رواية ياضياعه بالهون ترا نصفي يبيه -23
رند : مادري مع اني احبها كثير .. واحشتني كثير .. بس خايفه خايفه اروح لها وتجافيني
شجن : اللي مايبيك لا تبينه
رند : ماقدر .. والله ماقدر .. احبها غصب عني ذي امي ، عشت حياتي كلها وانا استنا بس لو مره وحده تاخذني بحضنها
وجلست تبكي رند بقوه
شجن : بسسس عشاني بس ، الدكتور يقول مو زين عشانك .. مسكتها من كتفها : حتى انا اتعب لما تبكين لا تحسبين ماعرف
رند وهي تمسح دموعها بضحكه : ديم دايم تقولي لانها تحس فيني لما اكون ضايقه
شجن وهي تقلد ديم برفعه الحاجب : معناته الخلل بيني وبين ديم مانحس بعض
رند : مدري
شجن وهي تقرب وجهها من وجهه رند : عشاني لا تزعلين نفسك ابد .. انا وعدتك محد بيزعلك وقدها
رند وبصيص من ثقه يدخل اعماقها : بتكونين معي ؟
شجن : حتى لو اضطريت اتضارب ، مع ان برستيجي مايسمح بس عشانك
رند بعفويه : احببك شجن وحضنتها
شجن بنفسها وهي تمسح على ظهر اختها : وانا احببك بعد ..
.
.
.
مشاعل معصبه : بتكملين محاماه
ديم : ياصبر .. ماما تكفين
مشاعل وراسها بينفجر : قلتلك لا .. تكملين تكملين .. خلصنا
ديم : ماما الله يخليك قولي انك بتفكرين
مشاعل : تبين سنه كامله تروح عليك انتي ورند
ديم : سنه ترا ، لا بعد انا اعتبرها سنه مولدي
مشاعل : مسويه بتقنعيني
ديم : ماما صايره مره ماقدر اتفاهم معك وطلعت من الصاله اللي فوق وهي تبكي بقوه
دخلت على توائمها وهن حاضنات بعض ورمت نفسها بينهم وهي تبكي
مشاعل اللي حتى هي تحس انها بركان وبدا ينفجر على اقرب ناسها .. نزلت راسها على ركبها وبدت تبكي ..
/
رجع للبيت وهو متنكد ومتكدر من الصباح ، اشياء كثيره لفت مخه اليوم .. ابد ماكان يوم دوام
طول الوقت وهو يفكر بمشاعل والحرمان اللي عاشته ١٨ سنه ..
حس انه قسى عليها لما رفض طلبها البسيط .. ماوده يصير هو والزمن عليها .
بس بعد ماوده اخته تسكن مع بناتها بعيد عنه وعن عينه ..
طلع الدرج وهو يبي يكلم اخته بقرار اتخذه يمكن يرضي جميع الاطراف
لمح وضعها وحس من هزه كتفها انها تبكي ..
جلس جنبها وحط ايده على ظهرها : وش فيك يا اختي
مشاعل وهي تبكي : انا تعبت محمد .. تعبت من كل شي
محمد بصدق : ليش حاسه نفسك انك لحالك ؟ ليش ماتقتنعين اننا كلنا حولك ؟
مشاعل : مابي احد ينقل هم مو همه .. كافي راح عمركم ناقلين همي
محمد : هو كلام ذا تقولينه لاخوك ؟
مشاعل : محمد انت تعبت كثير معي .. انت مو بس اخوي ، انت امي وابوي .. انت اللي ربيتني .. انت اللي زوجتني
انت اللي وقفت معي بحدادي وعزاي .. انت وانت وانت !!
خلاص كفايه وانا مشيلتك همومي وشقاي
محمد : واذا صرتي في بيت لحالك تحسين انك خففتي الهم ؟
مشاعل : لا والله مو كذا .. بس حرام فيصل يرجع يعيش طبيعي معاكم و ..
محمد : و ايش ؟
مشاعل : محمد ذولي بنات .. كل وحده في بيت اهلها متعوده لها غرفتها وخصوصيتها .. مابي يختلف عليهن شي هنا
محمد : خايفه يبن يرجعن لاهاليهن عشان غرف ؟
مشاعل وهي تبكي : مدري مدري بس مابي ينقصهن شي
محمد : وين مشاعل العاقله الحكيمه ؟
مشاعل : ضاع كل شي يوم لقيتهن ! خايفه افقدهن من جديد .. لو تركني محمد بنجن بيصيرلي شي
محمد : مهبولات كان خلن امهن وراحن لاحد غيرها
مشاعل : مدري والله عاشن كل عمرهن بعيد عني
محمد بحب : طيب انا فكرت بفكره حلوه وان شاءالله ترضيني وترضيك
مشاعل وعيونها متنفخه من البكا : ايش ؟
محمد : البيت اللي جنبنا للبيع نشتريه ونفتح السور اللي بين البيتين .. يصير البيتين بحوش واحد
مشاعل بفرحه : ماعندي مانع اللي تبيه
محمد : وعلى شرط بعد ؟
مشاعل : انت تامر بعد
محمد : الغدا بتغدا عندك كل يوم ، وبالليل بخلي فيصل ينام بالملحق حقك
مشاعل جتها الضحكه عشان فيصل وتخيلت شكله : حرام وش ذنبه
محمد : اجل انا بجي اسكن عندك ، ماقدر اخليك مع بناتك لحالكم ابد قلبي مايتريح يا وخيتي
مشاعل وهي تضمه : الله لا يحرمني منك
:
:
كل كلمه انقالت .. كل حرف انطق .. كل شي .. سمعنه التوائم الثلاثه ..
كل وحده فيهم سرحت للبعيد ، لزمن ماقبل مشاعل
[ شجنَ الكبيرهْ : كانت محتاجه ام تراعيها وتتكلم معها ، كانت تعيش وحده عجيبه .. صحيح ابوها يحبها ومدلعها لكن الفراغ الامومي كبير كبير .
كانت حياتها كلها مستشفيات وتعب ومرض ..
من لقت مشاعل راح كل شي .. لقت ام تتكلم معها ، تثق فيها ، ينقلن الهم سوا .. مثل ماكانت تحلم ، شجن بقلبها تردد : ماما مستحيل اتركك ماصدقت الاقيك ! ]
[ ديمَ الوسطى : كانت عايشه قصص رعب .. شك وظلم وضرب .. كانت كل يوم تتإمل وجهها تدور الشبهه وينه فيهم ! ، صحيح كانت عندها ام مؤمنه حنونه ، لكن ابوها كان يكرهها
كانت تحس بالذنب لما تنضرب امها بسبتها ، كانت تعيش كوابيس غريبه ، من لقت مشاعل بذاك اليوم في المستشفى راح الوجع وراح الالم .. من اول ماحضنتها عرفت وش يعني حضن امي الحقيقي
من لقت التشابهه بينها وبين امها حلفت ماتتركها ابد ، باعت حياتها القديمه كلها عشان امها .. ديم بقلبها : ماما والله ادرس محاماه وماستر فيها بعد عشانك مستحيل اتركك عشان اي شي ]
[ رند الصغيره المتعبه : ماضي اسود وقفت ذكرياتها عن سرد نفسها بعقلها الصغير .. وش تذكر غير ام جافيه .. واب تشوفه بالمناسبات .. ماتذكر ابد احد عرف عنها وعن امراضها !
لو اهلها كانو مهتمين لو شوي كان من زمان عرفوا بمرضها ، من جت عند مشاعل لقت الاهتمام والحب الحقيقي .. كل يوم تحس بمشاعل وهي تغطيها .. او تلمس خدها تتاكد من حرارتها
تحس ب امها وهي تقصر التكييف خايفه عليها تمرض .. تتذكر كيف امها مرات توقف قدامها تطمن على تنفسها ، بصوت مخنوق سمعنه توائمها : كنوز الدنيا مابدلها فيها .. ]
ديم وهي تحضنها : ولا انا
وقفت رند ك حركه ايجابيه وفتحت باب الغرفه وطلعت بخطوات منهاره ورمت نفسها بحضن مشاعل تبكي : ماما من جدك نتركك عشان غرفه .. ماما انا مستعده انام بالصاله ولا ارجع لذاك القصر ..
مستعده انام على الارض ولا انام بجناحي هناك .. مابي فلوس ، مابي البس ماركات ، ابيك انتي بس ماما ..
محمد لف وجهه يمسح دموعه .. وديم وشجن قفلن الباب ودخلن يكملن بكاهن جوا
اما مشاعل حضنت بنتها : ادري ماما بس ابيكن تعيشن مثل غيركن
وعم الهدوء ..
.
فيصل وهو جالس مع امه بالمجلس الخارجي : من جد عمتي بتطلع ؟
ام فيصل : ايه بياخذون البيت اللي جنبنا وانت على خير تنام بالملحق معهم
فيصل وعلامه استفهام تدور بوجهه : ليش جايبيني بفيزا ؟
ام فيصل وهي تشرب شاي : لا والله بنات تبيهن يجلسن لحالهن ؟
فيصل : وانا دكتور طول وعرض انام بملحق
ام فيصل : الله عاد وش فيه الملحق
فيصل : كان قلتوا مجلس مو عاد ملحق برا كني ابو هنود
ام فيصل : والله ابوك قايل كذا انا مالي خص
فيصل : انا احتتج وينه ابوي ؟
ام فيصل : نايم ومصدع وفكه من شرك مو ناقصينك
فيصل بنص عين : عمتي وينها
ام فيصل عصبت : اسمع المخلوقه متضايقه بدونك ياويلك اشوفك فاتح معها السيره ،
فيصل : الله اكبر .. الحين خايفه عليهم ومو خايفه علي وليدك وحيدك ؟
ام فيصل : الله يا هالولد
فيصل بنبره تهديد : هين يمه هين .. بكرا اعرس ان شاءالله واجيبلي بزر وتتصلين يا فيصل هات وليدك اشيله
ام فيصل وهي تخز فيصل ناقده : لا تطمن ماراح اتصل فيك .. ان شاءالله بناتي يعرسن ويملن البيت بزران
فيصل فتح عيونه : جحدددتيني يمه
ام فيصل : ايه تبي تغلا بولدك مانبيه رصه على قليبك
فيصل يقهر امه : من زين بناتك عاد .. انا ومدامي ازين منهن ويجون عيالنا ازين من عيالهن
ام فيصل : انا على بالي قاعده مع رجال ، مادريت اني جالسه مع بزر وقامت وخلته
فيصل بصوت عالي : والله زمان محد فشلني خخخخخخ
.
.
.
.
.
تمرَ الايامَ .. تاكل من عمرنا عمرَ .. بعد شهرينَ !
الصباح الساعهَ ٦ ونص صباحا ..
ديم بنعاس : ماما شويه بس
مشاعل : يلا ديم كلهن قامن الا حضرتك
فتحت ديم عيونها والا الضو بعينها .. يالله قامت ولمحت خواتها كل وحده تحوس بجهه
ديم بصوت نااعس : تكففون خلونا نغيب
مشاعل وهي طالعه بصوت عالي : قومممممي صلي
ديم : يارب تموت الجامعه اففف ، قامت متكسله وبيجامتها مرتفعه لين ركبتها
رند وهي واقفه تسرح شعرها بعد الشاور : هههههههههه
ديم وهي تخزها : على تبن
شجن اللي ترتب السرير : اوم الاخلاق على الصباح
ديم بعد مادخلت الحمام وبصوت عالي : خلصتي المويه الحاره !!
شجن : ياويلك
رند بخوف : ماسويت شي
ديم تفتح الباب معصبه : كم مره اقولك لا تخلصينه كله والا تسبحي من الليل
رند وهي تكمل : ليش ماتسبحتي في الليل انتي
ديم مطنقره : تبين انمرض ؟
شجن : ايش مشكلتك الجو دافي روحي تسبحي
ديم بصوت عالي : مااحب اتسبح الا المويه حاره
شجن : خلاص الله يعين بنات كلاسك على ريحتك ، حنا خواتك ملزومات نستحملك
ديم وهي تحك شعرها : وجع في عينك منك لها ،
رند : ايش دخلني انا
ديم : من خلص المويه غيرك
شجن : خلصي شوفي الساعه كم
ديم : بروح بس والله لو انمرض ياويلك مني يا رند
رند : يارب ماتنمرضين
شجن : ههههههههههههههه
.
.
مشاعل دخلت معصبه : ديييم وبعدين الساعه سبع ونص تاخرنا
ديم : ماما اففففف ليش تصحوني متاخر
مشاعل : مو بيبي حضرتك لازم انا اصحيك
ديم : خلاص روحوا وخلوني اغيب
مشاعل : وبعدين ؟ يلا قدامي
ديم وهي تلقي اخر نظره على نفسها : ايش رايك ماما حلوه صح
مشاعل : حلوه بس خلصينا
نزلوا كلهم وفيصل اللي له ساعه ينتظر برا
شجن : فشلتينا مع الرجال له ساعه ينتظر ، وهي تناظر امها : ماما بجد يلزمنا سواق
ديم : على اساس السواق من بكرا يجي
مشاعل : اصبحنا يلا بس
دخلوا السياره وكلهم سلموا الا ديم اخلاقها قافله ..
فيصل بصوت عالي : ناقص صوت ؟
مشاعل : فيصل اطلع من مخي
فيصل : وش فيكم اصبحنا ، صدق عمتي السلام لله
مشاعل : وانت حافظ اصوات بناتي
فيصل : لا والله بس العاده فيه صوت يخترق طبله اذني ويسببلي ارتجاج
ديم بشهقه : من تقصد
فيصل بنفسه ميت ضحك : انا ماقلت ديم
ديم : انا اللي ماسلمت اكيد تقصدني
فيصل : لا ماقصدك
ديم عصبت وحاقده عليه من زمان : الا تقصدني يالفتان
مشاعل : وبعدين بزران انتم
ديم : ماما شوفيه هو بدا ، والله ماما ظلم توقفين معه عشانه ولد اخوك
مشاعل : ماوقفت مع احد بس فكوني خلاص الواحد يبي يروق
فيصل : تبون كوفي ؟
ديم مطنقره : وصلنا وانت ساكت
شجن ورند : ههههههههههههههههه
ديم بصوت واطي : اعجبكن فشلته
فيصل : سمعتتك
مشاعل : فيصل وبعدين ؟ انا خلاص من اليوم وطالع انا وديم نروح مع محمد من ٧
ديم : وليش انا يا سلام
مشاعل : لانك تاخرين العالم لازم اتطمن انك تجين
فيصل بصوت واطي لعمته : من جد تبيني اوديهن لحالهن
مشاعل بصوت واثق : ايه شجن ماعليها خوف
فيصل بقلبه هذا البلا والله .. : خلاص عمتي روقي ومالك الا اللي يسرك
مشاعل كان ودها تضحك على فيصل اللي مبين يتجنب شجن ولسانها : نشوف
.
.
.
.
.
.
بَ الجامعهَ كاننَ ثلاث توائم كل وحده فيهم لها برستيجَ خاص فيها ..
ديم وهي بجنب شجن : ايش رايك تحضرين محاضرتي وانا انام ؟
شجن بدون تطالع فيها : احد قايلك ماعندي محاضره ؟
ديم : مره وحده اعملي خير يا اختي لله
شجن وهي رافعه حاجب تقلدها : المحاضره ماما بتعطيني اياها
ديم : اففففف وعيونها على رند
شجن بنبره تهديد : انصحك ماتخلينها تحضر مكانك
ديم بنبره مكسوره : ليش ؟
شجن بصوت مبحوح : ماما كل دقيقه تجي تشيك عليها
ديم وهي رافعه حاجب : نبدل ملابسنا
شجن : ذكيه صراحه ، ليش هي بتجي تدورها بكلاسها والا كلاسك
ديم واقفه نص وقفه : اففففففف يالله صباح خير
شجن : ايش فيه صباحك ؟ مصبحه بفيصل
ديم : مالت عليه
شجن وهي تلبس نظارتها : هبلا ، يلا رنود نروح ؟
ديم : وتخلوني !!
شجن : كلاسك بعيد عن كلاساتنا
ديم : وتبوني اروح لحالي ؟
شجن : كل عمرك تروحين لحالك ، وين حنان وامل
ديم عصبت : ليش انتن ماتحبني !
شجن : وقتك هو
ديم : مالي شغل
رند : خلاص نوصلها اول
شجن : مايمدي بلحق كلاسي
ديم وهي تخز شجن من ورا نظارتها : كل التوينز نحيسين كذا !
مشت شجن بخطواتها الانيقه بدون ترد على ديم ،
ورند وقفت بالنص محتاره تلحق شجن او تروح مع ديم
ديم وهي تخز رند : ماتلحقينها !
رند بصوتها الهادي : مالي خلق الكلاس
ديم بصوت فرحان : نقول لماما انك تعبانه وانا اجلس معك
رند وهي فاتحه عيونها : تبينها تحجزني بالمستشفى شهر !
ديم : يلا رنود الحلوه تكفين ابي كوفي اروق
رند : ليش ماخليتي فيصل يجيبلك
ديم : ابدي تناحه انسه رند ابدي ، ترا احبك مره لما تبدين تناحه
رند : سوري ديم بس اخاف من ماما تزعل
ديم : روحي الحقي اختك بس
رند : الحقي كلاسك بعيد
ديم وهي ترفع نظارتها معصبه : ان شاءالله ماما
مشت رند بخطوات هاديه .. وديم بخطوات معصبه ومابقت سبه ماسبتها على الجامعه والبنات والمبنى والعالم ،
/
دخلت الكلاس واخلاقها صفر ،
مستعده تتضارب مع اي احد .. جلست وراسها مصدع ماحست الا بصوت عالي يرعبها !
حنان بصرخخخه : حماااااااره يالقاطعه
امل وهي تصد : لا تفكرين اسلم عليك !
ديم وقفت وبصرخه : صديققققققاتي
امل : انقلعي
ديم : تكفون صديقاااتي تعالن احضنننكن
حنان : هبلاااا انقلعي وينك فيه
ديم والابتسامه على وجهها : حكايه طويله تبون اقولها لكن ؟
امل + حنان بلقافه : ايش صار ؟
ديم ورافعه حاجبها ب انتصار : نشرد من المحاضره واعلمكن
حنان بتحذير : ديم من زمان حضرتك غايبه وغير كذا امك استاذه هنا و ..
ديم تقاطعها : ايوه اكملكم سالفه ماما وخواتي
امل : كانت اخت
ديم وهي طالعه وماسكه ايديهن : صارن اثنين
امل وحنان : !!!!!!!!!!!!!
.
.
.
طلع من غرفته مروق ، نزل الدرج وهو يصفر /
جاه صوت امه من المطبخ الداخلي : مشششششعل
مشعل : اهلين يمه
ام مشعل بزعل : ابوك زعلان يمه
مشعل وهو يدخل ايديه بالبالطو : وش مزعله ؟
ام مشعل : بنت عمك اللي حاجزينها لا احنا ملكنا ولا شي
مشعل بنرفزه : وقته يمه وراي دوام
ام مشعل : كم لك شهر على هالحال ! يايمه مايصير نعلق بنت الناس
مشعل مقهور من نفسه وعلى نفسه : ادري يمه بسس ..
ام مشعل : لا بس ولا شي الخميس نملك خلاص كم لك تإجل !
مشعل : الخميس لا الخميس قريب ووو
ام مشعل : ابوك وصاني اقولك وخلاص ، فضي نفسك الخميس
مشعل وهو يقفل عيونه : ان شاءالله يمه .
طلع من البيت متنكد ومعصب ومقهور ، كل خططه وكل شي بحياته انقلب فوق تحت .. كانت حب حياته وانتهت ذيك الحياه خلاص
وصل المستشفى يحس بالضياع ، دخل بهدوئه وهيبته المعتاده .. مع لمحه حزن اليمه تخيم على وجهه الجميل
دخل مكتبه ورمى بكل احزانه على طاولته وجلس يقلب فيها ..
لمحه فيصل وهو داخل وبصوت مروق : متى جيت ؟
فيصل : مشعل ؟ مشعل ؟؟
فيصل مستغرب من وضع مشعل بس حس ان جد ماله داعي والرجال مو طايق نفسه طلع مثل مادخل ،
قفل عيونه لما طلع صديقه .. يتعب كثير لما يلمح الدم اللي بعروق فيصل .. يشبهه دمها كثير
جلس يفكر ويفكر .. وش هو بالنسبه لها ! يا ترى تفكر فيه مثل ماعقله تعب هايم فيها !
اللي متاكد منه انها ماتطيقه ابد وترد بدون نفس .. ابتسم بحزن وبصوت داخل اعماقه تردد : مالك بالحب يا مشعل ابد .
فيصل وهو برا ويفكر بمشعل يبي يعرف وش فيه دق جواله رد بدون يشوف من : هلا
ابو فيصل : السلام عليكم
فيصل مستغرب من ابوه : اهلين الغالي خير فيه شي ؟
ابو فيصل : ياوليدي وش فيك ربشه ! مافيه الا الخير وانا ابوك بس ابيك لو تقدر تمر بيت عمتك توقف مع العمال انا اليوم ماقدر امرهم
فيصل يتنهد : ولا يهمك الغالي بشوف احد يناوب عني واطلع
رجع للمكتب وطق ب ادب ، رفع مشعل عينه ولمح فيصل ..
فيصل مبتسم : وش رايك نفرك من الدوام
مشعل وهو يضيق عيونه : !!!!!!!!!
فيصل : تصدق كل عمري وانا احب افرك بس ماسويتها ولا مره
مشعل على نفس وضعيته : !!
فيصل وهو يجلس مقابله : عاد ببرد كبدي وافرك
مشعل : مافركت وانت بزر بتفرك الحين ؟
فيصل : الوالد متصل يبي اشوف بيت عمتي وماقدرت اقوله لا
مشعل بتفهم : اها
فيصل مسوي يقنع مشعل : لو ابوك قالك شي تقوله لا ؟
مشعل وهو يبتسم ابتسامه صفرا : طبعا لا
فيصل : حلو تجي معي ؟
مشعل يهز راسه بسلبيه : نشوف بيت التوائم !
فيصل : حلللللللللللوه
مشعل : العقل نعمه
/
وصلوا البيت اللي خلصوا ترميم فيه ..
دخلوا ومشعل عيونه على كل زاويه ممكن بيوم بتوقف فيها .. لبس نظارته خاف انعكاسات شجن تبان بعيونه
فيصل معصب : والله عمتي تحب الغثى وش له تطلع !
مشعل : اسالها !
فيصل : هئه وش يفكني من امل ومحمد لا وازيدك من الشعر بيت
مشعل : ؟
فيصل : بينوموني بالملحق
مشعل فجإه : هههههههههههههههههههههههههههههههههههههههههههههههههه ه
فيصل بنص عين : زانت الاخلاق اشوف
مشعل : وش قصتك يااخي مع الملاحق ؟
فيصل وهو يإشر على جبهته : اقرا انت مكتوب فيزااا ؟ بالله دور منا ولا منا
مشعل بنص عين : مكتوبه ب احرف متقاطعه
فيصل : لا خفيف دم باقي شوي ويخف عقلك معه
مشعل : بسلامتك
فيصل بجد : وش فيك يا اخي ؟ وش مضيقها فيك ؟
مشعل مبتسم : ابد مو ضايق ولا شي .. ملكتي الخميس انبسط يا عم
فيصل ستغرب : صدددددق !
مشعل : ايه صدق انبسط
فيصل بنص عين : ما المح احد فرحان هنا ؟ وبصوت عالي : فييه واحد هنا خاطب وعابس
مشعل : ايش تبي يعني اسوي
فيصل بجد : اضحك ، طامر .. نكت ي اخي .. حبيبه عمرك ذي !
مشعل : لا كذا مرتاح
فيصل : العقبالي يارب
مشعل : وش ماسكك ملك
فيصل يستهبل : فيه وحده اكبر منها بدقيقه
مشعل وهو ينزل عينه للارض : هههه
فيصل : محد حالف تضحك !
مشعل : انتبه للعمال بس خلهم يخلصون
فيصل : كلها ساعه والوالد يجي ونروح
مشعل : ومسحبني معك على ساعه
فيصل : اغيرلك جو
مشعل : مالت عليك زين
فيصل بدون اهتمام : عادي
/
طلعت من الكلاس والكشكول حقها بيدها ، تراجع الاشياء اللي اخذتها بالمحاضرهَ .. عيونها تلمع امل بالمستقبل القادمَ ..
بداخلها قررت تدخل طبَ .. بتجتاز السنه ذي بمعدل مرتفع وتدخل طب لا محالهَ ..
دخلت كشكولها بشنطتها وطلعت جوالها لقت مسدكول من رقم غريب ! حطت جوالها على العام وكملت طريقها الطويل
مانتبهت ابد للعيون اللي تراقبها من بعد .
نهى بجديه : خلاص ريم فكينا منها
ريم مقهوره : والله لا اجيب خشمها الارض
نهى : ايش تبين فيها خلاص ماعاد تهم
ريم بنفسها : الا ابيها !
/
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تااابعَ الجزء الخامس والعشرينَ @ !
/
ديم : ودي كول الحكايةة
حنان وهي تحط ايدها على خدها : الاااااااه ابي زي كذا
امل : وين تويزاتك نبي نشوف الشبهه
ديم : ارسلتلهن مسج بيجن اكيد
وصلت رند الاولى .. : حنان بصوت عالي : فوله واتئسمت نصين
ديم : لا تلاته انصاص هههههههه
رند بتناحه : وش فولته ؟
ديم وهي تقرب من رند : ذي رند توينزتي وحبيبتي .. امل وحنان صديقاتي
رند بنعومه : اهلين .. سلموا البنات على بعض وجلسوا سوالفَ .. الين مرت شجنَ ب اطلالتها َ
ديم : توينزنا الكبيرهَ
حنان ب اعجاب : الكشششخه ذي توينزك
ديم بغيره : ايش قصدك ؟
حنان : انتي عارفه انهم ملقبينها انيقه الجامعه
ديم وهي تإشر على نفسها : تراها كربونتي
حنان : طيري بس قال كربونك
ديم عصبت عليها : والله ماعرفك عليها
حنان : لا تكفين ديم حبيبتي تهبل اختك ذي
رند وهي ترمش بنعومه : فديت شجن اختي
شجن وهي ترمي النظاره وشعرها الكيرلي طاير حولها : مرحبا صبايا
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك