: اي .. راحت مني .. ياما قلت لك يمه اخطبيها لي وبعدين نتزوج بس عييتي ..والحين راحت مني ..

ام عبدالله :..... من هي ؟

خالد : وحده بيوم ملكتها انا اختفيت عنكم اسبوع ..

ام عبدالله سكتت تفكر ..

خالد: والفتره الاخيره كل يوم اودي مها لها ..

ام عبدالله بدت تستوعب : لا تقول

خالد : الا .. ريما بنت خالي

ام عبدالله انصدمت بجد ..ماتوقعت ولدها يحب ريما

ام عبدالله : طيب ليش ما ....

قاطعها خالد : يمه لا تقولين لي ليش ماقلت من اول .. كلما جيت اقول لك منهي تعصبين وتنرفزين علي .. ماعطيتيني فرصه حتى

ام عبدالله :......

خالد :والحين خلاص راحت مني .. ولا عاد ابي وحده غيرها ... وانسوا تفتحون لي موضوع الزواج مره ثانيه ..

ام عبدالله خنقتها العبره ..

خالد نزل عينه ..مايبي امه تشوف دمعته

ام عبدالله حضنته .. حست انها فتحت عليه جروح

خالد بعد عن حضنها : انا بخير ..مافيني شي ..

ام عبدالله : سامحني ياولدي

خالد ابتسم بألم : انا قلت لكم من قبل .. لو راحت مني ريما ماني مسامح ولا احد ..لأانكم بكذا ضيعتوا عمري مني ..

ام عبدالله ماتحملت الكلام ولانبرة العتاب بكلام ولدها ..قامت من مكانها وهي تمسح دموعها

اول ماطلعت ام عبدالله من الغرفه خالد خلى دموعه تنزل براحتها .. تذكر يوم شافها وهي منهاره من حمد .. وتذكر يوم كلمها بالسياره لما وداهم المول ..ويوم تعورت بالمزرعه ووداها المستشفى .. تذكر كل المواقف اللي جمعتهم .. تذكر عيونها وكلامها وصوتها ..

كل هذا قاعد يخنقه ..

خالد: واللي خلق حبك بقلبي رح تصيرين لي .. لو اذبح حمد ..

اخذ مفاتيحه وطلع من غرفته اللي حاس انها رح تخنقه

نزل للصاله يبي يقول لهم انه بيطلع بس مالقى احد ..

شاف نور احد المجالس اللي بقسم الرجال مولعه استغرب ,,

راح له عشان يشوف من في ..طل براسه ما لقى احد

استغرب اكثر ودخل كله .. ماحس الا بشخص مسكر الباب من وراه

التفت خالد على الشخص .......

بيت ام عبدالرحمن ..

ام عبدالرحمن كانت قاعده بالصاله مع ام زياد ..

ام عبدالرحمن بدت تتضايق من وجود ام زياد اللي استمر لاسبوعين ..ولاتدري متى ناويه ترجع لجده ..بس طبعا مارح تقول لها لانهم اخوات وعشرة عمر ..

رن الجرس واستغربت ام عبدالرحمن من اللي جايهم الوقت هذا ..

ام عبدالرحمن : ان شاء الله خير .. من اللي جاي الحين ..

ام زياد :هذا زياد ولدي جاي يزورني

ام عبدالرحمن رفعت حاجبها: زياد !!

ام زياد : اي

ام عبدالرحمن : اييه .. الله يحييه .. بس ياليتك قايلة لي من قبل عشان نسوي شاهي وقهوة وكذا ونكلم احد من العيال يجي يقعد معاه

ام زياد:لا مايحتاج كلها ساعه بس وبيروح

ام عبدالرحمن راحت فتحت له الباب ودخلته للصاله عند امه ..بعد ما نبهت البنات انو احد ينزل لانه موجود

ام عبدالرحمن: حي الله زياد

زياد: الله يحييك يا خالتي

ام عبدالرحمن: اقعد مع الوالده على بال ما اروح اسوي لك شاهي وقهوه

زياد: لا تتعبين حالك ياخالتي مايحتاج ..

ام عبدالرحمن: لا تعب ولا حاجه .. تفضل

زياد:زاد فضلك .. راح وسلم على امه وقعد معها شوي ..وام عبدالرحمن راحت للمطبخ ..

زياد التفت لامه: وش اخبارك ؟

ام زياد:الحمدلله ياحبيبي بخير

زياد: ايوة وش اخر الاخبار ؟

ام زياد وهي تلتفت تشوف في احد يسمعها او لا : شكلهم رح يتصالحون من جديد

زياد بقهر واضح: لاتقولين

ام زياد: ايوة .. الايام هذي صار يجيها كثير وهي نفسيتها تحسنت مره .. شكلها رح ترجع له ..

زياد بعصبيه : الحين انا اسوي كل هذا عشان يفترقون عن بعض .. وارسل المسجات واشككه فيها وبالاخر يرجعون لبعض !!!

ام زياد : ياولدي انساها .. خليني ازوجك اختها ..وربي انها نسخه منها بكل شي

زياد: انا مابي الا اثير .. هي اللي قلبي حبها .. مو اختها البزر

ام زياد : البزر يكبر .. صدقني ياولدي اذا اخذت غدير رح تنسى اثير

زياد بعناد واصرار اكبر: وانا قلت مابي الا اثير .. قامت الدنيا او قعدت .. ورح اتزوجها طال الزمن او قصر .. والحيوان زوجها رح يطلقها يعني رح يطلقها ..

ام زياد بيأس: الله يناولك اللي ببالك ياولدي ..

زياد: الفتره الاخيره اتصلت عليها ولا كان في اي رد ..

ام زياد: ايوة غيرت رقم جوالها.. جاب مشعل لها شريحه جديده ..

زياد : ابي الرقم الجديد ..

ام زياد عطته اياه : انتبه على حالك ياولدي هذا ولد ال... والله لو عرف عنك انك ماتعيش يوم واحد

زياد: ماعندي اغلى من اثير ..ودامني خسرتها معد اهتم لحاجه خلاص ..

ام زياد: الله يهدي بالك ياولدي ..المهم انا ابي ارجع بيتي خلاص زهقت

زياد: منا راجعين الا واثير زوجتي .. وغير هالكلام ماعندي ..

وصار يسولف هو وامه شوي لين ماجت ام عبدالرحمن بالقهوه وصاروا يسولفون سوا ..

بيت ابوبندر ..

ريما كانت قاعده مع مها بالصاله .. نفسيتها الحين احسن .. والفضل بعد الله يرجع لمها وديما اللي مافارقوها ابدا

مها: اجل مشاعل البثره خلاص صارت خطيبة اخوكم

ريما: لا تذكريني ..والله ضايق صدري من هالشي وكل يوم ادعي ربي انه يعينه عليها

مها: انا اول كنت اقول من بياخذ ثقيلة الطينه هذي .. وطلعت بالنهايه من نصيب اخوكم

ريما: ومن سمعك .. الله يصبرنا ويصبره عليها بس

ديما كانت ساكته .. من فتره وهي ماهي على بعضها بس سرحانه وتفكر ومحد فيهم عارف السبب

مها: وش فيك ديما ؟

ديما: هاا ..ولا شي

مها:كيف ولا شي وانتي من فتره ابدا وضعك ماهو عاجبني

ديما: ولا حاجه

ريما: حبيبتي اذا فيك حاجه قولي لي انا اختك

ديما ابتسمت: لا تشيلين هم .. هي حاجه ببالي وحابه اتأكد منه ولو اكتشفت انها من جد صح وربي ما اسكت لاني ما ارضى بالظلم

مها: ايش الالغاز اللي تحكين فيها يابنتي

ديما ابتسمت: مع الايام رح اعرف واذا تأكدت ذيك الساعه قلت لكم ..

مها: طيب.. كلام مدهون بزبده ..يطلع عليه النهار يدوووووب

ديما: ههههههههههه على قولتك ..

جا سلطان وبيده لزقات كثيييييير وتوجه لريما وصار يفك من ذا اللزقات ويلزق بريما

ريما: هههههههههههه ايش فيك حبيبي ليش كذا ؟

سلطان: عثان انتي من اول تقولين انا تعبانه .. وماطبتي .. حطيت لك لزقه عشان تكونين طيبه

ريما: هههههههههههههههههههههههههههههههه حبيبي التعب اللي فيني مايوخره لزقات

سلطان مافهم ..ناظر فيها شوي ورجع يلزق عليها اللزقات

دخل ابو بندر ..

ابوبندر: هلا بالبنات الحلوين

الكل: هلا بك

ابوبندر: هههههههههههه سلطان وش قاعد تسوي ؟

ديما: قاعد يداوي ريما عشانها تقول انها تعبانه ههههههههههههههههه

ابوبندر راح له وحضنه بقوة: ان شاء الله اشوفك دكتور مثل اخوك

الكل: اميين يارب

ابوبندر: وين بدر وبندر؟

ريما: بندر للحين بالعياده ..وبدر نايم

ابوبندر: صحوه ورانا مشوار

ديما: ممكن اعرف وش وراكم ؟

ابوبندر: ...... اليوم بدر رح يملك على مشاعل

سكووووووت عم المكان

ديما بقهر :اليووووووووووووووم !!

ابوبندر: ايوة اليوم

ريما: بابا ليش مستعجلين .. وايش معنى اليوم ومحد فينا عنده خبر ..وفجأة وبهالطريقه ندري ؟!!!!

ابوبندر: اليوم نملك وبعد فتره نلبس الشبكه وبعدين الزواج ..

مافيها شي

ريما: والتحاليل ؟

ابوبندر: مخلصه من زمان .. بالواسطه كل شي يمشي

ريما: بابا متاكد امو مشاعل هي المناسبه لبدر ؟؟

ديما بعصبيه: تراها غيييييير والله غييييييييييير ..وبتتعب اخوي انا عارفه

ابوبندر استغرب من ردة فعل ديما بالذات: هي بنت عمكم .. وهي اللي بتسعد اخوكم انا متأكد ..

ديما: يا بابا مو الوقت المناسب صدقني !!

ابوبندر: وليش؟

ديما ماعرفت وش تقول لابوها: لانك ماتعرفها زين ..ماتعرف مشاعل ..

ماتنفع لاخوي ابدا ..

ابوبندر: انا ادرى بمصلحة بدر ياديما

ديما انقهرت مررررره وقامت لغرفتها ..

الكل انصدم من ردة فعلها وبالذات ريما ومها..هما عارفين انها ماتبلع مشاعل وكلهم مايطيقونها اصلا .. بس مايدرون وش السبب اللي مخلي ديما حاميه عليها كذا مرررره ..

ابوبندر: وش جاها اختك ؟

ريما تهز كتوفها يعني مدري ..

الكل سكت لفتره وبدون تعليق

مها حبت تلطف الجو: الله يوفقه يارب

ريما بدون نفس: امييين

غرفة ديما ..

ديما كانت تغلي من القهرررر .. زواج مشاعل من بدر هو اكبر غلطه ..والمفروض ما يتم ..بابا قاعد يدفن حياة بدر بالحياه .. مشاعل ماتناسبه

رمت حالها على الكنبه بقهر ورفعت شعرها على فوق وصارت تفكر بحل تطلع اخوها فيه من هالمصيبه اللي بتحل عليه لو ارتبط ببنت عمهم

مشاعــــــــــــــــــــــــــــــــل

توقعاتكم ..

من اللي كان بالمجلس ببيت خالد ؟

شذى واحمد وش النهايه ؟

بتتم ملكة بدر ومشاعل ولا لا ؟

زياد وبعدما طلع هو اللي يشكك مشعل بأثير ..ايش ناوي عليه بالفتره الجايه ؟

البارت الجاي كللله احداث ..اتمنى تعجبكم وما تحرموني من توقعاتكم

واسفه من جد على التأخير ..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا احلل مسح اسمي من على الرواية ..

تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

البارت التاسع والعشرين

بيت ام عبدالله ..

كل هذا قاعد يخنقه ..

خالد: واللي خلق حبك بقلبي رح تصيرين لي .. لو اذبح حمد ..

اخذ مفاتيحه وطلع من غرفته اللي حاس انها رح تخنقه

نزل للصاله يبي يقول لهم انه بيطلع بس مالقى احد ..

شاف نور احد المجالس اللي بقسم الرجال مولعه استغرب ,,

راح له عشان يشوف من في ..طل براسه ما لقى احد

استغرب اكثر ودخل كله .. ماحس الا بشخص مسكر الباب من وراه

التفت خالد على الشخص .......

انصدم من اللي شافه ..

......:كنت شايله هم كيف اطلع لك او اقدر اشوفك ..ماتوقعت انو شوفتك بتكون بالسهوله هذي

خالد: انتي كيف ...

مشاعل تقاطعه : كذا الشخص يرحب بجية بنت خاله لعندهم؟

خالد عصب من وقاحتها: انتي وش جايبك هنا ؟ ماتدرين انو مها طالعه ؟

مشاعل: ومن قال لك اني جايه عشان مها ..

خالد فهم من كلامها انها جايه عشانه ..عطاها ظهره وخلاها تحكي

مشاعل: انت عارف انت وش بالنسبه لي؟

خالد انصدم من جرأتها: انتي جرى لعقلك شي؟؟؟ انتي خطيبة ولد خالي واخوي ..كيف تحكين كذا

مشاعل راحت قدامها عشان يطالعها: وان كاان؟ انت الوحيد اللي انا افكر فيه وابيه .. لا بدر ولا عشر غيره يملا قلبي مكانك

خالد توتر من كلامها: اسمعيني يابنت الناس .. الكلام اللي انتي تقولينه عيب ومايصير ..

مشاعل: عيب اني احبك ؟؟؟ وش العيب بالحب ؟

خالد: الحب مو عيب .. العيب انك تطلعين قدامي بهالملابس وبدون غطا وانتي مخطوبه لولد خالي واخوي وتقولين لي انك تحبيني

مشاعل: وانا قلت لك انو ما اهتم لولد خالك هذا .. انا اهتم لك انت ..ابيك انت مو هو

خالد كان يبي يطلع من المجلس لكن سبقته للباب وسكرته بقوه

مشاعل: خالد طالعني ..طالعني وانت بتغير رايك

خالد عصب وخصوصا انها صارت تقرب منه زياده: وخري عني ولا تجبريني اسوي شي انا ما ارضاه

مشاعل: سوي .. انت سوي كل اللي نفسك فيه والله ما اقول لك ولاشي

خالد: بعدي عني يا مشاعل .. اقول لك بعدي ..وغطي نفسك بشي ماتستحين تطلعين بهاللبس

مشاعل: مايهمني ..اي شي بيلفت نظرك فيني رح اسويه ..

خالد تنرفز: ما اقول الا يا حسافة تربية خالي فيك.. للاسف ماتربيتي .. وياليتك طالعه بربع اخلاق اختك ..كان عالاقل تشفع لك

مشاعل عصبت: انا ماني زي احد ..ولا اسمح لاي احد يقارنني برنيم المنافقه .. انا شي وهي شي ثاني

خالد: من جد .. انتي شي وهي شييييييييي ثااااااااااااااااااااني ..وبعدين اسمعي يابنت الناس ..انا قلبي ماهو لي .. ولا رح يكون لك

مشاعل سكتت شوي تبي تستوعب: مافهمت

خالد: مافي غير معنى واحد لهالكلمه

مشاعل: يعني .. يعني انت تحب؟

خالد : اي احب .. وانتي احترمي حالك والرجال اللي بتصيرين زوجته واطلعي من هنا ..

مشاعل : تطردني ؟

خالد: اي اطردك .. وامنيتي اني اقول لبدر على حقيقتك ..لكن ان شاء الله لي اجر الستر عليك ..سحبها من يدها ودفها عن الطريق وطلع

مشاعل وقفت محلها مصدومه ..

اول حاجه خالد يجحدها وبكل مافيها

ثاني شي طلع يحب

صدمه ورا الثانيه .. يحب ميييييييييييييين !!!!

الحقير النذل .. يجحدني اناااا ؟!!!

لبست عبياتها وطلعت من الفيلا باسرع ما عندها .. لازم تفكر بحل عشان خالد يصير لها

بيت ابورنيم ..

رنيم كانت قاعده بغرفتها ..جا ابوها وطق عليها الباب

رنيم فتحت الباب : هلا بابا

ابورنيم: هلا بك حبيبتي .. رنيم قولي لاختك تجهز

رنيم: تجهز ؟

ابورنيم: اي .. شوي وبيجي عمك ابوبندر ومعه بدر وبيملك على مشاعل

رنيم انصدمت: الحيييييييييييين !!

ابورنيم: اي الحين

رنيم بعتاب: كذا بابا ما تقول لي وانا اختها .. لا جهزنا ولا شي

ابورنيم: اصلا مشاعل نفسها ماتدري ..وادعي ربك ماتسوي مشاكل ولا وربي لا اكسر راسها تكسير

رنيم ماتت من الرعب يوم ذكرت انو مشاعل طالعه ..بلعت ريقها بخوف وهي تناظر بابوها

ابورنيم: وش فيك؟

رنيم بارتباك : ولا شي

ابورنيم: منتي رايحه تقولين لاختك ؟

رنيم سكرت بابا غرفتها : الا الا الحين بروح اقول لها .. انت روح وارتاح وان شاء الله مالك الا اللي يسرك ويرضيك

ابورنيم: اذا سوت شي من هنا او من هنا ناديني

رنيم: لا ان شاء الله مارح تسوي شي .. انا بحاكيها واتفاهم معاها وكل شي .. عن اذنك ..

ابورنيم: اذنك معك ..

رنيم تدعي ربها انو مشاعل تكون رجعت بس هي ماحست عليها .. مابقى شي ويجي عمها وولد عمها .. هذا غير ردة فعل ابوها وامها

لودروا انها طلعت من البيت وبدون اذن وخصوصاا وهي محبوسه .. صارت تذكر ربها بتكرار وهي متوجهه لجناح اختها ..

طقت الباب مره واثنين وعشر ..ولا في رد ..

قررت تدخل غرفتها وتسكر عليها جوه على اساس انها معها وتدق عليها ..

بس نست جوالها بغرفتها .. افففففففف

مسكت تلفون البيت ودقت على جوالها مره واثنين وعشره .. لين جاها الرد

مشاعل وهي تبكي: خيييييييييير

رنيم: مشاعل وينك ؟

مشاعل:بجهنم .. وش تبين

رنيم استوعبت صوتها: مشاعل وش فيك ؟

مشاعل من بين دموعها : وش تبين مني انتي داقه علي تقولين لي وش فيك ؟

رنيم خافت بجد لانو مشاعل مهما صار لها ماتبكي ودامها الحين تبكي اكيد صاير معاها شي كبير مره : مشاعل بابا يسأل عنك

مشاعل وهي تحاول تهدا: وش قلتي له ؟

رنيم: ما سأل عنك ثاني يحسبك بالغرفه ..ارجعي بسرعه الله يخليك ..

مشاعل: ماقال لك وش يبي ذا العله؟

رنيم: اولا ما قال لي .. ثانيا عيب عليك تقولين كذا عن ابوك ..

مشاعل : ماني فاضية لك الحين ..دقايق وانا بالبيت ..وقفلت

رنيم وهي تناظر السماعه : افففففففف منها ذي بتموتني ناقصه عمر ..وقفلت

راحت تدور بغرفة ملابس اختها على لبس مناسب عشان اكيد بدر بيشوفها .. ولازم تكون جاهزه

بيت ابومشعل

مشعل كان قاعد بالصاله مع اخواته ..يتفرجون على التلفزيون ..

الهنوف:دلال ناوليني الفشار

دلال:............

الهنوف:دلااااااااال وصقه .. ماتسمعين ؟

دلال التفتت عليها: هااااا وش تبين؟

الهنوف: كم مره اقول لك ابي الفشار؟

دلال:طيب ماسمعتك .. ماتشوفيني منسجمه ؟

الهنوف تسحب الصحن منها : مو شكرا

دلال تمد لسانها لاختها

مشعل ضحك عليهم ..كنهم اطفال ..ورجع لجواله يراسل اثير

مشعل

طيب ويعني بتداومين بكره ؟

اثير

افكر للحين محتاره .. احس اني مكسله ومالي خلق وماعندي شي مهم

مشعل

اثير وش رايك تعتذرين الترم هذا ونروح انا وانتي شهرعسل ثاني ؟

اثير

لاااااا منا رايحين ولا مكان ولاني معتذره

مشعل

ليش طيب

اثير

عشان مو وقته الحين حبيبي لاحقين

مشعل

طيب ..الله يعينني عليك بس

اثير

ههههههههههههه ويعينننننننننني يارب ..حبيبي شوي واحاكيك ماما تبيني اساعدها شوي

مشعل

ياربييي ما الحق اقعد معك شوي الا واحد يجي ياخذك مني

اثير

معليش بس شويات مرره مشغوله الحين بس اخلص احاكيك

مشعل

مايتأجل شغلك يعني ؟

اثير

نو مايتأجل

مشعل

طيب بس لا تتعبين حالك

اثير

ان شاء الللللللللللللللله .. يللا حبيبي باي

مشعل

باي ياعمري

نزلت اثير لمامتها ..

اثير: سمي ماما بغيتي شي ؟

ام اثير: اي حبيبتي .. نعالي معي بنحضر العشا الوقت تأخر

اثير: انشالله من عيوني ..وصارت تساعد امها بتقطيع السلطه

رن الجرس .. وراحت غدير تفتح الباب

غدير: مييين ؟

زياد:انا زياد

غدير كشرت وكشت عالباب مالت عليك وعلى امك: وش تبي ؟

زياد: ابي الوالده ..

يتبع ,,,

👇👇👇