رواية علميهم ليه احبك حب ما حبه بشر -47
شذى كانت نايمه على عكس ماوصاها احمد .. رجع من سهرته وشافها نايمه بغى ينهبل ..وطار عليها زي المجنون
احمد بعصبيه: هيييييييي انتتتتتتتتتي
شذى فزت بقوة لدرجة انو جتها دوخه وبغى ينزل ضغطها : ايش فيك ؟
احمد : ايش فيك ؟ هذا وصاتي لك ؟ انا قلت لك نامي ولا قلت لك اسهري على امي ولا رجعت انخمدي ؟
شذى ويدها على راسها من قوة الدوخه: احمد تعبت ونمت كل السالفه كذا
احمد: وانا وش علي فيك تعبتي ولا ان شاء الله متي .. اهم شي كلمتي تتنفذ فاهمه ولا لا ؟
شذى تبي تسكته: حاضر المره الجايه ان شاء الله مايصير خاطرك الا طيب
احمد سحبها من يدها بقوة: تتطنزين حضرة جنابك ؟
شذى خنقتها العبره: يا احمد حرام عليك اقول لك تعبانه وش فيك ماعندك احساس انت ؟
احمد قرب منها وسحبها له بقوة: انتي وش عندك لسانك طايل اليومين هذي؟
شذى تمسح دمعتها بسرعه : احمد طلقني ..
احمد انصدم : وشو ؟
شذى: ابيك تطللللقني .. لو سمحت
احمد شد على يدها: انتي واعيه للي تقولينه ؟
شذى تتألم من شدة يده على يدها وتهز راسها بإيه
احمد: تبين اطلقك عشان ترجعين له ؟
شذى رفعت عينها بصدمه وهي ماهي فاهمه شي
احمد يقرب من اذنها ويهمس: تحلللللللللللمين اطلقك
شذى انقهرت:وش فيك انت ماعندك كرامه تعيش مع وحده ماتبيك ولا هي طايقتك
احمد عطاها كف قوه خلى خدها احمر : لو فأمك خير عيدي اللي قلتيه
شذى ويدها على خدها": لا تجيب طاري امي على لسانك ..مايجوز عليها الا الرحمه
احمد عطاها الكف الثاني : حابه تكملين حبيبتي ؟
شذى دقت يده من يدها ووقفت على حيلها: ابفهم انت وش بتستفيد من قعدتي هنا معك ؟ انت انسان مقتدر وعندك فلوس ..وتقدر تتزوج بدال الوحده ثنتين .. وش تبي مني ؟ انا مابيك والله مابيك ..
احمد عطاها كف وشد على شعرها : انتي ماتعرفين تسكتين ؟ ولا حابه تجربين الضرب اللي هو يعني ؟
شذى عطته نظره حقد ماتحملها احمد ابدا ..وطاح فيها طق من القهر ..
وهي تحاول تستنجد بأي احد بس محد حولها لانو مافي غير ام احمد المقعده
ظل يطقها لين طاحت عالارض بدون حراك
احمد وقف ثواني يستوعب .. معقول تكون ماتت ولا لا ؟ لانه ضربها بوحشيه واي مكان بجسمها تجي عليه يده كان يفتري فيها بالضرب
قرب منها بشويش وهو خايف من واقع انه يكون قتلها ..
حس نبضها لقى لسه فيه نبض ..
شالها ولبسها عبايتها وطار فيها على المستشفى
بيت ام عبدالرحمن
ام عبدالرحمن تبكي مع بكى بنتها .. ماتعرف وش صار لها من طلع مشعل من عندها وهي مموته حالها من البكي
ام عبدالرحمن وهي تبكي : يابنتي قولي لي تكفين وش فيك ؟ وش صار مع مشعل ياحبيبتي ؟
اثير تبكي ولا تبي ترد على امها ..
ام عبدالرحمن: زعلك بكلمه ؟ ضيايقك ؟ مد يده عليك ؟ علميني بس عشان يرتاح قلبي والله عقلي بيطير مني ..
اثير تبكي وبدون ماترد على امها ..
غدير ومعها كاس مويه : خذي اثير سمي بالله هذي قرايه .. اشربي منها تهديك ..
اثير : مابي ولا حاجه .. اتركوني بحالي ..
ام عبدالرحمن : يابنتي الله يسعدك ..
اثير بصراخ: اقول لكم خلوني بحالي ..مابي احد مابي شي ابي اقعد مع مفسي اطلعووووووووووووا
ام عبدالرحمن طلعت من الغرفه وهي شوي وتنجن ماتدري ايش اللي صاب بنتها فجأة
ام عبدالرحمن نزلت للصاله وكانت ام زياد قاعده تتقهوى
ام عبدالرحمن وخانقتها العبره: ياربي مدري وش اللي صاب البنت فجأة
ام زياد: اكيد انها انجنت
ام عبدالرحمن عصبت: وش انجنت فالك ما قبلناه .. وش ذا الكلام ترى الملافظ سعد
ام زياد وهي تشرب قهوتها: وانا صادقه بس تبكي وتصرخ زي المجانين وتقولين لي ما انجنت
ام عبدالرحمن عطتها نظره وسفهتها ..مالها خلقها ابدا
بيت ابوبندر
ام بندر قلبها للحين ياكلها ..ماهي راضيه على فعايل زوجها وخصوصا انه زوج بدر ولا خذا برايها وحطها قدام الامر الواقع ..
مسكت الجوال وصارت تدق على مشاعل بس مافي امل انها ترد عليها خصوصا انو اخلاقها قافله بسبب خالد والموقف اللي صار بينهم
ام بندر عصبت بقوة: حسبي الله عليك من بنت .. والله انك بلشه بلشني فيها سلمانوه الله لا يوفقه .. طلعت من غرفتها
قابلها سلطان بالسيب وحضنها
ام بندر مالها خلق: سلطان وخر عني روح العب
سلطان يتعلق فيها زياده: مابي
ام بندر بعدته بقوه: اقول لك وخر .. فاضية لك انا .. اففففف
سلطان تحسس من الموقف وبكى بهدوء ودخل غرفته يلعب ..
ام بندر ولا حست بالذنب ولا شي .. راحت بشرها لريما وفتحت الباب على طول
ريما كانت نايمه
ام بندر: ريما .. ريماااااا وصقه
ريما وهي تحاول تستوعب : ماما ؟
ام بندر: اي ماما .. قومي بحاكيك
ريما تشغل نور الابجوره اللي جمب راسها: ماما فيكم شي ؟
ام بندر تقعد: وين حمد؟
ريما تطالع امها : حمد ؟
ام بندر : اي حمد خطيبك وينه ؟ ليش ما يدق ولا يجي ولا له حس ؟
ريما: وانتي تبينه يجي بعد اللي سواه ؟
ام بندر: انتي صرتي زوجتي .. لو يجي يسحبك باللي عليك محد يقدر يفتح فمه بكلمه
ريما: هذا الللي انتي قاعده تدافعين عنه .. تهجم على البيت وتعمد يجي ومحد فيه عشان نيته السوده بس ربي ما راد
ام بندر: لا تقعدين تعيدين لي السالفه .. وبعدين انا كنت موجوده
ريما: وين .. بغرفتك المعزوله عن الفيلا كلها ؟ اللي ماتدرين عن الدنيا من تدخلينها
ام بندر: ريما لا تكثرين حكي .. بكره ابوك بيسافر كلمي حمد يجي يتغدا معنا
ريما : انا اسفه ماني مكلمه لا حمد ولا غيره
ام بندر بعصبيه: لا تكسرين كلامي وسوي زي ماقلت لك
ريما: سمعت كلامك المره الماضيه ولا رح اكرر الغلط يا ماما .. وحمد هذا مارح اكلمه ولا ارفع عليه سماعه .. وكذا ولا كذا رح يطلقني
ام بندر: وشوووو ؟؟ يطلقك ؟ انا مازوجتك اياه عشان يطلقك سامعه ولا لا ..
ريما: هذي مو رغبتي لحالي .. هذي رغبة بابا واخواني قبلي
ام بندر: لا انتي ولا ابوك ولا اخوانك بتكسرون لي كلمه .. وحمد انتي اللي بتصالحينه وبتتزوجون باقرب وقت كلامي مفهوم ولا لا ؟
ريما تكتم دموعها : انتي ليش تكرهيني لهالقد ؟؟ ليش تبين تنتقمين مني ؟؟ بنتك انا ولا لا .. في ام تتمنى لبنتها التعاسه كذا ؟
ام بندر : بلاش حكي فاضي طيب .. كلمتي وحده وماتزيد عليها .. وشيلي فكرة الطلاق هذي من راسك بدال ما اكسر لك اياه مره وحده وارتاح منك ومن غباءك ..انا رح امشيها لك هالمره وبخليك على راحتك بمزاجي
وطلعت من الغرفه
ريما ظلت ساكته تقاوم دموعها .. طفت النور وحطت راسها على المخده وغمضت عيونها وهي تردد ..
بالمستشفى
احمد كان يستنى بره على بال مايخلص الدكتور من الكشف على شذى
كان متوتر واعصابه تعبانه .. معقول اكون قتلتها من الطق .. والله ممكن كل شي جايز .. انا ضربتها لين معد صارت تتنفس ولا لها حس ابدا .. احسن شي اني اطلع من المستشفى بدون محد يشوفنا عشان لو كانت ماتت من جد ما اتورط ..
قام من الكرسي وجا يبتوجه للباب الا والدكتور
.....: لو سمحت
احمد التفت على الدكتور اللي نظراته كلها تساؤل
الدكتور: على وين استاذ احمد ؟
احمد : ولا مكان بروح الحمام
الدكتور: والحمام بره المستشفى ..يعني مافي حمامات جوة ؟
احمد يطالع الدكتور: في شي يا دكتور
الدكتور: انت اكيد زوج المدام شذى
احمد : اي .. وش صار ؟
الدكتور: انا كنت ناوي اكلم الشرطه بسبب الاعتداء اللي سببته لها .. بس هي حلفتني اني ما اسويها .. ولا هي اصلا ماهي من اخلاقيات مهنتي اني اخبي شي خطير زي كذا
احمد يستعبط : مافهمت
الدكتور: ما فهمت ؟ طيب فهمني وش اللي صار لزوجتك بالضبط وايش علاقتك فيه ؟
احمد : زوجتي طاحت من الدرج وعلاقتي الوحيده بالهموضوع اني انا اللي جايبها للمستشفى وبس .. لا اكثر ولا اقل
الدكتور: بس الرضوض والكدمات اللي بجسمها ابدا ماتسببها طيحه من درج
احمد وهو طفشان": والله هذا اللي صار تبي تصدق ولا شلون
الدكتور: على العموم احمد ربك انها جت سليمه ولاسبب لها هالضرب المبرح ارتجاج بالمخ او نزيف.. او حتى فقدان الجنين
احمد اسودت الدنيا بعينه : جنين ؟؟ اي جنين ؟
الدكتور باستحقار لاحمد: وكمان ماتعرف انها حامل ..
احمد : وانا وش يدريني انها حامل ..
الدكتور: اي وانا متأكد من هالشي كمان لانك لو كنت تدري ماظن انك كنت رج تمد يدك عليها بهالشكل المؤذي هذا ولا انا غلطان ؟
احمد وهو يخز الدكتور : وش المطلوب مني الحين ؟
الدكتور : المطلوب منك انك تهتم بزوجتك وانك ماتمد يدك عليها عشان ماتخسرها لاهي ولا اللي ببطنها .. ويستحسن اني ما اشوف وجهك هنا بالمستشفى والسبب اذى انت مسببه لزوجتك عشان ما اضطر اسوي شي يردعك انت وامثالك عن هذا الاسلوب الغير حضاري
احمد عصب ومسك الدكتور من ياقته: انت بأي حق تتكلم معي بهالاسلوب ؟
الدكتور يفك يد احمد منه ": بحق اني دكتور وامارس مهنتي بنزاهه ومصداقيه .. عن اذنك ..
ومشى متوجه لمكتبه
اما احمد قعد على الكرسي من جديد يستوعب الخبر اللي طاح على راسه مثل الصاعقه
يعني شذى حامل ..
غرفة شذى
شذى كانت تبكي من حظها .. ابدا ماكانت تبي اطفال من احمد وخصوصا انو كان عندها امل انها تتطلق منه .. والحين راح الامل هذا منها من اول مادرت انها حامل .. لانها لو تطلقت منه وهي معها طفل مارح تقدر تربيه وتعيشه احسن عيشه وهي مامعها فلوس ..
صارت تبكي بصمت وتكتم شهقاتها وقهرها .. لو ابوها زي الناس كان ماصار هذا حالها .. تنجبر تعيش مع انسان تكرهه ويكرهها ويتفنن بعذابها .. لو ابوها صاحي ويخاف الله ومسؤول كان اخذها من عند احمد بالغصب وعيشها معززه مكرمه ببيته .. مو ناطلها ببيت واحد واطي بس عشان الفلوس..
ياليتك رجال .. لو انك بدر ماكان هذا حالي
كان فرحت بالطفل هذا اكثر من اي شي بالدنيا ..
كان ماخفت من بكره واللي بيصير لي فيه ..
كنت عشت اميره بدنيته ..
ياليت صار اي شي يوقف زواجي من التافه هذا .. بس ماتنفع هالكلمه الحين ..
رح تشيل من بالها فكرة الطلاق عشان تقدر تعيش حياتها براحه وهدوء حتى لو بدون حب ..
بس عشان طفلها ..
بعد مرور 6 شهور
كانت احوال ابطالنا على ماهي عليها .. مافي جديد ..
-مشعل واثير للحين مفارقين بعض .. وكل واحد فيهم حياته انقلبت عذاب بسبب حبه اللي بعيد عنه ..ولا واحد فيهم قرر يتنازل ويكلم الثاني
اثير شايفه انها مظلومه بكل شي .. مظلومه بزواجها من مشعل اللي لو يرجع بها الوقت كان ما وافقت عليه .. ومظلومه باتهام مشعل لها بالخيانه .. حتى مظلومه بحبها له اللي مو مخليها تتهنى او تعيش مرتاحه بحياتها .. معلقه .. مو متزوجه ولاهي مطلقه ..
ومشعل حالته ماهي احسن من حالتها .. بس ماهو قادر يتنازل ويروح يحكي معاها بهالموضوع .. كل يوم يقول بكره وبكره وللحين ماعنده الجرأة يروح يحكي معاها ..
-رنيم وماجد برضوا معلقين من هالناحيه .. رنيم تشوف اهتمام ماجد فيها اللي كل يزيد بين اليوم والثاني .. حنت له مره وصارت تحبه اكثر من اول وخصوصا انها صارت تشوفه يسوي المستحيل عشان يكسب حبها من جديد ..
وماجد الدنيا ماهي سايعته من الفرحه .. وحب رنيم يكبر بقلبه كل يوم اكثر من الثاني .. اعترف لها انه يحبها موووت واعترف لنفسه وبدر انه حبه لرانيا ابدا ماكان حب .. يحايل فيها للحين انهم يتزوجون بأقرب وقت بس رنيم للحين معانده وتبي تعلمه درس ماينساه ..
وكل يوم اهله يزنون على راسه عشان يسوون زواجهم بس هو متعذر انه مايبي يتزوج قبل ماعيادته تكمل سنه ..ولكن الحقيقه انه يبي يشوف النهايه مع عناد رنيم
-ليان ومحمد اخيرا خلص بيتهم وتزوجوا بعد خطبه دامت لفتره طويله مره وعايشين سوا احلى عيشه واحلى قصة حب
-حتى دلال وفهد تزوجوا وسكنوا مع اهل فهد بالبيت وتهاني مطلعه روح دلال لكنها متحمله عشانها حبت فهد ورح تتحمل كل شي لعيونه
- الهنوف وايان وغدير للحين على حالهم وهبالهم .. ومطنشين الدنيا باللي فيها وعايشين لوناستهم وبس
- ام زياد للحين مبلطه ببيت ام عبدالرحمن لدرجة انو الكل يأس انها تطلع منه بحجة انو ولدها زياد صاير مشغول الفتره هذي وخايفه تقعد بالبيت لحالها .. وقعدتها صارت مضايقه ام عبدالرحمن مره على عكس غدير اللي تأقلمت مع الوضع وصار عندها تبلد من ناحيتها .. بس لوتطاولت هي اكثر وحده توقفها عند حدها
- مشاعل وبدرتزوجوا بعد خطبة دامت 4 شهور.. ابوبندر حاس بالذنب انو خطب مشاعل له خصوصا انه شايف المشاكل بينهم كيف من اول يوم بزواجهم وانهم ما يتفقون ابدا ..
- بدر كل يوم يزيد حبه وتعلقه بشذى وخصوصا بعد ماشاف اخلاق مشاعل واسلوبها وغرورها .. بس لازم ينسى شذى لااااازم لانها متزوجه ومايجوز له انه يفكر فيها ابدا
-مشاعل للحين بتموووووت على خالد .. حاولت اكثر من مره انها تقرب منه او تخليه ينتبه لها بس عجزت لانو حبه ريما مالك قلبه للحين .. ومعاهده نفسها انو لو خالد بدا يميل لها بتطلب الطلاق من بدر عشان تبقى مع خالد ..
- خالد ماهو طايق مشاعل والود وده انه يقول لبدر على سواياها بس خايف من بردة فعله لانها زوجته .. وخايف انه ممكن يأذي بدر بالشي هذا عشان كذا قرر انه يوقف مشاعل عند حدها بنفسه بدون ما احد يدري باللي هي تحاول تسويه .. وكل يوم يدعي ربه انو ريما تتحرر من هالحمد عشان تكون له ويعوضها عن كل شي شافته من امها ومن خطيبها
-ريما للحين معلقه .. ولاتدري ولا شي عن حمد لانو بس ابوها واخوانها اللي متواصلين معاه عشان يطلقها وهو اللي رافض للحين .. بدت نفسيتها تتعب من كل شي من حولها وخصوصا ضغوطات امها
- اما شذى المسكينه فهي للحين عايشه بجحيم احمد .. اللي مارحمها حتى وهي حامل بولده .. بطنها كبر وصارت تنتظر جية ولدها للدنيا بفارغ الصبر اللي بيعوضها عن كل شي قاسي شافته بالدنيا .. ووعدت نفسها انها بتعيش عشانه هو وبس ولا رح تهتم بعد كذا لاحمد حتى لو قتلها .. وبدر مازال مالك قلبها وعقلها .. ومازالت تدعي ربها انه يوفقه ويسخره اللي تسعده ويعيش احلى حياة معها ..
- ام رنيم كل يوم حالتها تزيد من سيء لاسوأ .. لدرجة انها وقفت الكيماوي لانو خلاص معد صار يفيدها والكل يدعي لها انو ربي يشفيها
بيت ابوبندر
بدر كان توه راجع من الدوام وشاف امه ومشاعل قاعدين بالحديقه ومعهم ديما ..
مشاعل تشرب عصير وام بندر تكلم بالجوال وديما تلعب بجوالها
بدر: السلام عليكم
الكل: وعليكم السلام
بدر التفت على ديما وابتسم بوجهها وبكل حنان: شلون ديومتي ان شاء الله بخير ؟
ديما ردت له الابتسامه : انا بخير الحمدلله ..
بدر: دووم ان شاء الله ..
مشاعل : وانا مارح تسأل عن حالي يعني ؟
بدر: انتي طول الوقت مقابلتني .. واشوفك كل يوم بخير الحمدلله
مشاعل: اهاا .. يعني تبي تقول اني ناشبة لك بس بطريقه ماهي مباشره
بدر ناظر فيها ونزل الشماغ عن راسه وسفهها: ديما وين ريما ؟
ديما: نايمه
بدر: وهي للحين نايمه
ديما تنهدت : من يوم ما اعتذرت الترم هذا وهي مقضيه وقتها بالنوم
بدر تنهد بقلق: لا حول ولا قوة الا بالله .. حالها ماينسكت عليه ابدا
مشاعل : اختك انجنت وقعدت .. خليها ترجع لخطيبها احسن لها
بدر رص على اسنانه: مليون مره قلت لك تكلمي عن اختي باحترام .. ماتفهمين انتي ؟
مشاعل ابتسمت وصدت عنه
ديما تهمس له: ماعليك منها بدوور .. هي زوجتك كذا ولا نسيت وش كنا نقول لك عنها انا وريما والهنوف وايان ؟
بدر ضحك بصوت مسموع لانه تذكر حش البنات فيها كيف كان .. كانوا صادقين بكل كلمه قالوها فيها .. ولا كذبوا ولا افتروا عليها ابدا
مشاعل انقهرت لانه تشوف بدر يضحك ويبتسم لخواته بس اما هي جاحدها : ضحكونا معكم
ديما: لا مايحتاج مارح تحبين اللي انقال قبل شوي
مشاعل: ليش ؟ لايكون فيني بس ؟
ديما توقف : لاهو فيك ولاهو فغيرك .. عن اذنكم بروح غرفتي اذاكر
بدر: اذنك معك حبيبتي ..
مشاعل: وليش مارحت معها ؟ جت على هذي يعني ؟ منت طول الوقت معهم
بدر تنهد: اللهم طولك ياروح
ام بندر خلصت مكالمتها: بدر .. متى جيت ؟
بدر : من شوي .. شلونك يمه ؟
ام بندر ببرودها المعتاد: زينه
بدر وقف: الحمدلله .. بروح غرفتي ارتاح شوي
ام بندر: طيب ..والتفتت على مشاعل
ام بندر: انتو لليوم علاقتكم متوتره
مشاعل بحقد: ولبكره بعد .. عالعموم ماهي فارقه معي ابدا ... لانو لو كان فعلا نفسي بولدك كنت سويت المستحيل عشانه
ام بندر رفعت حاجبها: انتي مافي اجرأ منك .. وتقولينها قدامي انو ولدي ماهو مالي عينك ؟
مشاعل ابتسمت بحقاره: وانا ما اقول الا الصدق وبدووووون كذب
ام بندر عطتها نظره وصدت عنها
بيت ام فهد
دلال تبكي بغرفتها ودخل عليها فهد
فهد :دلوووو حبيبي
دلال مسحت دموعها بخفه وقامت: هلا والله .. كيفك ؟
فهد يناظر عيونها: وش فيك حبيبي ؟
دلال: ولا شي
فهد وهو يناظر عيونها مسك يدها: هالعيون الحلوين من بكاهم ؟ لاتكون تهاني ؟
دلال ناظرت بعيد عنه : لا مو تهاني
فهد يبوس يدها: يللا معليش حبيبتي .. عشان خاطري تحمليها واذا بجد منتي مرتاحه هنا انا مستعد الحين اروح ادور لنا بيت ونطلع من هنا بأقرب وقت
دلال بسرعه: لا مايحتاج هذا كله .. انا احب خالتي مره وارتاح بالقعده معها .. مابي اروح ولا مكان .. واذا على تهاني معليش اتحمل
فهد باس راسها: الله لا يحرمني منك يارب
دلال بابتسامه : ولا منك حبيبي .. يللا تعال عشان تتغدى
فهد مسك يدها وتوجهوا للباب: يللا
بيت احمد
احمد : انتي ياااااااااااازفت
شذى ماكانت تسمعه لانها كانت تغسل الملابس وصوت المويه والغساله كانوا عالين شوي
احمد: ماتمسعيني اناديك ؟
شذى : لا ماسمعتك اسفه
احمد بعصبيه: قومي تحركي الحين حضري الغدى تعبان وابي انام
شذى : طيب الحين
احمد :الحين يعني الحين مو بعد ساعه ونص
شذى: حاضر الحين بروح .. توجهت للمطبخ بثقل وصارت تحضر الاكل بتعب خصوصا انو شغل البيت كله على راسها وهي بالشهر السادس الحين يعني بطنها ثقل وصارت حركتها ثقيله
حضرت له الاكل ونادته عشان يتغدى
طبعا احمد مايخليها تاكل معاه ابدا كنوع من انواع العقاب .. تحضر له الاكل وتقعد تقابله لين يخلص علشان لو احتاج شي تروح تجيب له
شذى تعودت اصلا ولاهي فارقه معها بشي لانها ماتحب تاكل معاه اساسا لانه دايم يسد لها نفسها ..
احمد: سنه تحضرين الاكل ؟
شذى: معليش اسفه
احمد : انتي الفتره هذي صايره كسلانه بزياده .. ابدا حالك ماهو عاجبني
شذى ابتسمت عالخفيف:ليش احمد انت ناسي اني حامل ولا هالبطن اللي قدامي ماهو مالي عينك ؟
احمد بنص عين: دلع بنات
شذى ابتسمت ولا كثرت كلام معاه لانو الحكي معاه مامنه فايده
بيت ابورنيم
رنيم كانت بالمرسم حقها ترسم لها لوحه عشان بتهديها صاحبتها
رن جوالها وكانت المتصله ليان
رنيم ابتسمت .. تحب البنت هذي من كل قلبها
رنيم: هلا والله
ليان: اهلييييييييييييين .. كيفك رنوم ؟
رنيم: الحمدلله حبيبتي انتي كيفك وكيف محمد ؟
ليان: انا بخير ومحمد حبيبي كمان بخير الحمدلله
رنيم: ياربي دووووم
ليان: حبيبتي انتي .. وينك من زمان عنك؟
رنيم: ابد حبيبتي من تخرجت من الجامعه وانا بالبيت .. تعرفين ماما الفتره هذي تعبانه مره ولا ابي افارقها لحظه وحده
ليان: الله يقومها بالسلامه يارب وان شاء الله تخف وترجع لنا مثل اول
رنيم: امين يارب الله يسمع منك
ليان: وكيف اخوي معاك ؟
رنيم ابتسمت وهي تناظر الورد اللي قدامها اللي ماجد جايبه لها .. كل يوم يزورها ويجيب لها ورد ..وان ما جا يرسل لها الورد لحد عندها
رنيم: الحمدلله بخير ..
ليان: يللا عاد حدووا زوجاكم بدري نبي نفرح فيكم قريب
رنيم ابتسمت: الله كريم
وقعدوا يسولفون سوا لفتره طويله يتطمنون فيها على بعض وياخذون اخبار بعض
انتهى البارت
رايكم وتوقعاتكم حبايبي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت الواحد والثلاثين
بيت ابو مشعل
ام مشعل كانت بالصاله تتقهوى مع بنتها دلال ..
ام مشعل: وكيف نوره ؟
دلال: والله بخير .. ياحبي لها والله كل طيبة الدنيا فيها
ام مشعل: هذي صديقة عمري .. ومامنها اثنين
دلال: الله يسعدها يارب .. عاد تقول انها تبي تشوفك تعالي لنا يوم
ام مشعل : ان شاء الله قريب ..
دخل مشعل الصاله .. توه راجع البيت من الدوام
مشعل: السلام عليكم
الكل: وعليكم السلام
دلال: شلونك مشعل ؟
مشعل: الحمدلله .. وانتي شلونك وشلون فهد ؟
دلال: الحمدلله .. انا وفهد بخير
مشعل: الحمدلله .. عن اذنكم
ام مشعل بحزم: على وين ؟
مشعل: بروح ارتاح بغرفتي مره تعبان
ام مشعل: تعال اقعد ابيك شوي .. دلال روحي قومي الهنوف خليها تصلي العصر
دلال: ان شاء الله .. وقامت لغرفة اختها
ام مشعل : مشعل وبعدين معاك ؟
مشعل: وشو ؟
ام مشعل: لمتى بتظل على هالوضع ؟؟؟ متى ناوي ترجع اثير ؟
مشعل انقبض قلبه: مو وقته ..
ام مشعل : وشلون يعني مو وقته ؟؟ صار لك على ذا الحال فوق السبع شهور .. البنت قعدت ببيت اهلها اكثر ماقعدت ببيتك ..
مشعل تنهد بملل: هي تدل البيت وقت ماتبي الله يحييها خليها ترجع
ام مشعل بعصبيه: تستهبل انت ؟!!! البنت مرميه ببيت اهلها صار لها شهور وبدون سبب يذكر وتبيها ترجع لحالها بعد بدون ماترجعها !!!
مشعل: يمه .. انا مارح اروح ارجعها لو ايش اذا هي حابه ترجع خليها ترجع وانا مستعد ارسل لها السواق عشان يجيب لها كل اغرضها والخدم بيرتبونها لها بعد !! وش تبين اكثر !
ام مشعل وقفت من العصبيه : لااااااااا انت اكيد مهبول ولا استخفيت ! انت ماتقهم وش قاعده اقول لك انا .. اقول لك ماهي رجاعه كذا بدون ما تراضيها انت بنفسك
مشعل: اولا انا ما زعلتها عشان اراضيها .. ومن زعل بكيفه كيفه يراضيه ..وبعدين انا قلت كلمتي ولارح اروح اجيبها لو ايش يصير خلاص يمه تكفين تراني تعبت من هالمضوع خليني براحتي لين اشوف له حل
ام مشعل: لا ياحبيبي مارح اخليك بحالك .. وهذا الموضوع ما ينسكت عليه ..وبتجيبها غصب عنك تفهم ولا لا يعنبو شيطانك ما تستحي انت ؟؟ البنت مرميه عند اهلها لاهي متزوجه ولا هي مطلقه .. دامك ماتبيها وشو له هذا كله ؟
مشعل عصب: الحين حسيتي اني ما ابيها ؟!!!!!!! بعد ايش ؟ بعد ماخربتي حياتي وحياتها ؟!! ياما قلت لك انا مابي الزواج هذا بس انتي اصريتي علي وغصبتيني ورحتي خطبتيها لي من دون ما ادري ! وبعدها يوم صارت المشاكل بينا تبينا بعد نتصالح بالغصب .. انا اسف يمه بس هالكلام ماهو منطقي ابد .. كل شي بالغصب ماهي عيشه هذي .. لو اني بزر ما سويتي فيني هذا كله .. وطلع غرفته وهو شايط من العصبيه
ام مشعل قعدت على الكنبه : ماهو بكيفك .. انا اللي بتصرف واخلي اثير ترجع البيت لو على قطع رقبتي ونشوف من اللي كلمته تمشي فينا يا انا يا انت يا مشعل !!!
العياده
بندر وماجد كانوا يشتغلون من قلب بالعياده وقعدوا يرتاحون شوي
ماجد : افففففففف اعوذ بالله .. مابقى مريض بالرياض ماجاني اليوم
بندر: تقولها صادق ؟!! والله من كثرتهم حسيت انو في فايروس بالجو ولا شي زي كذا .. وش جاهم علي خصوصا يوم ما نمت كويس بالليل !!
ماجد يغمز له : ليش مانمت الليل عمي بندر ؟
بندر: افكر ياحبيبي .. تحسب بس انت اللي تفكر يعني ؟
ماجد : بمن تفكر انت وخشتك
بندر: افكر فيك
ماجد : وعع الله يقرفك .. اسكت لو سمحت مالي خلق لا احكي ولا اسمع حكي ..
بندر : طيب سكتنا .. صار بندر يقلب بالملفات اللي بيده ويقرا فيها .. شوي وسمع
ماجد: الووووووووو .. هلا والله بالغااااااااااااليه
بندر رفع عينه لماجد .. هذا اللي توه ماله خلق لا يحكي ولا شي .. قام يسولف على الجوال ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك