رواية علميهم ليه احبك حب ما حبه بشر -46
نزلت اثير لمامتها ..
اثير: سمي ماما بغيتي شي ؟
ام اثير: اي حبيبتي .. نعالي معي بنحضر العشا الوقت تأخر
اثير: انشالله من عيوني ..وصارت تساعد امها بتقطيع السلطه
رن الجرس .. وراحت غدير تفتح الباب
غدير: مييين ؟
زياد:انا زياد
غدير كشرت وكشت عالباب مالت عليك وعلى امك: وش تبي ؟
زياد: ابي الوالده ..
غدير فتحت الباب: انتظر شوي بالحوش ولا تدخل الا لما اقول لك ..
زياد : طيب ..
فتحت الباب وراحت ركض عند باب المدخل : ادخللللللللللللل
ودخلت على جوة على طول..
ام زياد كانت بالصاله قاعده تتفرج على التلفزيون
غدير بدون نفس : زياد بره
ام زياد: وليش مادخلتيه "؟
غدير: ادخله وين ؟؟ هنا بالصاله ؟
ام زياد :اي مافيها شي ..
غدير ناظرتها بنص عين:بس احنا قاعدين نحضر العشا .. وين بنتعشى؟
ام زياد : هي دقايق وبيروح
غدير تأففت بينها وبين نفسها ودخلت المطبخ تنبه امها
غدير: ماما ترى زياد ولد ام زياد موجود الله لا يحييه
ام عبدالرحمن وهي تقلب الاكل بالقدر : طيب طيب
غدير :والله اني عارفه انك ماسمعتيني ..
غدير: يمه وين اثير؟
ام عبدالرحمن : بالمخزن تجيب مناديل للمطبخ
غدير : دامها بالمخزن يعني مارح تطلع منه الحين ..
وراحت لغرفتها
بالصاله
ام زياد: وش عندك ؟
زياد: ولا شي جاي اسلم عليك
ام زياد: تسلم علي ولا تتطمن على الحبايب؟
زياد: دامك عارفه ليش تسأليني يعني ..
ام زياد: قلت اتأكد يمكن امكن هفت على بالك وجيت تشوفها ..
زياد ابتسم وباس يدها: انتي الخير والبركه ..
ام زياد: طيب اسمع ابيك تروح الحين
زياد: وليش ؟
ام زياد: بس عشان الحين بيحطون العشا وانا قلت لهم ثواني وبيروح
زياد: افاااا يعني طرده ؟
ام زياد: ايوة طرده
زياد: وانتو بعد احد يتعشى الساعه 8 بالليل ؟
ام زياد : احنا ..
رفع عينه وتنح فجأة
اثير كانت داخله من الباب اللي ورى ومعطيه الصاله ظهرها يعني ماهي شايفه اللي قاعدين على الكنب ..وقفت عند الدرج تنادي
اثير: غدييييييييييييييييييييييييير .. ياغديييييييييير انزلي ساعديني ياعديمة الاحساس انتي ..
وبما انو البيت ماهو كبير ..الصوت يوصل لغرفة غدير ..
طلت من عند الدرج: وش تبينن ؟
اثير: ابي سموها الكريم تساعدني شوي ..
غدير: عندي مذاكره
اثير: وانا ماعندي يعني ؟ يللا اشوف انزلي
غدير : اقووول انتبهي ترى زياد موجود بالبيت ..
اثير: بمجلس الرجال ؟
غدير: لا بالصاله .. بس دامك واقفه هنا اكيد انه راح ولا ؟
اثير ضحكت : اي صاله يا فاهيه .. انا بالصاله .. فجأة صنمت والتفتت وراها وشافته .. يناظرها بعيون مشتاقه ..
اثير من الروعه صارت تطلع الدرج بسرعه
غدير: وش فيك يابنت انهبلتي ؟
اثير تركض ولا هي راده عليها ..وطاحت بقوة على رجلها وقعدت
اثير: ايييييي
زياد حس قلبه اللي طاح مو هي ..راح لها بسرعه
اثير عيونها دمعت .. رجلها تألمها مره بس مو كثر الفشيله انها طاحت قدامه
قرب زياد بسرعه : اثير .. صار لك شي .. تعورتي
اثير تغطي وجهها بيدها وتبكي: لو سمحت وخر عني ..
زياد خايف عليها .. ماهوة عارف وش يسوي
نزلت غدير بسرعه وقعدت جمب اختها : وش فيك وش يألمك ؟
اثير: ولا شي .. قومي جيبي لي جلال ولا حاجه
غدير رفعت عينها لزياد: خيييييييييييير عمي .. ممكن توخر ولا نسيت نفسك
زياد:ابي اتطمن عليها ..
غدير: مافيها شي .. روح يللا من هنا وخر خليني اعرف اتصرف ..
زياد انقهر من اسلوبها
غدير رفعت عينها ثاني: انت ماتفهم ؟؟ يا امه لوسمحتي فهميه خليه يبعد عن هنا ..
ام زياد: ياولدي ابعد عنهم خليهم بحالهم ..انت روح توكل على الله ..
زياد مارد عليهم .. فرصة وجته لعنده .. حبيبة قلبه قدام عيونه بس مو بالحال اللي يبي يشوفها فيها .. تبكي وتتألم
غدير عصبت: انت يا مخ .. انقلع ممكن ؟
زياد ناظر غدير ومشى بدون مايحكي ولا كلمه ..
غدير شمقت وقالت بصوت واطي .. بلا فشكلك ياثقل دمك انت وامك ..
غدير: اثير حبيبي من وين يالمك؟
اثير : ولا شي خلاص اقدر امشي ..
غدير : كذابه ..
اثير وقفت حاولت تدوس عليها بس ماكان بالساهل ..
غدير: قلت لك انا ..وراحت للمطبخ تقول لامها
ام زياد من بعيد: سلامتك
بالسياره
كان زياد يحمد ربه ويشكره الف مره عشان قدر يشوف اثير .. الابتسامه مافارقته ابد .. يتخيلها قدامه وهي تبكي ودموعها ماليه عيونها .. لمسة يدها .. حتى مكابرتها للألم ..
كله يشوفه قدامه الحين .. مسك جواله وارسل مسج وابتسامته صارت ابتسامة خبث ..
بيت ابوبندر
ابوبندر كلم بدر يسأله وينه وانه تأخر.. قال له بدر انه جاي بالطريق
ابوبندر راح يشوف بناته .. طلع لقاهم بالصاله يتفرجون على التلفزيون
ابوبندر: بنات .. انا وبدر وبندر بنروح الحين ...
ريما تنهدت: بابا مصر على مشاعل يعني ؟
ابوبندر: اي مصر ..
ديما سكتت ودها تحكي بس سكتت ..
ابوبندر: تبون شي ؟
البنات : سلامتك ..
ابوبندر: مع السلامه .. راح لغرفة ام بندر
طق الباب ..
ام بندر: ادخل
دخل ابوبندر: اسمعي .. انا وبدر الحين رايحين عشان يملك على مشاعل
ام بندر وقفت : وشووو ؟
ابوبندر: وش فيك ؟
ابوبندر :كيف ولدي يملك وانا مدري .. وبأي حق؟
ابوبندر: بأي حق ؟؟ اقول انا جيت اعطيك خبر مو اشاورك ..وانا رايح الحين
ام بندر تنرفزت: لهنا وبس يا سلمان .. كل شي ارضى فيه الا انك تزوج ولدي وبدون شوري
ابوبندر: انا خليت الامور تمشي بمزاجك المره الماضيه وشوفي وش صار .. زوجتي بنتي لواحد داشر مايخاف من الله ..والحين متوهقين معه ولاهو راضي يطلقها ..
ام بندر: حطها علي الحين .. انو انا اللي ما اعرف ادبر ولا لي لزمه
ابوبندر: هذا الواقع ..
ام بندر بصراخ: اكررررررهك
ابوبندر التفت وعطاها نظره وطلع من غرفتها
ام بندر مسكت جوالها تبي تدق على مشاعل .. دقت اكثر من مره بس ماردت عليها .. رمت الجوال من القهر
بيت ابورنيم
مشاعل نزلت من السياره وراحت على غرفتها بسرعه تبي تغسل وجهها قبل لا احد يشوفها بهذا المنظر ..
سمعت رنين جوالها : اوووووه منها ذي عجوز خيبر وش تبي فيني ..ماني راده
رنيم: مشاعل
مشاعل نقزت: بسم الله الرحمن الرحيم .. متى دخلتي ؟
رنيم: يومني اكلمك ابيك ترجعين انا كنت هنا
مشاعل ترفع حاجبها: وش تبين ؟
رنيم: امممم ابوي يقول ..
مشاعل : ايوووة ..
رنيم: ابوي يقول انو عمي
مشاعل بنفاذ صبر: احكي واخلصي علي
رنيم: ابوي يقول انو الحين عمي وبدر رح يجون و .. ويملك بدر عليك
طارت عيون مشاعل بالصدمه : وش قلتي عمتي ؟
رنيم: اي
مشاعل: ومن قال لكم اني موافقه ؟ على كيفك انتي وابوك انا ؟
رنيم: قلت لك يا مشاعل احكي بأدب لوسمحتي
مشاعل: اي ادب اللي تبيني احكي فيه .. انا ماح اتزوج هالبدر لو ايش
دخل ابورنيم: لا بتتزوجينه غصب عليك .. وانا كلمتي ماتصير ثنتين !!
مشاعل": مو بكيفك تزوجني .. وتوك تقول لي قبل الملكه بدقايق .. خير ان شاء الله وين عايشين احنا ؟
ابورنيم: مشاعل مابي اكثر كلام معك .. عمك والمملك على وشك يوصلون .. رح يتم الموضوع بسلام
مشاعل: ما تفرض رايك علي ..
ابورنيم قرب منها وعطاها كف : انتي الظاهر للحين ماتعرفين تحاكين ابوك .. قسم بالله يامشاعل لو ماتنضبطين لا يصير لك شي ماقد شفتيه ..سامعه ولا لا ؟
مشاعل سكتت وهي تناظر بابوها بحقد الدنيا ..وهو طالع من الغرفه
رنيم سكتت وبلعت قهرها على اختها ..لانها تستاهل وهي كانت بتفضحهم لولا ستر الله عليها ..
طلعت من الغرفه وخلت اختها تلبس ..
بعد ساعه
بالمجلس ...
ياحي اللللله ابوبندر
ابوبندر: الله يحييك ويبقيك
ابورنيم: شلونك بدر ؟
بدر:الله يسلمك ياعمي انا بخير
بندر:وانا ياعمي وراك جاحدني ؟ تهلي وترحب بأبوي وتسأل عن احوال اخوي وانا هنا كني رجل كرسي ..
ابورنيم: هههههههههه محشوم ياولدي .. وش اخبارك واخبار العياده؟
بندر: الحمدلله انا بخير والعياده ماشي شغلها تمام التمام ..
ابورنيم: الحمدلله يارب ..
ابوبندر: ها يبو رنيم .. نبدا ؟
ابورنيم يهز راسه : على بركة الله ..
بيت ابومشعل ..
دلال: اااااااه يازين ذا الفلم ..
الهنوف : وش يازينه .. الا اسمج فلم شفته بحياتي ..
دلال: انتي اصلا ماعند حس رومانسيه ..
الهنوف: خليت الرومانسيه لك انتي وبنت عمك ليان .. ياحبكم لذا الخرابيط بس .. انا مودي افلام اكشن .. شي في تصميخ ..مو هذا حبني وحبيته ..وع عساهم الحبه ان شاء الله ..ولا وش رايك يا مشعل ؟
مشعل منسدح: عادي
دلال: وش عادي ؟
مشعل: ماكنت مع الفلم اصلا
الهنوف: وين كنت فيه ياحظي ؟
دلال: وين بيكون يعني اكيد مع حبيبة القلب
الهنوف: انا بفهم بس دامها كذا على بالك ورا ماتجيبها وتريحنا وتريح حالك ؟
مشعل: كل شي بوقته حلو ..
الهنوف: طيب .. بنشوف متى الوقت ..
مشعل حس بهزه بجواله .. طلعه من جيبه ..لقاه مسج
زادت دقات قلبه يوم شاف الرقم المرسل ..
قضيت مع زوجتك احلى وقت .. بجد انو مامنها اثنين بالدنيا ..ياحلوها وياحلو وقتي بقربها .. الاخضر عليها يجنننن بس للاسف الاوقات الحلوة تنتهي بسرعه .. طاحت وتعورت ياعمري عليها ..انصحك تروح تتطمن عليها بدال منت حاقرها كذا .. او طلقها وخلها لغيرك ترى مليون من يتمناها ..
مشعل الدنيا اسودت بعيونه وماصار يشوف شي من العصبيه .. دق على اثير 3 مرات ولا ردت عليه .. شد على حاله وتوجه لبيتها .. ويتمنى الللي انقال بالرساله يكون غلط بغلط ..
الهنوف: مشعل .. مشعلللللللللللل
مارد عليها وراح
الهنوف: وش فيه اخوك ؟
دلال: علمي علمك ..
بعد دقايق
ام مشعل جت : دلال
دلال: سمي
ام مشعل: في ضيفه جت لك
دلال استغربت :وش ضيفته ؟
تهاني : انا ..
دلال انصدمت: تهاني
تهاني شمقت بوجهها : اي تهاني .. ولا ماودك تشوفيني بعد ؟
الهنوف رفعت حاجبها.. هذي وش عندها تكلم دلال كذا ؟
ام مشعل: وش دعوه يا تهاني .. الا اكيد تبي تشوفك وتفاجأت بأحلى مفاجأة ..ولا يا دلال؟
دلال: اكيد ..قامت سلمت عليها هي والهنوف ..
تهاني قعدت
دلال: وش هالمفاجأة الحلوة يا تهاني
تهاني بدون نفس: لا تفرحين مره .. انا ماجيت عشان سواد عيونك .. انا جايه لخاطر اخوي اللي طلب اني اكون قريبه منك لا اكثر ولا اقل .. جايه بزعمي صديقة لك ولا انا اصلا مايشرفني
دلال ماانصدمت من وقاحتها ابدا ..
بس الهنوف الا : انتي خيييييييييييير ان شاء الله ..جايه بيتنا وتظولين لسانك بعد
تهاني طالعت الهنوف من فوق لتحت: مابقى الا البزران يحكون بعد
الهنوف طارت عيونها: بزره بعينك احترمي حالك والزمي حدودك فاهمه ؟ وبعدين على ايش شايفه نفسك انتي ومصدقه حالك ؟
تهاني طالعت الهنوف ولا ردت عليها
الهنوف : شوف بنت الذين
دلال: الهنوف خلاص ..احترميها
الهنوف: قولي لها تحترم حالها بالاول
دلال: قلت لك خلاص يالهنوف .. اذا مو عاجبك الوضع ادخلي غرفتك ..
الهنوف رمت حالها على الكنبه بعفاشه : لا ماني داخله مكان .. بقعد هنا اخاف اجي شوي الاقيها بالعتك بكبرك امنا الغوله ذي
تهاني طالعت الهنوف بطرف عينها وصدت ..
دلال مسحت على راسها بقلق .. ودها ترد عليها بس ماتقدر عيب لانها ضيفه ببيتهم .. شكلي بتعب معك كثيير يا تهاني القرف انتي
بيت ابورنيم
تمت الملكه زي مايبون ابوبندر وابورنيم ..
وانحكم على بدر انه يكون زوج للشيطان مشاعل ..
هو خايف من هالخطوة بس خلاص معد ينفع الخوف ولا الندم الحين
ابورنيم: عالبركه يابدر ..
بدر وهو يحس انه ميت: الله يبارك فيك
ابوبندر: بعد اذنك يابو رنيم نادي مشاعل نبارك لها ومنها يشوفها بدر دامها ماشافها نظرة شرعيه
بدر بسرعه : لا ياعمي مايحتاج .. اكيد انها متوتره الحين وقلقانه ولا ابي اضغط عليها .. اشوفها بعدين ان شاء الله
ابورنيم ابتسم: بارك الله فيك ياولدي ..
ابوبندر: اللي يريحك وانا ابوك
ابورنيم: عقبالك يابندر
بندر ابتسم: ان شاء الله ..
بيت ام عبدالرحمن
بغرفة اثير ..
سالم : يا اثير الله يهديك قومي اوديك المستشفى شوفي كيف تتألمين
اثير:قلت لك مابي اروح .. خلاص شوي واطيب خلوني بحالي بس
سالم عصب: انتي ليش عنيده ؟
ام عبدالرحمن: خليها ياولدي شوي بس ونرجع لها .. اذا ماتحسنت ذيك الساعه بتروح غصب عليها
سالم: يمه الله يهديك لا يكون فيه كسر
ام عبدالرحمن: ان شاء الله لا .. شويات ان ما تحسنت وديناها المستشفى ..
سالم تنهد : اللي تشوفينه يمه ..
ام عبدالرحمن: يلاا خلونا نخليها شوي وبعدين نرجع لها ..تبين شي حبيبتي ؟
اثيير : لا شكرا
ام عبدالرحمن: انا بجيب لك اكلك لهنا
اثير: شكرا ماما ماني مشتهيه اكل ولا شي الحين .. بس ابي ارتاح
ام عبدالرحمن: طيب حبيبتي على راحتك
اثير تحاول تقاوم الالم وتتفحص رجلها ..
خذت حبة مسكن وانسدحت .. طرى على بالها مشعل تبي تكلمه .. بس تذكرت انو الجوال حقها بالمطبخ .. يللا مو مشكله لما تجيني ماما ولا غدير بقول لهم يبجيبون لي اياه ..
غمضت عيونها .. وصارت تتخيله قدامها ..
اشتاقت له ..
وصارت تفكر لما يجيها وتقول له انها بترجع معاه البيت كيف بيكون رد فعله .. وش قد بتكون فرحته ..
بدت تنسى الالم مع ذكراه
سمعت صوت طق عالباب
اثير: ادخلللل ..
دخل مشعل عليها وهي عيونها تعلقت فيه .. كان شكله يجنن او عشانها ما شافته من يومين .. تحس انها ولهانه عليه
اثير: هلاا واللللله ..
مشعل يناظرها بنظرات هو وحده عارف معناها ..
اثير: تو مانورت غرفتي .. سامحني حبيبي بس مقدر اقوم لك
مشعل ناظر رجلها: رجلك صح ؟
اثير ابتسمت بألم: صح .. اكيد غدير قالت لك ..
ناظر لبسها .. وفعلا كانت لابسه اخضر
مشعل : وين كنتي ؟
اثير مافهمت: وين كنت ؟
مشعل: يوم طحتي ..وين كنتي ومع مين ؟
اثير بهتت ابتسامتها : طحت على درج بيتنا وكنت مع غدير ..
مشعل باستهزاء: غدير ؟ يعني ماطلعتي من البيت ؟
اثير: لا ماطلعت من البيت .. مشعل وش فيك ؟ وش طاري هالاسئله ؟
مشعل سكت وهو يناظرها نظرات .. ندمان انه فكر يعطيها فرصه ثانيه
مشعل : ماكان معك احد غريب ؟
اثير ماهي فاهمه شي: احد غريب مين يعني ؟
مشعل عصب: اثير تكلمي ولاتتعبين قلبي ..
اثير: كانت معي غدير اختي و..
مشعل : ايوة .. و مين ؟
اثير: زياد
مشعل ابتسم: حلو حلووو .. زياد اجل ..
اثير سكتت مصدومه .. تحاول تستوعب كلام مشعل ونظرته
اثير: اي زياد
مشعل : اثير .. انا تعبت معك كثير.. حبيتك حب وانتي ما تستاهلينه .. عطيتك قلبي ولا عرفتي قيمته .. لحد هنا وبس .. تقعدين مع غيري وتحاكينه وبينك وبينه سوالف ما ارضاها ..
اثير انصدمت: انت وش قاعد تقول ؟؟؟؟
مشعل : اثير .. مابي اقول لك حاجه اندم عليها بعدين.. بس قراري للحين انو مالك بقلبي محل ..
مشى للباب
اثير : مشعل .. مشعل لا تخليني وين رايح ؟ انا محتاجتك استنى
مشعل يحااول يقاوم بكاها وشاد على يده بقوة
اثير: مشعل انتظر .. لاتروح افهم السالفه بالاول وبعدين احكم
مشعل بعصبيه: وش اسمععععع ؟ رجال غريب يوصفك لي بالتفصيل .. وتقولين لي اسمع وبعدين احكم ؟؟؟ من تزوجنا وانا حالي حاله .. ما ارتحت ولا يوم .. خصوصا من بديت احبك ..
خليني اروح الحين قبل لا اتهووور
اثير تبكي: طيب انت اسمع وش السالفه وانا اقول لك ..
مشعل: قلت لكككككككككككك مابي اسمممممممممع
اثير: لا تخليني يامشعل وربي مظلومه .. كنت ابي اقول لك اني برجع معاك ..لا تخليني ..
مشعل ابتسم بألم : مالك مكان لا بقلبي ولاببيتي .. طلع وسكر الباب
وترك اثير تبكي قهر
توقعاتكم الحلوة ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت الثلاثين
بيت ابوبندر
ابوبندر وعياله رجعوا من بيت ابورنيم بعدما تمت الملكه ..وكانت ديما قاعده بأحد الصالات تتفرج على التلفزيون ..
السلام عليكم
ديما: هلا وعليكم السلام ..
ابوبندر: حبيبتي ليش صاحيه للحين ماعندك بكره مدرسه ؟
ديما: الا بس مو جايني نوم .. قلت اغير جو واقعد بالصاله..
بندر قعد جمبها ونكش شعرها:ها تعشيتي ؟
ديما وهي تزين شعرها: هييي نكشتني .. لا ما اتعشى انا ..
ديما: اجل يلاا قدامي عالنوم
ديما: شويات مو الحين .. التفتت على بدر ..بدر شلونك ؟
بدر بهدوء: بخير
ديما مو من قلبها: مبروك
بدر ابتسم لها ابتسامه بارده بدون مايرد
ابوبندر: اختك نامت ؟
ديما: اي بابا تعشت مع سلطان وراحت تنام تقول مصدعه
ابوبندر:زين .. انا بالمكتب اخلص باقي اشغالي
الكل: طيب
بندر: وانا بروح انوووووووووووم يافيني تعب الدنيا ومافيها
ديما: وليش ان شاء الله ..اللي يسمعك يقول انك شايل العياده على راسك لحالك
بندر ضحك من قلب: ههههههههههههههههههههه كنك دارية بي .. يللا تصبحون على خير
ديما وبدر: وانت من اهله ..
بدر رمى حاله على الكنبه وتنهد بتعب
ديما ناظرت اخوها: وش فيك ؟
بدر وهو مغمض عيونه: مافيني شي
ديما:.............. شفت مشاعل ؟ وش رايك فيها ؟
بدر : ما شفتها ..
ديما استغربت: وليش؟
بدر: ماهو الوقت المناسب اللي اشوفها فيه ..
ديما بسرعه: بدر انت مقتنع بالملكه هذي اصلا ؟
بدر فتح عينه وهو على وضعيته: ليش السؤال ؟
ديما: امممم مدري .. بصراحه انصدمت يوم ابوي قال لي انك خطبت مشاعل بنت عمي ..
بدر : وليش طيب ؟ ليش تكرهونها ؟
ديما: احنا مانكرهها .. بس نكره تصرفاتها
بدر باهتمام : ليش .. احكي لي عنها
ديما ابتسمت باستهزاء: صدقني بدور ما اتوقع رح يعجبك اللي بتسمعه مني .. وخصوصا اني مابي اظلمها
بدر عقد حواجبه: تظلمينها بوشو ؟
ديما وقفت: حاجه لا اتأكد منها ذيك الساعه حكينا .. قربت من اخوها وباسته على خده .. تصبح على خير
بدر: دقيقه ديما.. وش ذا الاغاز اللي تحكين فيها ؟
ديما: خلاص بدر بعدين ان شاء الله .. تصبح على الف خير
بدر بتردد ماوده تروح قبل لا تقول له اللي عندها : وانتي من اهله ..
وش اللي تعرفه عنك ديما يا مشاعل ولا تبي تقول لي اياه لانها خايفه تظلمك .. من يومنا صغار وانا ماني متقبلك والحين بتصيرين زوجتي
الله يعيني على ما ابتلاني بس .. اساسا مشاعل ولا غيرها ماهي فارقه معي ..دام قلبي مع شذى من المستحيل انه يدق لغيرها
بيت احمد
شذى كانت نايمه على عكس ماوصاها احمد .. رجع من سهرته وشافها نايمه بغى ينهبل ..وطار عليها زي المجنون
احمد بعصبيه: هيييييييي انتتتتتتتتتي
شذى فزت بقوة لدرجة انو جتها دوخه وبغى ينزل ضغطها : ايش فيك ؟
احمد : ايش فيك ؟ هذا وصاتي لك ؟ انا قلت لك نامي ولا قلت لك اسهري على امي ولا رجعت انخمدي ؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك