رواية ياضياعه بالهون ترا نصفي يبيه -22
تركي من وراهم : وانا يالوالد
ابو تركي على وضعه : انت ظهري وسندي
تركي وهو يقرب ويبوس راس ابوه : الله يديمك على راسنا يالغالي
ابو تركي وهو يبعد فارس : وين امك ؟
فارس بعفويه : كالعاده طالعه
تركي اللي ضيق حواجبه لما شاف تعابير ابوه المنقهره : ماعليه يبه خلها لي بتكلم معها
ابو تركي : عشتوا اخر الزمن الولد ينصح امه .. خلها وانا ابوك محد يبي منها شي خلاص
تركي : !!!
ابو تركي بصدق : بيجيها يوم وتندم .. كل واحد وله يومه يا ولدي .. بعيونه قهر قديم .. حقد بدا يبدا ويتعلى في وجهه .
…
ديم وهي تمشي جنب شجنَ : ايش فيه ؟
شجن اللي خطواتها ثابته ومن طلعت ماردت لديم بحرف واحد
ديم مقهوره : ردي طيب افف
شجن فجإه صارت ماتسمع ولا تتكلم
ركبن السياره وشجن صامته .. وطول الطريق الصمت والشرده ملازمينها .
كانت تفكر بعمق .. تفكر بكرا وايش بيصير بكرا .. عيونها تلمع شر .. كل شي فيها ينتفض
ديم وهي تلمح ايد شجن ترتجف : ايش فيك انتي ؟ ايش قالتلك ماما ؟
شجن : …..
امل اللي اللقافه بعد ذبحتها لفت على شجن وهي تسال : وش فيك يمه ؟ وش صاير
محمد : صدق لو تبينك مشاعل تعرفن كان قالت قدامكن !
امل تفشلت وديم انقهرت زود وطنقرت :
.
.
الحين بس حست براحه حقيقيه تمشي بجسمها المتعب .. راحه عجيبه .. حست احد يشيل معها الهم ، احد تعتمد عليه ..
ماتنكر ان فيصل وابو فيصل ماقصروا ابد معها ، بس هي خلاص قررت تشيل هم بناتها وماتبي احد يتدخل فيهم .
قررت تكون عائلتها الصغيره بكيفها ..
جلست تفكر بجديه ..
ديم دلوعه .. وحساسه .. وباقي تحسها بعمرها وعايشه مراهقتها .. مو قد ابد انها تحملها هموم اكبر منها .
ورند تعبانه .. زين ترد النفس لصدرها ، ماهي ابد قد شي ..
اما شجن هي الوحيده اللي حستها قدها .. حست بقوتها وسيطرتها .. حست انها انسانه عاقله وتعمل الصح
حست ان بنتها اخذت منها الحكمه ، ماقد شافت شجن تغلط على احد او ترادد احد .. كلماتها واضحه ونظرتها محدده
قفلت مشاعل عيونها وهي تحمد ربها ان رزقها بنت قويه ، حست انها بنت عن عشر عيال .
.
.
ديم : ماتبين تعلميني ؟
شجن وهي تفصخ عباتها وتعلقها : اقولك عن ايش ؟
ديم : ايش قالتلك ماما ؟
شجن وهي تقلدها ترفع حاجب : ايش قالت ماما
ديم مقهوره : حركات تعرفين ترفعين حاجبك
شجن وهي ترفعه مره ثانيه : مش حنا توينز لازم اعرف
ديم : بس انا ماعرف لازم اكسر نظرتي
شجن : مالحقتي تتعلمين خطفتها ونزلت من بطن ماما
ديم مستثقله دم شجن : مسويه ظريفه ؟ يعني اضحك مثلا !!
شجن : من قال اضحكي ؟
ديم عصبت : ليش ماتعلميني و اختك انا
شجن وهي تجلس على الكنب : ايوه ابديلي اسطوانتك ؟ الا اختي وحبيبتي بعد
ديم وهي ترمي نفسها على السرير : علميييني طيب
شجن : ديم بليز وقفي حننه
ديم : واذا ماوقفت !
شجن ب استسلام : بتصل بابا واروح انام بغرفتي بهدوء
ديم : وتخليني هنا لحالي ؟
شجن: اعتقد انو انا رايحه عنك
ديم : لا يمكن هناك اذا حنيت ترحميني وتعلميني
شجن بصدق : انتي ماتملين قد ماتحنيين
ديم وعيونها لسما : ليش انتي تتعبين لما تخزين الادمي ولا تنزلين عينك
شجن : ف عيني مش بلساني !
ديم : وعينك ماتتعب
شجن وهي تحط الخداديه على وجهها : يالليل
ديم : علميييييييني
شجن : طلعي من مخي
ديم وهي تفك الخداديه من وجهها : تكفيييين علميني لو بس طرف السالفه وانا افهمها
شجن تحط ايديها على اذانها : مش معقوله انتي
ديم : انتي اللي قالوا عنه بير الاسرار
شجن : ههههههه
ديم بصوت عالي وهي تشد ايدين شجن : وين دلووك تكفين
شجن : هههههههههههه ضاع
ديم : توينننزتي لا تخبين عني
شجن : شي مايخصك ليش ملقوفه انتي
ديم الا يخصني لازم
شجن بكذب : طيب اعلمك بس مو تروحين لماما تعلمينها
ديم : والله العظيم ماعلم قسم بالله ، بس تكفين ريحيني ماراح اعرف انام اذا ماعرفت
شجن : يا ماما كل ذا فضول
ديم : اي والله واشد بعد ، يمكن اصدع وانمرض
شجن : ا كلش ولا تنمرضين ناقصينك !
ديم : علميني يلا
شجن بكذب : شوفي يا ستي ماما جلست توصيني عليك واحط بالي منك
ديم : ليش يارب ؟ ورفعت حاجبها مستغربه
شجن : مدري ممكن فيصل قايلها شي ؟ لانها لمحت لشي هيك
ديم ووججها علامات تعجب : وش قال الفتان !!!!!!
شجن وهي بداخلها بتموت ضحك : مادري عنك ايش هببتي العصر انتي
ديم : وجججججع اوريه .. خساره حبي له بس
شجن رافعه حاجبها : حب اها
ديم وهي تجلس جنب شجن بحالميه وتمسك ايديها : ايه كان بطل احلامي لفتره
شجن : فتره !
ديم : ايه من بدا يفتن بديت اكرهه
شجن : تكرهينه اها
ديم بصوت حالم : ايه اكرهه
شجن : صوت قلبك شطب طبلتي
ديم : و آآآآه
شجن : حب في منزل خالي
ديم : لا حب عند المختبر
شجن : ايت مختبر ؟
ديييم بحماس : انتي ماتعرفين سبب حبي العميق لولد خالي ، غير خفه دمه وجماله
شجن وهي تاخذها قد عقلها : محد قالي
ديم وهي تتربع : ايه ماجلسنا سوا برواقه عشان اقولك
شجن بضحك : يلا علميني
ديم : كان يا مكان كان فيه وحده اسمها ديم .. وديم كانت حلوه حلوه احلى من كل توائمها
شجن ميته ضحك : ايوه هههههههههههههههه
ديم : وكانت ديم انسانه منكوبه دايما وابدا على قولتكم في الانقلش فور ايفر
شجن : ايوه
ديم : وكان ابوها ماخذها يحللها الدي ان اي شاك بنسبها
شجن اللي عقدت حواجبها لما لمحت ملامح ديم بدت تتغير لحزن : شاك ؟
ديم تكمل : وكان فيه دكتور جاي بالصدفه وفزع لنا
شجن : اللي هو فيصل ؟
ديم بحب : ولقالي اهلي
شجن : فيصل صاير كونان لاقي العايله كلها
ديم بتهديد : اوعي تحبيه !
شجن برفعه حاجب : لسا قايله انك ماتحبيه
ديم : ايه بس مارضى وحده من خواتي تحب حبيبي القديم
شجن بصدق : هو يعرف انك تحبينه ؟
ديم بخيبه : لا طبعا
شجن : وليش ماتعقلين قدامه ؟
ديم بعدم اهتمام : عساه لاحبني وبعدين ايش عرفك ممكن بعد سنه ما احبه
شجن : ضامنه تعيشين لسنه لجايه
ديم : ياخراشي بسم الله علي .. اوريك فيه طلع فتان
شجن : مانسيتي هههههههههههههه
ديم بقهر : وشلون انام الحين
شجن : هههههههههههههههههههههههه في كل الحالات كيف تنامين ؟
ديم بصدق : والله فيصل عليه طلعات تخليني اعصصصب ياليت يصير ذوق مثل مشعل
شجن رافعه حاجب : …
ديم منطلقه : والله انه ذوق ومزيون وحق كششخه
شجن : كششخه
ديم وهي واقفه : لو ماحبيت فيصل كان فكرت فيه
شجن : مو جديد هبلك
ديم وهي ماشيه برا الغرفه : محد اهبل غيرك
شجن وهي تقفل عينها وملامح مشعل في بالها : كششخه ؟ هه وتذكرت رند والكلام اللي قالتها امها لها
قفلت عيونها قوه تمنعهم ينزلون دموعها .. ااخ يا رند وش بتستمحلين بس !
نزلت ديم وهي تنادي : خالتتتوه
امل اللي جالسه لحالها بالصاله : تعالي يمه هنا
ديم وهي طايره : شفتي خالتوه فيصل وش سوا
امل : وش سوا بعد !!
ديم منقهره منه : مفتن علي ماما
امل : ليش وش مسويه انتي ؟
ديم وهي تجلس جنب امل وتحط شعرها ورا اذانها : والله خالتوه ماسويت شي والله بس هو من ذاك اليوم يقولي هبلا !
محمد اللي متابع الحوار وبداخله : والله ما اهبل منه الا انتي
امل راحمه مشاعل وبناتها : اوريك فيه الخايس
ديم اللي اصلا مانتبهت ان خالها فيه : يعني ناقصني ماما بتعطيني محاضره بعد
محمد بصوت حنون : كنه ينفع فيك
ديم اللي اخترعت ان خالها فيه : ههه خالو فيه ؟
محمد مستغرب : وش كبري ماشفتيني
ديم : لا والله مانتبهت
محمد وهو يوقف : من حبك لشر طايره تفتني
ديم وهي توقف : لا والله خالو فيصل الفتان
محمد وبقلبه تمنى لو فيصل والبنات تربوا سوا .. متاكد ان الطقاقات كلها والمضارب بتكون بين ديم وفيصل : كلكم فتانين زين
ديم وهي تتكتف : بس هو اللي بدا
امل بصرامه : ماعليك بيجي هو واوريه
محمد : بحط رجلي واتركلكم البيت انا . ناظر ديم بحب : شجن وينها ؟
ديم بنص عين : وش عندكم مع شجن !
محمد برائه : بفضيلكم البيت للحرب حقكم
امل بعدم تصديق : اها
محمد وهو يناظرهن : صدق حريم وطلع
/
بصوت مخنوق ، رند : ماما
مشاعل بلهفه : عيون ماما
مدت ايدينها بطفوليه اكثر ومسكت ايدين امها : لا تخلينهم ياخذوني عندها .. وبدت دموعها تنزل
مشاعل بخوف عليها : بس يا ماما لا تبكين .. محد بياخذك مني
رند : وعد
مشاعل : وعد
سمعت صوت طق على باب الغرفه استغربت .. لفت طرحتها ولبست نقابها وطلعت بهدوء
اول ماشافت وجههم كان ودها تطرده .. تصرخ بوجهه لكن ابد ذي مو اخلاق مشاعل
تركي ب ادب : السلام عليكم ام رند .. معليش جينا بدون موعد !
مشاعل بصرامه : وعليكم السلام ؟ ايش فيه
تركي وهو يناظر ابوه : ابد حابين نتكلم معك بموضوع ونزور رند نتطمن عليها
مشاعل بحده : رند تمام وطيبه .. ايش موضوعك
تركي تنحنح : ….
ابو تركي : حبيت اخبرك شخصيا ان امور نقل نسب رند على الاسبوع الجاي بتخلص بدون تروحون محاكم او اي شي
مشاعل بتفكير : طيب
رند اللي سعت صوت ابو تركي الحبيب .. قامت من سريرها وبصوت حاولت يكون عالي : باااابا
صوت رند تعدا مسامع مشاعل واكيد وصل لقلب ابو تركي الولهان .. غرقت عينه بالدموع وهو يشوف نفسه محروم من بنته وحبيبته !
مشاعل ماقدرت تستمر بالؤم اللي حاولت تكون فيه .. فتحت الباب وهي تمسح دموعها
دخل فارس يركض واللي مشاعل نفسها مانتبهت ان معهم بزر ..
فارس وهو يرمي نفسه بحضن رند : وييييينك ليش رحتي وخليتني .. ليش .. احسبك رحتي مثل رغد ومتوا وخلتوني وجلس يبكي
ابو تركي اللي مسك فارس وابعده عن رند واخذ بنته بحضنه وهو يبكي
رند اللي حوطت ايديها على ابوها وبصوت مذبوح : بابا وينك !
ابو تركي وهو جامعها لصدره : موجود يا حبيبتي بس ماسمحوا بالزياره الا اليوم .. مسح دموعها بيده وباس جبهتها وهو يسمي عليها
رند رجعت لصدره مره ثانيه : خلاص مو بنتك انا !!
ابو تركي بلهجه موجوعه : انتي بنتي لين اموت ومالي بنات غيرك
رند : بابا
ابو تركي بصدق : كيفك بابا وكيف عمليتك ؟ بطلعك لبريطانيا بس تتحسن صحتك ، بس انتي قوي عزيمتك حبيبتي
رند تهز راسها بسلبيه : طيب بابا
تركي اللي كان على جنب واقف : احمم وانا مالي بالحلو نصيب
ابو تركي ورند بحضنه : انسى ابعد عنها
فارس متنرفز : بابا بليز شوي بس
ابو تركي : وش تبون ؟ بنتي ذي ! بنتي انا
تركي مستنكر حركات ابوه : لا والله الوالد ! دقيقه بس محد ماكلها
ابو تركي مبتسم لرند المبتسمه : توجعك عمليتك ؟
رند والالم مازال : يعني بس يعطوني مخدر
ابو تركي : مريت الصباح البرفسور المسؤول واكدلي انك تمام التمام وكلها اسبوع واثنين وتطلعين بالسلامه
رند الي ملامحها تغيرت وبخوف : اطلع ؟ ولفت عيونها لامها اللي واقفه بعيد عنهم
تركي اللي قرب من رند وباسها بخدها : بتروحين معها عند اخواتك
رند اللي ارتاحت نسبيا : اها
ابو تركي : توصي شي بنتي حبيبتي
رند : اجلس باببا
ابو تركي بحزم : لا بابا ممنوعه الزياره الا عشر دقايق بس .. عشانك حبيبتي لازم طول الوقت مرتاحه او نايمه
رند بطفش : مرتاحه ونايه اصلا
فارس بقهر : عادي اجلس معها
تركي : قدمي يالله
فارس : اففففففففف
ابتسمت مشاعل لهم وهم حولها .. حست ب امتنان بسيط لهم ، حست بدايةة تقبل .. احاسيس ام متلخبطهَ
نهايةة الجزء # شَروايْ حلمً ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الخامسَ و العشرينَ @ !
بعدَ شهرَ وعده ايامَ على الاحداثَ !
جالسه مشاعل وبيدها بطاقه الاحوالَ .. كانت تتإملَ اسمها وتحتهَ البناتَ الثالثَ .. ماحبت تغير اسماء بناتها ، حبتهن ب اسمائهن
رفعت عينها تناظر الساعهَ ثمانَ الصباحَ واخوها باقي مانزل ..
كملت شرب قهوتها وهي متوتره على الاخر ..
جاها صوت محمد من البعيد : امل تقول انك تبيني قبل اروح الدوام ؟
وقفت مشاعل وهي شبهه مبتسمه : اي والله اخوي ابيك
محمد بحب : امري وش بغيتي ؟
مشاعل وججهها اصفر وخايفه من رده فعل اخوها : مادري وش اقول صراحه .. محمد مابيك تفهم شي غلط .. انا والله ماقصد شي
محمد مستغرب من مشاعل : خير وانا اخوك قولي وش فيه ؟
مشاعل وهي تلف عيونها بالبيت : محمد انا ودي استقل انا وبناتي بيت لحالنا .. مو قصور فيك والله ياخوي
خافت مشاعل وهي تلاحظ معالم محمد وهي تتغير لتكشيره / مشاعل وهي تكمل : يا اخوي ثلاث بنات وكبيرات والله حتى فيصل ماعاد ياخذ راحته
محمد معصب : هو اشتكالك !!!!!!!
مشاعل بخوف : فيصل عمره شكى !! لا والله ماشكى ولا شي بس انا احس اني …
محمد بصوت متنرفز : مثقله علي ! صح !
محمد بصوت مرتفع : مشاعل الكلام ذا لا عاد اسمعك تعيدينه ! انتي اختي ومالك غيري ومالك بيت غير هالبيت .. بناتك بناتي وماراح يطلعن من هالبيت الا لبيوت رجالهن
وطلع وهو معصب .. ماسمعت مشاعل الا صوت الباب وهو يتقفل بقوه .. جلست تصيح بقوه
امل اللي ماحبت تتدخل خوف من محمد .. حضنت مشاعل وهي تصيح معها : قلتلك مالك داعي بس انتي ماتسمعين الكلام
مشاعل : ليش وش فيها لو استقر انا وبناتي ! مابي احس اني هم وثقل على احد .. كافي العمر اللي راح
امل بعصبيه : وش هممممه وش ثقله صاحيه انتي ؟!!!!
مشاعل وهي تقوم مقهوره من كل شي بذا الدنيا .. هي وبناتها بغرفه وحدهَ .. ودها تعوض بناتها عن كل شي بس مو عارفه تسوي شي وهي بيت مو بيتها
دخلت غرفتها ولمحت توائمها نايمات بهدوء .. دخلت الحمام وقفلته على نفسها تبكي .. تبكي نفسها وضعفها والظلم الطويل اللي مر عليها
تبكي شجن الكبيره .. وديم الخايفه .. ورند المريضه ..
تبكي اليتم اللي ذاقته بدري .. واللي حتى بناتها ذاقنه معها .. حسست ان محمد مو متفهم ابد .. مو حاس باللي هي تحسه .
تعبت بكي .. وتعبت من كل شي ، تعبت هم بكرا وهم بعد بكرا .
غسلت وجهها وطلعت من جديد .. قربت من رند اللي نايمه جنب ديم بالسرير .. تتاكد انها باقي حيه وتتنفس ، تطمن عليها بس
وطلعت من الغرفه عن لا تزعجهن
.
.
.
فيصل وهو حاط رجل على رجل : الا بنرفع قضيه
مشعل وهو ياكل بالتوست : احد ماسك رجلك
فيصل : وش دخل رجلي بالسالفه
مشعل بعدم اهتمام : لانك انت عكس المخاليق
فيصل : لا يكثر بس ، الا على طاري المخاليق متى ملكتك ؟
مشعل وهو يرمي التوست : انت تعرف الاشياء اللي تسد نفسي وتذكرها لي ؟
فيصل بنص عين : عششششتوا حركات الحريم لما يخافن من العين
مشعل : اسمع فيصل انصحك تروح طبيب نفسي يشوف وش قصتك
فيصل : لا تغير السالفه ، متى ؟
مشعل : لسى ماحددت
فيصل وهو يغير وضعيه الـ رجل على رجل : اتذكر انك كنت مسوي مجنون ليلى ومنهبل لما انخطبت
مشعل : بتسكت ولا شلون ؟
فيصل وهو يقوم : ياخي ابي افرح فيك ابي اشيل وليدك
مشعل : وش عليك من وليدي ؟ اعرس انت وشيل وليدك
فيصل : لا انا ابستنى شوي
مشعل يخزه : حركات وش عندك اذكر انك منطفق تبي العرس
فيصل بجد : استنى العروس تعقل
مشعل فاتح عيونه : من جدك انت بتاخذ بنت عمتك الخبله ذي ؟
فيصل معصب : جب بس لا تقول عنها خبله مارضا على بنت عمتي
مشعل يحاول يفهم فيصل : لا فيصل تكففا يرحم ابوك تكففا كافي علينا انت وهي ، مانبي اجيال متسلسله
فيصل : انقققلع غيران من حبنا
مشعل : اي حب ؟ انت لو تشوف حالكم وانتم تسولفون مع بعض كان تحرم تاخذ من قبيلتك كلها خوفا من وجود الجين خامد
فيصل يتكتف : اصلا مو محببني فيها الا جيناتها ، ارحم من القشرا اختها ، انا اشك انها بنت عمتي .. فاتك ماشفتها يوم بغت تخمني ؟
مشعل بنص ابتسامه : تخمك ؟
فيصل : اقصد تهفني بس اشوا مامعها شي ، اول مره صدق اخاف من بنت
مشعل بنص ضحكه : اجل فاتك ماشفتها وهو تتهاوش مع تركي المغرور
فيصل : بعددد هالبنت مفشلتنا بكل مكان
مشعل بقلبه [ و فاتك بعد يا صديقي وش سوت فيني .. شهور وهي لاعبه بحسبتي ! ]
فيصل بصرخه : الللللو امريكاا وين سرحت بالعروس اكيد ويغمزله
مشعل وهو يوقف : الله يسد نفسك مثل ما انت سديت نفسي ، وطلع وتركه
فيصل وهو طالع وراه : هههههههههه علينا حركات لا تحسدوني
مشعل : خبل مثل بنت عمتك
فيصل بصوت عالي : ههههههههههههههههههههههههههههه غيران غيران
.
.
.
فارس معصب : مابي اروح السكول
ام تركي : مو على كيفك بتروح غصب
فارس وبعيونه النوم : لا مابروح
ام تركي : المدرسه متصله لك اسبوع غايب
فارس بعناد : وبغيب لاخر السنه بعد
ام تركي متنرفزه : وبعدين معك لازم تفشلنا بكل مكان ! انا كلمت السواق بيوديك الحين
بصوت مرتفع فارس : افففففف مابي مابي اروح ،
ام تركي عصبت من رفعه صوته : انت مو متربي اصلا ترفع صوتك على ماما
فارس بصوت مقهور وهو مار من جنبها : ياحظ رغد ورند افتكوا من النكد .. يارب حتى انا يطلعون لي اهل غير وارتاح
ام تركي بصوت عالي : فااارس
لكن فارس مارد ودخل الحمام وقفله قوه …..
طلعت معصبه ومقهوره من جناح فارس .. وتتوعد ب فارس وتتهدد .. مادرت ان فارس صار رجال فجإه َ كبر فجإه ! كبرته الدنيا !
/
بالغرفه الصغيره .. البنات الثلاث جالسات والام قدامهن تتكلم بصرامهَ !
مو هي ام لبنات .. لازم تكون صارمه وواضحه
ديم بصوت مقهور : ماااما خلينا هالترم نرتاح
مشاعل معصبه : ترتاحين من ايش ؟ مافيه كملت اوراقكن انا وبترجعن تداومن ب اقسامكن
ديم مستنكره : ماما ابي اصير مع رند
مشاعل : مو اخترتي المحاماه برغبتك ؟ اوكيه بتكملين فيها !
ديم : اخترتها قبل اعرف ان عندي توينز ! .. ناظرت رند وبصوت واطي : يلا رنود تكلمي معي نقنعها
رند بسلبيه : بكيف ماما
ديم عصبت ووقفت : لا والله الحين فزعتي معي
رند اللي صرخت ديم روعتها وبنفس الوقت ذكرتها بماضي ماودها تذكره نزلت عيونها وبدت دموعها تنزل بهدوء ..
شجن عصبت على ديم : وش تبين انتي ؟ قربت من رند وحضنتها بقوه : ليش حبيبتي تبكين ايش فيك
مشاعل ماقدرت تستحمل وقفت وطلعت برا .. بنتها ضعيفه بشكل ابد ماكانت تتوقعه ، مشاعل انسانه مثقفه وقد اخذت دورات بعلم النفس !
ديم بندم : رنود حبيبتي والله ماقصدت ارفع صوتي عليك بس قهرتيني
شجن معصبه : قهرتك ؟
ديم : انتي خليك على جنب لا تدخلين
شجن : اللي يسمعك يقول حنا دخلناك المحاماه غصب
ديم : كنت ناويه ادوركن
شجن عيونها طايره : كنتي عارفه يعني فينا
ديم بنص عين : احساس بس
شجن : روحي اعتذري من ماما بس
ديم وهي تناظر رند : زعلانه مني ؟
شجن : روحي لماما
ديم وقفت : ان شاءالله اختي الكبيره ، انا مادري ليش مو انا الكبيره مدري كيف فاتتني وخليتك تزحلقين قبلي ؟
شجن تناظرها بملل : وقته طبعا الحين ؟
طلعت ديم معصبه تدور امها ..
شجن اللي مسكت وجهه رند ورفعته بهدوء : ايش فيك ؟
رند والدموع غارقه بعيونها : مافي شي !
شجن بصدق : تقدرين تعبرين عن رايك رند .. اللي تبينه قوليه بس
رند : لا عادي
شجن بحب اكبر وهي تمسح دموعها : ماعاش من يبكيك .. وعدتك انا صح
رند وهي تمسك ايدين شجن من على وجهها بقوه : ماكان حلم صح !!!
شجن وعيونها غرقانه بدمعها : لا مو حلم .. سمعتيني صح
رند وهي تبكي : دايم احلم فيك .. انا متاكده انك انتي اللي في احلامي مو ديمَ
شجن بصدق : ادري انه انتي اللي كل يوم تجيني ب احلامي لما تكون متضايقه .. ادري انه انتي نصفي الضايع
رند بشهقه : كيف عرفتي ؟
شجن : لان لما ديم تعصب او تنقهر او حتى تتضايق اكون بطبيعتي .. بس انتي لا ، ادري اذا ضقتي .. تضيق الدنيا فيني معك !
رند بتناحه : يعني ديم مو توؤمنا
شجن : الا بس مدري ليش .. بجد لا تسمعك بتتضايق وتبكي بعد
رند وهي تنزل عيونها : خايفه
شجن : من ايش خايفه علميني ؟ من اللي كل هالسنين ضيعك ؟
رند وهي تمسح دموعها من جديد وبغصصه : ماما والله ماما ماتحبني
شجن : لا حبيبتي اكيد تحبك
رند : مو ماما مشاعل ، ماما اللي ربتني
شجن وهي تضيق حواجبها : ليش ماتحبك ؟
رند : مادري مع اني احبها كثير .. واحشتني كثير .. بس خايفه خايفه اروح لها وتجافيني
شجن : اللي مايبيك لا تبينه
رند : ماقدر .. والله ماقدر .. احبها غصب عني ذي امي ، عشت حياتي كلها وانا استنا بس لو مره وحده تاخذني بحضنها
وجلست تبكي رند بقوه
شجن : بسسس عشاني بس ، الدكتور يقول مو زين عشانك .. مسكتها من كتفها : حتى انا اتعب لما تبكين لا تحسبين ماعرف
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك