رواية ياضياعه بالهون ترا نصفي يبيه -35
دخلت البيت مخنوقه رمت احمد عند خالتها وطلعت غرفتها تبكي بقوهه
دخل فيصل عليها وشافها بالوضع اللي تعود عليه من قبل لا تولد .. على كثر ماتحاول ماتبين لكن دايم يجي ويلاقيها تبكي
فيصل : وبعدين ؟ كل يوم كذا
ديم : غصبب ماقدر بموت
فيصل : لا حول والا قوه الا بالله .. ديم مايصير كذا
ديم مقهوره : ماترد علي ؟ مليون مره اتصلت ولا ردت .. بس ردت على شجن .. طيب ليش انا ايش سويت ؟
فيصل : يمكن ماشافت اتصالك
ديم : الا تشوفه ولا ترد .. رند تغيرت مره علي
فيصل : راعي ظروفها ديم
ديم بصرخه : مستعده اعطيها روحي مو بس رئتي !! بس ترجع توينزتي اختي
فيصل اللي تعاطف مع ديم : خلاص ديم يرحم والديك
ديم طلعت من الغرفه ماتقدر تكمل حزنها وبكاها ..
انقهر من ديم وطلع جواله يتصل بمشعل يغير جو ..
فيصل : اهلين ابو الشباب فاضي ؟ اوكيه اوكيه بمرك اجل .. يالله مع السلامهه ، وطلع لمشعل
تقابلوا بكوفي وفيصل ضاربه اخلاقه
فيصل : الوضع صار لا يطاق بشكل
مشعل : كذا الزواج لازم مشاكل
فيصل : كل يوم نفس الموال كل يوم انا نفسي طفشت
مشعل : يا اخي وش فيك اختها لازم تتضايق معها
فيصل : اختها عايشه ولا همها ، بس هي منكده حياتها ومنكده حياتي معها
مشعل طلعت عيونه : ول عليك كل ذا حاقد
فيصل : ودي اجلدها
مشعل : انا قايلك ماتصلحون لبعض
فيصل : فارق زين
مشعل : انت متصل علي ومزعجني
فيصل عاقد حواجبه : صديقي اشكيلك … من اشكيله
مشعل بلعانه : ل ام احمد
فيصل بنص ابتسامه : ماتعطيني وجهه خخخخخ
مشعل : والله مالومها لانك دببببببق ماتنعطى وجهه
فيصل : ههههههههههههههههههه والله يا ثقاله دمك
مشعل ابتسم وسكت
فيصل : ايه ابو الشباب متى يشرف ؟
مشعل بعدم استيعاب ؟ اي ابو الشباب ؟
فيصل فتح عيونه : بزرك ؟ مو قلت ان المدام حامل
مشعل : شايفني دكتورتها ؟ وش يعرفني متى يجي ؟
فيصل يكذبه : صدقني يعني انا مادخل عياده حوامل
مشعل وهو يحط رجل على رجل : ولا فكرت ادخلها
فيصل : ول عليك .. ذا وانت دكتور
مشعل بعصبيه : ممكن تتلايط ؟
فيصل : ياخي صدقنا انك مغصوب على حرمتك ؟ لكن اصدق انك جايب ولدك مغصوب خخخخخخ
مشعل اللي فاهم على فيصل : يازينك ساكت
فيصل : حاول تتكيف مع زوجتك ؟ يا اخي الحب مو كل شي
مشعل : لا بجد صاير حكيم
فيصل : وش اسوي هالخبله طلعت مخي
مشعل : واخيرا اعترفت خخخخخخخ
فيصل : يا شيخ طفشت ٢٤ ساعه تصيح ماتتعب ماتطفش ماتمل
مشعل : تراهم توينننز يحسن ببعض
فيصل : ذا اللي مسكتني
مشعل : وانت دكتور وعارف .. حاول تطلعها ياخي من جوها .. اغلط واعزمها برا تغير جو
فيصل : عشتوا شف من اللي ينصح
مشعل : انت رومانتك انا لا
فيصل : الله يعين
وجلسسسوا كلن يندب حظه على الثاني .. فيصل المقهور من ديم اللي اهملته بشكل مو طبيعي .. ومشعل اللي تزوج وحدهه وعجز يحبها او يتقبلها بحياته
/
نزل تركي من السياره ونزل فارس وراهه .. فارس الصغير صار الحين كبير .. طوله قارب كثير من طول تركي .. وصوته بدا يصير خششن اكثر
فارس معصب : علمني طيب
تركي اللي طفش من حنه فارس : يابن الحلال مافيه شي
فارس مصمم : ليش رحتوا المانيا
تركي : سياحه
فارس : كلكم سياحه ؟ وانا لا
تركي : كم لك تحقق معي كم شهر فارس
فارس : لاني احس انكم مخبين عني اشياء ماعرفها
تركي : اشياء ؟؟ مثل ايش
فارس معصب : موت رغد ؟ ومرض رند
تركي طفش من هالاسطوانه : قلتلك رغد الله يرحمها سرطان .. ورند عضله القلب تعبانه شوي
فارس : فيه شي ماعرفه انا متاكد
تركي : لا مافيه
فارس انقهر وزعل ودخل البيت زعلان .. عارف ان فيه شي بس مايدري وشش .. يحاول يربط الاحداث اللي صارت من كم سنه بس ابد ماعرف
دخل جناحه مقهور فتح جواله البلاك ينتظر رد من رند .. لكن ابد ماردت عليه وعصب بزياده
اتصل عليها وماردت ..
رمى جواله بعيد .. جلس على سريره معصب ويفكر بعمق
سمع صوت خطوات وطق باب بس انه طنش ولا رد
تركي دخل وهو يتمالك اعصابه : وش فيك صاير عصبي ولا احد يتناقش معك
فارس بصوت عالي : لما تعتبروني من العائله ذاك الوقت تعال واسال
تركي اللي مقدر فترهه المراهقه : افففا وش ذا الكلام
فارس معصب : ماترد ابد تقهر اختك ذي
تركي : مو بصوب جوالها دق على خالد يعطيك اياها
فارس عند وجلس متكتف
تركي جلس جنبه : واذا عرفت وش تستفيد
فارس : اعيش الوضع معكم واحس اني ولدكم
تركي : لا والله ذا الشي بيحسسك
فارس بجد : ليش شايفني عايش جو الاسره السعيد ؟ الوالد دايم بالشركه والوالده ماعاد ترجع من الامارات
ورند تزوجت ولا تبان .. وانت مدري وين تروح .. ورغد ماتت !
تركي انقهر من اسلوب فارس وكل شوي يعيد بطاري رغد : الله يرحمها
فارس : بتعلمني والا كيف ؟
تركي : بشرط ماتجيب طاري لرند
فارس عاقد حواجبه : اكيد
وقاله سالفه رند الكامله ..
فارس والدمع بعيونه تحجر : يعني كيف ؟
تركي : مافي امل ابد نزرع لها رئه .. خطر عليها القلب ماراح يستحمل
تركي بصدق : هي عايشه برئه وحده وشغاله بكفائه ٧٠٪ بس
فارس : ؟؟
تركي : انت عارف محذرينا من الحمل او التوتر الزايد والانفعالات
فارس : يعني .. يعني .. ماراح اكون خال
تركي وهو يضرب ظهره : صحتها ب الدنيا
فارس وعيونه بعيون تركي : وخالد ؟ مايبي عيال
تركي : الشرع محلله اربع
فارس انقهر : بتنصدم رند لو تزوج عليها
تركي : هو اخذها وعارف وضعها .. ولا قد قال انه يبي يتزوج او يبي عيال
فارس بتفهم : اهاااااا
تركي : حسيت انك من العيله الحين
فارس : وش بعد مخفين عني
تركي : ولا شي
فارس يتنهد : اصلا ماهمني الا سالفه رند فققققط
تركي : خف عاد عليها ولا تقلقها وتسال عنها
فارس : ان شاءالله
فتحت عيونها ولمحت الساعه على الخمس والنص الفجر .. تسحبت من سريرها لا يحس فيها خالد
اخذت شاور تحاول تصحصح فيه .. صداع مؤلم يجيها .. بدت تسوي الفطور والقهوه لخالد ..
قربت لدرج وفتحته وطلعت كومه الادويه حقتها .. وبدت تعزل الادويه حقتها وتقرا فيهم ..
سحبت علبه الفيتامين اللي خالد دايم يجيبها لها وبدت تقلبها بيدها .. فتحتها ولقت فيها باقي حبتين
تنهدت وهي تسحب حبه وتاكلها وتشرب المويه .. قررت اليوم بعد الجامعه تمر الصيدليه وتشتريهم اخذت العلبه ورمتها بشنطتها
طلعت لخالد تصحيه يفطر ويوصلها للجامعه ..
رند : اليوم بخلي السواق يمرني بتغدا عند بابا
خالد ابتسم : بتتاخرين ؟
رند : بجلس شويات مع فارس ماخذ بخاطره مني
خالد : ايش المشكله لو جا كل يوم يجلس معك بدل جلستك الوحدانيه
رند بسلبيه : لا عادي انا مرتاحه كذا
خالد قرب لها : امي زعلانه مننا بعد
رند تنهي النقاش : ايام الدوامات ماقدر اروح مافي وقت
خالد يحاول باللين : مو شرط اوقات الدوامات ع الاقل اربعا وخميس
رند تتنهد : الاربعا عند اهلك والخميس بروح عند ماما
خالد : مابيك بالغصب
رند عصبت : خالد بليز انا مرتاحه هيك
خالد مقدر عصبيتها : رند حبيبتي من رجعنا من المانيا وانتي شاده اعصابك !ريلاكس بليز
رند وقفت تلبس عبايتها وهي تمسح دموعها مقهوره
وقف خالد وراها وحضنها له : وبعدين
لفت له رند : خالد انا اسفه لو ضايقتك او شي بس انا بطبعي ماحب الطلعات واجد
ابتسم خالد لها : بالعكس انا مبسوط انك ماتطلعين وتجلسين معي .. بس عارفه الاهل لهم حق
رند رمت نفسها على صدره : بروح لهم هالاسبوع
خالد بدا يسح على شعرها وهو حاس ان فيه شي قوي مانعه من الطلعه لاهله واهلها …
بهمهمه رند : خااالد
خالد : ايش بيبي
رند وهي تسحب نفسها منه وعينها بعينه : لا تزعل مني بليز
ابتسم : ايش يزعلني بس باسها على جبهتها .. يلا لاتتاخرين عن جامعتك الخط زحمماه
/
دخلت الجامعه وهي تسحب نفس طويل .. جامعتها الحبيبه حضرت كثير احداث لها .. مو مصدقه ان لها سنتين زواجَ وسنه لقت فيها امها ..
الحين هي بالمستوى السادس .. تنهدت وهي ناقله هم بعد التخرج ايش راح تسويَ
وبشده انشغال رند وتفكيرها جاها صوت
ولكمو مدام خالد ..
لفت وراها ولقت شجن ب اطلالتها الحبيبه : شجججن !
شجن بنص عين : ايه اختك الكبيره
رند ابتسمت وحضنتها بنعومه : اهلين كيفك
شجن تمثل العصبيه : وينك انتي مختفيه ؟ السنه بتخلص وانا ماشفتك الا كم مره
رند وهي ترمش : انتي البيزي ب الطب حقك
شجن تهز راسها : يمكن اكون مشغوله بس دايم ادورك مالاقيك واتصل ماتردين
رند تتنهد : عارفه مشغوله بيت ودراسه صعب اجمع بينهم
شجن بجديه : اتمنى ذا السبب الوحيد .. ماما مشغوله عليك بشكل
رند حاسه بالذنب : بجيكم بعد بكرا
شجن : ليش بكراا .. الاربعا يلا عاد ماراح تذاكرين فيها
رند : وعدت خالد اروح معه بيت اهله
شجن بتفهم : طيب روحي شوفي ماما ماخذه بخاطرها منك
رند تهز راسها : اوكيه بمرها الحين
بخطواتها الهاديه دخلت المبنى تدور عيونها على امها .. يمكن من شهر مازارتها بالبيت .. حاسه بالفشله من امها بس شي غصب عنها
شجن وهي تكمل طريقها بجديتها .. لقت امل بطريقها ..
امل معصبه : اختك تقهر مثل ديم
شجن تهديها : ليش
امل : مليون مره اتصلت ماترد ؟ ياختي ماعرف ايش جوها هي وخالد
شجن ابتسمت : خليهم مبسوطين سوا
امل وتلوي بوزها : انا انبسطت اخوي بيتزوج تجيني وحده تسليني
شجن وهي تضربها على كتفها : خذي ديم عندك
امل : والله ديم تونس الحامعه طفش من غيرها
شجن : السنه الجايه بترجع
امل بفرحه : جددد
شجن : اووهه ماما طلعت جلسه البيت من عيونها ، واحمد كبير الحين خلاص
امل : اوف متى تخلص السنه
..
..
..
..
خلصت محاضرتها وطلعت مع السواق لصيدليه .. دخلت بهدوء
رند : السلام عليكم
الصيدلاني : وعليكم السلام
رند وهي تطلع العلبه من شنطتها : معليش ابي نفس الفيتامين ذا
الصيدلاني وهو يقلب بالعلبه : حاضر .. ثواني بس
رند وهي تاخذ لفه بعيونها على الصيدليه وايش فيها ..
رجع الصيدلي ومعه العلبه .. اخذتها منه وبدت تحاسبه ..
فتحت العلبه وهي واقفه وانصدمت بشكل الحبوب
رند وهي مستغربه : معليش بس ذا حبته غير ؟
الصيدلاني : كيف غير ؟
رند وهي تطلع العلبه اللي معها وتطلع الحبه الصغيره : شايف ذا كيف شكله
الصيدلاني وهو يلف بالحبه بيده : شكلك غلطانه اختي ذي مو فتامين .. ذي حبوب منع حمل
طاحت علبه الفيتامين من ايديها وهي بقمه الصدمه : نعم !!!!
الصيدلاني وهو يشيل العلبه اللي طاحت : ذي الفيتامين وذي منع حمل
رند وهي ترقع لنفسها : شكلي غلطت بالحبوب معليش .. اخذت العلب وطلعت مصدومه ومستغربه
ركبت السياره وتنهدت بقوهه ..
دخلت القصر وهي ضايقه اخلاقها .. الساعه ١١ الصباح ولسى الكل بشغله
طلعت لجناحها اللي باقي على حاله من ٣ سنوات .. غيرت ملابسها ولبست بيجاما ونزلت للمطبخ وقررت هي اللي تطبخ ..
طول الوقت تفكر خالد ايش قصده ! وليش طول السنتين وهو يصمم عليها تاخذ المانع ..
رند بتفكير عميق : ليش هو مو عقيم !!!! حست جاها صداع عجيب براسها .. حست فيه شي غلط ماتعرف عنه
على الساعه وحده دخل فارس طفشان وماله خلق .. رمى كتبه وقبل لا يجلس سمع صوتها
رند : فروس حبيبي
لف وجهه ولمحها رافعه شعرها لفوق ومبتسمه
فارس اللي صار اطول منها ابتسم وهو ماد بوزه : منوره ولو اني زعلاااااااان
حضنته رند بقوه : احد يزعل من اخته الكبيره
فارس بلهجه حاده : اذا كانت قاطعه ايه ينزعل منها
رند وملامحها تتغير لحزن : يوهه فارس ايش الكلام ذا
فارس معصب : انتي خلاص ماتحبيني ماتسالين عني ولا تردين بعد
رند تنهدت : كلكم تقولون نفس الكلام
فارس : لانك متجاهلتني اقول كذا
رند انقهرت وبدت شفايفها ترجف : سويتلك الغدا
فارس : تتغدين معنا
هزت رند راسها بهدوء .. وبنام عندكم
فارس بصرخخه : جددددد
رند : ان شاءالله بكرا ساحبه على الجامعه
فارس يضحك : سحقاً للجامعه وسحقاً للمدرسه
رند : انا بس ، انت تداوم
فارس : عمرك شفتي احد يداوم وهو سهران
رند وهي تفكر : ااامممم ايه انت
فارس : لا خبرك قديييم
ابو تركي من وراهم : اقول البيت منووور وريحته حلوه
رند: بابا وهي فاتحه ايدينها
فارس : منور ايه لكن كل يوم ريحته حلوه
ابو تركي ورند بحضنه : اليوم غير
رند : طبختلك بابا
ابو تركي : ليش تعبين نفسك حبيبتي
رند مبسوطه : يوهه بابا انت عارف اموت بشي اسمه طبخ ومطبخ
فارس : غاويه شقاا خخخ
ودخلوا كلهم يتغدون .. ديم اللي حاولت قد ماتقدر تكون معهم بالجو ..
تركي اللي جا متاخر ولقاهم يتغدون : يا سلام ماتستنوني انتم ؟
فارس : محد قالك تتاخر وبصراخه طبخ ديم ماينفوت
تركي وهو يجلس : اقول خالد صاير دب ليش
رند انعفست ملامحها عند طاريه
ابو تركي : اذكر الله لا تصكه عين
تركي بمزح : يبه ماشفته انت صاير دددب
فارس : يحقله مو رند تطبخله
رند تهز راسها معاهم معاهم عليهم عليهم خخ
..
..
..
ديم وهي تشيل احمد اللي يصيح : غثيث ياربي غثثثثثيث
فيصل بنص عين : من امه
ديم وعيونها طالعه : انا غثيثه !!!!
فيصل يستلعن : غثيثتين
ديم طنقرت وهي شايلته : ماتقووم تشيله عني شوي ياللي مو غثيث
فيصل ضحك بنفسه على طريقه كلامها : اخاف يعديني من غثاثتكم واصير غثيث مثلكم
ديم : اهاااا وسكتت
فيصل وهو يخزها : اها ايش
ديم : حنا غثيثين وانت وش مصبرك على الغثا ؟
فيصل : اذا ماصبرت عليكم من بيستحملكم ؟ وادور الاجر من وراكم
ديم تحاول تمسك اعصابها : تتكسب فينا الاجر
فيصل : اي نعم عارفه انا دكتور وكلن يبيني
مامداه يكمل كلمته الا احمد بالارض وهي ناطه بخشته وعيونها بعيونه : ايييييييش
فيصل اللي انخرع وتحسف على كلمته وحاول يرقعها : عيونك الرماديه حلوه
ديم معصبه : من اللي يبيك
فيصل وهو يبعدها عن وجهه : العالم كله تعرفين مزيون ودكتور
ديم تتخصر : العالم يحوي الذكور والاناث
فيصل جته الضحكه يالله مسك حاله : ايه ورشيق بعد مو مثل بعض ناس
ديم وهي تطالع جسمها : وش فيه جسمي !!!! ماتقول
فيصل : ماتلاحظين انك ب ازدياد مستمر
ديم والشياطين بين عيونها : كلله منك ومن ولدك
فيصل : وليش بس انتي وغيرك باقي رشيقات
ديم : غيييييري !! من غيري
فيصل بهدوء : تدرين اني دكتورك وتمر علي الاف الحالات يوميا
ديم : عساك تقبرهم
فيصل : ول وش هالدعوه الشينه
ديم طلعت وتركتله احمد اللي سكت بعد صوت امه العالي
ديم وهي نازله الدرج متنرفزه ومنقهره ..
لمحت خالها وخالتها جالسين جت وجلست عندهم معصبه
امل بحنان : وش فيه يمه صوتكم طالع
ابو فيصل : امل !!!! خليهم يحلون مشاكلهم لحالهم
ديم منفعله وطنشت خالها : يقول انننني دبببا
امل شهقت : وي هالمهبول الا تهبلين بسم الله عليك
ديم متفاعله مع خالتها : خالتو اناا دببببا !!! وين دباا والله كل من شافني يقول جسمك خطير
امل بحماس : وي فديتك الا تهبلين كذا
ديم منقهره : لا بعد يقول يتكسب فيني اجر انا وولدي
امل عصبت : وشششو !! هاللي مايستحي
ديم وقفت تبي تروح تخنق فيصل من القهر : عسسسساهم يفصلونه قادر ياكريم
ابو فيصل بنفسه : يا قردك ياوليدي جتلك وحده مثل امك
امل تهديها : استغفر الله روقي يا يمه
ديم تبكي : ينرفزني خالتو يقهر يقولي دببا ماتشوفين الرشيقات ، رايح يقزقز مو دكتور
امل : هين اوريه .. لفت لزوجها : ماتقول شي
ابو فيصل بهدوء : الله يصبرك يا فيصل
امل عصبت : وش صاير عليه فيصل
ابو فيصل : يكفي انكن متفقات عليه
نزل فيصل وهو شايل احمد بيد وحده .. : صوتكم واصل للجيران
ابو فيصل : انصحك ياوليدي تنحاش
امل معصبه : انت ماتستحي ؟
فيصل وعيونه على ديم اللي دموعها على خدها : يؤ من مزعل الجميل
ديم تقربله وعيونها جامعتهم : الجميل !!!!
فيصل : عيب نتهاوش قدامهم بيننا
ديم وهي تطلع الدرج : الحقني
فيصل وهو يعطي احمد لامه : حرشتيها علي ؟؟؟
ابو فيصل : قلتلك انحاش
فيصل بثقه : ليش وش مسوي انا
امل بصوت عالي : من غيرها
فيصل ابتسم وهو يحس انه حرك ديم شوي من الجو اللي معيشته فيه
دخل بهدوء وهو يشوفها تفرك ايدينها : زعنانه
ديم بصوت عالي : زعلانه اسمها
فيصل يبي يقهرها : اشوف الدلوعات يقولن زعنانه
ديم انقهرت ولفت عنه تبكي
فيصل قرب لها : لييييش بس
ديم منقهره : انت تعرف غيري ؟
فيصل يهز راسه : لا والله
ديم : ايش الكلام ذا طيب
فيصل يحك شعره : ابيك تحسين فيني
ديم تجمدت ملامحها : انا ماحس فيك ؟؟؟
فيصل وملامحه بريئه اكثر : لا
ديم وهي تحس بالذنب : كيف لا
فيصل وهو يمسك ايدينها : رند ورند ورند .. حياتنا رند بس
ديم تهز راسها : انت عارف انها اختي و
فيصل يقاطعها : اختك عايشه حياتها وحنا اللي متوقفه
ديم تنهدت بضيقه : معليش فيصل ماحسيت ابد
فيصل ابتسم : ارجعيلي ديم حبيبتي
ديم ابتسمت : ان شاءالله
لف ايدينه على خصرها وبهمهمه : ترا جسمك كذا عاجبني
ديم بثقه : بدون تقول عاجبني
فيصل انقهر : انتي ماتعرفين تخلين الجو رومانتك شوي بس
ديم استحت وطاح وجهها .. ابتسمت وهي تلف وجهها
وتحت عند ام فيصل وابو فيصل ..
احمد اللي نام وامل متوتره
ابو فيصل : اهجدي ؟؟
ام فيصل : مالهم حس اخاف تذابحو
ابو فيصل : وش ذااا ؟؟ لا يمكن تصالحوا
ام فيصل : الله يهديهم .. شالت احمد تصحيه
ابو فيصل : خلي هالغثيث نايم
امل : بسم الله عليه
ابو فيصل : سبحان الله من امه وابوه طالع مثلهم
امل : بروح عند مشاعل تجي ؟
ابو فيصل : لا عندي مشاوير ..
/
مشتَ الايام على هالروتينَ .. بعد ثلاث اشهر
ديم وفيصل تحسنت علاقتهم ببعض كثير .. ديم اللي بدت تهتم فيه وتحاول تكون رومانتك لو شوي بس
جوهم اكششن اكثر من انه رومانتك ^^
رند اللي بدت تطلع نفسها من العزله اللي هي عايشتها .. وتروح تزور اهلها واهل زوجها اكثر من اول
ماجابت سيره الحبوب ابد لخالد .. وحاولت قد ماتقدر ماتبين له اي شي
شجن اللي غايصه بالطب وعالم الطب .. مشغوله بدرجه مو طبيعيه .. اخيرا هالشهر تقرر تنزل للمستشفى معاينه للحالات نظريا فقط
ومشاعل اللي اخذت الدكتوراه اخيرا .. بعد تاجيلها لسنوات طويله ..
إلين بنت طارق كبرت وصار عمرها ثلاث سنوات وشوي .. ملامحها اوروبيه مع خشم عربي جميل .. طارق اللي كمل دراسته وتوظف عند ابوهه
ابراهيم مازال على راييه برفض الزواج حاليا ..
فارس اللي تعود يزور رند بيتها كثير ويجلسون مع بعض .. عقله صار اكبر من عمره بكثير .. يفتقد رغد بشكل مؤلم .. وكل مادار الحديث قال لرند : اااه يا رغد !
ماعاد تهمه امه .. وخصوصا انه حاس ان امه ماراح ترجع من الامارات ابد ..
تركي تقدم رسمي لخطبه امل اخت خالد .. وتمت الخطوبه وباقي على زواجهم شهر ..
مشعل اللي عايش بجو رتيب مع الهنوف .. كل واحد فيهم له عالمه لحاله .. الهنوف حاليا عند اهلها بما انها بشهرها الاخير ..
مازالت طيوف شجن عايشه بخياله .. رغم مرور اكثر من سنتين عن اخر مره لمحها او سمع صوتها ..
نهى استقرت ب امريكا مع زوجها .. جتها بنوته صغيره وسمتها شجن .. تتمنى يجي الوقت اللي ترجع فيه لسعوديه وتجتمع مع اخوانها من جديد
ابو سعود عايش حياه روتينيه ممله هو وسعود .. دوام بيت نوم فقط ..
/
صحت بدري ومتحمسه على الاخر .. الكتب عن يمينها وبيدها عصير برتقال وهي تقلب بمحاضرتها
مشاعل جتها الضحكه على شكل شجن : كل ذا عشان بتنزلين المستشفى
شجن بصرامه : بعيش جو الدكاتره
مشاعل : مادري ايش لك بالشقى انتي ماتشوفين ديم متمرمطه مع فيصل ودوامه
شجن تنهي النقاش : ماما مطوله عشان اكون دكتوره .. سنوات من النضال خخخخ
مشاعل تهز راسها : عنيييده
طلعت من البيت والحماس ماخذ كل جهدها … دخلت الجامعه هي وامها .. شجن : ماما دعواتك ..
تركتها مشاعل وهي تدعي بسرها لثلاث بنات ..
الساعه ٩ نزلوا طالبات الطب .. كانت اكثرهن حماس وجد واجتهاد .. مستقبلها مشهود له بالتإلق
شجن بخيبه رجاا : اهم شي قسم الولاده !!!
وحده من الطالبات : يعني ايش توقعتي من اول نزله ؟
شجن : مدري اي شي غير الولاده
دخلت بهدوء وعيونها على القسم .. الدكتوره كانت مجتهده وتشرح لهم .. وشجن تهز راسها بطفش .. خربوا حماسها بقوهه
جتهم حاله ولاده ودخلوا الام وجهزهوها
شجن تقوي قلبها وتاخذ نفس طويل : لازم اشوف كيف الحياه البشريه تنولد .. لازم لازم
مشت وهي تصبر نفسها وتقوي عزيمتها ..
كانت مشبهه على الحرمه بس ماحبت تسالها .. وبعد ساعتين كانت الصرخه من المولود الصغير
ابتسمت شجن وهي تلفه بعد ماقصوا سرته
الممرضه مبتسمه لشجن : شاوور
شجن تهز راسها : ماعر اتعامل مع الصغار سبحوه انتم
الدكتوره : ماشاءاله عليكي يا بنتي متحمسه اوي
شجن مبتسمه : اكيد
الدكتوره : حابه قسم النساء
شجن بتكشيره : لا ببعد عنه
الدكتوره : اهل المريضه يستنون برا ممكن تخبريهم
عدلت شجن احجابها وطلعت وابتسامتها حلوه .. فتحت الباب ولمحت واحد واقف .. كان لابس لبس ازرق حسسها انه ممرض او دكتور
شجن وهي تدور على احد غيره : لو سمحت
لف لصوت اللي اخترق طبله اذنه .. اصلا مشيه خطواتها كانت مو غريبه عليه ..
شجن انصدمت وهي تشوف مشعل واقف قدامها : ؟؟؟
مشعل قرب لها وابتسم : شجن ؟
شجن وهي تجمع نفسها ورفعت حاجبها : الهنوف ؟
مشعل تنهد : اخبارك ؟
شجن بتصريفه : مبروك جاك ولد
مشعل : صرتي دكتوره
شجن بدون ترد عليه مشت وخلته
دخلت لجواا وغمضت عيونها قوه .. صار اب .. صار عنده ولد .. قلبها خفففق بقوه وهي تسمع صوت الولد الصغير يبكي
رجعت للهنوف وبعيونها تسؤلات كثيره ..
الهنوف اللي كانت تعبانه اعطوها منوم ونامت
رجعت طلعت وشافته لسا بمكان وقفته
مشعل : شجن
شجن مسويه مستغربه : خير دكتور مشعل
مشعل : اخبارك ؟
شجن ابتسمت تكابر : مثل ما انت شايف ب افضل حال
مشعل : اخبار الطب معاك
شجن : تمام
مشعل : اي شي تحتاجينه بكون موجود
شجن : فيصل مايقصر
مشعل وابتسامه ساخره على وجهه : انتي تكرهيني ليش ؟
شجن بصدمه : اكرهك ؟؟ ماظن ان له داعي تكون لك مشاعر عندي سواء حب او كرهه
يمكن مشاعري لك ب الشكر والمعروف فقط
ومشت تبعد نفسها عنه ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك