رواية اسيرة البدر -8
ما استوعبت غدير : شنو ؟؟ خليفه ولد عمي خاطبني انا ؟؟
بوبدر : اي والله .. وتوه عمج مسكر مني .. وانا اسالج الحين ها اشرايج ؟؟
.:. سكتت غدير .:.
سال ابوها : اشفيج شكتي ؟؟ افهم من سكوتج انج موافقه يعني ؟؟
.:. وبعدها .:.
غدير ( تسال ) : يبه انت متاكد ان خليفه مو مغصوب علي ؟؟
استغرب ابوها : شنو هالحجي هذا ؟؟
غدير ( بتردد ) : مو لانـ ...
.:. وبعدها سكتت .:.
استفهم ابوها : مو لانه شنو ؟؟
غدير : مو لانه البدر هم انت غصبته على الدانه واهو ما يبيها وانا حسيت ان عمي غاصب خليفه على هالشي
ابتسم بوبدر : ما اعتقد ان خليفه مغصوب عليج واذا تبين تتاكدين اتصليله واساليه
غدير : ماله داعي اتصله واساله .. اعتقد اذا اهو ما يبيني بيقولي بنفسه
وبعدها سال ابوها : الحين شلون ؟؟ شاقول لعمج ؟؟ تبين خليفه او شنو ؟؟
ابتسمت غدير : اعتقد اني محتاجه وقت للتفكير
بوبدر : اللي اتشوفيه يا ابنيتي بس ها مو اتصيفين علينا بالرد
غدير : ان شالله
***************
.:. ومجددا بالمستشفى النفسي .:.
.:.
الطبيب كان بيستخف وبيتينن وهو يقرا اجوبة فواز العبيطه عالاسئله .:.
الحلقة 15 .:.
ما هو الشي الذي تحبه ؟؟
احبك انت يا حنفي
هلالعائله تعاملك جيدا ؟؟
الصراحه نو .. اختي لميا يوم قلتلها احبج وابي بوسه عصبت علي وعطتني كف قوي .. وامي لما قلتلها احبج وابيج وبتزوجج عصبت وقالتلي شنو هالحجي المينون ؟؟
هل تحب القراءه والنت ؟؟
قلتلك احبك انت
كم ساعه تحب ان تنام باليوم ؟؟
تقريبا يومين متواصلين
ما هو الشي الذي تتمناه ؟؟
بوسه من امنه بنت داليا
ما هو شرابك المفضل ؟؟
عصير الحب
.:. وبعدها .:.
الطبيب ( يسال ) : ايه ده ؟؟ بالله عليك دي اجوبه ؟؟
تمسخر فواز : والله محد قالك تعطيني اسالة يهالوو
نتف الطبيب شعره : انته ايه ؟؟ بتجنني ؟؟
والتفت على ام فواز : انا اسفه يا ستي بس ما بئدرش .. والله العظيم ما بئدرش اعالج ابنك .. انا اسفففف
تشقق فواز : احسن
***************
.:. باليومين اللي راحوا كانت نفسية الدانه جدا تعبانه .. ومن هالتعب حتى ما فكرت تتصل المكتبه وتسال لو اكو رساله من البدر .. وحتى البدر كان مستغرب ليش ما خذت الرساله ليمن الحين اللي كتب فيها هم ومات .. حس ان بالسالفه شي .. اهو كان ميت ينتظر اليوم اللي اتشرف فيه اهي المكتبه عشان يتصل له محدين .:.
.:. تذكرت الدانه ال 500 ريال وان لازم اتروح المكتبه عشان تشتري اشيا للكمبيوتر بقيمة 500 ريال .. ركبت السياره مع السايق رايحه للمكتبه وهي ليما الحين ما تدري ان اكو رساله بالمكتبه .. والشي الكبير انها ما تدري ان البدر متفق مع محدين ان يتصل له اذا اهي شرفت المكتبه .:.
.:. بعد 7 دقايق تقريبا .:.
.:. وصلت المكتبه وبسرعه شافها محدين وابتسم .. اهو صحيح انها كانت متغشيه بس محدين ما شالله عليه من كثر المواقف السابقه معاها عرف هيئتها .. وبسرعه مسك موبايله واتصل للبدر .:.
.:. البدر كان بالمرسيدس مع نايف رايحين للشباب بالقهوه .. وفجاه رن موبايل البدر والا برقم غريب وستفسر بدر : منو هذا ؟؟
نايف ( يسال ) : منو ؟؟
بدر : ما ادري والله رقم غريب بيموبايلي
نايف : طيب رد عليه وشوف منو
بدر : هذا اهو
وبعدها رد البدر يسال : هلا ؟؟ منو ؟؟
.:. اشتط محدين وكان يتكلم بسرعه عشان الرصيد ما يخلص Lol البخيل !!
محدين : بدر بدر بسرعه يالله .. تعال مكتبه .. بنيه مال انته اهني والله .. بسرعه
.:. وبسرعه سكر محدين الخط .:.
.:. وبعدها .:.
.:. وقف البدر سيارته ابوسط الشارع لـول هذا معناته مخالفه ثانيه .:.
تعجب نايف : اشفيك ؟؟ اشصاير ؟؟
بدر ( وهو ياشر على نايف ينزل من السياره ) : نايف واللي يرحم والديك انزل من السياره بسرعه انزل
استغرب نايف : شنو ؟؟ انزل ؟؟ وليش انزل ؟؟ شسالفه ؟؟
بدر : بعدين اقولك .. الحين انا عندي مشوار مهم للغايه .. عفيه نيوف انزل بسرعه .. ماكو وقت
نايف : انت مينون ؟؟ شلون تبيني انزل ابوسط الشارع ؟؟
بدر : ما يخالف .. اخذ لك تاكسي او اي شي ليمن امرك انا مره ثانيه
نايف : ما دامك مشغول وعندك مشوار ليش غربلتني معاك ؟؟ ليش ما خليتني ايي بسيارتي ؟؟
برر بدر : وانا وشدراني ان هالثور محدين بيتصلي الحين ؟؟
استفسر نايف : محدين ؟؟ منو محدين ؟؟
بدر : لحول .. شكلنا امطولين احنا .. ماكو غير اخذك معاي للمكتبه وافهمك السالفه بالطريج
.:. وبعدها حرك البدر بسيارته للمكتبه وهو يقول السالفه لنايف .:.
نايف ( يستنتج ) : اها .. يعني اهي نفسها البنت اللي اهدتك المرسيدس ؟؟
بدر : عليك نور
سال نايف : ومعقوله ليمن الحين ما كلمتها ولا شفتها ؟؟
بدر : اي والله
نايف : عيل شلون تتواصل معاها ؟؟
بدر : عن طريق محدين
ضحك نايف : والله ان هالمحدين مستغلكم استغلال وقاص عليكم
بدر : ادري بس بالوقت نفسه مستفيدين منه ومساعدنا عشان هالسبب احنا ساكتين عنه
سال نايف : وتتوقع انك بتلحق عليها الحين وهي بالمكتبه ؟؟
بدر : ان شالله الحق
.:. وبعدها بشويه وصل البدر المكتبه .. وصف بسيارته امجابل المكتبه .. وبسرعه نزل من السياره .:.
بدر ( وهو يشوف نايف ) : نايف انت تم اهني .. دقايق بس اشوف شبيصير وارد لك ان شالله
ابتسم نايف : الله معاك
.:. كانت الدانه بالمكتبه توها قاعده تدفع لمحدين الاشيا اللي شرتها بقيمة 500 ريال وما وعت الا بتاخذ الكيس وبتطلع من المكتبه الا بالبدر واقف جدامها وهي كانت متغشيه .. ارتبكت وتخرعت .. شلون البدر بالمكتبه الحين ؟؟ وشنو هالصدفه الغريبه ؟؟ ما انطقت بشي وتمت ابمكانها والكيس ابيدها متخرعه .:.
ابتسم البدر : واخيرا لقيتج .. عفيه يا بنت الناس شيلي الغشوه خليني اشوفج .. مو يمكن اكون اعرفج !!
.:. محدين كان قاعد يراقبهم يا بلفيت فلم هندي .:.
.:. وبسرعه تخرعت الدانه وحست ان امرها بينكشف وطيحت الكيس من ايدها بدون ما اتحس وطلعت بره المكتبه وركبت السياره وهي مرتبكه وترتجف وما عرفت شتقول للسايق .:.
الدانه : سهيل بسرعه حرك بالسياره للبيت بسرعه !! الحين !!
رد السايق : ان شالله
.:. وبسرعه طلع البدر وراها وما شاف الا بسيارتها تمشي وبسرعه وما لحق يلقط الرقم وانبطت جبده ليش انه ما عرفت من هالبنت .:.
.:. وبعدها .:.
رد للمكتبه معصب : ما اقول غير مالت عليك يا محدين وعلى اللي يعتمد عليك
تعجب محدين : وانا شنو يسوي الحين ؟؟
بدر : للاسف ما عرفت من اتـكون هالبنت !!
محدين : وانا شكو ؟؟ انت يقول حق انا اتصل اذا ابنيه ايجي مكتبه وانا ايسوي اللي علي ويتصل حق انته
تنهد البدر : معاك حق .. واسمحلي يا محدين انا بس انبطت جبدي ليش انها شردتت مني فجاه
محدين : ما في مشكله .. ان شالله انت يسوي اللي براسك .. كل فلم هندي اول شي بدايه جذي
سال البدر : اي فلم هندي انت الثاني ؟؟ احنا عايشين بالواقع وانت اتقول فلم ؟؟
وبعدها مد محدين ايده : الموهم وين 500 ريال ؟؟
توهق البدر : ان شالله لما اشوف هالبنت بعطيك 1000بعد مو بس 500
والتفت البدر على الكيس اللي طاح من ايدها : وهذا الكيس للبنت .. نسته بالغلط .. او تقدر اتقول طاح منها من الخرعه .. ما ادري هل انا اخرع ؟؟ مع اني ما قلتلها شي غير اللي سالته .. المهم انت خل هالكيس عندك ليمن اترد مره ثانيه وتاخذه ولو اني اشك انها بترد للمكتبه بعد هاليوم !!
دخلت البيت واهي معصبه حدها : فشلتنا ياللي ما تستحي على ويهك .. بالله عليك هذي اجوبه تكتبها للطبيب ؟؟
رد فواز ببرود : احبج يمه
تيننت امه : فوازوو انت شكلك بتذبحني وبتسكت !!
ابتسم فواز : ليش يمه ؟؟ وانا شقلت الحين ؟؟
امم فواز : اكلمك عن المستشفى والطبيب واتقولي احبج ؟؟ شنو هالسخافه هذي ؟؟ هاا ؟؟
.:. وبعدها .:.
ها يمه .. شسويتوا بالمستشفى ؟؟
التفتت ام فواز للميا تشتكي : الله لا يراويج يا لميا .. والله العظيم ينني هالهيس هذا .. وفشلني جدام الطبيب
سالت لميا : ليش ان شالله ؟؟ شسوه بعد ؟؟ ليكون قالج احبج وابيج ومن هالسوالف جدام الطبيب ؟؟
ام فواز : ياليت يات على هذا بس .. اهو هم تغزل بالطبيب
تعجبت لميا : الحمدلله والشكر .. اللهم لا شماته
رد فواز : الحمدلله والشكر عليج .. انا الحمدلله ما فيني شي وما احتاج لطبيب نفساني
لميا : الحين بعد كل هذا اللي سويته وما تحتاج لطبيب ؟؟
سال فواز : وبالله شسويت انا ؟؟
لميا : انت الكلام معاك ابد ما منه فايده .. انت انسان مينون متخلف وما يفيد معاك شي !!
غمز فواز بلا مبالاه : تسلمين حياتي عالكلام الحلو
عصبت لميا : مالت عليك
***************
امم .. على الاقل جان لقطت رقم السياره !!
للاسف يا نايف ما لحقت والله
نايف ( يسال ) : امم وشناوي اتسوي الحين ؟؟ يمكن وبعد هالشي اللي صار ما اتشرف للمكتبه مره ثانيه
تنهد البدر : وهذا اللي انا خايف منه
نايف : بدور .. اقولك شي وما اتعور راسك ؟؟
بدر : اي
نايف : اشرايك تنسى هالبنت موليا
بدر : ما اقدر يا نايف .. مو بهالبساطه .. على الاقل ابي اعرف منو هالبنت اللي مقدمه لي هالسياره .. واعتقد لو انت ابمكاني بتسوي نفس الشي
نايف : والله لو انا كنت ابمكانك كنت بتينن من قلب
بدر : شفت شلون ؟؟ عيل ليش تطلب مني اني انساها ؟؟
ابتسم نايف : ما ادري والله .. اهو مجرد رايي بس
بدر : ان شالله بي اليوم اللي اتمناه وهو اني اعرف منو هالبنت !؟
نايف ( يسال ) : ولو عرفت من هالبنت .. شنو هو الشي اللي بتسويه ؟؟ شنو راح تستفيد ؟؟
بدر : ما ادري بس اكييد برتاح نفسيا
وبعدها سال نايف : اقول يا البدر انت اتحب هالبنت ؟؟ اللي ليما الحين ما شفتها ولا سمعت صوتها حتى ؟؟
رد البدر بتردد : تقريبا
تعجب نايف : شلون اتحب بنت انت ما شفتها ؟؟
بدر : ما ادري
نايف : شلون ما تدري ؟؟ انا ما اعتقد ان هذا حب .. اعتقد انه مجرد اهتمام بس
بدر : هم ما ادري
نايف ( يسال ) : ومتى ان شالله بتدري ؟؟
بدر : لما اعرف من هالبنت واشوفها ان شالله .. ساعتها راح ادري اذا كان حب او مجرد اهتمام مثل ما انت تقول
***************
.:. دخلت الدانه البيت واهي ليما الحين متخرعه من اللي صار .. شويه بس وكان البدر بيكتشف من اهي ومن تكون .. حست بالضيق وبسرعه دخلت لدارها مستنكره هالموقف اللي صار وسالت نفسها وايد شنو هالصدفه هذي اللي تجمع البدر معاها بنفس الوقت وبدون ميعاد !! وشكت ان لمحدين ايد بهالشي .:.
دانه : انا مو شاكه الا انا متاكده .. اكيد البدر متفق مع هالحمار محدين عشان يشوفني !! الحمدلله ان كل شي مر على خيير وما اكتشف البدر شي .. وهالمحدين هذا احسابه معاي بعدين .. عطيته 500 ريال ونسيت الكيس هناك !!
الحلقة 16 .:.
.:. وبعدها .:.
.:. فتحت دانه شنطتها وشافت الرساله اللي خذتها من محدين من توه وطلعتها من الشنطه وفتحتها .:.
دانه ( وهي تقرا رسالة البدر ) : واخيرا يا بنت الناس الهم اللي كان كاتم بقلبي مات .. بنت عمي الدانه كنسلت الملجه
ادمعت عيون الدانه : الله يوفقك يا البدر
وقامت من مكانها وجلست على الكرسي امجابل الكمبيوتر وكتبت للبدر مسج : انا مستانسه لحالك ليش ان بنت عمك كنسلت الملجه وهذا اهو الشي اللي انت تبيه .. اتمنى لك التوفيق ان شالله .. وما دامك انت مستانس انا هم نفسك مستانسه لوناستك .. واما عن اللي استوه من توه انا راح اسامحك يا البدر واتمنى ان هالشي ما يتكرر مره ثانيه وانا ادري انك متفق مع محدين عشان اتشوفني .. ما هو كل شي كان امبين .. وللمره المليون اقولك .. انتظر .. راح اتعرفني ان شالله .. وكل شي بوقته حلو
تضايق البدر : انا كنت حاس انها راح تزعل مني وتتضايق من هالحركه اللي سويتها !!
استفهم نايف : شسالفه ؟؟
بدر : هذي اسيرتي .. امطرشتلي مسج متضايقه من الحركه اللي صارت من توه
نايف : تقصد روحتك للمكتبه ؟؟
بدر : اي
نايف : الصراحه ما تنلام هالبنت لي تضايقت منك .. مو لان الحركه اللي سويتها ابد مو شي
برر بدر : بس انا كنت ابي اشوفها .. ميت ابي اشوفها واعرف منو اهي
نايف : حتى ولو .. بس مو بهالطريقه
بدر ( يسال ) : اذا مو بهالطريقه عيل باي طريقه ؟؟ اذا اهي رافضه انها تعطيني رقم موبايلها حتى
نايف : والله ما ادري شاقولك يا البدر .. ماكو غير انك تصبر
تنهد بدر : الله كريم ان شالله
***************
.:. ابيت بوبدر .:.
.:. ابدار امنه .. كانت منسدحه عالسرير واتشوف السقف وهم اتفكر بجوزيف .. مستغربه ليش ما اتصلها من بعد هذيك المره .. وحست انه مجرد لبناني مخادع .. كان بيلعب بمشاعرها .. اهو بالفعل وسيم بس ما كانت بتستفيد شي من هالوسامه غير الندم .. وبعدها قررت بنفسها انها تنسى وما اتفكر بجوزيف وتلتفت لدراستها ومستقبلها ابلبنان .:.
***************
:. مرت 5 ايام .:.
.:. وبعد تفكير وتسائلات من غدير بالنهايه وافقت على الخطبه .:.
استانس بوبدر : بالمبارك يا ابنيتي .. والله انج اخترتي القرار العدل .. وخليفه ريال والنعم فيه وماكو مثله
ابتسمت غدير : الله يبارك فيك يبه
بوبدر ( يسال ) : يعني خلاص الحين .. اقول لعمج انج موافقه ؟؟
غدير : اي
بوبدر : بتصل له الحين وبقوله بس مو قبل ما انجمع كل من بالبيت ونقوله على هالخبر السعيد
.:. وبعدها راحت غدير مع ابوها وجمعوا الكل بالصاله عشان هالخبر .:.
داليا ( تسال ) : شو غدير ؟؟ شو بوبدر ؟؟ شو عاندكن ؟؟
وسالت سلوى : خير ان شالله ؟
واستفسرت امنه : اشفيكم ؟؟ اشعندكم ؟؟
وسال البدر : شنو هالخبر اللي جمعتونا عشانه ؟؟
واستفهم نايف : يالله قولوا اشعندكم ؟ كلنا اذان صاغيه
ابتسم بوبدر وقال : خليفة ولد اخوي خطب غدير .. وغدير وافقت عالخطبه
.:. وبعدها .:.
ابتسم خليفه : مبروك غدير .. بالمبارك ان شالله
وابتسمت داليا : مبروك غدورا
وسالت امنه : مبروك غدير .. تستاهلين .. بس متى الملجه ؟؟
.:. وفجاه .:.
صرخ نايف متخرع : سلوى اشفيج ؟؟
.:. طاحت سلوى من طولها لما اسمعت هالخبر .. انصدمت .. شلون خليفه يخطب غدير وهو خاطب ساندرا ؟؟
تخرعت داليا : شو ماليك يا سلوى ؟؟ شو ماليك ؟؟
هم بوبدر تخرع وبسرعه شلها بين ايدينه : بدور بسرعه شغل السياره .. خل ناخذها للمستشفى .. بسرعه
***************
احبك .. احبك .. احبك .. احبك .. اموت فيك
.:. وفجاه .:.
منو هذا اللي اتحبينه ؟؟
.:. تخرعت نجلا وبسرعه سدت الخط .:.
سالت نور مره ثانيه : ما اتقولينلي منو هذا اللي اتحبينه ؟؟
عفست نجلا الوي : حسبي الله عليج .. خرعتيني والله عبالي خالد !!
استغربت نجلا : يعني اذا انا عادي .. ما راح تعطيني اي اهميه ؟؟ وبتحاجين هذا اللي اتحبينه عالفون وجدامي ؟؟
ردتت نجلا بوقاحه : تبين الصراحه ؟؟ انا ما احبه .. وانا اصلا كل اسبوع اكلم واحد ok وما عندي شي اسمه حب وخرابيط
انصدمت نور : شنو هالكلام الخطييير يا نجول ؟؟ افهم من كلامج انج كل اسبوع مع ريال ؟!
نجلا ( بلا مبالاه ) : عليج نور
نور : وبكل برود اتقولينلي هالحجي ؟؟ انتي ما تستحين ؟؟ انتي ما اتخافين من اني اقول لخليفه وخالد وهم ابوي ؟؟
نجلا : لا مو خايفه .. لاني ادريبج ما بتقولين
نور : لا اتكونين وايد واثقه .. ترى اذا وصلت حدي والله اني بقولهم وما علي منج
تمسخرت نجلا : هذا اذا وصلتي حدج .. ويالله انا رايحه لداري الحين
.:. تعجبت نور من جراءة نجلا .. وشلون كلمتها بهالطريقه ؟؟ مو مستوعبه ان نجلا ممكن اتسوي هالشي .:.
وقالت لنفسها : والله لو شفت نجلا اتكلم شباب مره ثانيه بقول لخليفه او خالد عشان يتصرفون معاها
***************
. وبالمستشفى .:.
بوبدر يسال الطبيب بخوف كبير : اشفيها يا دكتور ؟؟ عسى ما شر ؟؟ ليش طاحت علينا جذي وفجاه ؟
وسالت داليا بخوف : شو مالها بنتي يا دكتور ؟؟
امنه ( بخوف ) : قولنا اشفيها اختي يا دكتور وليش طاحت علينا ؟؟
رد الطبيب يطمن : ما عليها شر ان شالله .. مجرد شي صدمها واهي الحين ابخير والحمدلله .. وتقدر تترخص معاكم للبيت
استفسر بوبدر : وشنو هالشي اللي صدمها ؟؟ ما اخبر قلنا لها شي يصدم
وقال نايف : كانت تبتسم وتسولف .. وفجاه من اسمعت خبر خطوبة غدير طاحت علينا
.:. وبعدها .:.
التفتت غدير لنايف تسال : شتقصد يا نايف ؟ ان سلوى مو مستانسه عشان هالخطبه مثلا ؟؟
نايف : مو عن هالشي .. اكيد استانست .. بس شي محير انها طاحت من اسمعت هالخبر
واستنتج البدر : تقصد اتقول ان سلوى اتحب خليفه وتضايقت من هالخطبه ؟؟
.:. وفجاه .:.
عصب بوبدر : شنو هالكلام يا الثور ؟؟ شنو حب وخرابيط ؟؟
تعجب بدر : يبه انت اشفيك ؟؟ ريال شكبري طول وعرض وكله اتقولي ثور ؟؟ وهم اهني بالمستشفى وجدام الناس ؟
بوبدر : لان الكلام اللي اتقوله ما يقولونه غير الثيران
بدر ( يبرر ) : يبه انا ما قلت .. انا استنتجت بس
بوبدر ( بمسخره ) : مالت على استنتاجك الغبي
تليقفت غدير : ما اعتقد ان هذا اهو السبب .. ما عمرها سلوى تكلمت عن خليفه بشي .. فما اعتقد انها اتحبه مثل ما اتقول يا البدر
.:. وبعدها .:.
سال نايف : ونفرض يا غدير ان سلوى اتحب خليفه .. بتكنسلين الخطبه ؟؟
غدير : لا طبعا .. وليش اكنسلها .. اهو خطبني انا ومو اهي
.:. وفجاه .:.
شنو هالكلام اللي قاعدين اتقولونه بحقي ؟؟ انا بس حسيت بالخمول بجمسي وطحت بدون ما احس ومو مثل ما انتوا تعتقدون
ابتسمت داليا ولمت بنتها : الحمدلله على السلامه يا البي
سلوى : الله يسلمج يمه
وابتسمت امنه : خرعتينا عليج يا المتينه
ضحكت سلوى : شدعوه عاد امون ؟؟ متينه مره وحده ؟؟
وقال نايف : الحمدلله عالسلامه يا الحلوه
سلوى ( بابتسامه ) : الله يسلمك يا الحلو
وسال بدر : ان شالله ما اتحسين بشي الحين ؟؟
ابتسمت له وقالت : الحمدلله .. ما احس بشي .. وانا بخير
قرب بوبدر ومسك ايدها : سلامتج حبيبتي ما اتشوفين شر ان شالله
سلوى ( وهي حاسه بالخنقه ) : الله يسلمك عمي
.:. وبعدها استنكرت غدير لمست ايد ابوها لسلوى ومر من بالها هذاك المشهد لما شافت ابوها يلم سلوى بالدار .:.
وقالت بدون خلق : الحمدلله عالسلامه
.:. حست سلوى ان من نبرة صوت غدير انها ليما الحين شاكه بشي بينها وبين ابوها .:.
وردتت سلوى بضيق : الله يسلمج يا غدير
***************
.:. ابيت بوفواز .:.
.:. كانت ام فواز اتراقب ولدها فواز من بعيد وقلبها يعورها على حاله .. كان بالحوش وماسك قطوه من السكيك ويسولف معاها .:.
فواز ( وهو ماسك القطوه من رقبتها ) : اتخونيني يا الحقيره مع قطو ولد الجيران ؟؟ اتخونيني ؟؟ ما اكون فواز اذا ما ذبحتج على ايديني الحين
ردتت القطوه المسكينه : مياا ا ااا وو
عصب فواز : وهم لج عين تنطقين ؟؟ يالله ما تستحين ؟؟
.:. وفجاه .:.
فواز يبه انت اشقاعد اتسوي بالقطوه ؟؟ ليش قاعد اتعذبها بهالطريقه ؟؟ بتذبحها
فواز : هالحقييره خانتني مع قطو ولد الجيران
ما فهم ابوه شي : شنوو ؟؟
***************
.:. توهم راجعين من المستشفى للبيت .. كانت سلوى اتحس بالضيق من هالخطبه .. واول شي سوته راحت دارها وسكرت الباب وبسرعه اتصلت لساندرا .. كانت ساندرا بالستي تتمشى وتتسوق ورن موبايلها وشالته .:.
ساندرا : هلا سلوى
دخلت سلوى جامد : ساندرا انتي ليش كذبتي علي وقلتيلي ان خليفه يحبج وتحبينه وانكم الحين مخطوبين ؟؟
توهقت ساندرا : ومنو اليك اني بكديب ؟؟
سلوى : انا اللي قلت .. لان بوخليفه متصل لبوبدر عشان يخطب خليفه حق غدير .. وغدير وافقت
انصدمت ساندرا : شوو ؟؟
الحلقة 17 .:.
.:. ابيت بوفواز .:.
كان بوفواز يسال متعجب : انتي شقاعده اتخربطين يا ام فواز ؟؟
ام فواز : والله ان هذا اهو اللي صار .. وبالنهايه حتى الطبيب النفساني شرد منه
تعجب بوفواز : اها .. وانا اشوف المينون يقولي القطوه خانته مع قطو ولد الجيران !! تعتقدين ولدنا مينون او يتينن ؟؟
تنهدت ام فواز : والله ما ادري بشي .. انا بروحي متيننه منه
***************
.:. ما استوعبت ساندرا كل هالكلام اللي سمعته من سلوى وحست بالقهر من هالشي .:.
ساندرا : هايك يا خليفه ؟؟ ابتخطب غدير ابهايدي السرعه
سالت سلوى : ساندرا .. انتي ليش كذبتي علي من البدايه وما قلتيلي الصج ؟؟ ليش ما قلتيلي انكم افترقتوا للابد ؟؟
ساندرا ( بضيق ) : خوفيت تتشمتي فيا
سلوى : انا ؟؟ انا يا ساندرا اتشمت فيج ؟ انتي اتعرفيني عدل ان مو من طبعي اتشمت بالناس
.:. سكتت ساندرا وما علقت .:.
سلوى : على العموم .. خليفه خطب غدير خلاص .. وما باقي غير انهم يحددون موعد الملجه .. الله يوفقهم ان شالله
وقالت ساندرا بقلبها : الله لا يوفئهم ان شالله
***************
.:. مرت الايام ليمن يه موعد الملجه .. ملجة خليفه من غدير .. الاهل كلهم كانوا مجتمعين ابيت العروس .. الحريم بالصاله والريايل بالميلس .. كانت سلوى وعلى كثر ما تقدر اتبين نفسها سعيده ومستانسه جدام الناس .. بس للاسف كانت اتحس بالحزن والالم .:.
.:. لميا كانت اتسولف مع امنه عن دراستها ابلبنان .. ونجلا ونور كانوا يسولفون عن خليفه وشلون اهو مستانس من هالملجه .. داليا كانت اتسولف وتبتسم مع ام خليفه وام فواز وام دانه .. اما عن الدانه كانت بالحوش اتلف وتدور بنفسها .. خايفه تدخل البيت وتختلط بالناس مع انهم كانوا اهلها بس هم كانت خايفه .. كانت اتحس ان البنات بيعلقون على شكلها واهي متعدله وهم طالعه مو ليمن هناك .. ومن الاساس ما كانت تبي تحظر الملجه بس امها الحت عليها بالحظور .:.
.:. اما عن غدير كانت تتعدل وتتزين بالدار واخوها البدر كان معاها .:.
التفتت له غدير تسال : بدور .. انت شمقعدك معاي اهني ؟؟ ليش مو بالميلس مع الريايل ؟؟
سال بدر : ليش ان شالله انا مضايقج بشي ؟؟
ابتسمت له : اكيد مو امضايقني بس استغربت انك مو بالميلس يعني
بدر : سلامتج والله بس متملل
غدير ( تسال ) : يعني ناوي تنزل معاي ؟؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك