رواية ياضياعه بالهون ترا نصفي يبيه -26
رند وهي تدخل بيتهم : ماما
مشاعل اللي قدامها اوراقها ولابسه نظارتها الطبيه : اهلين ماما
رند وهي تقرب بخوف : تركي اتصل علي
مشاعل بدون ترفع راسها : اها
رند وهي تقرب ل امها : بيجي يزورني هو وفارس
رفعت راسها مشاعل وطاحت عينها بعين رند الخايفه : الله يحييه ماما .. وقفت مشاعل : روحي نادي خواتك يشوفون المجلس وانا بجهز القهوه
رند اللي وجهها كله علامات استفهام قامت : بس كذا .. ب البساطه ذي .. كانت تتوقع شي اكبر .. رفض وتعصيب .. او او او ..
ماعرفت رند لسا ان فيه فرق كبير بين امها القديمه وامها الجديدهَ .. هنا بالبيت الصغير مافي مكان للحقد .. والكرهَ ، قلوب نظيفهَ قلبها بريئ
وصلت لغرفه شجن ، مكان التجمع الدائم : شجن ديم
شجن اللي متمدده جنب ديم المبوزه : ايوه
رند : ممكن مساعده
شجن : ايش تبين ؟
رند : احد يشوفلي المجلس يستقبل فيه او لا
ديم بعصبيه : وحضرتك ماتعرفين
رند بتناحه : لا ماعرف
ديم : اها يلزمك تتعلمين
شجن : اللي يسمع يقول ابعدوا عن ديم اذا قامت
ديم : اطلعي من مخي يالفاهمه
رند مستغربه : ايش مشكلتكن ؟
شجن ماسكه ضحكتها : ماما مخاصمتها
رند : ليش ؟
ديم وقفت على السرير وبصرخه : بسبتك يالخايسه .. كله منك ، فيصل شافني وانا اصرخ على بالي انتي
رند اللي تنحت قوه : ؟
ديم معصبه : لا تنحولين كذا
شجن : هههههههههههههههههههههههههههه
رند : ايش اللي يضحك ؟
شجن : هههههههههههههههههههههههههههههههههه
ديم انقهرت : شكلك اللي يضحك
رند وهي تقرب للمرايا تتاكد : ايش فيني يضحك
ديم : رند اطلعي برا احسلك
رند : بتجون معي ؟
ديم : روحي لوحدك مثل العصر رحتي وتركتيني
رند بخجل : كنت خايفه منك
شجن : جيتي تكحلينها عميتي ام السالفه
رند : ايش صار
شجن وهي توقف : تعالي نشوف المجلس واخبرك السالفه
ديم بصوت عالي : قولوا لماما نبي شغاله وسواق ورانا اختبارات
شجن : ذابحتك الدراسه
/
مشاعل اللي تحوس بالمطبخ وتجهز .. صحيح تكرهه عائله رند القديمه بس مستحيل تسبب لرند شي يجرحها ، كافي الجروح اللي هي عايشتها ..
ماتبيها تتإلم زيادهَ .. كافي الالم اللي شافته .
رند وهي تدخل المطبخ : جو ماما
مشاعل وعينها على رند .. لابسه فستان اصفر قصير لركبتها .. حزام اخضر على شكل فيونكه مجمل خصرها النحيفَ ..
مشاعل : اوكيه ماما روحي دخليهم
رند بخطوات رايقه رايحه للباب الخارجي تفتحه
ديم وهي واقفه على الدرج : بشويش لاتطيحين
رند وهي تناظر ديم بحيا : ان شاءالله حبيبتي
ديم : انقلعي انتي وحبك
مشاعل : رند للحين واقفه ماتروحين ، ورفعت عينها تخز ديم : انتي وش قلتلك ؟ ليش ماتذاكرين
ديم وهي تنزل الدرج مقهوره : مااااما اسففه والله والله وحظنت مشاعل تبكي .. ماما سااامحيني
مشاعل وهي تحاول تقسي نفسها : ماراح ارضىى الا اشوف معدلك كم
ديم والخوف بعينها : انتي خليني انجح بكل المواد بعدين نتفاهم على المعدل
مشاعل وهي تفقد الامل بديم : ياماما مايصير لازم تصيرين شاطره ..
ديم بجد : ماما ايش بسوي بشهادتي
مشاعل اللي مو مستوعبه ان عندها بنت ماتحب الدراسه : ليش ناويه تجلسين بالبيت وتقابليني
ديم بفجععه : الله لا يقوله ان شاءالله اتيسر لبيت زوجي
مشاعل وهي تمسك اذنها : انتي بايعتها ماتستحين
ديم : ااه ماما ياربي ذا طريق كل البنات
مشاعل بقله حيله : روحي جيبي الصينيه من المطبخ بس
ديم وهي تتخصر : نبي شغاله
مشاعل : روحي الحين انتي وقتك هو
ديم وهي تناظر رجولها الحافيه : ماما تعرفين بمين غنى كاظم حافيه القدمين ؟
مشاعل : لا بمن
ديم وهي ترجع على ورا : فيني
مشاعل وهي تناظر رجول ديم : بدعيلك يا ماما يرزقك ربي شويه عقل
ديم وهي تلف وتكمل طريقها : اميييين
/
اول مافتحت الباب ودخل فارس ضممته من قلب : واححححححشني والله
فارس وهو يلف ايدينه بقوه عليها : يا قاااطعه
رند : لا والله بس خففت
تركي من وراهم : من مين ان شاءالله
رند وهي تمسح دموعها : مدري هههههه
حضنها تركي بقوه : لك وحشه يالقاطعه
رند ابتسمت بخجل : تفضللوا
تركي وهو يمسك خشمها : عندي موعد ظروري .. بس ارجع بجلس معك ان شاءالله
رند : لا وين بس كيذا ؟
فارس : احم احم بجلس عندك
رند وهي تحضن فارس : الااااااه يافرحتي
تركي : يلا توصين شي ؟
رند : سلامتك
ودخلت هي وفارس جوا ..
فارس بصوت خافت : اخاف امك تعصب علي ؟
رند بفرحه : بالعكس ماما مبسوطه بجيتكم
ومسكت ايد اخوها ودخلوا جوا
ديم وبيدها الصينيه وهي تلمح رند واقفه وجنبها ولد صغير ..
مشاعل وهي تسلم عليه : كيفك حبيبي ؟
فارس : الحمدلله
ديم وهي طايره تحط الصينيه : مننن ولده ذااا ؟
رند فرحانه : اخووي
ديم : واللللله يازينه ماشاءالله
ديم وهي تخز فارس : يازينو الاسمراني تعال تعال اسلم عليك
مشاعل متفشله من ديم : بنت مو هيك العالم تسلم
ديم وهي تحضنه : تراك اخوي بعد
رند مستغربه : لا والله
ديم سافهتها : اختك تصير اختنا .. يعن انت وشو
فارس وهو مستحي من ديم : اختي
ديم وهي تمسك خدوده : فدييييتوه مستحي
مشاعل : اللي رزقه يرزقك شوي
رند : ههههههههههههه
ديم سافهتهم : ماعندكم اخت ؟
رند اللي ملامحها اختفت .. وفارس الل لف وجهه لوجه رند الحزين
مشاعل اللي حست بالربكه : روحي نادي اختك بس
ديم وهي متحمسه : لي رجعه وراحت تركض تنادي شجن
فارس بصوت واطي لرند : اختك ذي مهبوله
رند بنعومه : تشبهني صح ؟
فارس مبتسم : اي والله مره
رند وملامحها تحزن من جديد : اخبار ماما
فارس مكشر : لا تذكريني تكفين
رند بزعل : عيب فارس ذي ماما
فارس : اللي يسمعك يقول داريه عننا .. سالت وين رايحين قلت لها بنروح لرند
رند : وبعدين ؟
فارس : ولا شي راحت
رند اللي مو اول حسره تدخل قلبها : الله يعين
بعد اسبوعَ ..
اجواء البيت مخيم عليها الهدوء النسبي ..
شجن شاده همتها من كم اسبوع ومركزه وناويه على معدل عالي يدخلها الطب .
رند اللي دايم حوالين امها .. تشرحلها وتفهمها ، كل همها تجيب معدل كويس ،
اما ديم ف هي والدراسه مضاربَ .. كل دقيقه وهي طالعه من غرفتها وتحس انها مخنوقه وحالتها حاله
ديم وهي جالسه بالصاله ومركزه مع امها ورند : رند بطلي تناحه وركزي
مشاعل معصبه : وانتي ليش ماتذاكرين ؟
ديم : جالسه اذاكر
مشاعل : كويس
ديم : دعواتك ماما
مشاعل : دعواتي ؟ وانتي ماتدرين وش عليك
ديم : له له يا ماما كيذا ظنك فيني
مشاعل : لا يروح الوقت بس
ديم : حاضر ورجعت تخربش بكشكولها
#
ومر الوقت سريعَ .. وجا الصباحَ من بدريَ
ديمَ اللي سهرانه ومانامت .. ورند اللي نامت من ١٢ مع مشاعل ..
وشجن اللي نامت من ٨ وصحت الفجر تراجع
ديم : خلاص اعتقيهم اكلتيهم
شجن بجديه : مو وقتك باقيلي شوي واخلص
ديم : انا توني ماختمت وانتي قطعتيهم يااختي
شجن وهي تشوف الساعه ٥ : يالله منك ديم فكيني
ديم بكسل : بروح اصحي رند .. الخبله نايمه عند ماما
شجن : مالومها تفتك منك
ديم تتمسخر : عشششتوا
شجن : المره الجايه بذاكر بغرفه ماما
ديم : ياااااي فيه بيبيات هنا
شجن خصرتها وهي تكمل مذاكرتها ، رن جوالها وابتسمت من قلب وهي تشوف * بابتيَ !
ديم بنص عين : الله اكبر الابتسامات لناس وناس
شجن : فارقي يلا
ديم وهي تروح تصحي رند وتطفشها لين قامت هي ومشاعل من حنتها
/
بالجامععه ..
ديم متوتره : خايففه وربي
حنان النعسانه : افففف وربي اثقل من دمه مافيه
امل لابسه نظارتها وتتكلم بجديه : بنات ذاكرتوا كويس ؟
حنان : لي يومين اذاكر فيه عجزت اختمه
ديم وعيونها انحولت : ياربي اسكتوا لاتخوفوني ، لو استلف مخ شجن شوي بس
حنان بخقققه : الاااااااااه
ديم بخزه : فارقي هو جوك ؟
امل : رايقااات
وبدوا البنات كلن تدخل قاعتها للاختبار ..
شجن الواثقه وهاديه بزياده ، بيدها الكوفي حقها .. واخلاقها مرتفعه .. مكالمه ابوها اليوم روقتها كثير
ورند تحس قلبها بيوقف .. سمعت مسج وفتحته لقته من ابوها :حبيبتي طمنيني ايش يصير معك ،
ابتسمت ونزلت جوالها .. سمعت مسج ثاني وفتحته لقته من تركي : اذا خلصتي اختبارك اتصلي فيني عازمك انتي وفارس على فطور
زادت ابتسامتها ونست نص المنهج من الفرحهه ..
اما ديم اللي جوالها سايلنت ولا درت عن احد .. واقفه برا مو راضيه تدخل القاعه من كثر ماهي متنحه ..
/
/
/
خلصت ساعات الاختبار البطيئه جدا ..
رند اللي طلعت اول وحده مستعجله ، اتصلت ب امها : مااااما خلصت
مشاعل : كيفه حبيبتي ؟
رند : زي الشربات
مشاعل : اها كويس
رند : مااماا مااما
مشاعل حست فيه شي : ايش ماما
رند : ترركي عازمني ع الفطور
مشاعل ابتسمت وعرفت سر فرحه رند : طيب حبيبتي بس لا تتاخرين بكرا عندك اختبار
رند بفرحه : اوكييهه مامي
.
.
.
ديم وحنان طلعن معصبات .. وجهه ديم كان شبه مسطر وحالتها حاله
حنان : ايش فيك مبسوطه اللي يشوفك يقول حاله
ديم بعدم اهتمام : قصدك هم وانزاح
حنان : !!!!!!!!!! انزاح وانتي اكيد حاملته
ديم : خلينا باليوم ليش طامره لبكرا ؟ وبعدين وين امل
حنان : تعرفين الدوافير يطولون عشان يخلصون
ديم : استغفر الله
/
/
طلعت رند برا وهي تدور سياره تركي بين السيارات .. لمحت سياره ماغابت عن بالها ابد ..
صوت فيروز طالع من برا السياره ، ابتسمت وهي تتذكر ملامح ذاك اليوم وتفاصيله ..
رند بنفسسها : ييووه شبهه نسيته !
طلع من سيارته وهو عارف انها بتطلع ب اي وقت .. خصوصا ان تركي قايله بيمر وياخذها !
لمح سياره تركي وراح يسلم عليه
خالد مبتسم : وش عندك هنا هاه ؟
تركي : باخذ اختي ونفطر سوا
خالد : حركات ياولد ، ولا قلت اعزم صديقي
تركي : هههههههه ابد بس تعرف اعطي دفعات معنويه لهم ، وهو يناظر فارس
خالد اللي مانتبه لفارس : البطل هنا ؟ اووه كيفك ؟
فارس : طيب الحمدلله
خالد : متجهز للاختبارات
فارس بتكشيره : الله يعين
مششت بخطوات مستحييه .. ماتوقعت ابد انه نزل وراح لتركي .. صارت وراه وهو ماخذ راحته ومدخل راسه من الشباك ويسولف مع فارس
تركي اللي لمح رند : يالحبيب اتكل يالله
لف خالد ولمحها وراه .. ابتسم وقال بصوت هادي وهو يمر من جنبها : كييفك ؟
رند اللي دخلت السياره بعالم اخر .. ماتدري هو قالها كيفك او يتهيإلها ! ياربيه وجهها قلب احمر وتلخبطت
فارس بصوت عالي : رننننند
رند : ايش
فارس : تنحتتتي
رند : هههههههههههه لازم بعد الاختبار
تركي مبتسم : يازينكم
/
ديم وهي تركب السياره مع فيصل ومطنقره على الاخر : بس هي تفطر يعني ؟
شجن : اعتقد انه اخوها مو اخوك
ديم : ماتعرف تجامل وتقول اعزم خواتي ؟
شجن : اللي يسمعك بتروحين
ديم بعناد : اروح ليش لا مو هو اخونا
شجن مصدعه : من وين جاك اخوك ؟
ديم : ياختي نجلس حنا وفارس وهو يصرف حاله ، لله ياختي لله
مشاعل : واخرتها مع حضرتك ؟
فيصل خاش عرض : وش السالفه
ديم وتوها تستوعب فيصل اللي تفشلت منه من ذاك اليوم .. حست انها استحت وسكتت
مشاعل بعصبيه : رند راحت تفطر مع اخوانها وذي تبي تروح معهم
فيصل بنص عين : وش يوديها ؟
مشاعل منقهره : قولها وش يوديك اسالها ؟ مادري وش يوديها سهرانه من امس وبكرا وراها اختبار ولا تدري عنه
ديم ساكتته : ……
شجن تقرب لها : وين لسانو هههههههه
ديم : طسي زين
فيصل : اجيبلكم فطور ؟
مشاعل خزت فيصل : لا شكرا
فيصل : ماقلت اعزمكم على الفطور قلت اجيبلكم
شجن بصوت هادي : ياناسو مايبي يزعلها
فيصل وهو يلف ورا على ديم : وش تبين فطور
ديم استتتتتحت من فيصل وطاح وجهها ، شجن بحده : مانبي شي
فيصل وملامحه تغيرت ورجع يسوق وبنفسه : من كلمها ذي ؟
مشاعل مبتسمه : تستاهل ياللملقوف
ديم وهي تقرص شجن : ايش دخلك ايه ابي فطور
شجن : اختك الكبيره انا
ديم : فارقي زين
:
:
:
رجعت رند الساعه ١٢ الظهر ولمحت مشاعل جالسه بالصاله تنتظرها
رند بهدوء : صاحيه ماما
مشاعل : جيتي حبيبتي
رند ووجهها باهت : ايوه ماما
مشاعل وعيونها على رند : ايش فيه وجهك
رند مبتسمه : مافي شي ماما ليش ؟
مشاعل : مافي شي بس وجهك مو عاجبني
رند : لا عادي ماما كان يوم طويل
مشاعل : اوكيه روحي ناميلك ساعتين عشان نذاكر سوا
رند : ينفع انام هنا بالصاله عندك
مشاعل مبتسمه : اكيد ينفع
رند وهي طالعه تبدل وتنزل فتحت باب غرفه شجن لقت ديم نايمه بالعرض كالعاده وشجن تذاكر
قفلت الباب بنفس الهدوء وراحت لغرفتها تغير ملابسها وتنزل عند امها .
اما شجن اللي جوالها جنبها تحاول تركز بس بمذاكرتها ، ماتبي شي ثاني ابد يغير عليها ..
بصوتها المبحوح والفخم بدت تغني : والله مايسوى اعيش بدنيا دونكَ
لا ولاتسوى حياتي ب هالوجود .. دامك انت اللي رحلت كيف ابصبر على البعاد وكيف بنثر هالورود ..
تذكرت رحلتهم لمصر .. واطلالته هناك .. طاحت دمعتها على كشكولها ..
مسحت دمعتها اليتيمه وكملت : ماوعدت انك تقاسمني المحبه ، وتبقى لي حب ولدروبيَ دليل ..
تنهدت بضييقه كبيره ورجعت تكمل دراستها بجديهَ ..
سمعت صوت جوالها من جديد .. رفعته ولقته الرقم الغريب اللي من فتره يدق عليها .. حطته سايلنت وكملت دراسه
.
.
.
.
مروا الاسبوعين بطيئات على ديم .. ماتت فيهم الف مره .. ماصدقت تخلص .. ماصدقت ابد ان هم الاختبار راح ، وجا هم النتايج َ ..
كانت اخر وحده من خواتها تخلص اختباراتَ ، رجعت البيت وفيها ربشه مو طبيعيهَ
ديم وهي تدخل الصاله تدور : خللللللصت
شجن اللي جالسه بالصاله تابع التلفزيون : مبروك
ديم : ايش البرود اللي فيك ذا ؟ اقولللللك خلصت
شجن : ايش اسويلك
ديم وهي تمسك ايديها : قومي نرقص
شجن : روحي زين
ديم : ههههههههههههههه الاااااه خلصت السسسنه
شجن بنحاسه : اللي يسمع يقول ناجحه ؟
ديم بتكشيره : ايش فيك نحيسه انتي ؟ بلا في وجهك
شجن : لا بس اذكرك
ديم وهي تطلع فوق مكشره : لحد يصحيني بنام
شجن : نومه العافيه
وقطع عليها صوت جوالها .. نفس الرقم رجع يتصل ، شجن ب استغراب قررت ترد : الللو ؟
ماجاها رد فقفلت الخط ..
استغربت شجن وقالت يمكن احد غلطان ورجعت تكمل برنامجها ،
دخلت ديم غرفه شجن ولقت رند نايمه .. تمددت جنبها ونامت بملابسسسها ، الفرحه عندها اليوم عجيبه
/
امل وهي داخله البيت مبسوطه وتدندن ، لفت البيت كله تدور امها : ماما ؟
ام خالد اللي نازله من فوق : مبروك خلصتي
امل : ماما طلبتك قولي تم
ام خالد : ايش ؟
امل : نعزم البنات بكرا
ام خالد : اذا طلعت نتايجك ابشري
امل : افااا ماما مو واثقه بمعدلي ؟
ام خالد : اوكيهه نستناااه
امل : لا تكفين اخاف ديم ترسب وتحبسها امها
ام خالد ونفسها تشوف التوائم : اوكيهه دام كذا
امل انبسطت وطلعت فوق وهي ترسل مسسجات للبنات تاكد عليهن يجن لها بكرا ،
.
.
رند اللي صحت بعد الظهر مكسله وحالتها حاله .. نزلت تحت وهي تسمع صوت امها وشجن يسولفن
نزلت الدرج بهدوئها المعروف وقبل لاتنزل اخر الدرجات طاحت بمسامعها
شجن بخوف : بس ماما اخاف يصير فشل لها لو زرعوا لها رئه من جديد ، مدري ماما اليوم جلست اتابع مواضيع عن ذا الموضوع والكلام مايطمن
مشاعل بحزن : مادري والله
رند اللي الكلام حست انه جرحها كثير رجعت تطلع فوق ماتبي تسمع اي كلام بذا الموضوع ابد
شجن : ان شاءالله خير ، وسكتت لما شافت معالم الضيق ف وجهه امها
مشاعل وهي توقف : رند لسى نايمه من امس ؟ غريبه !
شجن : اروح اشوفها
مشاعل : لا انا بطلع لها واشوف الاخت ديم
طلعت فوق وفتحت غرفه شجن لقت ديم نايمه بالعرض وشكلها تححححفه ، غطتها وطلعت لغرفه رند
فتحت باب الغرفه بهدوء وشافت رند جالسه على السرير وضامه رجليها وتبكي
مشاعل بخوف : رننند فيك شي ؟
رند اللي خافت من امها : لاااا
مشاعل : ليش تبكين ؟ بسم الله ايش فيك
رند بكذب : واحشتني رغد ماما
مشاعل : حبيبتي انتي واخذتها لحضنها وهي تمسح على ظهرها وتقرا عليها
/
فيصل وهو يتكتف : افففف باقيلي بس ست اشهر ، متخيل بس ؟
مشعل : الله يصبرني
فيصل مبتسم : يااخي احبك
مشعل : ههههههههههه
فيصل : وش دعوه قايل نكته ؟
مشعل : لا ابد بس شاطح
فيصل : ليه شاطح ؟ تراني معتبر حالي اخوك الصغير
مشعل : ؟؟؟؟؟؟؟؟؟؟؟؟؟؟؟؟؟؟؟؟
فيصل : هههههههههههههههههههههه
مشعل وهو يقوم عن فيصل رايح لوحده العنايه يشوف مرضاه ، سمع مسسج وطلع جواله وشاف مسسج من رقم غريب ..
تجمعت حواجبه بدون شعور وهو يشوف اسم الهنوف اخر المسجَ .. قفل جهازه وكمل طريقه للوحدهَ .
/
دخل البيت اللي ماله حس ابد .. سعود ونهى كل واحد فيهم لاهي بشي ..
دخل مكتبه وبدا يحوس ب اوراقه واموره ..
سمع صوت احد دخل ف طلع يشوف من اللي جاي من برا .. واكبر علامه تعجب وهو يشوف نهى ، رفع عينه ولمح الساعه 1 الظهر
ابو سعود معصب : الساعه كم ؟ بدري
نهى اللي خافت لما شافت ابوها : سوري بابا بس اليوم الفاينلي وسوينا بارتي على قدنا في الكولج
ابو سعود اللي هالكلام مو خاش راسه : بارتي ! اهااا .. ومتى بتخلص بارتياتك ذي ؟
نهى مستغربه : ليش بابا ؟
ابو سعود معصب : لان طريقه حياتك ذي مو عاجبتني
نهى : ايش فيها حياتي ؟ ايش تبي اسوي لوحدي
ابو سعود : اوكيه بوديك عند عمتك هالاجازه عشان ماتجلسين وحدك
نهى بروعه : لا بابا بليز مابي اروح هناك عندهم
ابو سعود بحزم : ماراح اكون فاضي بالاجازه ومحد بالبيت بتجلسين مع من ؟
نهى وبدت تبكي : كل سنه واحننا نجلس هنا ايش فرقت يعني ؟
ابو سعود : فرقت كثير ، حتى شجن ماعادت هنا
نهى بقهر : يا ذا الشجن ماراح نفتك منها لين نموت وطلعت لغرفتها معصبه
ابو سعود اللي استغرب رد نهى : !!!!!!!!! نهى !!!!
نهى وهي تطلع الدرج : مو رايحه لعمتي وبجلس هنا ، ايش يعني ثقتك بس ب شجن وانا لا
ابو سعود وعيونه رافعه ويخز بنهى : تجلسين لوحدك انسي
نهى : على اساس كانت شجن جالسه معي
ابو سعود : قصدك انتي جالسه معها
نهى وقفت معصبه : حبيبه قلبك لازم تدافع عنها
ابو سعود والاخلاق قافله : نهى قصري صوتك احسن لك .. ياليتك تصيرين مثل اختك
نهى وهي تلقي على ابوها نضرات بارده ومشت بكل غرور : مو اختي ولا يمكن تكون اختي
ابو سعود انصدم : نهىىىى !!! .. لكنها مشت ولا ردت عليه دخلت غرفتها منقهره من ابوها وجلست تبكي لين غفففت ،
/
رجع من دوامه اول مافتح الباب الا شافها واقفه على رجليها الصغيره .. كانت خطوه او خطوه ونص وطاحت وصوت بكاها ارتفع
ابتسم وهو يمشيلها وماد ايدينه شالها لفوق وهو يلعبها .. بس يا بابا بس يا حبيبي … ااابس بس
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك