رواية ضحية رجلين -8
في بيت سارة :
جمانه تصارخ على عبدالله : قصر على الصوت أزعاج
عبدالله يقصر على التلفزيون ......: أرتحتي
جمانه : ايه ...يمه
أم نايف (سارة): نعم
جمانه : اللحين لم أتخرج من الثانوية راح أدرس الجامعه هنا في أبها .........
أم نايف : أيه تبين تسوين مثل نورة
جمانه : أيه وش معنى نورة بجدة وأنا هنا
أم نايف: أنتي تخرجي بعدين نتناقش
جمانه : ليه شاكة
أم نايف/ الله يستر بس
جمانه : اللحين ليش ما نسكن في جدة .
أم نايف: شغل أبوك هنا
جمانه : عائلة متفرقة مفروض أنا ساكنين في الرياض عند عماني
أم نايف: وخوالك بجدة ....
جمانه : أستغفرالله
أم نايف: أقول قومي جيبي لي موية
جمانه قامت تجيب لأمها
عبدالله : أنتبهي بس لا تصقعين في السقف
جمانه : أنت اللعب سوني بس
. . .. ... ......... ....... ....... ...... ......... ..... ......... ....... ..
(أبو روان بعد ما رجع من المزرعة جلس مع أم روان وقال لها وش صار مع ولد أخوه وليد وأنه قرر يروح جدة ويشوف أخوانه أم روان متوقعه أنهم بيرجعون لبعض بس مع الزمن
وقالو لروان اللي عارفة بالسالفة قبل وقالو لها عن سبب الخلاف اللي بينهم وأسغربت له السبب يفرقهم كل هالمدة ..........
أجتمعوا أخوان محمد في بيت عبدالرحمن إلا سارة ما قدرت تجي كان اللقاء حار جدا وزالة كل الأحقاد بينهم وبعد ما أطمئن أبو روان أن كل شي صار زين وأنه يقدر يرجع جدة رجع الرياض ودور على واحد يشتري المزرعة وبيته عشان قرر يسكن بجدة وأم روان عارفة باللي يصير بس ما قالو لروان لأنها بتنصدم كيف بتترك دراسته وصديقة عمرها هنادي وتروح لجدة بعد ما يخلصون وضعهم في الرياض بيحطونها قدام الأمر الواقع )
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الفصل الحادي عشر :
تذكر ليالي ودنا ,,,,,,,,,
وذيك السوالف والمزوح
تذكر هزلنا وجدنا ,,,,,,,,,,؟
معقولة تنساها وتـــــــ,,,,,,,,,,روح ....
ـــــــــــــــــــــــــــــــــــ ـــــــــــــــ ــــ
في الرياض جامعة الملك سعود .,,,,,..
هنادي : باقي الكتب ما شريتها
روان : حتى أنا اليوم بأروح أشتريها تجين معي
هنادي : ايه عادي مريني بس
روان : أشوف اليوم بعد المغرب أذا لقيت السواق
هنادي : أحس الجامعة تخوف ما أبي أسوي صداقات
روان : كل شي مصلحة الحين
هنادي: الحمد لله أنك معي ولا بأدج
روان : ايه الله يخلينا لبعض
هنادي : أسولف لأمي أمس أقول لها أذا تزوج إن شاء الله
وجبت بنت بأزوجها لفيصل ........
روان : ايه يصير خير ....
هنادي : إلا وش صار مع عمانك
روان : والله مدري من جى أبوي من جدة ماقال لي وش صار ....
هنادي : ودي أعرف
روان : اللقافة ما كلتك
هنادي : على تبن .................................
رجعت روان البيت وقومتها أمها لصلاة العصر بعد ما خلصت نادتها لغرفتها .............
أم روان : روان ركزي معي وأفهميني بعقلك
روان : ليش وش صاير
أم روان : أنتي يا روان كبيرة وعندك ولد وأكيد تعلمتي من هالدنيا أنا بأقولك شي بس أبي تكون ردة فعلك أكبر منك بكثير أسمعي روان أنتي اللحين تعرفين عمانك ؟
روان : لا
أم روان : تعرفين أساميهم
روان : لا
أم روان : أشكالهم
روان : لا
أم روان : عيالهم
روان :بس وليد
أم روان : طيب تعرفين وليد ليش جى
روان : أيه عشان يرجعون عماني مع بعض
أم روان : كيف
روان : ما فهمت يعني
أم روان : كيف يرجعون مع بعض زي قبل
روان : يرجع أبوي لجدة ........ سكتت وأستوعبت ليش أمها تسألها كل هالأسئلة : يعني نترك الرياض ونروح جدة !
أم روان : عليك نور
روان : ودراستي
أم روان : بنحولك هناك
روان : وأترك هنادي
أم روان : وهذا اللي بيصير
روان : وبيتنا والمزرعة وكل شي لنا
أم روان : أبوك باع المزرعة وبقيمتها بيشتري بيت هناك
روان :وبيتنا
أم روان : للحين ما لقى له شاري
روان : طيب متى نروح وش نسوي وش السالفة
أم روان : أنا بنجهز أوراق نقلك ونحولك هناك والباقي بيسهل الله
روان : بس أنا ما أبي أروح هناك
أم روان : مو على كيفنا أنا ما ودي أترك الرياض بس أنا ورا أبوك لو أنتي متزوجة مالنا دخل فيك بس أنتي للحين عندنا .
روان قامت بهدوء وراحت غرفتها وقفلت على نفسها طالعت فيصل اللي نايم راحت له وباسته على خدة
مسكت جوالها ودورت على رقم محمد ودقت عليه ...
محمد أستغرب روان تدق عليه خذته الوساوس ورد
محمد : الو
روان: السلام عليكم
محمد : وعليكم السلام
روان : وش أخبارك
محمد : الحمد الله وش أخبارك أنتي وفيصل
روان : الحمد لله ..... محمد
محمد : لبيه
روان : ممكن لم تكون في مكان هادي ورايق ولوحدك تكلمني
محمد : ليش
روان : أبيك بموضوع ضروري
محمد :خلاص من عيوني بس أخلص من أشغالي وأدق عليك
روان : شكرا وسكرت
محمد حاول يفضي نفسة وتعذر من واحد كان بيطلع معه على الساعة 8 العشاء كان في البيت ودق على روان ,,,,
محمد : هلا
روان : هلا فضيت اللحين
محمد : أيه فضيت أسمعك
روان : محمد أنا بننقل لجدة
محمد : ليش.؟ وش السبب؟
روان : أبوي وعماني رجعو لبعض وهم في جدة وبسكن هناك
محمد : الله يهنيكم
روان : بس فيصل
محمد : بيكون معك لا تخافين ما راح أخذة
روان : أحلف أنك ما راح تسبب لي مشاكل
محمد: أسمعي روان أنا اللحين لو أخذ فيصل وين أحطة
أنا الصبح في الدوام وساكن لحالي وبيني وبين أهلي دايم مشاكل
ما أقدر أخليه عندهم وأمي دايم تطلع وحالتي حالة خليه يكون عندك أحسن بعدين توه صغير ومحتاجك لو أنه عمرة 7 سنين
وبيدخل المدرسة أيه معقولة لم أخذه منك بس اللحين صعبة
أنتي بس لا ينشغل بالك عليه وأذا على شوفته مقدور عليها
أمر كل شهر وأشوفة وبس أنحلت المسألة توقعت عندك
سالفة أكبر من كذا بعدين ماني نذل أخذه منك.........
روان بعد ما هدت نفسها : محمد والله مشكور
محمد : روان والله بتوحشيني
روان ما عرفت وش تقوله : مع السلامة وسكرت ....
ضحك محمد ورمى الجوال على الكنب وتذكر جميلة غريبه عمها للحين ماجى ياخذ أغراضها....
///////// //////// ///////////// //////////
أم روان طقت باب الغرفة :
روان قامت وفتحت :هلا يمة
أم روان دخلت : مستغربة ما زعلتي لم عرفتي بالخبر وأنا وأبوك متوقعين تكون ردة فعلك غير ......
روان : يعني تبوني أزعل
أم روان : لا موعلى الزعل على كل شي
روان : على هنادي صح ؟
أم روان : أيه
روان : ما راح توقف في طريقي بالعكس بتفرح لم تعرف
بعدين يمه الرياض فيها ذكرى سيئة بحياتي وأبي أنساها
وليش أعترض وأزعل أبوي وهو فرحتة ما تشيلة يوم رجعو
لا لا يمه ماني معترضة صح بأزعل عشان هنادي بس بتواصل معها كل يوم بالجوال وعلى المسن وهم كل سنة يروحون مكة في رمضان نقدر نتلاقى ......
أم روان : عين العقل يا بنيتي وترى أبوك موصي واحد
يخلص أوراقك وخلال شهر ونص بنكون بجدة
وبكرة ما راح تروحين الجامعة بتبدين الترم الثاني
وروحي لهنادي ببيتهم وقولي لها الخبر وقدامك شهر ونص
ومتى ما تبون تشوفون بعض عادي ...
روان : طيب بعد المغرب بأروح أنا وهنادي للمكتبة بنشتري كتب الجامعة
أم روان : وأنتي وشوله تشترين
روان : أخاف تشك وما أبي أقولها اليوم
أم روان : أيه خلاص بكيفك تبين فلوس
روان : لا معي طيب يمه وشلون وضعنا أشيل ملابسي وأغراضي أحطهم وين
أم روان : بس خذي ملابسك وأشيائك المهمة أثاث البيت بنبيعة
ولم نشتري البيت هناك بنأثثة من جديد
روان : متى بيشتري أبوي ويأثثة بياخذ وقت
أم روان : يقول عمك عبدالرحمن أنا بنجلس عندهم لم نخلص البيت بعدين نروح
روان : يوه أحس صعب النقل
أم روان : من ناحية صعب صعب بس الله بيسرها
روان : أن شاء الله
طلعت أم روان من الغرفة وجلست روان تفكر وش تاخذ معها
أذن المغرب صلت وراحت مع هنادي المكتبة وشرو اللي يبونه وروان ما بينت لهنادي أن في شي صاير وتنتظر بكرة حتى تقول لها )
////////////////////////////////////////////////////////////////////////
في بيت عبدالرحمن :
في غرفة شذا ونورة :
نورة : خلال شهر ونص أنتي برى الغرفة
شذا : عارفة الحين من بيجلس في غرفة وليد
نورة : خالي ومرته
شذا : عفش الشيخ وين نحطه
نورة : في الملحق ومتى ماجا من الرياض بينام في الملحق لم يطلع خالي من البيت .
شذا : ولم تولد شهد وين أروح ..
نورة : بتجين عندنا
شذا : وين أنام فيه
نورة : يا في الأرض أو على الكنبة أذا كنتي تنامين عليها
ولا مع شهد في الغرفة
شذا : لا على الكنبة ولا صياح البزر اللي بيجي
نورة : جالسة أفكر أمس وش رايك نغير من ترتيب الغرفة .........
شذا : يعني وش نسوي
نورة : يعني نشيل التلفزيون ونطلعه برى
والكنبة ذي الطويلة نرميها ونجيب ثلاث كراسي حلوة مع طاولة
عشان لا بغينا نشرب شي مع روان
شذا : إذا بغينا نناظر شي
نورة : نسحب التلفزيون
شذا : ولا وش رايك نشيل الدولاب ونحطه في غرفة شهد ونجيب السرير الثاني اللي هناك ونشتري رفوف صغيرة نحطها بالزاوية
عشان نحط تحف حقتنا
وبدل التسريحة الكبيرة هذي نجيب مراية على الجدار بس ...
والمكتب حقي ما أبيه مضايق على الفاضي نشيلة
نورة : حتى مكتبي ما أبية ما أذاكر عليه ...
شذا : يعني ثلاث أسرة وجلسة مع تلفزيون
والمراية هناك وجمبها الرفوف وبس
نورة : أحس بنسوي حوسة عسى خالي يوافق
شذا : لا أبوي حبيب ما راح يقول شي إلا شهد اللي بتنحاس غرفتها
نورة : ما علينا منها كم الساعة اللحين
شذا : 8 العشاء ليه
نورة : خالي تحت
شذا : ايه
نورة : روحي قولي له وش بنسوي
شذا : لا روحي قولي له أنتي
نورة : ابوك مو أبوي
شذا : خالك مو خالي
نورة : روحي له ولا أنتي الخسرانه ما راح تجلسين معنا
شذا : لا خلاص بأروح
ونزلت شذا لأبوها وجلست تتناقش معه لم وافق
وراحت لنورة وقالت لها وأتفقو بكرة يروحون السوق
يدورون على اللي يبونه
، ، ،،،،،،،،،،،، ،،،،،،،،،،،،،،،،،،، ،،،،،،،، ،،،،،،،،،،
في بيت منصور :
لمى تحوس في جوالها الجديد ....: أقول رغد اللحين سليطين
ما لقى إلا ذا الرقم
رغد : أحمدي ربك أزين من رقم لميا وبسرعة ينحفظ
لمى : كنت أبغى أحلا
رغد :عشان يجيك أزعاج
لمى : والله تفكيركم غبي رقم حلو مربوط با الأزعاج
رغد : الأغلبيه
لمى : إلا وين لميا
رغد : راحت المشغل بتصبغ شعرها
لمى : أي لون
رغد : بتخصلة بعنابي
لمى : وأنتي وش دراك
رغد : أمس جالسين على النت ندور صبغات حلوة وعجبها ذا اللون وراحت تصبغ
لمى : وين أمي
رغد : مع لميا
لمى : وتركي
رغد :في غرفته
لمى : وسلطان
رغد : معزوم في أستراحة
لمى : وبندر
رغد : تحت جالس في الصالة يطالع تلفزيون
لمى : ورغد
رغد\ جالسة مع لمى أقول يا كثر أسألتك بأروح أحل واجباتي أزين
لمى : بس باقي سؤال واحد
رغد وهي واقفة عند الباب : ها قولي
لمى : وين أبوي
رغد : مدري وينه فيه طالع أتوقع عند عمي عبدالرحمن ...
وطع سكرت الباب .....
جلست لمى تسجل أرقام معارفها ,,,,,,,,,,,
,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,, ,,,,,,,,,,,,
الصباح الساعة 10 :
شذا تقوم نورة : قومي يا الدبة جو العمال
نورة تتحرك : نعم وش تبين
شذا : أبوي جاب العمال عشان يشلون الدولاب يحطونه في غرفة شهد قومي
نورة قامت : وينهم اللحين
شذا :تحت
نورة : ما ضفينا عفشنا اللي فيه
شذا : يوه فضايحنا
نورة : يلة بسرعة نشيل
( شالو الملابس وحطوها على الأسرة وغطوها بالبطانيات
والأغراض الباقية حطوها على الأرض وطلعو بسرعة ودخلو غرفة شهد وسكرو عليهم الباب جو العمال وشالو الدالوب)
أبو وليد (عبدالرحمن) : اللحين ورى ذا الغرفة مسكرة
ويحرك يد الباب بقوة :
نورة : نعم خالي
أبو وليد : وراك جالسة هنا العمال وشلون يدخلون الدولاب
شذا : أي صح والله أنا بقر
نورة :طيب خالي بنطلع اللحين
شذا : مافي إلا جلال واحد
نورة : ما عليه
تغطو بالجلال وطلعو وبسرعة نزلو تحت وأبو وليد يضحك على أشكالهم بعد ما خلصو العمال وراحو رجعو شذا ونورة شالو الملابس وأغراضهم وحطوها في الدولاب في غرفة شهد ورجعو كملو نومهم .............
................................... ............... ..........................
العصر الساعة 4 : في بيت هنادي ........
بعد ما جلست روان تقولها سالفة النقل بطريقة هادية ....
هنادي: وتتركيني
روان : والله يا عمري وش ذنبي أنا
هنادي : طيب كيف وشلون لا ما أقدر
روان : يعني ما تحبين لي أشوف عماني مجتمعين
هنادي : مو على كذا طيب أنتي أقعدي وخلي أبوك وأمك يروحون
روان : وين أقعد فيه أبوي باع المزرعة وببيع البيت وين أقعد فيه ..؟
هنادي : معي
روان : أجلس عندكم لا متى ؟
هنادي : لين تتزوجين
روان : ومن قالك أني أبي أتزوج
هنادي : خلاص لين أتزوج أنا
روان : هنادي فكري فيها أنا خلاص بأروح جدة وأنتم لاجى رمضان ونزلتو مكة نشوف بعض
هنادي : من سنة لسنة
روان : عاد وش نسوي هذي الدنيا وعندك رقمي وكل يوم بنكلم بعض وعلى المسن ما راح تفقديني أن شاء الله ...
هنادي والعبرة خانقتها : ومتى بتروحون
روان : باقي شهر ونص
هنادي ونزلت دموعها حضنتها روان وواللي بدت معها
تبكي ...........
جلسو على هالحال لم راحت روان بيتهم بعد ما أقنعت هنادي
أنهم ما راح تنقطع علاقتهم بيتواصلون بأي طريقة .......
/ /////////////// ////////////////////////// ///////////////////
في بيت سارة :
جمانه : يمة متى بنروح جدة عشان العزيمة
أم نايف (سارة) : باقي أسبوعين على جيتهم
جمانه : طيب كم بنقعد في جدة ......
أم نايف: بنغيبك أنتي وعبدالله الأربعاء وبنروح هناك العزيمة الخميس وبنرجع ليلة الأحد .....
جمانة : يعني الأربعاء والسبت والأحد أغيب
أم نايف : لا الأحد بداومين
جمانة : برجع من السفر تعبانة
أم نايف: وأنتي اللي بتسوقين أبوك
جمانة : إلا أبوي عنده دوام كيف بيجلس معنا هناك
أم نايف: بيحطنا ويرجع
جمانة : ونايف بيجي من القصيم
أم نايف: أي بياخذ أجازة أسبوع ويجي هو ومرته وبيستأجرون شقة وأنا بنكون معهم
جمانه : بس أنا أبي أجلس عند خالي منصور
أم نايف :عارفة أنك بتزعجينا لين تروحين عندهم
جمانة : الحمد الله أجل فلة بس
أم نايف: وشو بعد
جمانة : بأشتري لبس عشان العزيمة
أم نايف: لا رحنا أشتري من هناك أعوذ بالله روحي بأصلي
جمانة : وشفيك بأسولف معك
أم نايف: لم أخلص سولفي
جمانه قامت تدق على لمى عشان تقول لها أنها بتنام عندهم لم يجون ........
/////////,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,, ,,,,,
( ما بقى على اليوم الموعود على نقل روان إلا ليلة
جهزو جميع أغراضهم وأرسلوها لجده وهم بيسافرون يوم الأربعاء ........
هنادي حزينة بفراق صديقة عمرها ورفيقة دربها بعد علاقة أستمرت 6 سنوات .........
نورة وشذا جهزو غرفتهم لأستقبال روان ......
ومحمد ينتظر لحظة فراق عشيقته وولده.......
ولميا ولمى ورغد متشوقين يشوفون عمهم الجديد .......
سارة سافرت هي وعيالها لجدة وحطو جمانه عند
أخوها منصور وهم راحو مع نايف إلا جى من القصيم وسكنو في شقة )
يوم الثلاثاء :
في بيت عبد الرحمن ...:
أبو وليد جامع العائلة في الصالة ..
أبو وليد : شذا جهزتو كل شي عشان روان بس باقي أنتي
لا تزعجينها ترى معها ولدها
نورة وشذا مع بعض : متزوجة
شهد : ايه توكم تدرون
نورة : تونا ندري
شذا : قلتو عمرها 19 مدري 20
أبو وليد : تزوجت وتطلقت
نورة وشذا : يا حرام
نورة : وين نحط ولدها
شذا : كم عمرة ؟
أم وليد : بيكمل ثلاث شهور
نوره " أيه أحسبة كبير
شذا : يا الله ماني رايقة صياح بزران يكفي ذا وتأشر على فارس
شهد : ولدي ما يصيح كثير
أبو وليد : ما علينا المهم أسمعكم مضايقينها ما تشوفون خير
نورة : لا خالي وش دعوى
شذا : قومي نرقى فوق
نورة : ليش ؟
شذا : قومي بأوريك صور منزلتها من النت
أبو وليد : شذا وشلون الدراسة ما أشوفك تذاكرين
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك