رواية ياضياعه بالهون ترا نصفي يبيه -27
ابو سعود انصدم : نهىىىى !!! .. لكنها مشت ولا ردت عليه دخلت غرفتها منقهره من ابوها وجلست تبكي لين غفففت ،
/
رجع من دوامه اول مافتح الباب الا شافها واقفه على رجليها الصغيره .. كانت خطوه او خطوه ونص وطاحت وصوت بكاها ارتفع
ابتسم وهو يمشيلها وماد ايدينه شالها لفوق وهو يلعبها .. بس يا بابا بس يا حبيبي … ااابس بس
مدت ايديها الصغيره ومسكت خششمه ونزلت لشفايفه وشدتهم
ضحك عليها وهو يمسك اصابعها الصغيرونه : اح بابا لااا
مدت بوزها بزعل وبدت تتعفط ملامحها لزعل وصرخت بقوه تبكي
ابو ابراهيم : افففا تبكين من جدوه ؟
بس صرختها زااادت ومدت ايدينها من جديد وشدت شماغه وهي تضحك ودموعها بعيونها
نزل للارض وجلس وهي بحضنه وبيدينها الشماغ مبتسمه ..
ابو ابراهيم : لا والله انبسطتي لما خربتيه
بدت تزحف ببرائه وابعدت عنه شوي وحذذفت الشماغ ورجعت له وهي تصفق ايدينها : بح
ابو ابراهيم وعيونه طايره : بح ؟ ههههههههههههههه جلس يكح من الضحك : ماعليك شرهه ديم عمتك
رجعت ألين من جديد لجدها وقفت وهو ماسكها مدت يدها ودخلتها جوا مخباته وطلعت الجوال .. جلست بالارض وحطت الجوال عند اذنها وهي تناظر جدها ٬ ااالللو
ابو ابراهيم : اللو طارق
ألين : الوو
ابو ابراهيم : هههههههههههههههه يازينك وهو يمعط خدودها
ألين وهي مو مهتمه دام الجوال معها : الو
طارق نازل وشافهم بالجلسه ذي صرخ بصوت عالي : ألييييييين بابا
ألين وهي تلتفت وتضحك : ب با با با
طارق جا يركض وشالها واخذ فيها فره : ياقلب بابا وعضضضها من خدودها
ابو ابراهيم معصب : لاتلف فيها تطيح من يدك ولا تعضها الحين تصيح
طارق : لا بنتي قويه ماتصيح
ابو ابراهيم وهو يوقف بعد ماعفسته ألين : وين امك ؟
طارق يحك راسه : مدري
ابو ابراهيم بعصبيه : وش تدري عنه انت ؟ لقيت وظيفه
طارق وملامحه صارت سودا : لا
ابو ابراهيم : لا كملت دراسه ولا وظيفه وذي الضعيفه من بيقوم فيها
طارق اللي ماهو قادر يكون قد المسؤوليه : بدور على خير
ابو ابراهيم معصب : انا بدورلك لكن والله تفشلني ياويلك
طارق : تامر امر الوالد ونزل ألين بالارض
ابو ابراهيم : وين وين ؟ خذ بنتك معك
طارق : بنام ماتخليني ذي انام
ابو ابراهيم : وانا بنام من بيجلس معها ؟ بنتك مو يالله خذها معك
طارق اللي شالها : وش بينومك انتي الحين
ألين مدت ايدها ومسكت خشمه تضحك
طارق قلبها لفوق وحط بطنها على كتفه وهو ماشي
ابو ابراهيم بصراخ : نزززلها وججع كذا البزر ينشال
طارق وهو طالع مع الدرج : عادي تعود هههههههه
ألين : ب ب با با
طارق : يا غثاااا بابا
ألين جلست تضحك بصوت طفولي … وصوت ضحكاتها اختفت بعد ماقفل طارق باب غرفته عليه
ببساطه كذا اتفقوا يعاقبون طارق انه يهتم ببنته .. لكن طارق ابد اذا شاف ابوه اخذها ومن يروح ابوه يدور امه ويعطيها ،
/
جالسات بالصاله مشاعل ورند وشجن وامل .. ماحسسوا الا بصوت ديم المرتفع : مممماااااما
مشاعل : بدا الازعاج
شجن : يلزمني اربط راسي
ديم وشعرها منفوش ونازله تحك بشعرها وهي بلبس الجامعه ومسفط وحالته حاله : خالللتو امل هون
امل : كيفك يابنتي ؟
ديم : الحمدلله ، ماااما
مشاعل : نعم ؟
ديم : بليز بليز لاتقولين لا ، امل عازمتنا بكرا عندها بالبييت .. وعلى طول ناضرت ب امل : خاللتو تكفين توسطي تكفففين
مشاعل : بمناسبه ؟
ديم : بتشوفني انا والحلوات
امل : يالله مشاعل عشاني خليهن يروحن
مشاعل بخزه لديم : اوكيه دامكن الثلاث
ديم بصرخه وهي تقمز : واااااااااو بروح اخذ شاور .. تششششآآآآو
رند مستغربه : صايره عندها لغات
شجن بنص عين : فرضا انا ملتزمه بطلعه ؟ ماشاورتنا حتى
مشاعل : فكونا منها وروحن مالي خلق لها ، مجهزه المخاصم لنتيجه
رند بخوف : مامي لاتجيبي سيره النتيجه
امل واللي تحب رند ونعومتها وكل شي فيها ، من قلبها ودها لو تخطب لفيصل وحده منهم تاخذ رند مو ديم .. بس فيصل وش يقنعه !
امل بحب : ان شاءالله تنجحين يارب
رند بحيا : يارب خالتو
:
:
:
منَ بكرا كان يومَ حافل عند امل .. مبسوطه ان ديم وخواتها وحنان راح يجون عندها .. حبت ماتنادي احد ابد وتكون خاصه يتعرفون سوا
صحت من بدري وجهزت كل شي ..
بعد صلاه المغرب كانت امل جاهزه وتستناهن يجن بس .. حذرتهن مايتإخرن عليها ابد ..
ام خالد بعد كانت متحمسه تشوف التوائم اللي امل كل يوم تكلمها عنهم ..
بعد صلاه العشا جت حنان وجلست هي وامل سوالف لين جن التوائم
ديم الربشششه .. كانت لابسه شورت اخضرَ والتي شيرت ورديَ وعلى كامله رسسمه وجهه + شوز اخضر مخطط بالورديَ ( مستحيل بيوم تلبس كعب )
شعرها مسويته كيرلي كالعاده .. واكتفت انها ترسم عيونها بالاسود + روج وردي هاديَ
شكلها كان كيوت مره ورايقه بقوه .. كانت بجد رايقه ومبسوطهَ ..
فصخت عباتها وهي تتحمد ربها ان امل ماعندها اخوان واجد وبتاخذ راحتها على الاخر ..
رند كانت لابسه فستان ازرق بحري ومفتوح لاخر الصدر .. من وسط الصدر كان ريستال فضي ناعم
شعرها كانت عاملتله تسريحه ال شنيون ومنزلتها .. تحس انه مو ضابط من نعومه شعرها ..
وجهها خالي من اي شي الا روج احمر فاقع .. مع عيونها الرماديه الهاديه .. طول الوقت ديم تتحايل عليها ترسملها عيونها لكنها ماتبي لان عندها حساسيه بالعين وبتجلس تعورها
اما شجن كانت اقلهن حماس .. مو متعوده تروح لبيوت ماتعرفها ومو من النوع اللي تنغمس مع العالم بسرعه
كانت لابسه رسمي .. بنطلون جينز بيج + تي شيرت بني لخصرها ومفتوح من الصدر والاكتاف
مع كعبها طلعت اطول من توائمها .. زياده على انها تعمقت برسم عيونها وشعرها اللي جمعته على جنب
كان الروج الاورنج معطيها رونق خاص فيها ..
حنان وهي تشوفهن : لا مستحيلات
امل : ماشاءالله مو اقولكن عجيبات انتن
ديم بربشتها المعتاده : منننن انا
حنان بنص عين : شورت مين يعني ؟
ديم وهي تحضنها : حبيبتي تميزني
سلموا وجلسسوا وجت ام خالد اللي انفجعت بقوه ب الثلاث بنات … لإول وهله حسست انهن كربون
بس بعدين ميزتهن .. كل وحده فيها شي مميز .. مو شرط بالشكل ، ممكن بالشخصيه !
ديم اللي طول الجلسه تنكت وتضحك وماهمها شي ..
شجن اللي تتكلم بالموضوع اللي عاجبها واللي مايعجبها تسحب عليهن
اما الثالثه كانت بعين ام خالد جدا مميزه .. تحسها انثى غير عنهن .. حياويه .. وجهها كله يصير احمر
طريقه تسبلها بعيونها وجلستها على جنب حسستها وش كثر هالبنت فيها دلع ونعومه مو ف خواتها ..
استإذنت ام خالد وطلعت بعد ماسلمت عليهن واكدت الا يجون المره الجايه مع امهن .. وطلعت من البيت
امل بعد ماطلعت امها : بنننات خذن راحتكن محد بالبيت غيرنا ، صرفتلكم كل البيت
ديم : يااعااجبنني
امل بغمزه : عشااان نرقص براحتنا ومحد يقول قصروا وازعجتونا
ديم وهي توقف : من امس اقولهن خلصنا خلونا نرقص ومحد معطيني وجهه
شجن بنحاسه : ارقصي يوم تطلع النتيجه
ديم تسفهها : نكديه من يومك
حنان بصدق : تكفون لاتذكروني .. وناظرت بشجن : مالي خلق مطامر
شجن وهي تتقبل حنان : ولا انا مالي خلق ربشه ديم
رند اللي ماحبت تجلس وخافت احد يصر عليها ترقص وهي عارفه نفسها ماتتحمل وقفت ومشت بخطواتها في البيت الكبير او القصر الكبير
بعيونها الغرقانه بدموع وهي تمشي بهدوء كان يذكرها كثير بالبيت اللي تربت فيه ..
تاكدت ان اهل امل ماهم اقل طبقه اجتماعيه ولا ماديه من اهلها ..
طلعت لصاله الثانيه وهي تتامل بالديكور وعيونها غرقانه بذكريات قديمه ..
قفلت عيونها وبدت دموعها تنزل .. تحس الالم كل يوم يزيد عليها وماتبي اي احد يدري عنها !
اول مادخل الصاله من الباب الخلفي لمح وحده واقفه وهاديه .. بالبدايه حسبها امل بس استغرب هو متاكد ان محد بالبيت لكن الربشه الموجوده شككته
قرب وبصوت قرب للهمس : امل ؟
لفت خايفه من الصوت اللي صحاها من احلامها : ماما
والتقت العيون ..
وانعاد الشريط القديم … اللي سمعه من زمان .. تعود كل يوم قبل ينام يغنيها بصوته لعلها بيوم تسمعها !
حبيتك بالصيفَ .. حبيتكَ بالشتيْ
ااه نطرتك بالصيفَ .. نطرتكَ بالشتيَ ؟!
وعيونك الصيف وعيوني الشتيَ !!
رند بخطوه لورا : انت ؟
خالد ابتسم : وش جابك هنا ؟
رند خافت وهي تشوف الصاله الواسعه مافيها حييياه اعطته ظهرها وبدت بخطوات تايهه
خالد بصوت حاول مايكون عالي : من هنا وهو يإشر بيده
لفت عليها وشعرها خصلاته طايره على وجهها .. دموعها على خدها خايفه .. ومشت بالطريق اللي قالها ، دخلت الصاله ومالقت الا مكان خواتها !
خافت لحالها .. بدت تدور بعيونها تدورهن .. ماتدري ليش لحظتها رجعت لها الذكريات القديمه
جلست على الكنب وهي تهمس : ششششجن .. مامااا
رفعت عيونها من جديد تتاكد انه راح ! مالمحت احد ابد .. فصخت كعبها ورفعت رجولها على الكنب وجمعت رجولها لصدرها تبكي بهدوء وخوف ..
بداخلها تنادي امها ، امها اللي راح عمرها تبيها !
ماقدر يبعد خطوه وحده عنها … بس خاف يدخل ويشوفونه ..
طلع مع الدرج الخلفي لغرفته واتصل على امل يعلمها انه بغرفته
امل بصوت عالي : طييب بس مو تطول اخلص اطلع ولاتجلس تطالع مع الشباك
خالد بشككك : انتي وينك ؟
امل : جالسين براا
خالد : من متى ؟
امل : مدري نص ساعه كذا ليش ؟
خالد : اها لا بس اسال يالله بطلع سلام
امل قفلت بعدم اهتمام ورجعت تكمل رقصها مع ديم .. ديم معصبه : بلا ف شكلك
امل مفجوعه : خير ان شاءالله
ديم : لازم تقفلينه عشان حضرتك تكلمين
امل : وكيف تبيني اسمع على خير
ديم : اها بس
ولفت عينها على حنان وشجن اللي جالسات بعيد شوي عنهن ومنسجمات سواليف ، ديم بخبث : تغازل اختي ؟
امل بنص عين : يمكن اختك تغازلها
ديم بثقه : لا اختي جفسسه ماتعرف
امل بضحكه : اووووه لا حنان تعرف عاد
ديم : والله لا اتنيحس عليها مثل ماتتنيحس علي ، وراحت تطفش شجن
نزل الدرج كان ناوي اذا قرب يقولها انهم برا ويطلع مع الباب الخلفي ، لكن صوت بكاها اللي جاه خوفه خصوصا انه عارف بمرضها ..
قرب بدون شعور وبصوت خايف : رنند !
رند وهي تشهق وحطت ايديها على ملامحها : خيير ايش تبي
خالد ومعطيها ظهره لما تطمن انها طيبه : طالعين برا هم الحقيهن .. وبصوت اضعف واحن : لا تبكين تكفين !
رند بعد ماستوعبت : تعرف اسسسمي !!
خالد ابتسم وهو واقف : نسيتي امريكا ؟
رند اللي ماكانت متوقعه انه عارفها : ايش عرفك انه انا
مشى بخطوات انيقه وبصوت واثق : اعرفك من مليون .. وطلع وتركهاا ..
تركها مستغربه وخايفه .. مانسته هي اصلا بس ماتوقعت بيوم ان احد بيهتم لها جدد
بس السنه ذي غير غير .. كثروا المهتمين فيها .. ابتداءا من مشاعل وديم وشجن نهايه ب خالد !
رجعت لوضعيتها تبكيَ وماحست الا يدين شجن عليها وصوتها الخايف : رند حبيبتي ايش فيك
رفعت عيونها وابتسمت : مافي شي
ديم وهي داخلها تركض : رننند حبيبتي وين اختفيتي
رند بهدوء : عادي مو مهم
شجن عصبت عليها : ايش اللي مو مهم
رند وقفت وراحت لدوره المياه تحاول تروق .. ماتبي تضيق عليهن ..
امل تهدي شجن : بليز لاتروحون لسسا بدري
شجن وهي تخز ديم : تبين تجلسين اجلسي لكن انا برجع للبيت مع رند شكلها مايطمن
ديم معصبه : ليش بس حضرتك خايفه عليها وانا لا
شجن : كله من افكارك وهبلك خليتيني انساها
ديم : الله اعلم
حنان وامل تنحن فيهن وهن يتهاوشن .. جا على بالهن يضحكن بس الموقف مايساعد
وبالسياره مع فيصل : وش عندنا راجعين بدري
ديم اللي منقهره : نفسك ذي !
شجن بقله صبر : ماما ليش ماجت معك
فيصل : ليش باكلكن انا
ديم : يمكن
فيصل : اعوذ بالله وكمل طريقه وهو ساكت .. حس انهن معصبات وفيه شي مو طبيعي بينهن
اول مادخلن البيت بدا الهوش
ديم : مسسسويه الكبيره على راسي
شجن معصبه : كله منك اصلا
ديم : لا والله وانتي ؟ ليش ماجلستي تستنينها والا مو فاضيه
شجن بنص عين : ايش تقصدين
ديم بنحاسه : اللي اقصده ايش عليك انتي
شجن اللي متوتره من شافت رند تبكي : اسكتي بس مو رايقه لك
ديم : انتي دايم كذا نكديه وماتحبين احد وطلعت وتركتها
شجن اللي طلعت تلحقها : انا ماحب الا نفسي ؟ والا انتي البزر
ديم وقفت ورجعت تنزل والشر بعينها : انننا بزززر !
شجن : اسالي نفسك
ديم وهي تقرب لشجن وفارق الطول بينهن بسيط : انا مو بزر ، انا عايشه حياتي مو معقده مثلك
شجن اللي مو مستوعبه ان احد يهزأها : نعم !
ديم بصوت عالي : ايش برستيجك انهز صح !
رند من بعيد وهي اللي ماسكه الباب بعد تعب يالله وصلت له : يكفففي !
فيصل دخل بيتهم متروع واول مالمح عمته قعد يإشرلها بيده : الحححقي
مشاعل خافت : وش فيه !
فيصل : بناااتك تهاوشن
مشاعل : !!!!!!!!!!!!!!!!!!!!!
فييييصل : صوتهن لاخر الحاره اعوذ بالله
مشاعل طلعت تشوف وش سالفتهن وهي مستغربه انهن يتهاوشن .. هو التوائم يتهاوشون !!!
لما دخلت مالمحت احد بالصاله .. واول ماطلعت ومحمد اخوها وراها فتحت غرفه شجن والا هن الثلاث جالسات جنب بعض
مشاعل : بسم الله !
ديم بخوف : اهلين ماما
محمد دخل وعيونه عليهن : وش صاير ؟
شجن بكذب : والا شي
مشاعل : فيصل يقول صوتكن لبرا واصل !
ديم : هالفتان متى يبطل فتنه ! ابد اختلاف رإي بيني وبين شجن
محمد يتحمد ربه : الحمدلله دام السالفه كذا وطلع
مشاعل تخزهن : ومن متي انتن تتهاوشن
ديم وهي تبكي : وعد وعد اخر مره ماعاد اقول شي ابد والله ماما وعد
وركضت لامها تحضنها وهي تبكي ، لفت لشجن وبصوت نادم : سامحيني شجن انا اسفه
شجن مسحت دموعها : وانتي سامحيني بعد
مشاعل بنص عين : وش سالفتكن ؟ لفت تلمح رند الساكته .. رنود تعالي شوي
رند وهي توقف بتعب : خير ماما
مشاعل قربت منها : دايخه ؟
رند لفت يدينها على مشاعل : خايفه ماما
مشاعل وهي تحضنها : بسم الله عليك ايش فيك ؟ اخر مره تروحين معهن خلاص انتي تجلسين معي
شجن وديم : …….
اخذت مشاعل رند وطلعت برا
ديم : ماتخيل ابد انها كانت بتموت بسببتي
شجن متوتره : اخر مره اجلس ارادد احد .. اصلا انا ماحب المرادد بس انتي نرفزتيني
ديم : انا هبلاااااااا
/
محمد : فيصل ابيك بموضوع
فيصل : تم الوالد .. امرني ؟
ابو فيصل : لو طلبتك شي تقولي لا ؟
فيصل مستغرب من ابوه : ابد لو تبي رقبتي
ابو فيصل وبعيونه لمعه غير : ابيك تتزوج
فيصل بفرحه : بس كذا
ابو فيصل : بخطبلك رند بنت عمتك
فيصل وملامحه تغيرت : رند ؟ قصدك ديم !
ابو فيصل : رند
فيصل : نععم !!!!
مشى محمد وترك فيصل يدور الجواب بعيون ابوه ..
اما محمد اللي قرر هالقرار بعد ماعرف عن حاله رند السيئه .. كان خايف مايجيها النصيب او ان جاها تاخذ واحد يجرحها وتتعذب .. يبيلها واحد منهم وفيهم وتحت عيونهم !
فيصل اللي راح ابوه وهو واقف ساكن .. مستغرب ومستنكر .. وبصوت مخنوق : و ديم !
:
:
:
ليَ عودهً : شَروايً حَلمْ #
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء السابعَ والعشرينَ @
بعد اسبوعينَ .. عيونه باهتهَ .. شعره مو مرتب وهالات سودا تحت عيونهَ
هدوئه غريبَ
مشعل مستغرب : فيصل مو طبيعي فيه شي
الدكتور مصطفى : ااه والله ؟
مشعل وهو يقرب لفيصل : فيصل ؟
فيصل : نعم
مشعل : وش فيك صايرلك فتره ماتنبلع
فيصل بنص ابتسامه : مافيني شي .. وبيدينه ملف رند وعيونه فيها لمعه الم ..
مشعل مستغرب من فيصل اللي له فتره كل يوم مقابل ملف بنت عمتته بشكل يشكك
/
بالبيت :
بالصاله اللي فوق وديم رافعه التي في لاخر شي وترقص وتغني بصوتها النششازَ …
وين اوديه حبيبي وين اوديه ، هذا وايديه في ايديني عينهم فيه
مشاعل وهي تقفل التي في : الجيران رحلوا
ديم : ههههههه ماااماا منسجمه انا .. ودان يا دوان دان ويادااان
مشاعل : انزلي تحت يلا مع خواتك
ديم بنص عين : فيه اجتماع
مشاعل بجديه : فيه مطبخ
ديم : نعععععم !!! وش مطبخه ماما .. وعيونها على اصابعها : لا ماما بلييز انتبهي
مشاعل : انزلي بس مانتي نافعه الا بالرقص
ديم وهي نازله ورا امها : ماما راح تتشوه اصابعي ، لا ماقدر اغامر
رند اللي جالسه على الطاوله بالمطبخ وبيدها ملعقه وتاكل نوتيلا : ههههههههه
شجن : تاكليها كيذا ساده
رند : احححححبها
ديم وهي تشوف رند : بزر اكبري
مشاعل : من اليوم وطالع راح تشتغلون ، ماعندي دلع انا
رند بحماس : الاااه كل عمري اتمنى اتعلم كيف اشتغل
ديم معصبه : تعلمي لحالك
شجن : شيكتوا على الموقع عشان النتايج ؟
ديم وججها ابيض : نحيييسه اسكتي
مشاعل : انا موصيه وحده اول مايخلصون تعطيني معدلاتكم
ديم : ياخراااشي
مشاعل : خليك بالمطبخ احسن
ديم : ههههههههههههههههههههههههههههههههههه مامااااا
/
رجع البيت بهدوء .. لمح ابوه وامه جالسين .. جلس جنبهم بدون اي كلمه
ام فيصل وقلبها معورها على فيصل : اهلين يمه
فيصل : السلام عليكم ؟
ام فيصل : احطلك الغدا ؟
فيصل : متغدي بالدوام
ام فيصل اللي عارفه ان فيصل كذاب بس ماحبت تدقق عليه : عافيه يمه
فيصل اللي متضايق ان ابوه مايكلمه ولا يرد عليه من ذاك اليوم لانه رفض رند ..
فيصل : ممكن الوالد شوي ، وقام وقف يسبق ابوه على مكتبه
..
ابو فيصل بصرامه : البنت تعبانه وابي احد ياخذها يرحمها ويحن عليها ومحد بيكون ارحم منك عليها
فيصل : وديم يبه ؟
ابو فيصل : ديم صغيره وبتشوف حياتها
فيصل بعيون هايمه : تاخذ غيري !
ابو فيصل : مناديني وش عليه !
فيصل بدون روح : خلاص يبه انا فكرت وغيرت رايي .. موافق ..
ابو فيصل اللي يحس الهم كبير وطاح ، حظن ولده بفرحه : ماراح تندم ابد ياولدي
/
العصر عند امل وهي تلمح ديم ورند والفرق الكبير بينهم .. امل مو عارفه ابد ان رند مستحيل تكون ام ..
بس متعذبه ان فيصل يبي وحده وابوه الا يبيه ياخذ وحده ثانيه ،
ديم : لازم نكسر جوال ماما
مشاعل فاتحه عيونها : ماشاءالله
ديم : ههههههههههههههههه معدلي ياماما ب اي لحظه راح يوصل
مشاعل : من فشلك والله خايفه
شجن : حتى انا متوتره خايفه ماجيب الفايف
ديم وعيونها طايره : فايف ؟ ياخرابي انا اقول يارب فوق الواحد ونص وبدون مواد
رند : انا خاطري ب الثلاث مش اكثر
ديم بنص عين : دافورات اهب عليكن
مشاعل بصدق : انا مادري على مين طالعه ماتحبين الدراسه ؟
ديم : انا مايشبهني الا نفسي
شجن : هههههههههههههههههههههههههههه واحنا ؟
ديم : نسخ تقليد ياحبيبتي
مشاعل : والله زمان عن فيصل مختفي
امل ترقع : مشغول مابقا شي ويخلص الامتياز وكذا
اما ديم اللي جد فقدته ماعاد يوديهم ويجيبهم انشغل بالها بعالمها الخاص
رند وهي تقرصها : دبببا
ديم : وججع وش تبيني
رند وهي تقرب منها : وين رحتي ؟
ديم : جالسه قدامك وين بروح
رند وهي ترمش بعيونها : ديوم حبيبي
ديم خااقه : عيون ديييييم
رند بدلع : عطشانه ابي مويه
ديم بجفاسه : ايش اسويلك ؟
رند : جيبيلي مويه
ديم : على تبن
مشاعل اللي الكلمه الاخيره جت ب اذنها : ديييم !
ديم وقفت خايفه : بروح اجيبلها مويه .. وناظرت رند وغمزتلها : يعني اوريك
رند : ي ماما بس خلاص مابي
ديم من بعيد : غصب تبين
سمعوا صوت الباب وقامت رند تفتحه .. شافت خالها محمد وبدلعها : خالووو محمد وحضنته بنعومتها
محمد اللي حب رند عنده غير عنهن : حضنها لصدره وهو يمسح على شعرها : كيفها حبيبه خالوا
رند : خايفه من النتايج
محمد وهو يبوسها على خدها : ولا يهمك بتجيبين معدل حلو اكيد
رند : يارب يسمع منك خالو
مسكت ايد خالها ودخلوا سوا .. وجلس محمد جنب رند ، وايده على كتوفها
ديم الي جت والمويه بيدها : الاااه خالنا موجود
بصوت عالي : خذذي اشربي مو عطشانه
رند بنعومه : يسلمو
شجن : خالو كيفك ؟
محمد : الحمدلله انتن كيفكن ؟ وعيونه على مشاعل !
ديم : كللللنا بخير
محمد : مشاعل ابيك بموضوع ..
امل اللي وجهها صار ابيض وحاولت تبتسم غصب ..
مشاعل وهي توقف : تفضل اخوي حياك
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك