رواية ضحية رجلين -9
شذا : يا الله ماني رايقة صياح بزران يكفي ذا وتأشر على فارس
شهد : ولدي ما يصيح كثير
أبو وليد : ما علينا المهم أسمعكم مضايقينها ما تشوفون خير
نورة : لا خالي وش دعوى
شذا : قومي نرقى فوق
نورة : ليش ؟
شذا : قومي بأوريك صور منزلتها من النت
أبو وليد : شذا وشلون الدراسة ما أشوفك تذاكرين
نورة : ها كلتيها لو أنك ساكته أحسن
شذا : إلا أذاكر بس أشياء جديدة مدري وشي فيزياء وكيمياء ورياضيات
كبر أبليس وحالتنا حالة
نورة : هذا الجهل وما يسوي
شذا : أقول أسكتي يا الدبة
أبو وليد : أها بس
وسكتو
شهد : وراكم حايسين غرفتي
نورة : بس وسعنا عليك شلنا سرير
شهد : وجبتو دولاب وش كبرة
نورة : لا ولدتي فيها حلال
شذا : إلا أنتي اللحين في أي شهر
نورة : وش ذا اللقافة
شذا : أختي
شهد : الثامن
شذا : يعني باقي شهر
شهد : مو شرط يمكن أولد أللحين
نورة : تخيلي بس \
شذا تأشر لنورة عشان يرقون ورقو ..........
أبو وليد : وليد ماجى
أم وليد : بيجي بالطيارة بكرة مع محمد
أبو وليد : يصير خير ..............
,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,، ،،،،،،
جمانه ولميا ولمى في السوق لحالهم :
جمانة : أقول كم الساعة
لميا : 8
لمى : أقول خلونا نرجع بياكلنا سلطان
لميا : دايم أرجع متأخر ماقد قال شي
جمانة : خلاص شرينا اللي نبيه وشوله نقعد
لميا : نتمشى
لمى : أقول بأدق يجي ياخذنا
جمانه : إلا رغد عندها ملابس للعزيمة
لمى : أيه عندها
لميا : بلا سخافة خلونا نتعشى ونرجع
لمى : تونا الساعة 8
جمانة : ايه نتعشا ونرجع
لمى : نتعشى في البيت
لميا: وش نتعشى في البيت بعدين جمانه اليوم واصله خلينا نعشيها عشى محترم
لمى : أقول بلا سخافة نرجع أحسن ورانا نومة !
جمانة : أقول يا النوامة عشوني ! بعدين نرجع
لمى دقت على سلطان وسحبت لميا الجوال منها وقال تعشو
بعدين بجي أخذكم ...
لميا: شفتي يقول تعشو بعدين أجي أخذكم
لمى ": عشان جمانه معنا
جمانة : أخص يحبني
لميا : ذا وجه حب أحس بيتزوج كورة
لمى : تخيلي عاد متزوج كورة ياسرع الزفة أجل
جمانه : عليك تخيالات أنتي
لمى : يا ربي شوفو شوفو هناك
اللتفتت لميا وجمانه شافوا مجموعة شباب جايين لهم
لمى تسحب عباية لميا : دقي على سليطين يا حمارة
لميا:أنا أختك الكبيرة وشو حمارة
لمى : في البيت نتحاسب
جمانه : وشفيكم لاجو لنا دقينا على سلطان بعدين أنا معكم
أم لسان أعرف أرد
مرو الشباب جمبهم وراحو
لمى : 1 صفر
لميا : شفتو مؤدبين ماسو شي بس أنتي خوافة
لمى : ما أحب أطلع سوق ما معنا متزوجة
جمانة : مافي إلا مرت أخوي فاضية تترك بنتها ورجلها
عشان تجي معنا وشهد مسكينة ياله تشيل عمرها
لميا: أنا دايم أطلع لحالي ماقد صار لي شي بس أنتم خوافات
دق جوال لميا وطلع سلطان اللي قال أنه عند المواقف يطلعون له
لميا : سلطان برى عند المواقف
لمى : أخوي وأعرفة ما راح يخلينا يوم أربعاء ولحالنا
أمشي بس
جمانة : يعني العشاء طار
لمى : طاير من زمان وراحو ..........
هنادي جالسة في غرفتها ومقفلة عليها الباب دق عليها
بدر :هنادي أفتحي أبي أكلمك
فتحت الباب : نعم
بدر: أجلس عند الباب
دخلو وجلسو على السرير
بدر : كل هذا عشان روان بتسافر بكرة
هنادي وخانقتها العبرة : بلاك ما تحس فيني
بدر : عارف أنها صديقة عمرك وحبيبة قلبك وما عندك غيرها بس خلاص الدنيا كذا
هنادي : بس أنا ما أحب أكون صداقات في أماكن عامة
بدر : الحين الجامعة مكان عام
هنادي : يعني البنات فيه كثار وأنا على طول أنجرف
بدر" لا أنتي عاقلة وتعرفين الصح والخطا وما راح أحد يجرك أن شاء الله وكل ثلاث شهور بأخليك تشوفينها
هنادي : كيف ؟
بدر : نروح جدة أنا وأنتي وتشوفينها
هنادي : كل ثلاث شهور ما قصرت
بدر : طيب ولا يهمك متى ما علي محاظرات مهمة خذتك هناك
هنادي: أحلف
بدر : يعني أكذب عليك لاتصرين بزر
هنادي / طيب عندي طلب
بدر : وش
هنادي : تخليني أودع روان في المطار
بدر وهو يقوم : ومتى طيارتهم بكرة
هنادي : 9 الصباح
بدر : قوميني الصبح و أوديك وطلع .....
دقت هنادي على روان :
روان : هلا وغلا
هنادي : ها تجهزتو
روان : ايه شكلي ما راح أنام من القلق
هنادي : أحسن
روان : هو ليش!
هنادي: حسي فيني
روان : يعني أنا ماني زعلانة مثلك
هنادي :يختي وش أسوي من أسولف معه
من أطلع معه
من أضحك معة
من أثقل دمي علية
من أمون علية
من أمزح معه علميني ؟
روان : لا تضيقين صدري كافي اللي فيني
هنادي: ترى بكرة بأكون معك في المطار
روان :من بيجيبك .؟
هنادي: بدر وقالي بعد متى مايكون فاضي بيوديني جدة
روان : أيه متى يفضى
هنادي: أقول أكلمك على المسن أدخلي
روان : لاخليها ف الليل
هنادي : متى يعني ؟
روان :1 ونص لأني مشغوله اللحين
هنادي: أجل يله مع السلامة
روان : مع السلامة
سكرت روان وجتها رسالة من محمد .........
(وش حيلة اللي هام في حب مخلوق
فرقاه موت وجيته مستحيله!!!)
قرت الرسالة وجت رسالة ثانية منه ..
(تدري وش اللي يحز ويكسر الخاطر ......
أنك تمر بخيالي وأنت ما تدري ...
يا كثر ما جيت في بالي وأنا ناطر
يمكن تحس بغلاك اللي سكن دمي ....)
أرسلت له:
(محمد بيلز لاترسل إلا في الضرورة
أنا بأكون عند عماني بكرة مو كل شوي ترسل
مو حلوة بحقي )
أرسل :
(روان والله بفقدك حسي فيني شوي
طيب قوللي أي كلمة قبل لا تسافرين )
أرسلت :
(الله يوفقك بس بعيد عني )
أرسل :
( الله يوفقك يا روان بس قريب مني )
ما ردت عليه روان وأنشغلت بنفسها //////////
/////////// /////////////// //////////////////////// /// ////////
في المطار :
أم روان وروان وهنادي جالسن لحالهم
وأبو روان وبدر ومحمد ووليد اللي ماسك ولده جالسن لحالهم
هنادي : كم باقي على الطيارة
روان : ساعة وأتركك
أم روان : ومحمد من قاله أنا في المطار
روان : يمكن شافنا وأنا نطلع من بيتنا ولحقنا
أم روان : لا أنا أقصد وش دراه أنا بنسافر
هنادي: أكيد بيعرف يعني كنتو بتسافرون من دون علمه
ومعكم ولده
أم روان سكتت
روان تناظر هنادي وتشكرها على التصريفة
أعلنو الرحلة :
هنادي: لا أقعدي
حضنتها هنادي : خلاص هنود أشوفك على خير أنتبهي لنفسك
وراح أكلمك أول ما أوصل هناك
هنادي: يله مع السلامة
روان : مع السلامة
مشت هنادي مع اخوها بدر
راحت روان لمحمد عشان تاخذ فيصل ...
محمد : أنتبهي لنفسك
روان : أن شاء الله
محمد : بأكلمك على المسن أذا دخلتي عشان بأطمن على فيصل
روان : طيب
خذت فيصل وراحت مع أهلها ..................
////////////////////////////////////////////////////////
في جدة :
كان في المطار عبدالرحمن أبو وليد ومنصور أبو تركي وتركي
وسارة مع ولدها نايف...
وصلت رحلة الرياض :
أبو روان : أمشو معي شفوهم هناك
روان : منهم
أبو روان : عمانك
مشو وراحو لهم
أبو روان سلم عليهم وسلم على سارة بحرارة لأنه ما شافها
لم جى
سارة : هذي بنتك
أبو روان : أيه بنتي روان
سلمت عليها روان وأم روان
أبو وليد : اللحين وليد ورى ما جى معكم قايل لي أنه بيجي معكم
روان : لاعمي هو قال وأنتبهت لعمرها (عمي )
تحس أنها حلوة هالكلمة أول مرة تقولها
أبو وليد : وش قال
روان / عنده شغل وكنسل يجي معنا
أبو وليد : ادق عليه الصبح يقول أنا رايح للمطار
نايف : ادق عليه اشوف
روان تكلم أبوها : هذا مين
ـبو روان : هذا ولد عمتك سارة كبير متزوج وساكن في القصيم
وعنده بنت
دق عليه نايف لقاه مسكر : مسكر خالي
أبو وليد : بتصرف معه وأنتم بتمرحون هنا يله مشينا
أبو وليد وأبو روان
وأم روان وروان وولدها فيصل في سيارة
ويسوق بهم السواق..
ونايف وأمه في سيارة
وأبو تركي وتركي في سيارة وتفرقو وتواعدو العصر بكرة يجتمعون في بيت عبدالرحمن .........
ــــــــــ
أم وليد وشذا ونورة وشهد جالسين في الصالة ينتظرونهم يجون من المطار .......
شذا : فيني النوم متى يجون
شهد : أي والله تأخروا
أم وليد" وأنتي وش مقومك من الفجر
نورة : متحمسين نشوفهم
شهد : جو
شذا : جو جو معهم أحد
نورة : ما ضنتي معهم أحد
دخلو :
أم وليد : ياهلا ومرحبا ومسهلا تو ما نور المكان
أم روان وتسلم عليها " منور بوجودكم
وسلمت عليهم كلهم
أم وليد : وين بنتك
أم روان : كانت وراي
شوي دخلت عليهم وفيصل معها يصيح راحت شهد وخذته منها وسلمت عليها وسلمت على أم وليد وعلى شذا ونورة
روان : يمه أبوي بيدخل
قامت أم وليد وأم روان دخلو مجلس الحريم
نورة: خالي أدخل مافي أحد
دخل أبو وليد وأبو روان وراحو البنات وسلمو عليه
أبو وليد : هذي نورة بنت ساره جالسة عندنا عشان تدرس
وهذي يأشر على شهد : هذي بنتي شهد وهذا ولدها فار س
وهذي بنتي شذا في أول ثنوي ......
أبو روان : الله يخليهم لك .
جلسو مع بعض شوي وجلس فيصل يصيح وتضايقت منه
روان لأنه مفروض اللحين نايم قامت نورة وشذا رقوها
فوق لغرفتهم .......
جلسوها على سريرها ورقت الشغالة الشناط وقالو لها تأخذ راحتها وطلعو من الغرفة .......
رضعت روان فيصل ونام دخلت الحمام تتسبح وطلعت وأرسلت لهنادي :(هاي هنود ترى وصلت أكلمك بالليل /)
ردت :( حمد الله على سلامتكم :أنتظرك/)
جلست روان ماتدري وش تسوي خافت تنزل يكون في أحد
قررت تجلس أنسدحت على السرير ومن التعب مادرت عن عمرها إلا نايمة ............
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الفصل الثاني عشر:
نورة نازلة من الدرج : لقيتها نايمة ياعمري شكلها تعبانة
شهد : أجل خليها لا أذن الظهر قوميها تصلي
شذا : وأنتي بتقعدين هنا لا متى
شهد : والله مدري لين يطلع سامي من الشغل يعني 2 ونص
شذا : إلا صح أبوي يقول دقو على وليد شكله مكذب عليه
وقايل له أنه رايح المطار وهو أصلا ما جاء معهم
شهد : أكيد نايم ولا عنده شغل
نورة : ترى من جد طفشنا من البيت ودي نروح نتمشى على البحر تغير جو
شذا : ومن بيودينا
نورة : نشوف نايف
شهد : ما ظنتي فاضي لكم معه عمتي وعبدالله ومرته وسديم
وشلون يخليهم ويوديكم طال عمركم للبحر كان يجيب الشلة معه
شذا : لا ما نبي ودي أطلع بدون بزران
نورة : أيه تكفين ما أحب أي أزعاج
شهد : اللحين عندكم واحد في غرفتكم عن عشر
شذا : الله يعينا
نورة : ترى من جد أتكلم ودي نطلع
شذا : أنا بأدق على لميا أذا لقيتها صاحية خليت سلطان ولا تركي يودينا
نورة : الحيين ورى ما نروح مع السواق وش بيصير يعني
شهد : وإذا أبوي قام وما لقى السواق وعنده مشوار
نورة : خلاص دقي على لميا
دقت شذا على لميا وعلى طول ردت
لميا : هلا والله
شذا : هلا وش أخبارك
لميا : الحمد الله وشخبارك أنتي
شذا : الحمد لله وشعندك قايمة
لميا : بس كذا مزاج أقوم الصبح
شذا|: أخوانك قايمين
لميا: بس تركي ليش ؟
شذا: عمي نايم
لميا: ايه من جى من المطار نام وشعندك تسألين
شذا : لا بس أنا ونورة طفشانين وودنا نطلع نتمشى على البحر ونفطر ويعني زي كذا
لميا" الدنيا شمس وحر وش يطلعكم اللحين
شذا : من زمان ما طلعنا الصبح
ليما : غريبة عمي موافق
شذا : نايم مايدري قامو الصبح وراحو المطار ورجعو نامو خلونا نستغل الفرصة ونطلع
لميا: موافقة بس أشوف تركي وأرد عليك
شذا : يله باي .........
نورة : وش قالت
شذا : بتسأل تركي وترد
شهد : من جدكم ماراح تستأذنون
نورة : ايه بنقول لهم بنمشي بنت عمنا
شهد : وبتقومون روان بعد
شذا : أيه أجل نروح ما قلنالها
شهد : يا ويلي عليكم من الحيين بتخربون البنت توها واصله
بعدين ولدها وين بتحطونه أن شاء الله ؟
نورة : وأنتي وش تسوين فاضيه لا شغل ولا مشغلة أمسكي ولدها
لين نرجع
شهد: ومن يقول بأخليكم تروحون لحالكم بروح معكم
شذا : أستأذني من رجلك قبل ما عندنا بنات يطلعون من دون شور أزواجهم
شهد : لا والله أنا حرام وأنتم حلال خلاص هونت ماني رايحة
نورة : من قال أنك بتروحين معنا
شهد : عمى أن شاء الله
نورة : يعميك وأصلا ما دقت لميا عشان نروح ولا لا ...
دقايق ودقت لميا :
لميا :ها أسمعي يسأل من بيروح ؟
شذا : يعني وافق
لميا : ايه بس من بيروح
شذا : أنا ونورة وروان مدري بنسألها
لميا : منهي روان ؟
شذا : بنت عمي محمد
لميا : ايه صح توها جايه بتروح معنا
شذا : مدري بس بنقولها عشان ناخذها عذر
لميا : مخططين بعد
شذا : ايه أفا عليك
لميا : المهم جمانه و رغد بتجون ولمى مدري أذا قدرت أقومها
شذا : خليها ذا النوامه تقوم
لميا: بس السيارة بتكفي ما أدري
شذا : أنتي قدام وأنا ورا
لميا : جمانه ورغد وأنتي وروان ولمى يمكن باقي نورة وين نحطها
شذا : أي والله هذي يبيلها سيارة لحالها
نورة : كنكم تحشون فيني
شذا : لا نحش في جمانه
نورة : أيه أشوى
شذا :أقول خل ياخذ سيارة سلطان أوسع
لميا : أشوف يله تجهزو ربع ساعة وأنا عندكم
(راحو نورة وشذا وقومو روان وقالو لها وفرحت ولبست معهم وحطت فيصل عند شهد وجلسو عند الباب ينتظرونهم يجون ..
جمانه ورغد ولميا تجهزو وقومو لمى اللي مشت معهم ما تدري وش السالفة ...
تركي الي أبتلش بالبنات خذ سيارة سلطان الجيب أوسع من سيارته
وراحو لبيت عمهم عبدالرحمن ......
الكل ركب إلا نورة .......
وروان سلمت على اللي ما شافتهم .....
نورة : الحيين وين أركب
جلس تركي يضحك : ههه وخرو شوي خلوها تركب
رغد : نورة روحي قدام وخلي لميا تجي هنا بدالك
نورة : لا والله حلوه هذي
لميا: يله خلصو قبل لا يذن الظهر مابقى إلا ساعة
تراصو النبات وركبت نورة ........
نورة : وأخيرا
وكان ترتيبهم في السيارة كذا
لميا ... تركي
روان جمانه لمى شذا رغد نورة
ومشو رايحين البحر .......
لمى : تدرون لو أقولكم شي تتقرفون
شذا : وشو
لمى : ترى لبست عبايتي وطلعت
شذا : يعني كيف
لمى : لا رحت الحمام ولا غيرت ملابسي كذا جايه من السرير للسيارة
جمانه ورغد : الله يقرفك
لمى : والله وش أسوي ما أمداني رجتني لميا لبست عبايتي وجيت
لميا : مو لهدرجة ما تغسلين
شذا : أهم شي مافي ريحة
نورة : هذا أهم شي
تركي : وين تبون تروحون
شذا : مودينا ما تدري وين تودينا للبحر يعني
تركي اللي مايحب طولة اللسان بس رد : وش تبون تفطرون
لميا : ما يمدينا نروح مطعم وش رايكم نوقف عند بقالة وناخذ لنا أي شي
نورة : أيه عادي أهم شي نفطر
جمانه : عاد ما تكلم إلا ذا الدبة مفروض أول ما يتكلم شذا العصلا
شذا : من زينك ياالعمارة
نورة : ترى أنتم من الصبح وأنتم تتطنزون علي لا تخلوني بدفة مني أطير كم في الشارع
لمى : أول من بيروح فيها روان
نورة : وينها ما تكلمت من ركبت
روان : هلا وشفيكم أحس نفسي بأموت
شذا : وقفو عسى البنت ماجاها شي
روان : زحمة مرة ما أقدر أتحرك ما تعودت زحمة كذا دايم أركب لحالي
لميا : يا عمري تحملي ترى دايم تصير لو معنا بزارين وش تسوين ......
لمى :بتموت
تركي وقف عند بقالة : ها وش تبون .........
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك