رواية ياضياعه بالهون ترا نصفي يبيه -25
ديم فتحت عيونها على كبرهن وبشهقه : يالخاااااااااااااااااااااينه
رند بخوف : بسم الله علي
ديم معصبه : مو اتفقنا نذاكر سوا
رند بتناحه : الا
ديم : وليش تبدين وتخليني
رند : خليت ماما تشرحلي الاشياء اللي فاتتني
ديم وهي تاشر على نفسها : يالانانيه مافكرتي فيني
رند بتناحه : مامعنا مواد مشتركه
ديم وهي توقف على ركبها : بس حنا اتفقنا
مشاعل : وبعدين ؟
رند : خلاص نبدا من اليوم
ديم : وش بعده ؟ بعد ماحضرتك بديتي
مشاعل : انا موجوده مافي احترام عندكن انتن !
ديم : ماما شوفيها خانتني
مشاعل : لا والله خانتك ! يلا كل وحده على غرفتها تذاكر
ديم بجديه : الحين
مشاعل : والا تعالن ذاكرن قدام عيني
ديم وهي ترمش بعيونها : ماما ايش رايك نروح نزور خالتو امل
مشاعل عصبت من قلب : خالتو امل هاه ..
ديم وهي توقف : ياربي وانتي كل ماشفتيني مبسوطه لازم تنكدين علي .. هين رندوه اوريك
رند ووجهها بهت : ياويلي
مشاعل معصبه : هين ديم اوريك انتي وهالصوت .. هاللسان بقصه لك
ديم وهي على الدرج : يارب ارحممني مابي اذاكر مابي
رند وعينها على امها : ماما تكفين بروح عند خالتو امل
مشاعل تخزها : ايش عندك ؟
رند : راح تجي وتذبحني
مشاعل مالها خلق الهوشات وغير كذا رند كل يوم تذاكر : اوكيه روحي بس اتصلي عليها اول تفتحلك الباب
رند وهي رايحه : اوكيهه ماما
/
فيصل وهو جالس بالصاله وطفشان : ياويلي يالطفش
ام فيصل : انت متى تصير دكتور ؟
فيصل : انا دكتور .. انا دكتتتتور
ام فيصل : فيصل
فيصل : عيون فيصل
ام فيصل : رند بتجي اذا لك طلعه او اطلع برا او رح لغرفتك
فيصل : ليش عادي وتجي نجلس جلسه عائليه
ام فيصل قامت عنه ولا ردت عليه
فيصل : عظيمه الوالده عظيييييييمه
طلع برا فيصل يستنى رند تجي ، ولمحها وهي ماشيه بهدوء وبقلبه : انا مدري هالعربجيه ذيك طالعه لمن .. رند وهي تمر من جنبه : هااي
فيصل مسوي مؤدب : وعليكم الهاي .. الماما تستناك جوا
رند جتها الضحككه ودخلت جوا : خالتتتو
فيصل وهو يركب سيارته ويحوس ب اغراضه .. جا على باله يمر على عمته .. من زمان ماسمع لديم حس
بس من قرب للباب هون وغير رايه وقرر يرجع لسيارته
ديم بصرخه : وليش هي تروح وانا لااا
مشاعل : ديم قسم بالله ماتسكتين بتشوفين شي مو زين
ديم والدموع بعينها : انا قلت بروح ليش ماخليتيني اروح
مشاعل : وبعدين معك ؟
ديم : ماااااما ليش ليش
مشاعل : لان لازم تذاكرين ! بترسبين السنه تعرفين .. اغلب موادك جايلك حرمان من بدري حضرتك ماتحضرين
ديم بصرامه : مابي محاماه
مشاعل بعناد : مافيه غير المحاماه
ديم جلست تبكي : ياربي وبعدين مابي مابي
فيصل اللي سمع كلامهم كسرت خاطره وهي تبكي ورن الجرس بدون احساس
ديم والشر بعيونها : اكيد الخبله بنتك جت اوريها
مشاعل وبيدها كتب ديم : بشويش على اختك
فتحت الباب على كبره وصرخت : يالشييييينه اوريك
طاحت عين فيصل عليها ، شعرها الاسود طايح على وجهها .. رافعه غرتها من فوق .. لابسه بيجاما شورتَ
عيونها الرماديهَ تلمع شرر .. صوتها خرم طبله اذنه ،
وقفتها وهي معصبه ضحكته بقوه
فيصل وهو متروع : بسم الله على قلبي
ديم اللي شوي ويوقف قلبها من الفشيله صفقت الباب بوجهه وطلعت تركض
مشاعل مستغربه : من ؟ .. لمحت ديم تركض قدامها تطلع فوق
مشاعل بنص عين : ديم من ؟
ديم بصوت عالي : ولد اخوك
مشاعل فتحت الباب وهي مسويه معصبه ، لمحت فيصل منزل عيونه بالارض ويلعب برجله : ارتحت شفتها !
فيصل مستحي : جاي ازورك عمتي
مشاعل : ماشاءالله البر ذابحك !
فيصل وهو يتبسم : مطول وانا منلطع عند الباب ؟ مو مكفي بنتك روعتني طيرت قلبي
مشاعل : روعتك ؟ ايه ادخل حياك
ديم وهي تفتح باب غرفه شجن وطيران على التسريحه : ياويلي شككككلي يروع
شجن : انتي دايم ربشه كيذا ؟ ماتعرفين شي اسمه طقه باب !
ديم وشوي تبكي : يافشلتك يا ديم يافشيييلتي
شجن جتها الضحكه على شكل ديم : ايش فيك ؟
ديم وهي ترمي نفسها على السرير : شششششششاااافني كذا
شجن : من اللي شافك ؟
ديم : فيييييييصل
شجن : هههههههههههههه لا مستحيل بتعنسين
ديم وهي ترمي عليها الخداديه : بلا في شكلك قولي امين اسم الله علي
شجن : هههههههههه راح حبيب القلب
ديم وهي توقف : بالله ، وش زيني اهبل .. اخذت دوره حول نفسها : بالله مااهبل ؟
شجن : هو شافك كيذا وانتي واقفه بنعومه وحاطه ايدك على خدك
ديم : ايش تقصدين
شجن : لازم اعرف يعني كيف شافك عشان احكم
ديم بحزن : لا لاتعرفين تكفين
شجن تحمست : كيف شافك
ديم وهي تحط ايدها على وجهها : كنت احسبه رند وجيت طايره فتحت الباب وصرخت
شجن وهي شاكه بعقل ديم : صرختي ؟ صرختي صرختي ؟
ديم والدموع بعينها : صرررخت
شجن : ياويلي على ولد خالي شكل عقله زاغ
ديم : انقلعي والله انا اللي انجنيت خفت من وين طلع مادري
شجن بصوت مبحوح : ماما عرفت
ديم : شااافتني
شجن : ياويلك !!
ديم وهي تدخل بالسرير وتتلحف : اذا سإلت ماما عني قولي نايمه
شجن : ههههههههههههههههههههههههههههه
ديم وهي مغطيه جسمها كله الا عيونها : من سرك يارب .. انتي اصلا توينز نحيس كله من رند اوريها
شجن : ههههههههههههههههههههههههههههههههههههههههه
ديم : شجججن اسكتي تكفين
شجن وهي توقف : متوقعه بعد ذا الشوفه راح يخطبك ؟
ديم : ايش عرفه انه انا .. اكيد يفكره انتي
شجن : اها قلتيلي ، ماكانه ذاك اليوم كفشك انه ماسمع صوتك
ديم بخوف : تتوقعين مايخطبني ؟
شجن تخفف عنها : ليش هو يبي يتزوج وحده تخرمله طبله الاذن !
ديم وتطلع راسها كله : وش زينه صوتي
شجن مسويه بملامحها محزنه : خلاص اختي حبيبتي انسيه
ديم بصوت عالي : ياويله يفكر يخطب غيري والله لا اذبحه
ماحست الا الباب ينفتح وتدخل مشاعل وملامحها غريبه : من ذا يا ديم
ديم اللي خافت من نظرات امها : من ماما
مشاعل عصبت عليها : انتي وبعدين معك ؟ بكل شي معذبتني ومطفشتني !
ديم وعيونها كلها دموع : ماما والله احسبه رند
مشاعل بصرخه : يعني محد يجي الا رند !!!
ديم وهي تبكي : ياربي والله احسب رند هي كانت طالعه
مشاعل بتهديد : طيب يا ديم طيب ، انا بسكت مو عشان عاجبني الوجع لكن بشوف اخرتها مع اختباراتك واشوف .. ومن اليوم لين نتيجتك مابي اسمع صوتك سامعه
وطلعت وقفلت الباب وراها معصبه
نزلت تحت لفيصل الي جالس بإدب ومسوي مستحي
مشاعل : ايش تشرب ؟
فيصل بحيا : الي يجي من عمتي حبيبتي
مشاعل : طيب بسوي قهوه واجيك ، هالبنات مايشجعن احد يشرب قهوه
وطلعت للمطبخ عشان تقدر تبتسم بعد هالتمثيليه اللي سوتها ب ديم وفيصل ، كان ودها تضحك على شكل ديم بس خافت تتمادى عليها
/
تركي وهو يبتسم نص ابتسامه : اها تقولي
خالد : ايه اقولك
تركي : وتبي اصدق ؟
خالد : ليش ماتصدقني ؟
تركي وهو يدقق بملامح خالد : كم لك متغير مو على بعضك !
خالد ابتسم : مافيه شي يا اخوي ، انت عارفني لو فيه شي بعلمك بس شوي ضغوط العمل والبيت
تركي : اهااا
خالد مرتبك : اخبار اختك ؟
تركي يتنهد : والله مدري وش اقول ، احاول بالاجازه اسفرها عشان عمليه الرئه
خالد : ليش تعرض صحتها للخطر ، خلاص دام صحتها الحمدلله كويسه ماله داعي
تركي بخنقه : ااخ يا خالد بس
خالد : افا .. فيه شي ماعرفه
تركي وهو يجمع ايديه : مدري وش اقول ، ناقل هم لما الوالد يعرف .. ماني عارف كيف اصارحه
خالد مستغرب : وش فيه ؟
تركي معبس : الله يعين بس
خالد ب اهتمام : ايش فيه تركي لاتخبي عني
تركي : محذرينا لو تزوجت مستقبلا ممنوعه من الانجاب
خالد وبدت معالمه تبهت : نعم !
تركي : احس الهم شيب فيني بدري ، الدكتور يقول الرئه الباقيه شغاله بنسبه ٨٠٪ وهي كويسه بس مع الحمل ممكن تقل نسبه الكفائه وغير كذا ممكن يصير فشل من جديد
خالد اللي الصدمه شلت عقله : وشلون يعني ؟
تركي بنص ابتسامه ساخره : مدري شلون ..
خالد يهونها على تركي : الله يفرجها يارب .. وش عاد الحمل ترا صحتها اهم
تركي بجديه : من جدك انت ؟ انت عارف لو خطبها احد وعرف انها ماتقدر تكون ام بيهون
خالد بصدق : ليش يهوون ! يعني هم كل اللي تزوجوا بنات مافيهن شي حملن ! تراها ارزاق
تركي : ادري ياخالد بس فيه فرق بين وحده مافيها شي وربي ماكتب .. ووحده ممنوعه مافي مجال حتى للمحاوله
خالد وهو يقفل عيونه مستسلم للالم الداخلي بقلبه : اهم شي هي يا تركي
تركي : الله يفرجها يارب ،
خالد وهو يوقف : يالله بروح اشوف الاهل وعدتهم اليوم بجلسه عائليه
تركي : الله معاك .. انا بشوف فارس بعد الولد بيتعقد من قعده البيت
.
.
طلع من عند صديقه والضيقه زادت وابد ماخفت .. جا يزور تركي لعل وعسا يسمع اخبار طيبه عنها ، لكن الحين ابد ..
ضاق خاطره للاخر .. من اول يوم شافها لما دخلت عليه بالسياره وهي خذت قلبه
خذت خاطره .. خذت عيونه وملامحه .. نزل راسه على الدركسون وصدره فيه الم فضيع
كانت اول حب .. كانت اول فرحه لقلبه ..
كانت البنت اللي غيرت رايه بالزواج كله .
كان يبيها شريكه عمر ، مو حبيبه وقت !
رفع راسه وبدا يسوق بهدوء مميت .. يبي الزمن يوقف ولا عاد يمشي
دخل بيتهم وجلس بالغرفه الجانبيه للصاله يحاول يبتسم لو بالغصب
سمع صوت امل : تستهبلييين حضرتك ؟
قطب حواجبه وهو يتخيل بس لو اخته بيوم تكون مكان رند .. تخيل قوه موقف تركي .. حمد ربه من اعماقه ان اتم عليهم نعمته ..
طلع من الغرفه وهو يشوف امل واقفه قدامه تكلم بالجوال
خالد : السلام عليكم
امل بصرخه : روعتتني بسم الله ، اوكي حنان بكرا اشوفك على خير
خالد : يعني مو كافي شايفتها بالجامعه بعد مكالمات
امل بسخريه : و بالبي بي وبالواتس وبكل حته
خالد : الحمدلله مانب بنت
امل : ضررررريف
خالد وهو يدخل الصاله ويلمح امه جالسه تتفرج على التلفزيون : السلام عليكم
ام خالد : وعليكم السلام .. حيالله وليدي
امل بغيره : واننا
ام خالد : انتي كل يوم بوجهي
خالد : واخبارك الغاليه
ام خالد : بشوفتك اكيد طيبه
امل خاشه عرض : وانا بعد طيبه
خالد : وين الوالد ماله شوفه ؟
ام خالد : بيجي بعد ساعه على خير
خالد : على خير
امل : اهم شي اني انسانه مسحوب عليها !
خالد : من اللي ساحب عليك
امل تاشر عليهم : انتم
ام خالد : تعالي قهوينا بس
امل وهي تتخز خالد: ماقلتللك وش صار
ام خالد : تكفين امل لا تعيدين وتزيدين بسيره التوائم
امل : لازم حدث الموسسم لازم كل عائلتنا تعرف
خالد ابتسم : يمه هي قايله قايله مافي امل تسكت
ام خالد : والله غثتنا انا وابوك كل يوم تعيد وتزيد بسيرتهم
خالد بجديه : لدرجه ذي ؟ ليش من اللي الله رزقهم بتوم
امل بحماس : صااااحبتي طلع عندها توينز .. ماشاءالله شبهه بعض يجننننون ياحظهم نفسي كذا يطلعون لي توينز ، ماما تذكري يمكني معي توم وانتي ناسيه ندورهة
يا ضياعه ب الهون ترا نصفي يبيه\بقلمي # نزلت الجزء 25
خالد وهو متحمس مع امل : وش السالفه ؟
امل وهي تجلس مقابلته : تعرف ديم ؟ صديقتي ديم
خالد وهو يهز راسه : اها وش فيها
امل : اقولك طلعوا عندها توينز واهلها مو اهلها
خالد يحاول يستوعب : توائم ؟
امل منسجمه : اييه معنا بالجامعه كل وحده قسم بس وش سبحان الله … مااامااا الله يخليك خليني اروح ازورهم بالبيت وتشوفيهن
ام خالد : نروح ومحد عزمنا
امل : الا بعد الاختبارات راح تعزمنا ، مو انا ماقلتلك امهن معنا محاضره بالجامعه
خالد ابتسم : مشاعل ؟
ام خالد وامل وهن مستغربات : ايش عرفك
خالد اللي عيونه لمعت : رند وحده من التوائم
امل منفجعه : تعرررفها
خالد : خبله انتي وش يعرفني فيها ، لا بس تركي صديقي تصير اخته
امل : اها يعني رند هم اللي ربوها اهل صديقك
خالد يهز راسه : اي نعم
امل وهي توقف : عاد رند نعووومه يا ماما لو تشوفينها كيوت مره ماشاءالله يالله تسمعين صوتها
خالد اللي سيره رند فتحت نفسه : وليش حضرتك ماتصيرين مثلها ؟
ام خالد : لا هي مثل ديم وحنان سبحان من جمع ووفق من الثانوي وهن ربشه
امل بصوت هادي : ماتخيل نفسي مثل رند صوتي محد يسمعه الا اللي يقربله
ام خالد : ياحسرتي على بنيتي
خالد : الا ياحسرتي على اللي بياخذ بنيتك
امل وهي مو مهتمه : الا ياحظظظه بس
/
خالد وهو يوقف : يالله استإذنكم من الصباح قايم
ام خالد : ماتقهويت ياوليدي
خالد بمسخره : بسلامه بنتك السنعه
امل : يوه نسيت من الحماس والله غير اقهويك
خالد وهو واقف : يا بنت اركدي الركاده زينه
امل وهي تعطيه الفنجال : قصدك اصير ثقيله دم مثلك
خالد شرب الفنجال ومده بهدوء : تطولين بس
وطلع الدرج بهدوئه المعروف
ام خالد : ياليتك بعقله بس
امل : هئهئهئهئهئه
طلع الدرج لجناحه وهو شبهه مبتسم ، وتمتم بصوته العذب
ارجوكَ كافي ارحمنَي ، ارجوكَ كافي ارحمني .. واتذكر ماضي الايام
عسساك دوم متهني .. عساك دوم تذكرني .. عساني دوم في بالك .. عساك بس تفهمنيَ !
غلاك اللي مجنني .. في قلبي دوم يتعبني .. عساني بس وافيلك !
عسساك بس تفهمني ، عسساك بس ماتنسى : قلوبَن ودها ترسي في صدرك الجافي !
امل بخققه : واي صوته يجنن
ام خالد : الله يحميه بس
/
مشعل وعيونه ناعسه : مطلعني المغرب وش تبي ؟ ماتدري المغرب وقت الاهل
فيصل : يوه نسيت انك صرت خاطب وملتزم
مشعل : هو مايلتزم غير الخاطب
فيصل : وش اسوي مالقيت غيرك اجي له
مشعل : الله يكون بعوني من جياتك
فيصل : ليش مثقل عليك حضرتي
مشعل : لا ابد خذ راحتك المحل محلك وهو يإشر على صدره
فيصل : ياويلي بس ياجعلني فدوتن لك
مشعل : ههههههههههه ايوه وش عندك
فيصل : ابد اشتقتلك
مشعل : مامدا الصبح وانت شايف خشتي
فيصل : انا عاشق انا متيم
مشعل : بالخبله ؟
فيصل : هههههههههههههههههههههههههههههههههههههههههههههههههه ههههههههههههههههههههه
مشعل : يضحك معه ههههههههههه ايش ؟
فيصل : ههههههههههههههههههههههههههه ياخي بتذبحني خبلتي
مشعل : اووه اليوم فيه علوم
فيصل : فتحتلي الباب
مشعل وهو يرجع ايدينه على ورا : اوووه شفتها
فيصل : وصرخخت بوجهي ذيك الصرخه
مشعل عقد حواجبه : ؟
فيصل : هههههههههههههههههههههههههههههه الضعيفه تحسبني اختها
مشعل بنص عين : اها صرخت !
فيصل يقلده : ايه صرخت
مشعل : وانت جاي عاشق ومتيم عشانها صرخت
فيصل : اي نعم
مشعل : اها
فيصل : ايه
مشعل : انت متاكد من سلامه مخك
فيصل : اي نعم ، وبذلها كل عمرها بذا الصرخه
مشعل يتحمد ربه : ناوي يعني لسا تخطبها ؟
فيصل : الا بعد الصرخه حبيتها زود
مشعل : اها .. صدق لاقالوا راعي الحب مهبول
فيصل : ياخي ليش صاير انت هادم اللذات
مشعل بصدق : وين اللذات اللي تتكلم عنها ؟ انت تدري وش بيصير فيك بعد سنه من الزواج
فيصل بحالميه : وليدي بين ايديني
مشعل : قصدك طبله اذنك بتنفجر
فيصل يسبل بعيونه : فدوتن لها
مشعل : اقول اقلب وجهك .. والله على بالي عندك سنع
فيصل وهو يخز بعيون مشعل : قررت افاتح الوالدين بالسالفه
مشعل وعيون فيصل ذكرته بعيون شجن .. رغم انها ماتشببه بس مايدري ليش : اها مبروك مقدما
فيصل : وش فيك ؟
مشعل : ابد دايخ من بعد يوم طويل
فيصل بلقافه : متهاوش مع العروس
مشعل : لا
فيصل : اها غريبه لنا ساعه طالعين والا اتصلت ولا مسج
مشعل : ليش وليه امري هي
فيصل : اوووووه يالجفس
مشعل : تارك الرومانتك لك .. وقام واقف
فيصل : اقعد تو الناس
مشعل : انت عمرك جبت سالفه تفتح النفس ، كل سوالفك تسد النفس
فيصل : ماشوف شي يسد نفسك غير سيره العروس ؟
مشعل : اجل لاتجيبيها
فيصل يعقد حواجبه : وش فيك مشعل ؟ ماتبيها !
مشعل وهو يجلس : عادي
فيصل : وش عادي ؟ ترا زواج ذا مو لعبه
مشعل : ادري بعد
فيصل : لا تظلم بنت عمك معاك
مشعل بتوتر : مدري يا فيصل مدري
فيصل : وشلون ماتدري ؟ لازم تدري .. بعدين يمكن بعد الزواج تتفقون وكذا
مشعل : الله كريم
سكت فيصل احتراما لرغبه مشعل .. مايدري وش فيه والا وده يضايقه ..
/
تركي وهو يدخل القصر الكبير .. لمح امه جالسه بالصاله
طلع الدرج بدون لا يسلم
ام تركي : تركي
لكن تركي اعتبر نفسه ماسمع شي وطلع وتركها ، فتح غرفه فارس ولقاه جالس يلعب بلاستيشن وكتبه جنبه
تركي : السلام عليكم
فارس وهو يوقف : وعليكم السلام
تركي مستغرب : اشوف البطل ناقل عفشه هنا ؟
فارس ماد بوزه : ماما كانت جالسه تحت
تركي : وش المشكله ؟
فارس بدون نفس : مابي اجلس معها
تركي عصب : وش هالكلام يا فارس .. عيب وحرام و و و
فارس : ااااف يعني تو تتذكر اني ولدها ، والله طفشت هنا بس لحالي وبعدين كله منها اخذت رند .
تركي : مشتاق لها ؟
فارس وعيونه تدمع : اي والله حييييييل
تركي : وانا بعد لها وحششه والله
فارس : ولا عاد دقت ولا شي
تركي وهو يناظر فارس بخبث : وش رايك نزورها ؟
فارس بصرخه : صددددددددق
تركي مبتسم : ايه صدق وش رايك
فارس : يالله قدام
تركي : اصبر ندق عليها يمكن طالعه ولا شي
فارس وهو يعدل لبسه : قولها نقعد نستناها لين بكرا
تركي : يالله اجل
/
رند ووجها اختفى بعد المكالمه ..
ابو فيصل : خير يا بنتي ؟
رند متوتره : تركي اخوي ذا
ابو فيصل ابتسم : صدق وش اخباره
رند تطمنت شوي : الحمدلله طيب بس
ابو فيصل : وش فيك ؟
رند : يقول بيمروني هو وفارس اخوي الصغير
ابو فيصل مبتسم : الله يحيهم ، والله اصيلين ماهم بقاطعين
رند : وماما
ابو فيصل مستغرب : وش فيها ؟
رند : اخاف تزعل او تعصب
ابو فيصل مستغرب : وليش تعصب او تزعل ؟ وش فيها اخوان بيزورون اختهم وابتسم لها
رند وقفت : اوكيه خالو بروح اخبرها واشوف ايش تقول .. سلم على خالتو
ابو فيصل مبتسم لرند .. بنت حبوبه وخفيفه روح وتنحب قوه ..
/
رند وهي تدخل بيتهم : ماما
مشاعل اللي قدامها اوراقها ولابسه نظارتها الطبيه : اهلين ماما
رند وهي تقرب بخوف : تركي اتصل علي
مشاعل بدون ترفع راسها : اها
رند وهي تقرب ل امها : بيجي يزورني هو وفارس
رفعت راسها مشاعل وطاحت عينها بعين رند الخايفه : الله يحييه ماما .. وقفت مشاعل : روحي نادي خواتك يشوفون المجلس وانا بجهز القهوه
رند اللي وجهها كله علامات استفهام قامت : بس كذا .. ب البساطه ذي .. كانت تتوقع شي اكبر .. رفض وتعصيب .. او او او ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك