رواية ياضياعه بالهون ترا نصفي يبيه -21
تركي معصب : خلي الدكتور يفحصك
شجن التعبانه ومالها خلق ، وديم اللي ذبحت نفسها بكي .. كان لازم تكون اقوى ، لازم تكون اقوى وترد عليهَ .. هي الكبيرهَ هي البنت الكبيرهَ
رفعت عينها له معصبه : ايش دخلك ؟
تركي : كنتي تموتين !
شجن وبدت تستقر امورها : امووووت ! وش تعرف انت عن الموت ؟
ديم اللي بلعت دموعها وهي تشوف شجن اللي تغيرت .. اشتدت نظره عيونها ، كان وجهها من عالم اخرَ ..
تركي انقهر منها وبرود : ماعرف شي انا ، انتي وش تعرفين .. بنظره ساخره .. وضحكه على جنب وهو يناظرها ..
شجن وقفت بوجهه : ايه اعرف انا .. بكل يوم اختي بيتكم تموت ، تعذبونها .. انا كنت اموت واتعذب معها !
وبنظره سخريه اكثر : لاتظن يا تركي ان كل ذا بيروح .. لاتظن ابد !
تركي عصب : تهدديني انتي ؟
شجن بنظره غرور وهي تلبس نظارتها : افهمها مثل ماتبي ،
تركي كان وده يعطيها بوقس على وجهها ، بس الوقت مو وقته ولا يساعد ؛ تركي بنفسه : وقححه !
ديم اللي صابتها حاله خوف : بتصل على بابا وخالي محمد
شجن بقوه : ماله داعي تخوفينهم
ديم : اخاف يسويلنا شي
شجن بصوت واضح : على تبن !
تركي سمعها وكان وده يرد بس ماعرف وش يقول وسكتت ، مايبي يحط راسه براس بنت ..
وعمَ الهدوء .. ديم اللي نبضات قلبها لحلقها من الخوف
وشجن اللي ماحرك تركي شعره من شعر راسها ..
وتركي اللي يحترق بينه وبين نفسه ..
والممر الطويل الخالي ، والممر اللي يودي ولا يجيبَ !
/
عيون رماديه باهته .. وجهه اصفر شاحب .. شعر متناثر مجموع تحت غطاء ..
رموش تتحرك بخففه ، وشفايف جاافه تنادي بخففه ..
نبض غير مستقر .. تنفس بطيئ ..
يمكن ملك الموت حواليها .. ويمكن لها عمر اخر
فيصل اللي عيونه عليها .. وبينه وبين نفسه : رند تكفين حركي اي شي
محاولات الجميع حولها يوصلونها بس لبر الحياهَ
وبالخلف ام ثكلى تدعي ربها بدموع عينيها … تعلم ان الله يختبرها لذالك اختارت الصبر ووكلت امره له سبحانه .
تعلم جيدا ان لو لها نصيب بتلك الصغيره سوف تعود لا محاله ..
لذالك اكتفت بالجلوس على الارض البارده تنتظر منهم الخبر اليقينَ
..
مشعل وهو يثني ظهره : لا حول والا قوه الا بالله ..
فيصل : يارب لطفك .. ياربي ترحمنا برحمتك
مشعل : بدا الاكسجين يرتفع
فيصل بحزن : جالس تعطيني الامل ؟
مشعل بحب : الامل بيد الله
فيصل : انا عارف يا مشعل بس حالتها شفت كثير منها وعارف وش النهايه
مشعل متاثر مع صديقه : ماتدري ربك كريم
فيصل : ماموجع قلبي الا عمتي ،
مشعل : والله حتى انا ..
نظره الاطباء عقيمه جدا لحاله الصغيره .. كانوا يتوقعون توقف قلبها ب اي لحظه .. رغم نجاح العمليه النسبي الى ان وضعها من سيئ لإسوء
/
شجن وقفت بعد مامل منها الصبر ..
ديم بخوف : وين ؟
شجن : دقايق وراجعه خليك هنا
وبدت خطواتها الواثقه نحو توئمها المرهق
تركي بصوت واضح : وين ؟
شجن اللي سفهته والا عبرتهَ .. دخلت بكل قوتها ..
سمعت اصوات عالم وراها يصارخون ب ممنوع الدخول .. لكن لا حياه لمن تنادي
شافت امها جالسه بالارض : ماما ايش فيه ؟
مشاعل بصوت متهجد : ليش داخله ؟
شجن بصوت مخنوق : وين رند ؟
اشرتلها مشاعل للغرفه وكملت شجن طريقها ..
اول مافتحت الباب طاحت عينها بعيون مشعل المرهقه ، ماعبرته والا اهتمت ب اصواتهم كملت طريقها لتوئمها
قربت من اذن رند وهمسسست بكلمات محد سمعها ..
مسكت ايد رند وشدت عليها بقوه ..
رفعت عينها وهي تلمح مشعل اللي صار قريب وبصوت الامر : شجن اطلعي برا
بعد ثواني كسرت عينها وطلعت مثل مادخلت .. قربت لامها وباست راسها وطلعت لديم ..
لمحت تركي يخزها لكنها ماهتمت له جلست مقابله بجنب ديم ولا كنها قالت له شي .. ولا كنها تعرفه اصلا
ديم بصوت واطي : ياقويه
شجن تقلدها : من من اخاف ؟
ديم وهي رافعه حاجبها : ذاا
شجن بجديه : خايفه ديم ؟
ديم والذكريات الاليمه ترجع لها .. : لا عادي
شجن وهي تضم ديم لها : مافي شي تخافين منه
ديم اللي قفلت عيونها والخوف القديم مازالت ذكرياته تحوم ب افكارها .
طلع من غرفه رند مباشره بعد طلعتها ،
وجود شجن بالمكان له رهبه غير .. كل يوم تملك افكاره اكثر من اليوم اللي قبلهه .. واللي عارفه من نظراتها كرهها الشديد له !
صراع داخلي مؤلم بين حبيبه الامس واليوم .
حاول يركز بشغله وينتبه لمرضاه ويطنش شجن .. وخيالات شجن ..
مشاعل وفيصل واقفين بعد ماستقرت نسبيا حاله رند .
مشاعل : قولي الصدق ؟
فيصل : افا عليك عمتي اكذب عليك انا ؟
مشاعل وهي تبكي وتناظره : قلبي يقولي كلام غير اللي انت تقوله
فيصل وهو يلم عمته بيده له : كل شي بيد الله ياعمتي
مشاعل بحسره : ادري والله ادري بس علموني الحقيقه مابي انفجع والله تعبت يافيصل
فيصل وهو يبلع غصته : ياعمتي كلنا امانات بيده سبحانه ومحد ضامن عمره
مشاعل : علمني الصدق !
فيصل بحزن : الله يرحم بحالتها .
مشاعل والرجفه سرت بكل جسمها : وش يعني ؟ امس قالوا العمليه نجحت ؟
فيصل بخنقه : ماصحت ياعمتي من يومين ! من قبل العمليه من ذاك الوقت تذكرين مافتحت عيونها
مشاعل : ياحسرتي على بنيتي راحت
فيصل : عمتي كل شي بيد الله ودام ماصارلها اسبوع الامل كبير بيد الله .
مشاعل وهي ترمي وجهها بصدر فيصل وتبكي : راح عمري خساير يافيصل
فيصل وهو يمسك عمته من كتوفها : وش هالكلام ياعمتي ! خساير وربنا الله ، الحمدلله على نعمه الاسلام
مشاعل وهي تبكي : استغفر الله لا اله الا الله ..
لع مشاعل وفيصل من حالتهم المزريه صوت الممرضه : بليز دكتور ..
فيصل وهو يقرب لرند .. ومشاعل اللي لمحت رموش بنتها تتحرك وتفتح عيون رماديه باهته !
.
.
.
.
.
ديم بصررخه : صححححت قول والله
فيصل وده يلفها بكف فجرت اذنه : والله
ديم : ابي اشوفها دخلوني
فيصل : لا ممنوع ، امك ونبي نطلعها مو عاد حضرتك تدخلين
ديم : تكفى فيصل تكففففففى دخلني
فيصل اللي التوازن انضرب معه وهي تترجججاه : ديم جد ماقدر رند تعبانه كلها كم يوم وتصير الزياره مسموحه
ديم : يالله فيصل تككككفا دقيقه بس من ورا القزاز بس اشوفها الله يخليك
شجن : ديم بسك ترجي ، ومسكت ايدها وتركت فيصل واقف متفاجئ
فيصل وهو يلحقهن : وين وين ؟
شجن : بنشوف رند !
فيصل معصب : قلنا ممنوع
ديم تنافخ : وش ممنوع ذا انت ليش حسود
فيصل متفاجئ : عششتوا وش حسود ذي ؟ انا الحين ادق على ابوي يجي ياخذكن
ديم وهي تطق رجلها بالارض : والله مارجع الين اشوف رند
فيصل حنق منهن عنيدات : اففف منكن من هي امكن
ديم وهي تخزه : بتدخلنا والا ندخل غصب
فيصل : طيب استنن شوي على الاقل تهدا وندخلكن
ديم بصرخه : الله يوفققققققك يافيصل ياولد خالي يارب
فيصل وهو ماشي عنهن : اعوذ بالله ماينمزح مع شجن
وعند مشاعل قرب فيصل وبصوت هادي : بناتك يبن يدخلن ؟
مشاعل وهي مستغربه : مو تقول ممنوع ؟
فيصل : وانا ليش جايك عشان تصرفينهن .
مشاعل : عادي قولهن انت
فيصل بصدق : والله يا عمتي ياجنه الله ديم
مشاعل فاتحه عيونها : خير !!
فيصل : شججن تخرع بسم الله علي شوي والا تهفني بشي
مشاعل جتها الضحكه ، وهي من زمان ماضحكت : اممممما هههههه
فيصل وهو يجلس جنب عمته : والله اتكلم جد معاك قسم بالله تخوف
مشاعل مسويه معصبه : ماسمحلك تغلط على بنتي !
فيصل : طيب روحي تفاهمي مع بنتك
مشاعل |: وش يضمني تخليني ادخل ؟
فيصل : افا بس عمتي تشكين فيني ؟
مشاعل وهي قايمه : بكيفك ان ماخليتني ادخل برسلك شجن
فيصل وهو يلمح رند النايمه : الله يستر من ذي بعد
مشاعل عصبت جد : وجع قم انقلع برا عن بنتي
فيصل : الله يالبنات والله ينشك بجنسهن
مشاعل وهي تطلع برا تكلم بناتها وسافهته ..
/
ديم بمبزره : يااصبببر الارض
مشاعل : وبعدين
ديم : اوريه راح يحرش
مشاعل : خلاص ماما وعد بكرا تدخلن عليها
شجن بتفهم : اوكيةة ماما الله يصبرنا لبكرا
ديم بدلع : شججن تكفين
شجن بنص عين : قدامي للبيت
ديم : مااااماا بس شوي بس دقيقه والله
مشاعل : ولا نص دقيقه ، اعرفك انا ان دخلتي والله ماتطلعي
ديم : اكيد طالعه ع مين يعني
مشاعل بخز : وش تقصدين انسه ديم ، ترا اخلاقي قافله ومصدعه بدون حنتك
شجن : من جد ماما روحي ريحي واذا تبين شي بينا الفون
وراحت مشاعل عنهن
ديم منقهره : لييييش ابي اشوفها
شجن : ماما قالت لا
ديم : افففف اوريه فيصلوه والله لا اطفشه
شجن : ايش تبين منه ؟
ديم : هو اللي فتن
شجن وهي تمسك راسها : حيلكم بينكم
ديم : يقهرررررر وقسم
شجن : ههههههههههه
/
اوعدكَ لن يكون هناكَ الم .
لن تبكين لن تصرخينَ
سإكون انا هنا .. عنك هنا .. عنك هناك ..
سإبكي عنكِ سإحزنِ عنكِ
فقط عوديَ .. فقط عوديَ
…. # لهاَ ..
ليّ عودههْ # شَروآيً حَلمْ !
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الرابعَ والعشرينّ ..
After 2 weeks
.
.
.
بَقعههَ ضوء اخترقتَ الظلامَ !
تُرى هل سَتُبْدد ظُلمتهَ !
إمَ سَتَتَبدد فيَ ظلمتههَ !
….
بعد ماتطمنتَ على وضع بنتها طلعت تشوف الدكتور .
مشاعل : دكتور مشعل ؟
مشعل : هلا ام رند
مشاعل بحب وتعب : طمني الله يخليك ؟
مشعل يتنهد : الحمدلله وين كنا وين صرنا ؟ الحمدلله صحتها تحسنت كثير .
مشاعل بخوف : الحمدلله يارب ، بس دكتور مدري لها اسبوعين بعد العمليه ولسا لو تقوم بتمشي احس تتعب وتصير زرقا
مشعل بتفهم : انتي عارفه عمليتها ماكانت بسيطه ، وغير ان عندها فشل بالرئه ومثل ماقلت وبرجع اقول حالتها ممكن ب اي لحظه تصير حرجه ونخاف تفشل الرئه الثانيه
عشان كذا لازم الراحه الراحه ، ولا احد يزعلها ابد
مشاعل بخوف حقيقي : ياربي سترك ، وش فشل من جديد ..
مشعل : انتي انسانه مثقفه ومتعلمه و …
مشاعل : الضنا يادكتور مايعرف جاهل ومتعلم ، يعني ماراح تمشونها على نظام معين عشان تقدر تمارس حياتها طبيعي ؟
مشعل : الا ب اذن الله من اليوم تنزل للحديقه تحت تتمشا شوي ، انتي عارفه لازم هواء نقي
مشاعل : على خير يارب
مشعل بحذر : ام رند
مشاعل : خير يارب
مشعل وهو يحك جبهته " فيه موضوع حاب اكلمك فيه
مشاعل مستغربه : ايش فيه ؟
مشعل وهو يدخل ايديه بجيب البالطو : بالنسبه لرند
مشاعل والخوف زادت نسبته : ايش بعد ؟
مشعل : لازم يكون عندك علم ، على اساس فيما بعد تمهدون لها وتخبرونها
مشاعل تحاول تبرد كل احاسيسها : الله يستر
مشعل والكلام يطلع ثقيل بلسانه : انتي عارفه ان عندها عيوب خلقيه بالقلب وعضله القلب ضعيفه واثر على رئتها وسببلها فشل ..
مشاعل تهز راسها تحاول تستوعب ..
مشعل يكمل : رند مستحيل بيوم تحمل وتكون ام
مشاعل وعيونها طالعه : نعم ؟؟
مشعل يحاول يهديها : خطر على صحتها .. ممكن تموت اثناء الولاده ، صحيح ان رند تحسنت لكن صحتها ماتستحمل ابد ابد .. هالموضوع مافيه نقاش ابد الا لو تم زراعه رئه وبعد راح اعتبر ان فيه مخاطره
مشاعل مصدومه : كيف يعني ؟ وشلون ماتصير ام ولا تحمل !!
مشعل راحم رند : الله يعين ذا قدر الله ، الحمدلله على كل حال … ومشا بخطواته المنكسره بعيد عن مشاعل المصدومه
قفلت عيونها بقوه وهي تحاول تستوعب ان رند بتعتبر عقيم لاخر العمر .. شهقت وهي تبكي ماقدرت تستحمل …
وش كثر بتستحمل رند من نقص .. نقص ونقص ونقص … يا ترا مشاعل تقدر تعوضها هالنقايص كلها !!
رجعت لبنتها بعين كلها شفقه ورحمه .. بنتها النايمه بهدوء .. نزلت راسها على رجلين بنتها وجلست تصيح بقوه ..
/
شجن : ممكن تستعجلين شوي ؟ لك ساعه تحوسين !
ديم : لازم اكشخ تبين رند تشوفني مو كاشخه !
شجن : رند زين تشوفك ، البنت تعبانه
ديم وهي تلف وشعرها الاسود طاير حولها : افففف يالله الا بتشوفني بقربلها
شجن : بنزل وانتي يالله الحقيني عيب نتاخر على خالي محمد
ديم : شججججججججن استنيني
بس شجن نزلت وخلتها ،
رجعت للمرايه وهي تدقق بملامحها وتحاول تقارن وش الفرق بينها وبين شجن .. رفعت حاجبها بتلقائيه وراحت تاخذ عبايتها وتلحق شجن
نزلت مع الدرج وهي تلبس عبايتها مستعجله قبل تطلع برا
وبنص الصاله حست فيه صوت بالصاله الداخليه ، كانت بتطلع بس اللقافه سحبتها تشوف وش فيه ! ديم بنفسها : اكيد شججن
دخلت الصاله وبوجهها لتلفزيون طفته وهي تصرخ : ذي اللي تقول عيب نتاخر هااااااه
فيصل اللي كان متلحف بطانيته ويتفرج ماحس الا اعصار جايه
منظرها كان مضحك اكثر من كونه جذاب ، شعرها طاير من ركضها .. وعبايتها مفتوحه والطرحه بيدها وتصارخَ
فيصل بتمثيل : يممممممااااااه جننني
ديم بعد ماستوعبت : وجججع وطلعت تركض
فيصل : هههههههههههههههههههههههههههههههههههههههه خببببببله وطلع وراها
ديم برا ووجهها طايح : ياويلي فشششله وش يقول عني
فتحت باب السياره وركبت جنب شجن
شجن : ساعه لازم ؟
ديم ووجهها مصفوق : اشش
شجن مستغربه هدوئها : ايش فيك ؟
ديم : بعدين بعدين
ام فيصل : خلاص يمه نمشي
شجن : ايوه خالتو خلاص
الا فيصل داخل عرض على ابوه : الوالد تستناني دقيقه اروح معكم
ام فيصل معصبه :وين سيارتك !
ابو فيصل وهو يخز فيصل : وخر بس .. ودق الريوس وسحب عليه
شجن اللي تخز ديم من فوق لتحت
ديم : وجع عليك نظرات ماتكسرينها ابد !!
شجن : بعدين اتفاهم معك
ديم وهي عاضه على شفتها : ايه هين
شجن : اوكيه بكيفك اقول لماما بس
ديم بصوت واطي : وججع قصري صوتك لازم فضايح
شجن : انتي هبلا فاضحه عمرك
ديم : اففف من يومي هبلا
/
راحو وفيصل ميت ضحك عليها ، مشى وبراسه يكرر كلمته اللي دايم يقولها : هالبنننت خبله هههههههههههه
ابو فيصل بصوت حنون : عشتوا بناتي الحين مو تسالون رند كثير ، سمعتوا الدكتور وش قال ؟ لو تعبت راح يرجعون يمنعون الزياره
ديم نطت ترد وكانها حاسه انها المقصوده : والله خالي محمد وعدت ماما ماتكلم ابد بس اسلم واقولها كيفك !
شجن تهز راسها بإسف على حال ديم
ديم وهي تخز شجن : ماتردين
شجن بنظرات واثقه : من قال بزعجها بكلامي ،
ديم تتحلطم : ايش قصدكم ، محد عنده لسان يعني غيري .. سبحان الله كل شي ديم
ام فيصل وابو فيصل وشجن < ؟؟؟؟؟؟؟؟؟؟
ديم تسفههم وتناظر الطريق وهي متنرفزه ..
وصلوا المستشفا ديم وشجن قدامهم يمشون
ديم منرفزه : وش يضرك لو لبستي شوز سبورت يعني
شجن وصوت كعبها : ليش البس شوز ؟
ديم معصبه : لازم يعني تصيرين اطول مني ؟
شجن : لا احنا طول بعض
ديم : بسلامه كعبك صرتي اطول مني
شجن : اوكيه ثاني مره البسي كعب اذا مشيتي جنبي
ديم بقهر : لا يكثر واسرعت بخطوتها
شجن وهي تعودت على مبزره ديم كملت خطواتها ..
اول ماوصلت الغرفه نست كل الكلام اللي انقال لها .. نست المحاضرات اللي من اسبوعين انقالت لها .. نست كل شي كل شي
صرخت صرخه روعت مشاعل .. ديم : رننننند
ركضت بخطواتها وهي تبكي : تويييينزي حبيبي
شجن من عند الباب : دييم
ديم وهي تحضن رند وتبكي : تويينزتي كنتي راح تموتين وتتركيني .. وجع والله ماسامحك لو سويتيها ..
مشاعل معصبه من قلب على ديم : فكي اختك
ديم وهي تشد بقوه : مشتتتتتاقه لها خلوني
مشاعل بعصبيه : كتمتيها فكيها
رند المسكينه ماقدرت تتكلم او تعبر الا بدموعها : عادي ماما
مشاعل وهي تخز ديم : هذا وانا معطيتك محاضره قبل تجين ؟
محمد وفيه الضحكه : والله اعطيتها محاضره قبل تنزل
ديم تتحلطم : حرام الواحد يطلع مشاعره
محمد : لا ياخالي مو حرام بس بشويش بنعومه
ديم وهي تخز خالها : ايش قصدك جفسه انا وهي تاشر ب اصبعها لنفسها !!!
شجن وهي تبعد ديم عن وجهها وتسلم على رند : كيفك رنود حبيبتي ان شاءالله طيبه ؟
رند اكتفت ب انها هزت راسها بخففه ..
اما امل كان ودها تخخخم رند بقوه بس خافت يهزإونها سلمت عليها وباستها من خدها ..
محمد قرب لرند وباس راسها وجلس يقرا عليها شوي : لا باس ي ابوك طهور يارب
ديم وهي تجلس جنب امها : سبحان الله لي اسبوعين مقابلتهم محد قالي كلمه حلوه
شجن اللي شكت بعقل اختها واكتفت انها تخزها يعني اسكتي ..
ديم اللي طنشت وحطت راسها على كتف مشاعل : محد يحبني
امل اللي المشاعر متلخبطه عندها : ايش الكلام ذا ديم الله يهديك
ديم بغيره : شفتي احد دلعني والا قالي ديوم مثلا
شجن عيونها طايره وهي تخز ديم : ايش تحسسين ؟
ديم بصوت عالي شوي : ليش انا مو اختك بعد ؟
شجن : احد قال مو اختي
ديم رافعه حاجبها : مدري عنك بس تهاوشيني
شجن وهي تهز راسها : مو وقته اوكيه
ولفت تناظر رند بحب : لانزعجها
مشاعل وهي تلف يديها على ديم : ولا انا
ديم بدلع ساامج : ولا حتى انتي
محمد : ههههههههههههههههههههههههههههههههه
رند : وانا
ديم وهي توقف : انتي حييييياتي وراحت تحضنها
محمد يابوك لاتذبحين اختك بس
ديم وهي تضمها بقوه وتبكي : كنتي راح تموتين
مشاعل بصدق : بسم الله عليها .. خلاص ديم انسي هالسيره
ديم وهي تفك رند وتمسح دموعها : يووه خرب مكياجي
رند : ههههههه كح كح كح
مشاعل بخوف : بسم الله عليك
ديم تضربها على ظهرها : كل ذا دللللع
رند : هيك شي
ديم : ااااه يالبناااني
محمد وهو يوقف : يالله يا بنات
مشاعل بصوت واطي : شجن استني شوي ابيك في موضوع
ديم وهي تخز : ليش شجن يعني ؟
مشاعل : موضوع يخصها اوكيهه
ديم بشك " اها .. وقربتَ من رند وهي مقفله عيونها : شفتي مكياجي وابتسمت
مشاعل : كلنا شفناه
ديم : يعن انقلعي يا ديم ؟ طيب بس اخر خمممه لرند
مشاعل بقله صبر : اخلصي طيب
قربت من رند وايديها ترتجف ، ضمتها بصدق وخوف .. استودعت اختها بسرها وطلعت بهدوء .
محمد وامل طلعوا يستنون شجن برا ..
مشاعل مسكت ايد شجن وطلعن برا الغرفه تتكلم معها ..
.
.
.
.
دخل القصر الكبير بتثاقل ، صاير يكرهه هالمكان كثير ،
بخطوات اتعبها الزمن دخل الصاله الرئيسيه .. مرت عليه ذكريات كثيره .. وتركزت على بناته اللي بسنه وحده انحرم منهن ..
يحس ب الم كبير كبير .. يحس ان ذنبه كبير وربه يعاقبه ، قفل عيونه وصوره مشاعل وصوت بكاها ابد ماغاب عن باله !
طول السنين وهو يلوم حاله .. لكن وقته المشغول دايم ما اسعفه ابدا انه يدور مشاعل ويخبرها بالحقيقه .
التقيت عينه بعيون فارس التايهه ، قرب منه ولده وحضنه بلهفه
فارس : وين رند بابا ؟
ابو تركي وهو ينزل لمستوى فارس : راحت عند اهلها
فارس : حنا اهلها بابا !
ابو تركي : سالفه طويله يا بوك ، تبي اقولها لك ؟
فارس : تكفى يبه .. طفشت وانا جالس هنا لحالي .. وبصوت حزين : وعدت رند ماطلع برا البيت مع اي احد
ابو تركي وهو يمسك راس فارس ويضغطه على صدره : ماراح اخليك يا بابا مابقالي غيرك .
تركي من وراهم : وانا يالوالد
ابو تركي على وضعه : انت ظهري وسندي
تركي وهو يقرب ويبوس راس ابوه : الله يديمك على راسنا يالغالي
ابو تركي وهو يبعد فارس : وين امك ؟
فارس بعفويه : كالعاده طالعه
تركي اللي ضيق حواجبه لما شاف تعابير ابوه المنقهره : ماعليه يبه خلها لي بتكلم معها
ابو تركي : عشتوا اخر الزمن الولد ينصح امه .. خلها وانا ابوك محد يبي منها شي خلاص
تركي : !!!
ابو تركي بصدق : بيجيها يوم وتندم .. كل واحد وله يومه يا ولدي .. بعيونه قهر قديم .. حقد بدا يبدا ويتعلى في وجهه .
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك