رواية ياضياعه بالهون ترا نصفي يبيه -29
شجن بنص عين : ماعرف ماما ايش تفكر فيه لما وافقت
رند تخفي ملامحها : مادري .. كانت متفقه مع ابوها يمرها اليوم وتطلع معه ..
رند بنعومه : راح تجلسي لوحدك ؟
شجن مبتسمه : راح اكون مع ماما .. وبحاول ب اختك الحزينه
رند : طيب بروح اتجهز بابا راح يمرني اليوم
شجن بصدق : رنود لا تقولين ل احد شي .. هالموضوع بيننا
رند : اكيد .. وابتسمت
..
ماسكه الصغيره بدون نفس .. ديم : اللييين
الين اللي خافت من صرخه ديم جلست تبكي
ديم متنرفزه منها : ايش الدلع اللي معيشه عمرك فيه يالنتفه ؟
الين اللي مو فاهمه على ديم بس مبسوطه على شعر ديم تمسكه وتشده
ديم بصرخخه : ااه يوجع بنت .. وضربتها على ايدها : بنت انتي عيب
والين بصوتها المزعج جلست تبكي
ديم وهي ترميها على الارض : اذا شبعتي بكاا تعالي
ام ابراهيم اللي تشوف ديم وساكته ..
ديم وهي تجلس جنب امها : طففففففش
ام ابراهيم بجديه : ماتبين تعلميني ؟
ديم والدموع بعيونها : ماما ايش قلنا
ام ابراهيم : مو معقوله ماتتكلمين
ديم : واذا الموضوع الكلام بس فيه يجرحني
ام ابراهيم بقله حيله : والحل انك تهربين ؟
ديم وهي تبكي : ايش اسوي ؟
ام ابراهيم : واجهي الموضوع
ديم ب استسلام : مافيني ماااما
ام ابراهيم مقهوره من ديم : ليش مافيك ؟ بتجلسين عمرك كله كذا تهربين منه
ديم اللي حست ان كلام امها منطقي .. : بس ماما مدري خايفه
ام ابراهيم : اللي ربه معه مايخاف ياماما
ديم : والنعم بالله
دخل طارق عليهم ولمح بنته راميه نفسها بالارض وتلعب برجولها .. طارق بصوت عالي : الللللون
تركت رجلينها ورفعت راسها وهي تضحك : بب ببابا
طارق وهو يشيلها : بببببابببا
ديم : البنت ذي راح تطلع عربجيه من ابوها
طارق يخزها بنص عين : قصدك على عمتها
ديم مفجوعه : من عمتها ؟
طارق : انتي بعد من غيرك
ديم وهي توقف : انت انت انت تشبهه نتفتك ذي فيني .. ياحظها لو تطلع علي
طارق : بسم الله على بنيتي
ديم معصبه : ايش قصدك
طارق وهو يكلم الين : صح بسم الله عليك . صح عمتك وحش
ديم : الا انت وبنتك الوحوش مالت بس
طارق : اها بدينا غيره
ديم بثقه : انا اغار منكم ؟ الحمدلله على العقل
طارق : كفشششناك صح الون
ديم وهي تضحك على الين اللي بلشت تدخل ايدينها ب وجهه ابوها
ديم : شطوره شدي شعره بعد
طارق : مو اقولك طالعه عليك
ديم : ههههههههههههه وهي تشوف ملامح طارق تتعتفس من شد الين
/
وصل ابو تركي .. نزل ودخل بالمجلس يستنا رند ويطلعون
طلعت مع ابوها شبهه حيه ..
ابو تركي يخز رند : ايش فيها حبيبه بابا
رند مبتسمه : ولا شي
ابو تركي : واللي قلبه يقول ان بنته فيها شي
رند : بجد بابا لا مافيه
ابو تركي ماحب يضغط عليها : طيب بنروح للبيت فارس وتركي يستنونا هناك
رند بخوف : و و و ..
ابو تركي يقاطعها : مسافره لدبي ماعليك بناخذ راحتنا
رند بحزن : اها ..
وطلعوا للقصر الكبيير .. اول مادخلوا مع البوابه الرئيسيه .. بكل مكان كانت اطياف رغد ساكنه ، حست بالحزن يكبر ويكبر
نزلت بهدوء وهالمكان كثير واحشها .. اكثر من وحشششه اي مكان ثاني .. تنفست بعمممق :
ابو تركي : يلا رند بابا
لحقت ابوها وهالمكان له مكانه خاصه بقلبها ..
جلسوا جلسه عائليه من زمان عنها ..
فارس اللي كانت فرحته كبيره برجعه رند : الله يخليك رند لاترجعين بيتكم ذاك
رند مفجوعه : ليش
فارس : تونسيني هنا
رند بخوف : انت تال زورني كل يوم ماعندي شي
فارس بنص عين : لا والله اخاف امك تطردني
رند مصدومه : حرام عليك فارس حبيبي شفت كيف استقبلتك
فارس وهو يتذكر : اختك ذيك هبللله تضحك
رند وهي تتذكر ديم : ديم ؟ هههههههه
فارس : بحياتي ماشفت بنت ربشه مثلها
ابو تركي مستغرب : انت متى رحت ؟
فارس وتركي يناظرون بعض ويبتسمون ..
ابو تركي : اها فيه خيانات من وراي
سمعت صوت جوالها وقامت تشوف من .. عندها امل انها ديم لكنها اكتئبت لما شافت الرقم : شجن بنفسها مستغربه من ذا وايش يبي
ردت وهي معصبه : اللو ؟
جاها الصوت من بعيد : اهلين شجن
شجن اللي رفعت حاجب : نعم مين ؟
الصوت : ماتعرفيني بس انا اعرفك
شجن : اها وايش تبي ؟
الصوت : ولا شي نتعرف ممكن
شجن مستغربه : نعم ؟
الصوت : ماراح تندمين ابد
شجن وهي حاسه بسخافه هالانسان .. قفلت الخط بوجهه بدون ترد
رجع اتصل من جديد لكنها سحبت ولا ردت .. ارسل لها مسج ( ردي فيه موضوع ظروري نتكلم فيه )
لكن شجن ماهتمت فيه ولا ردت ..
بعدها بساعه جاها مسسج .. فتحته والتعجب ملا ملامحها .. شهقت وهي تحط ايدها على وجهها
مشاعل اللي انتبهت لشجن : خير شجن ؟
شجن تخفي تعجبها : هاه لا عادي
مشاعل : ايش المسج
شجن بكذب : من بابا
مشاعل : اها
شجن اللي رجعت تدقق بالمسج من جديد وهي مفجوعه .. من ذا وايش يبي ؟
/
تركي وهو واقف مع ديم بالحديقه برا : شكلك مو على بعضك
رند : ايش تعرف عن حالتي ؟
تركي مستغرب : اي حاله
رند وحاسه ان تركي ععارف : الصحيه
تركي : ليش تسالين ؟
رند وعيونها بعيونه : انا عقيم تركي ؟
تركي اللي ارتجف من كلمتها : من قالك !!
رند بصوت مخنوق : جاوبني تركي
تركي : لا ابد
رند عصبت : ليش تكذبون علي وتخبون عني ، المفروض اعرف
تركي وهو يمسك اكتافها : هدي رند
رند زادت عصبيتها : ليش اهدي ؟
تركي اللي مستغرب عصبيه رند .. عمرها ماكانت عصبيه : من قالك ؟
رند : انا سمعت ماما وشجن يتكلمن
تركي وهو يتذكر شجن : مو عقيم والله
رند : طيب علمني ايش ؟
تركي : ليش ماسالتيهن ؟
رند : مابيهن يعرفن اني عرفت ..
تركي : لا ابد بس قالوا فيه خطر من الحمل بس ان شاءالله بعد عمليه الزراعه امورك تمام
رند وهي تدور الصدق بعيونه : اكيد تركي ؟
تركي : والله اكيد
رند تنهدت وهي ترفع عيونها لسما .. تركي : فيه شي ماعرفه
هزت رند راسها ب الايجاب ..
تركي : علميني ؟
/
بعد الاسبوع حست ان المده طالت .. وان ديم خلاص المفروض ترجع البيت
اتصلت على ام ابراهيم عشان تجبر ديم ترد عليها ..
ديم بصوت مخنوق : ماما
مشاعل اللي طول هالاسبوع مانشفت دمعتها : ماما ؟ كويس مانسيتيني
ديم بضحكه : ههه ماما ايش دعوه
مشاعل معصبه : مادري شفتك اتصلتي وسالتي عنك امك ؟
ديم بتنهيده : سوري ماما انشغلت
مشاعل انقهرت : احد بعد ينشغل عن امه
ديم اللي انقهرت مو عارفه ترقعها : ماما
مشاعل وصوتها مخنوق : متى راجعه حضرتك ؟
ديم : مدري
مشاعل : ماتدرين !!! كيف ماتدرين
ديم : ماما الله يخليك لاتضغطين علي
مشاعل : يعني لو غصبتك ترجعين بترجعين ؟
ديم بطواعيه : اكيد ماما
مشاعل : ماظن اني امك والا ماسويتي كذا ..
ديم انفجعت : لا ماما لا تقولين كذا
مشاعل : يعني فيصل اهم مني ومن خواتك
ديم اللي طاح وجهها وحست انه بجد مالها داعي : لا ماما والله لا
مشاعل : ذا اللي انا شايفته .. وقفلت من ديم وهي منقهره منها وعليها
..
ديم : خلاص ماما جلست اسبوع يكفي
ام ابراهيم : جلستي ورحتي ولا عرفت ايش فيك
ديم وهي باهته : ماما بليز
ام ابراهيم : طيب
/
تركي : وانتي موافقه ؟
رند : تركي مجنون انت ؟ عارف وش يعني ؟ اختي ذي
تركي ابتسم : ياحبك للخوات عاد
رند : مقهوره منهم تركي
تركي بتفهم : من حبهم لك خايفين عليك .. واقولك شغله ؟
رند : قول
تركي : ماتعصبين ؟
رند : قول تركي
تركي : حتي انا ودي تاخذينه
رند : لا والله وديم ؟
تركي : ههههههههه صرفيها
رند : لا مستحيل الا اختي ماسويها فيها ..
تركي وهو يحط ايده على كتفها : الاخوان مايتعوضون
رند : هو ذا الكلام اللي ابي احد يسمعني اياه
تركي : هههههههههه .. ورن جواله
رند وهي تراقبه وهو يكلم ..
تركي مبتسم : ذا خالد يبيني امره
رند ابتسمت : تعرفت على اخته امل تصير صديقه ديم
تركي : اوه جد .. شي طيب والله
رند وهي تبتسم : ايوه
وقام وهو يودعها ، خاف يرجعه مايلاقيها ..
/
شجن بغرفتها والجوال بيديها .. والرقم مازال يتصل وهو مبهوته .. لاول مره تحس انها محتاره ..
للمره المليون يدق جوالها وهي واقفه وخايفه ..
وقف اتصال ورجعت تتامل بالرساله من جديد .. او بالصوره المرسله لها ..
جلست على السرير وراسها بينفجر : ياربي من ذا ؟ وايش جاب صوره نهى عنده !!!!!!!!!!!!!
رجع يتصل ..
ردت بعصبيه : نعم ؟
الصوت : مو قلتلك خلينا نتفاهم
شجن مسويه مو مهتمه : على ايش ؟
الصوت : على كل شي
شجن : مافي شي نتفاهم عليه ..
الصوت : ولا صوره نهى .. اقصد صورها
شجن انقهرت منه : ايش تبي بالضبط انت ؟
الصوت : عبدالله .. اسمي عبدالله
شجن : ماسالتك عن اسمك .. ايش تبي انت ؟
عبدالله بوقاحه : ابيك
..
.
.
.
خالد مصدوم : من جدك انت ؟
تركي مبتسم : شايف كيف
خالد : وهي موافقه ؟
تركي : لا ابد .. اول مره اشوفها معصبه كذا
خالد بجديه : تزوجني اختك ؟
تركي اللي ابتسامته راح وعيونه طارت : نعم ؟
خالد منحرج : ادري مو كذا العالم تخطب بس ابي رايك انت
تركي : نعم ؟
خالد : اخطب اختك منك ؟
تركي اللي مو مستوعب : تخطب من
خالد : رند ؟
تركي وجهه علامات استفهام : ليش ؟
خالد : ليش العالم تخطب يعني ايش فيك انت
تركي بجد : شوف خالد انا ماتكلملك عشان ابي تعاطف منك و و و
خالد : يرحم والديك اسكت .. عن قناعه يااخوي
تركي : بس
خالد : عارف كل شي وراضي .. ابيها عن قناعه يا تركي
تركي اللي شك بخالد : قناعه !
خالد بصدق : والله من زمان عيني عليها .. بس كنت استنى لما تهدا امورها واتقدم رسمي
تركي اللي يحب خالد من قلب بس مايدري : مادري ياخالد
خالد : ايش ماتدري ؟ محد يعرفني كثرك
تركي ابتسم : والنعم فيك ياخوي .. ماراح نلاقي مثلك ابد .. بس اخاف نظلمك و و
خالد : انا ابيها عن قناعه مو رحمه ولا شفقه .. من زمان
تركي وهو يخزه : زمان ؟
خالد يدافع عن نفسه : والله عمري ماناظرت لها بالشينه ، وكل شي كان بقلبي وانا ساكت
تركي اللي زاد اعجابه بخالد صديق عمره : والنعم فيك والله ..
/
دخلت البيت بهدوء غريب عليها .. شافت البيت هادي مافيه روح
طلعت فوق لغرفه امها وفتحت الباب وطاحت عينها ب عين مشاعل .. ديم : ماما
مشاعل اول ماشافت ديم قامت لها وحضنتها …
ديم : اسفه ماما والله
مشاعل اكتفت بالصمت ، فرحهه رجعتها كانت كبيره .. خافت ان ديم تروح ولا ترجع ،
شجن اللي سمعت الربشه وجت وانفجعت برجعه ديم
شجن : ديييوم وضمتها بقوه
.
.
.
.
.
رند وهي واقفه : بس انا موافقه
مشاعل : نععععم !
رند : ماما انا موافقه
مشاعل : مو معقوله توافقين حتى ماستخرتي ، وانا مو موافقه
رند : ليش ماما مو موافقه
مشاعل بعصبيه : موافقه عشان تهربين من فيصل ؟ مو حل ذا !!
رند : وعشان خالد تركي كثير يمدح فيه
مشاعل : مستحيل ازوجك احد ماعرفه
رند : اسالي عنه .. وطلعت وتركت مشاعل المصدومه
مو مستوعبه انهم جوو واخطبوا بطريقه رسميه ..
.
.
محمد : مدري والله يا مشاعل
مشاعل بعناد : لا مستحيل انا مو موافقه
وجاها اتصال من رقم استغربت لكنها ردت ..
.. : معليش بس اخذت رقمك من رند لاني عارف بترفضين خالد
مشاعل : اكيد برفض .. انت عارف حاله اختك
تركي : ايه وهو عارف حالها بعد .. عارف كل شي والولد شاري
مشاعل برجفه : كل شي !!!!!
تركي : كل شي وجا يخطب محد غصبه
مشاعل وراسها بينفجر : مدري ياتركي
تركي : لو الولد مو كفو انا ماراح وفق .. ذي اختي الوحيده
مشاعل وهي تحس ب امتنان لتركي : بس بعد لازم نسال
تركي : ابد اسالي وين ماتبين مهنا الا العلوم الغانمه .. ووصي رند تستخير .
مشاعل وهي تهدا : يصير خير
تركي : مع السلامه
مشاعل : مع السلامه
محمد : من تركي ؟
مشاعل وهي تهز راسها : اييه
محمد : مودي رند تطلع برا
مشاعل بحسره : رند ماتبي فيصل ومعنده وماقدر اغصبها ، وبنفس الوقت وافقت على خالد .. مدري ليش كانت رافضه الفكره
محمد : موافققه !!!!!
مشاعل : تركي يقول انه صديقه ويعرفه زين وقال اسالوا قبل اي شي ، والولد بعد عارف حاله رند وقابل فيها
محمد : والنعم ب تركي والله ، رجال ينحط ع اليمنى
مشاعل محتاره وهي تخزه : مدري بستخير وانت اسال
محمد : هذا مو معناته اني موافق
مشاعل : ولا انا بس الواحد يستخير وش بنخسر ..
/
ديم بنص عين : موافقه !!! خير ان شاءالله وين اللي بتكمل دراستها
رند : اكملها بعد الزواج ايش المشكله ..
شجن واللي مو عاجبها هاللي يصير : ليش ماتخلصين دراسه وبعده الزواج
رند : ف النهايه بتزوج ايش بتفرق
ديم معصبه : تفرق كثير .. خصوصا انك فجإه وافقتي ؟
رند : الرجال ماينقاله لا .. تركي يمدحه كثير
ديم وهي تإشر لنفسها : بس انا ماحبه
رند فاتحه عيونها : على اساس تعرفينه ؟
ديم : ماعرفه بس موافقتك الغريبه خلتني اكرهه
رند : اها
ديم وهي تخز رند : مابي اكتشف انك موافقه على خالد عشان تهربين من فيصل !
رند اللي خافت ديم تكشفها : لا ابد
ديم " مقتنعه !!!
رند : ايوه
ديم : استخرتي !
رند : لا
ديم : وعلى اي اساس موافقه
رند : ياربي منك ديم ايش فيك علي انتي !
ديم : لاني اشوف الكذب ف عينك
رند : لا ابد ماكذب
ديم : احللللفي
رند : كم مره حلفلتك اليوم ؟
ديم وهي تخز ب شجن : عاجبك يعني ؟ ماتشاركينا الحوار
رند : شجن ؟
ديم وهي تهز كتف شجن : اختتااه
شجن ببهتان : نعم
رند : ايش فيك ؟
شجن بضحكه كذابه : ولا شي
ديم وهي تناظر ب رند : ايش فيها
رند وهي تهز راسها بفهاوه : مادري
شجن تحاول تركز : رند محد بيجبرك على شي يمديك ترفضين الاثنين
ديم بصوت تحاول تخفي الخنقه منه : ولو بتوافقين على فيصل بعد براحتك
رند وعيونها بتطلع : نعععععم !! مستحيل انسي والله لو انه اخر رجال
ديم : ايش فيك هيك .. عادي خطبك ولك الحريه المطلقه
رند بصدق : اخذ حبيب اختي ؟ انهبلتي انتي
ديم وهي توقف معصبه : من قال اني احببه !! كانت نزوه وصحيت منها
رند وهي توقف جنبها : لا تقولين كيذا .. ماتدرين وش صار
ديم ودموعها بعيونها تلمع : اقفلي هالسيره
رند : لا تظلمينه
ديم : وبعدين !!!
رند اللي الكلام وقف بحلقها .. خانتها ثقتها وكل شي ..
ديم وعيونها علي شجن : مو طبيعيه ابد !
رند : مادري ايش فيها
ديم : استغفرالله ايش فيه حالنا مو راضي يتعدل
رند تتنهد : مادري اساليه
ديم تنحت : اسال ايش
رند : حالنا
ديم بنص عين : اطلعي من مخي زين
رند : هههههههههههههههه وحضننت ديم بقوه ، واحححححشتني والله
ديم : هههههههه وخري زين ماحب احد يحضني
رند وهي تشد عليها : من متى
ديم : من هاللحظه …
رند : لا والله مو علي
ديم تسوي تدفها : وخررري بس
رند : مستحيل
كانت ماره من غرفه شجن وسمعتهن .. ضحكتهن وحشتها قوه .. هواشهن وقلقهن وكل شي فيهن .. دعت بسرها ربها مايحرمها منهن ابدد
ماتدري كيف طاوعت محمد وكانت بتفرق بين بناتها على شي ماتدري صحه من الغلط ..
دخلت غرفتها تصلي وتستخير .. وتدعي ربها يفرجها على رند الصغيره ، ويفرحها فيها ..
/
صحى الصباح متنكد وماله خلق الدوام .. قام وغسل ولبس وطلع ..
وقف جنب سيارته وهو يلمح بيت عمته ، وفكره شارد .. يفكر ب ديم وكيف شعورها الحين عنه !
ركب سيارته ومشى ببطئ مايبي يوصل ابد ..
وصل المستشفى ونزل شبهه ميت ..
دخل وجلس بالمكتب وهو يلمح شنطه مشعل مرميه على مكتبه .. ماكان عنده فضول يروح يشوف ايش فيه !
كان هادي ويفكر بعمق ، مااحس بمشعل اللي دخل وجلس على المكتب قباله
مشعل : وبعدين معاك ؟
فيصل : ايش ؟
مشعل : مكتئب وحالتك حاله
فيصل ابتسم : لا ابد من افضل ايام عمري هالايام
مشعل وعارف انه يتمسخر : ايه ملاحظ ماشاءالله ، حتى صاير ثقيل دم
فيصل : لا بالعكس ثقل
مشعل : خلاص يااخي مو البنت رفضت وافتكيت وش مزعلك انت
فيصل بضحكه متنرفز : وش مزعلني ؟ ماتدري !
مشعل : لو ادري ماسالتك
فيصل مقهور : تتوقع الحين وش بتقول عني ؟ اكيد كارهتني
مشعل اللي شعوره ناحيه شجن نفس شعور فيصل : ماتدري .. اسالها !
فيصل وعيونه بتطلع : مهبول انت ؟ لا طبعا مستحيل
مشعل : كلم عمتك يااخي تكلمها
فيصل : مايحتاج اكلمها عيونها واضحح الحكي فيها !
مشعل : اشرحلها كل شي يااخي
فيصل : ماتدري عن اختها ، مستحيل افجعها ف اختها م، كافي خطبتها
مشعل : مصيرها تعرف
فيصل : تعرف من غيري ، مابي اجرحها بعد
مشعل : وش تجرحها فيه يا ابن الحلال
فيصل : انت ماتعرفها .. انا اعرفها زييين اي شي يجرحها
مشعل ب اسف : مدري وش اقولك
فيصل وهو يوقف : خلها على ربك … بكرا الايام تزين كل شي
مشعل وهو يغمض عيونه ويسمع خطوات فيصل وهو يطلع برا ويكرر بنفسه : تزين كل شي !!
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك