رواية ياضياعه بالهون ترا نصفي يبيه -36
مشعل وابتسامه ساخره على وجهه : انتي تكرهيني ليش ؟
شجن بصدمه : اكرهك ؟؟ ماظن ان له داعي تكون لك مشاعر عندي سواء حب او كرهه
يمكن مشاعري لك ب الشكر والمعروف فقط
ومشت تبعد نفسها عنه ..
..
..
فيصل صرخ بقوهه : صرررررت اب
مشعل ابتسم : ايه لحقتك
فيصل : مبروك الف الف مبروك
مشعل : الله يبارك بعمرك
فيصل : اكيد بتسميه فيصل احم احم
مشعل : قصدك عبدالرحمن
فيصل : عبدالرحمن الثاني
مشعل بنص عين : وليش ماسميت انت مشعل !!!
فيصل مد بوزه : المدام تبي تسميي على اسم ابوها
مشعل : وانا ابي اسمي عبدالرحمن
فيصل : المهم وين حلاوه المولود تراني جاي طاير من اخر المستشفا
مشعل : تدري من بشرني ؟
فيصل : لا من
مشعل : شجن .. هئه بتصير دكتوره
فيصل ابتسم : ايه بتطلع دكتوره شاطره اشطر منك
مشعل : هئه
فيصل مستغرب : وش فيك ؟
مشعل بدون نفس : بنت عمتك مغروره بشكل
فيصل : وش عليك منها يا اخي بكيفها
مشعل : كانت مريضتي مدري وش تحس لما تعاملني كذا كني عدوها
فيصل مستغرب : وش هالكلام مشعل !!!
مشعل : اسف فيصل بس والله طلعتني من طوري
فيصل : ماعليه طنشها
..
..
طلعت من الجامعه وهي تحس الارهاق زاد معها .. رند بتوتر : خالد يصير توديني عند ماما
خالد مستغرب : ايش فيك ؟
رند : مادري تعبانه شوي
خالد : قلتلك خليني اوديك الدكتور
رند : لا اكيد ذا من تاثير الاختبارات الواحد يشد فيها
خالد : ليش تشدين ؟ رند ترا انتي تنقلين هم ماله دااعي وبعدين لك شهرين تعبانه
رند ابتسمت : خايف علي ؟
خالد وعين على الطريق وعين عليها : اذا ماخفت عليك اخاف على من ؟
قفلت عيونها ونامت .. ماحست الا خالد يصحيها تنزل للبيت
نزلت وطقت الباب لين افتحتلها امها ..
مشاعل : رنند حبيبتي وضمتها لصدرها
رند ابتسمت : قلت امر عليكم من بدري عشان ماتقولون قاطعه
مشاعل بحب : حياك ماما .. احطلك غداا
رند : لا ماما مو مشتهيه نزلت عباتها وحست بدوخه جلست وغمضت عيونها ونامت ..
مشاعل اللي رجعت ولقتها نايمه .. جابتلها غطا وغطتها .. حست انها تعبانه جد
شجن رجعت طفشانه ولا لها خلق .. اول مادخلت لمحت احد نايم ولما قربت شافت رند نايمه
شجن : هالوجيه اللي تفتح النفس .. نزلت لها وباستها مع خدها وطلعت تبدل ملابسها
شجن مبتسمه : ماما متى جت ؟
مشاعل : لها ساعه .. كلمت ديم قالت بتغدي فيصل وتجي
شجن تضحك : هههههههههه صايره سنعه
مشاعل : لا تضحكين عليها وتفشليها خليها هيك
شجن وهي تاخذ تفاحه : واااو اليوم سهره يعني مع ديم ورند
مشاعل : ان شاءالله
دخلت ديم طايره ولمحت رند نايمه وبرجاجتها : تووووويينز
صحت رند خايفه وقلب وجهها ازرق : بسم الله
ديم بصرخه : عشان مره ثانيه تنتبهين لجوال؛
ابتسمت رند وضمت ديم : احبببك
ديم : وانا احبك يالخايسه
شجن وهي تخش عرض : الغددددا
قاموا يتغدون سوا .. يتكلمن سواا .. كانت رند التوؤم الاكثر استماع .. ماكانت تقدر تفتح عينها كثير .. كل دقيقه تقفلها وتنام
مشاعل اللي بدت تشك ب رند : ايش فيك ؟
رند : ماعرف تعبانه والجامعه عامله العمايل
مشاعل : مابقا شي وتخلص السنه
ديم بشك : ايش تحسين رند ؟
رند اللي مستغربه نظراتهم : ايش احس ؟ ماحس بشي عادي
ديم تركت ملعقتها وهي تخزها : ايش النوم ذا مافي ب ادويتك شي ينومك
رند : لا تعب بس
ديم تحجرلها : ماذكر انك تحبين السهر
مشاعل : ديم وبعدين
ديم : ماما شوفي وجهها اصفر كانها ماتاكل ونحفانه والنوم غريب
رند وهي توقف : قلتلك تاثير الجامعه .. ومع اول خطوه حسست بدوخه لفت فيها وطاحت
ديم وهي تمسكها : بسم الله عليك
مشاعل : بتصل على محمد يوديك المستشفى
رند : مايحتاج بنام بس
طلعت بالموت الدرج وهي تحس نبضات قلبها سريعه جدا .. نامت بعمق
ديم وهي تنزل وتجلس على الدرج : مو طبيعي اببدا
مشاعل : ديم لا توتريني خلقه متوتره
ديم : كان يصيرلي هيك وانا حامل
مشاعل طلعت عيونها : ايش قصدك
شجن وهي تطلع من المطبخ على هالكلمه : ديم وجع ايش هالفال
ديم : مسويه دكتوره !! ماتشوفينها كيف شكلها
شجن : لا احتمال الحمل بعيد جدا
مشاعل وقلبها ينغزها بقوه : بوديها الدكتور
شجن : ماما كلمي خالد اول ، مايصير نوديها وهو مايعرف
ديم بقهر : حضرته مايشوف انها تعبانه ليش ماوداها
شجن : تعرفين اختك ماتحب المستشفيات ويمكن ماحب يضغط عليها
مشاعل تركتهن وكلمت خالد .. اللي قالها بيجي بعد صلاه العصر ويروحون
رند وهي بالموت تركز : يوه ماما ايش دكتور مافيني شي
مشاعل : لا لازم تروحين تعبانه انتي
رند اللي بدت تستصعب اخذ النفس : مافيني شي ماما
مشاعل : قومي يلا حبيبتي عشاني ابي اتطمن
وقفت رند بصعوبه والدوخه ذبحتها .. لبست وطلعت مع امها ..
بالعياده كانوا جالسين ينتظرون التحالليل الكثيره اللي طلبتها الدكتوره ..
طلعت التحالليل ودخل خالد ورند ومشاعل
الدكتوره وهي تطالع التحالليل وابتسامه على وجهها : شي طبيعي ياللي عم بيصير لها
خالد : ابد دكتوره ماكنت هيك
الدكتوره وعيونها على رند : هلأ بدك تصيري ام اكيد بدو يصيرلك هيك
مبروك المدام حامل
خالد نشف دمه وصار ابيض : نعععم !! مستحيل دكتوره ايش ذا
مشاعل الخبر طاح عليها كالصاعقه .. حاولت تتكلم بس ماقدرت ، اكتفت بالبكاء وعيونها على رند التعبانه
قاموا وطلعوا وراحوا البيت .. دخل خالد موصله معه .. عيونه بعيون رند : الجنين ذا لازم ينزل
رند بهدوئها : ليش يا خالد ؟ ماتبي مني عيال !
خالد انقهر : الا ابي بس مو وقته
رند بصرخه : ليش كذبت علي وقلت انك عقيم ليش !!
خالد : ماكذبت عليك
رند : وحبوب منع الحمل اللي كنت تعطيهم لي !!!
خالد يدافع عن نفسه : عشانك مو عشاني
لفت رند عنه : اطلع برا
خالد انقهر : ليش اطلع برا !!!! انا كنت خايف عليك
رند اللي ماكانت تعرف انه عارف شي : خايف علي من ايش !!!
خالد : من الحمل .. انا مايهمني الحمل كل همي انتي
رند : بس انا يهمني الحمل
خالد : رند خطر عليك
رند : اعرف انه خطر .. والله اعرف بس انا مليت من النقص اللي احسه
خالد يهز راسه : وش نقصه بس !!
رند : اني ماكون ام .. ماقدر اعيش وانا اشوف كلهم صاروا امهات الا انا
خالد : توك صغيره والطب في تطور
رند : ماظمن اعيش لين يتطور الطب ويسمحلي اكون ام
خالد اللي مستغرب عناد رند .. طول حياتهم وهي مسالمه : رند وش هالكلام
رند : كنت عارف يعني وجلست تبكي
خالد قربلها وضمها : مااهمني الا انتي
رند : مابي اجهضه خالد مابي
خالد : ع الاقل يكون الحمل تحت اشراف طبي
رند : مابي لا تنزله تكفى ولدي لاتحرمني منه
خالد وهو يجمع وجهه بيدينه : خطر عليك وعليه رند استوعبي
رندوهي تنزل ايدينه عن وجهه : انحرمت من امي لا تحرموني اكون ام وجلست ب الارض تبكي
مشاعل اللي ذبحت نفسها بكي جوا .. ديم وشجن يحاولن يهدن نفسهن مع امهن
محمد جا ركض بعد ماعلمته مشاعل .. دخل ولمح رند راميه نفسها ب الارض وتبكي .. وخالد واقف متوتر
نزل لرند وبصوت حنون : رند يبه قومي
رند وهي تمسك بخالها : بينزله خالو بيحرمني من جنيني هو وماما
محمد : حبيبتي خطر عليك
رند : لاتصير معهم علي خالو
خالد منهار : لازم الحين نروح ونشوف كم عمر الجنين وينزل او لا
رند : ماراح اروح
خالد عصب : الا بتروحين .. خطر يا رند
رند جلست تبكي بعد ماخذوها غصب عنها
دخلوها قسم الطوارئ .. بعد تجمع الدكاتره تاكدوا ان عمر الجنين ١٦ اسبوع ..
حولوها لتنويم .. ورند طول الوقت نايمه تصحى تبكي وترجع تنام ..
تركي وعيونه على خالد : كيف بس والحبوب ؟
خالد : مدري كيف عرفت انهم حبوب منع حل وشكلها ترميهم ماتاكلهم
تركي : لا حول والا قوه الا بالله .. والحل ؟
خالد : مدري استناهم
الدكتور الاستشاري وحوله خالد وتركي ومشاعل ومحمد : عمر الجنين ١٦ اسبوع
خالد : يعني ؟
الدكتور : خطر جدا الاجهاض .. ماراح يستحمل قلبها
مشاعل بشهقه : بنيتي ياربي
الدكتور : نبضات القلب عندها سريعه جدا .. لازم ننظمها لها ونتابع كفائه الرئه
تركي : بتتنوم عندكم
الدكتور : اكيد لازم
طلعوا من المستشفى على وجييهم علامات الحزن .. خالد طلع مايدري وين يروح
وتركي راح البيت ،،
ومحمد رجع للبنات يتطمن عليهن .
ومشاعل جلست مع رند ..
تركي وهو يفتح الباب على فارس : صاحي
فارس وبيده البلاك : ايه
تركي : شكل امنيتك ذاك اليوم تحققت
فارس : اي امنيه ؟
تركي : بتصير خال
فارس والجوال يطيح من ايده : رند حامل ؟
تركي وهو يدخل الغرفه : ايه يا اخوي حامل الله يستر
فارس : مو خطر عليها
تركي : خلاص حتى الاجهاض خطر
فارس والدموع تتجمع بعينه : بتلحق رغدد ؟؟؟؟
تركي غمض عيونه : الله يلطف بنا بس
فارس رجع لسريره وجمع الغطا على وجهه مايبي تركي يلمح دموعه ..
طلع تركي ينتظر ابوه عشان يعلمه بالخبر الصاعقه
/
مرت الاشهر بطيئه جداً .. رند عندت الا تجلس بيتها تعيش حياتها طبيعي ..
مشاعل اصرت كل يوم ويوم تجي وتمرها .. الوضع كان كل ماله بخطر ..
بالشهر التاسع صارت كفائه الرئه ٦٧ ٪ ..
مشاعل : خلاص يا ماما لازم تجلسين عندي لموعد الولاده
رند بدون اهتمام : ماما بيولدوني قيصري قبل موعد الولاده
مشاعل بخوف : بس ولو اخاف يجيك الطلق بدري
رند : ماما ماسمعتي الدكتوره ايش قالت .. لساا بدري
مشاعل تتنهد : انتي صايره عنيده مثل خواتك ليش
رند بضيقه خاطر : ماما مرتاحه بيتي
مشاعل رمت الكاسه من يدها وقامت عن رند ..
ديم كانت عنصر متفرج فقط وساكته ..
احمد اللي صار عمره سنه وشوي ويمشي ..
رند بصوت هادي : احمد وين راح
ديم اللي كانت شارده تفكر برند : مادري .. احممممممد
ابتسمت رند لديم اللي صايره ابد مو على بعضها .. اختلفت المقاييس الحين .. ديم تداوم بالجامعه ورند مإجله ..
شجن دخلت عليهم تعبانه : اااااه تعب حر كل شي
ديم بنكاده : عيشي جو الطب والدكاتره
شجن : فكي عني بس ولفت لرند : كيفك رنوده
هزت رند راسها ..
شجن وهي ملاحظه معالم رند التعبانه تنهدت وطلعت تغير ملابسها
رند وهي توقف : خالد جاا بروح البيت وسلمي على ماما
ديم وهي تحضنها : الله يحفظك .. خلي جوالك جنبك اول ماتحسين ب اي شي اتصلي
رند وهي تبوسها ولا يهمك ..
طلعت رند .. وديم تحس انها ماعاد بتشوفها .. مسكت احمد وحضنته بقوه تبكي
خالد : كان جلستي عندهم لين الولاده
رند : واتركك لوحدك ؟
خالد ابتسم : مو مشكله بروح عند اهلي
رند : ماتبيني
خالد بخققه : الا حبيبتي بس خايف عليك
رند : ماعليك انت مو صاير شي
خالد : الله كريم
صحى الصباح وهي نايمه جنبه .. باس خدها واستودعها الله ..
طلع خالد من البيت بضيقه خاطر .. ماله خلق اي شي
على الساعه 9 الصباح صحت على الالام اللي كل يوم تجيها بس اليوم اشد
تنهدت رند وهي تحس النفس ضاق .. طلعت جوالها واتصلت على فارس
فارس : الحين جايك
رند : ليكون مداوم
فارس : اقولك جايك الحين
طلع من المدرسه مع السواق لها .. فتحتله الباب وهي لابسه عبايتها
بالسيارهه .. رند : ايش فيك
فارس : بتولدين ؟ نتصل على امك
رند ابتسمت : مو ولاده مطوله انا ومابي اخوف ماما
فارس : ان شاءالله .. وبدا يتابع ملامحها اللي تتغير بكل دقيقه
دخلوا الطوارئ بالمستشفي اللي رند تابع عندهم .. الدكتوره بصوت عالي : بسرعه ولاده
نوموها على السرير وبدوا يسحبونها .. فارس بخطوات سريعه يمشي وراهم وهو يشوف جهاز الاكسجين اللي حطوه لرند
كان يتذكر وش صار قبل كم سنه .. كانت تشبهه هالاحداث تقريبا
وقبل يدخلونها جناح الولاده مسكت ايد فارس وشالت الاكسجين : فارس
فارس : عيونه
نفسها ضاق وحست ان الموت قرب .. سحبت اكسجين بقوه وبتنهيده : اذا كانت بنت اسمها رغد
وسحبوها للبعيد .. ووقف هو حاير مايدري وش يسوي .. مرت اول ساعه ثقيله جدا .. ومرت الثانيه والثالثه
لين طلعت الدكتوره
فارس : بشري ؟
الدكتوره : وين زوجها ؟
فارس : انا اخوها
الدكتوره : عايزين حد كبير
فارس انقهر منها : ايش فيها رند ؟؟
/
مشاعل اللي جت مع محمد وفيصل .. ولقت خالد وتركي وابو تركي واقفين
مشاعل : ليش ماعلمتني انها بتولد
خالد متوتر : مادريت انا الا انها هنا
مشاعل تبكي : وش صار عليها
طلع فارس من جوا ووججه الوان غير .. لمح ابوه واقف وتذكر ذاك الموقف قفل عيونه وجلس على ركبه يبكي
تركي وهو يركض لفارس : ايش فيك ؟ وين الدكاتره هنا
فارس يرفع عيونه : رغد جت يا تركي
تركي ضمه لصدره : ورند كيفها ؟
فارس : مادري محد علمني
مشاعل : يالله يارب اللهم لا اسالك رد القضاء ولكن اسالك اللطف فيه
.
.
.
.
.
.
.
بعد خمس سنوات …
نزل من السياره وفتح لها الباب .. نزلت الصغيره لابسه تنوره قصيره لركبتها .. عيونها رماديه جميله جدا .. وشعرها بني يشبهه شعر ابوها
نزلت قبلها المربيه تمشيي وراها معصبه عليها
لكن ماهتمت ابد الصغيره
كملت طريقها بالممرات اللي حافظتهم ودخلت الغرفه والمربيه وقفت تنتظرها برا
مشت بخطوات لين وصلت السرير .. صعدت على الدرجات الموجوده وهي تلمح الممرضه تراقبها
وبصوت طفولي : لسسا ماما ماصحيتي ؟ هزت ايد امها بيدها بقوه : ماما راح اروح المدرسه وانتي ماصحيتي
ماما .. ماما .. ماما
قطع صوتها لما سمعت صوت قريب منها : رغدد !! وبعدين ايش جايبك
رغد : خالتو شششجن
شجن وهي تشيلها بقوه : بنت يا قويه انتي وش قلتلك انا
رغد : جيت اشوف ماما صحيت او لا
شجن : لو صحيت كنت بقولك
رغد بعناد : اتطمن بنفسي
شجن : ياماما البنت عنيده
رغد وهي تلف على رند اللي على حالها من خمس سنوات : ماتصحى
شجن والدمع بعينها : الله كريم
رغد : مابي اروح المدرسه بدون ماما
شجن : الله كريم ، يالله امشي نطلع
طلعن الثنتين ولمحت المربيه معصبه
رغد بدون نفس : بروح عند ماما مشااااعل
شجن : قلتي لجدك انك هنا
رغد بدون تهتم : لا صحيت محد بالبيت
شجن بشهقه : انتي وبعدين معك ؟؟ مو قلنا تستإذنين قبل تطلعين
رغد تتكتف بعناد : جايه ازور ماما
شجن : طيب تتصلين عليه بالطريق وتخبرينه
مشن الثنتين ولمحت رغد ولد واقف مع ابوه ..
رغد تخزه بنص عين .. والولد يخزها بنفس النظره
رغد مدت له لسانه ولفت للجهه الثانيه
اما الولد جته الضحكه على حركاتها وجلس يخزها طول الوقت
رغد كل مالفت لقته يناظرها ..
شجن جتها بعد ماخلصت اوراقها ك طبيبه متدربه : ايش فيك ؟
رغد بلعانه : قليل ادب يخزني
لفت شجن للولد اللي شكله اكبر من رغد .. : عيب رغد
سمعت صوته وهو يقول : يلا عبدالرحمن مشينا
لفت شجن وطاحت عينها بعين مشعل ..
مشعل بهدوء وهو يقرب لرغد : ليش تخزين ولدي
رغد : هو خزني
عبدالرحمن : انتي تمدين لسانك علي
رغد بشهقه : تراقققبني
شجن : ههههههههه خلاص رغد يلا مشينا
مشعل متكتف : كيفك دكتوره شجن ؟ كويس تقابلنا
شجن : اهلين دكتور مشعل .. تعرف لاهيه بالدوام
مشعل بتفهم : صادقه الواحد يالله يلاقي وقت ينام فيه
شجن وهي تلمح اصابعه الخاليه من الدبله : اها
مد ايدينه بالهوا : صرنا احرار
شجن فتحت عيونها : اها .. يلا رغد مشينا
ومشن الثنتين فيهن من بعض الشي الكثير
شجن : جدك راح يهاوشك ويزعل
رغغغد : رحتتت ازور مااامااا
شجن : كل يوم لازم نعلمك لازم تعلمينا قبل تطلعين
رغد : ااااف
شجن : راح تتعاقبين
رغد : فيه اكثر من ان ماعندي ماما
شجن تهز راسها : تعرفين كيف تكسبينا يا ام لسانين
رغد ماردت بس هزت راسها بلعانه ..
/
خالد معصب : يمه لو سمحتي اذا بتفتحين هالموضوع بقوم اطلع
ام خالد مقهوره على خالد : حرام عليك يمه .. مو عشانك عشان رغد اللي كل يوم بمكان
خالد : غير رند ولا يمكن تكون حرمه على ذمتي ..
وطلع وترك لها البيت بكبره
جت امل بتنهيده : خلاص لاتضغطين عليه
ام خالد : قاهرني خلاص رند كم لها بغيبوبه مافقد الامل
امل جلست : خليه دامه مرتاح
ام خالد : وين فهد ولاما ؟
امل : جوا عند المربيه
ام خالد بضيقه اخلاق : بروح اشوف ابوك …
/
رجعت للبيت تعبانه ومالها خلق احد .. ماكانت تعتقد ان المحاماه تعب بالشكل ذا ..
احمد معصب : ماما شوفي رند
رند اللي جت تبكي : ماسويت شي هو شد شعري
احمد : كذاااابه والله اخذت يبودي
ديم معصبه : اعتقد كل واحد عنده ايبود
رند تتحلطم : ماسويت شي
ديم : ابعدوا عن وجهي مالي خلقكم .. بابا جا
رند : ناام يقول لحد يصحيه
ديم : الله يعين وراحت تشوف خالتها امل ..
/
دخلت البيت هي ورغد ..
مشاعل : رغوده حبيبتي
رغد وهي تمشي بخطوات بطيئه : تعب حر ياماما
مشاعل تحضنها : ايش مصحيك بذا الحر
شجن : مجنونه لقيتها بالمستشفا
رغد : انا مو مجنونه انا رحت ازور ماما
مشاعل عصبت على شجن : شجن !!!! خليها بكيفها
شجن تعبت من حوارها مع امها العقيم .. اللي رافضه رفض قاطع ان احد يزعل رغد او يرفض لها طلب ..
/
دخل البيت معصب وبصرخه : وين رغد ؟؟؟؟؟؟
فارس طلع من المكتب مبتسم متعود على خوف ابوه اللي مو طبيعي لرغد : يبببه هدي بسم الله عليك راحت عند امها
ابو تركي منقهر : مليون مره اقول لاتطلع لحالها
فارس : رغد شيطونه تجلس تصارخ على السواق وانت تجي وتكمل خخخخ
ابو تركي جلس متوتر : اتصل عليه يقولي رغد روح روعني
فارس : اتصلت شجن وقالت انها معها
ابو تركي يهز راسه : الا رغد عاد مابقالي بنت غيرها
فارس : يبه اذكر الله
/
ام ابراهيم : الين وبعدين معك ؟
الين : مااااااما ايش
ام ابراهيم تهز راسها : اليوم عمتك ديم واحمد ورند بيجون
الين : لاااا احمد لا مابي يجي
ام ابراهيم : ليش
الين : لانننه بثثثثثر وراحت تركض جوا
ابو ابراهيم : ايش فيها ذي صوتها طالع
ام ابراهيم تضحك : ماتبي احمد
ابو ابراهيم مد بوزه : مالومها والله هالولد بثر
ام ابراهيم بشهقه : حرااام عليك ياحلاته والله
ابو ابراهيم : قولي للعيال اليوم جلسه عائليه .. انا طالع الحين
ام ابراهيم : ان شاءالله ..
/
رجعت للاراضي السعوديه وبيدها بنتها الل صار عمرها ٦ سنوات ..
نهى : واخيرا
عادل مبتسم : خلصنا غربه هههههه
كان ب استقبالهم سعود وشجن
شجن : متحمسه اشوف سمييتي فيس تو فيس
سعود : اخاف ماتعرف عربي
شجن : ههههههههههههههه نتفاهم انقلش عادي
/
فيصل يتقلب بسريره على صوت جواله : خيييييير متصل مزعجني
مشعل : ابيك بموضوع حبيبي
فيصل : وفيها حبيبي ؟؟؟ خير
مشعل : تعال واعلمك
فيصل : بالليل المدام معزومه عند اهلها واجيك
مشعل : اوككك ..
/
اظلم الليل ليخيم على اسرارنا الكثير ..
دخل المستشُفى كعادته .. ودخل غرفتها وبيده ورد .. حطه بالفازه ورجع لها
رند حبيبتي ماصحيتي ؟ كافي نوم !! البيت من غيرك مظلم مافيه نور
رند لمن تركتيني ..
رند انا ابيك .. ورغد تبيك ..
رند بيزوجوني غيرك متخيله .. هه اغبياء مايدرون ان قلبي معك
رند اصحي عشان .. جلس الليل كله يكلمها ويناجيها .. يمكن تستجيب وتصحى له !
/
ايوه وش تبي مزعجني
مشعل : ههههههه بسم الله
فيصل : وش تبي يا اخي تراك نكدت قيلولتي
مشعل : حنا بالليل
فيصل : طيب وش تبي
مشعل : انت عارف اني مطلق من ٣ سنوات
فيصل : ادري وش غيره
مشعل : احم قررت اتزوج
فيصل : طيب وش دخلني ؟
مشعل : دخلك العروسه
فيصل فتح عيونه : اعرفها
مشعل : شجن
فيصل بنص عين : اشك انها توافق .. رفضت كثير
مشعل بتنهد : يمكن توافق
…
واخيراً …
# ان يكونَ الشخص معذب منذٌ البدايه فقد نفقدههَ للابد .. ف رفقاً ب احبتنا .. كَ ( رند )
وان كنا نحب شخص ما .. فعلينا فقط اخبارهه فقط .. لماذا نترك الحياههَ تسرق سنوات عمرنا ب الصمت .. كَ ( مشعل وشجن )
وان كنا نعاني من الفقد فلا نسرف بالتدليل .. كَ ( رغد الصغيره )
وان كنا نحب شخص اخر .. فلا نسرف ب حبه لدرجه الذي نسلب حياتنا منا كَ ( ديم )
وحين نحب علينا ان نحب بصدق وتضحيه كَ ( خالد )
حين نكون اخوه علينا ان نكون كَ ( فارسَ وتركي وابراهيم )
وحين نكون اباء او امهات علينا الابتعاد عن التفرقه فقد نفقد صغارنا بسببها كَ ( ابو سعود )
حين نخطئ علينا تحمل كامل مسؤوليتنا عن خطئنا كَ ( طارق )
حين نعتذر لابد ان نكون صادقين نادمين معبرين كَ ( نهى )
..
هنا فقط اضع اخر جزء من روايتيَ لاترك لكم بقايا تكملتها .. فقد تستيقظ الجميله ذات يوم او لا ..
وقد تقبل الجميله الاخرى وقد ترفضَ ..
كانتَ معكمَ شروايً حلمَ .. كونوا بخيرَ
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تجميع / ♫ معزوفة حنين ♫ ..
اللهم لك الحمد حتى ترضى وإذا رضيت وبعد الرضى ,,, اضف تعليقك