رواية سر الشوق - 10
حتى انت..بيجي اليوم الي تتركني فيه..وارتمت بحضنه
باااادي ارجوووك..لاتتركني
بادي..بتعجب شلون اتركج..وانتي اغلى ما لي بالدنياا
فبكت ..بكاء الاطفال
هزها بادي برقه نمااار..نمااار..حبيبتي..تقبلي الامر الواقع..سلمان..مااات..وبنته نيران بتعيش وياانا
وبعدين.. خلينا في المهم .. عندي لج خبر سعيد..وابتسم براحة بال..حسنه ..لماغادرت السعوديه كانت بمفردها
يعني شوق موجوده هنااا!!مو بالمغرب مع امها..وعن قريب ..بنعرف مكانها
واكمل حديثه..وهو يغمز لها بمكر وعشاانج..يا قمر..تركت مهمة تبليغ سالم هالخبر لج
فغرزت اصابعها ..بشعرها الاسود الكثيب..وسألت بغرور متى عرفت..؟؟
بادي بجديه قبل نص سااعه بس..وصلتني رساله..على ايميل المكتب الخاص..من السفارة
بالمعلومات المطلوبه..عن الممرضه حسنه...زوجة المرحوم منصور الـ سالم
ردت بملل اووف..من وين طلعت لنااا...هااشوق...نااقصينها حناا
وخت خطوة للخلف..اخرجت هاتفها من الجيب الخلفي لبنطالها الفوشي الملتصق بجسمها
وقالت قبل ان تتحرك متجه لداخل الفلااا لو هاااذي بتم عندناا..قول للخادمات ينظفونهاا..عشان تصير
من مستوى المكان الي هي فيه
تأكد بادي..من دخول نمار .. التفت لنيران..وقال لا تزعلين من نماار..لسانها طويل ..بس طيبه..وتحب الكل
ردت نيران بابتسامه..بارده شدعوه ياااعمي..في احد يزعل من نماار..عمتي ...الطيوووبه
بادي اعذريني لو بتكلم عن امج..كلام يجرح..امج ياعزيزتي..شتت شملنا..وغيرت اخونا المرحوم علينا
لدرجه انه تخلنا عنا..وحنا صغار..وتحت رعايته..وتبع امج..لوكر الشعوذة ..الخاص فيها
لهالسبب ..نمار متأثره..وتعناي من عقد نفسيه..واكتئاب حاد..وتتعالج بعياده نفسيه.. اكثر من عشر سنين
وبتحسن طفيف
نيران..بتردد ماعتقد ..ان المرحوم..كان يكن لعتيقه..اي مشاعر حب..لدرجه انه يتبعها
بالعكس..كان يكرها..وباستمرار يسبها ويشتم فيها..ويلعن اليوم الي عرفها فيه
بادي لو كلامج صحيح..ليه استمر معاها..و ماا طلقها
رفعت كتفاها ماادري
بادي مع اني ماأومن بالسحر..وهالشغلات..لكن بسفرتي الاخيره للمغرب
دخلت لمنطقه ..شعبيه..ينتشر فيها الدجالين بشكل كبير..لدرجه وانا ماشي بالشارع
يوقفني احدهم..ويعرض علي ..عمل سحر..لتخلص من مضايقات .. او الانتقام من احد
نيران عااادي..في حارتنا..كل يوم والثاني..الهيئه تعمل مداهمه..وتمسك .. كثير.. بتهمه ممارسة
الشعوذة..والاحتيال
بادي.. مستغرب..كيف طلعتي من بيتكم..بدون علم اهلج..وركبتي سيارة اجره..لحاالج
كيف قدرتي..؟؟وحاارتكم مثل مااقلتي
نيران الحااله الي كنت فيهااا..خلتني ماشوف قدامي..وعتيقه اذا صممت على شي
تسويه ..وماهمها احد..تصور.ياعمي..تبي تزوجني ..شايب اكبرمن ابوي
بادي مافي شباب بالديره..وقفت على هالشايب..لا وانا عمج ..كل شي بالخناق
الا الزواج..بالاتفاق..ونظريتي بالحياة..يا تتزوج الي نحبه..ولا اتنم بلا زواج ارحم
ظهرت..ابتسامه رضى..وراحه على شفتيها..اخيراً لقيت الي يوقف بجانبي..ويفهمني
«-`¸`~*•.• ّ¤؛°`°؛¤ّ•.• ¦‡ سر الشوق ‡¦•.• ّ¤؛°`°؛¤ّ•.•*~`¸`-
مثل عادتها..تعبث بهاتف اختها..تقراء الرسائل ..وتتنقل بين مقاطع الفديو..وتستمع للاغاني
وجدت بين الاسماء..مزعج فرح..دفعها الفضول للاتصال..ومعرفه صاحب التسميه الغريبه
سمعت الصوت.وتعرفت على صاحبه..وبدأت اللعب
فقد كان مجرد عبث بسيط بعيد عن أعين الأهل.. كانت مطمئنة تماما إلى أن أمرها لا يعلم به أحد ؟؟
صغيرة..ساذجة..لم يكن يدور بخلدها أن الأمر سيؤول بها إلى..كارثه
اسندت رأسها للجدار..وقالت بخوف ان لقيت فرصه..بدق عليك..انت لاتتصل على هااارقم..فاااهم
علووي.. فااهم ياااقلبي فااهم.. مو طولين علي..مااقدر اصبر عن صوتج..احس اني تعودت عليج
ردت بدلع هههه..مااتبي تعرف أسمي؟؟
علوي موو ..مهم الاسم...من صوتج الناعم..النابض بالانوثه قدرت اتخيل شكلج
احنت رأسها لجهه اليمين..وأخذت تلعب بأطراف شعرها شلوون متخيل شكلي؟؟
علوي اقولج..وما تزعلين..يمكن ماااعرف اوصف
مطت شفتيها عااادي..ودي اعرف شلون متخيلني
علوي شووفي..اتخيلج.. بملامح غجريه...جميله..وسمااارج..يزيدج جماال..وشعرج
آآآآه..عذاب..ساايح..بسواد الليل...مثل مااأحبه بالضبط
احست بالدماء تتدفق..بوجنتيهاا(يخرب بيت أهلك..كانك عااارفني)ا
وضعت كفها على خدها هههه..علي..تبي تعرف..ليش تجرءت وكلمتك
علوي هههههه.. حبي(من اول مكالمه..صار يناديها حبي)جرائتج..هي سر اعجابي فيج
تدرين مشتاااق اعرف كل شي عنج..ادق تفااصيل حياتج..بس مابي اضغط عليج..براحتج
اغمضت عيناها.. ..وقالت بحاالميه
الي يسمعك يعطيك اكبر من عمرك بواايد..و
اكملت بهمس..وخووف علي..بسكر الحين..اختي تنااديني..اكلمك بعدين
أنهت المكالمه..وأرجعت الهاتف لمكاانه....انفتح باب الغرفه
وأطلت سمر نجووود..صاارلي سااعه أناادي ..ليش ماتردين
وقفت نجود ..وقالت وهي تحاول إخفاء ارتباكها هااا..ماسمعت
بهدوء..وبرود..اقتربت حتى بقي بينهم خطوة..وسألت .مااشفتي جوالي؟
فكرت للحظه..ونظرت حولها بقلق لاااء
كان شكلها..وسلوكها..يثيران الريبه..فدارت سمر حولها
وقالت بعصبيه كأنج..حرامي..ماااسكينه متلبس
ردت نجود..بسذاجه..أقرب إلى البلاهة احلف ؟..عشااان تصدقين ان جوالج مو عندي
وفجأة..رن هاتف سمر..فألتقطته نجود بسرعه..وناولته لسمر..بعد قرأت أسم المتصل
نجود..وهي تخطو..باتجه الباب نبيل ....آآآآه..يا حظج..بهالوسيم
أغلقت سمر الباب بقوة..وهي تحملق..بهاتفها..تبحث عن جواب
لأسئله..تلح عليها..وضعت الهاتف جانباً..وجلست على السرير
وتاهت الأفكار من رأسها...احست بحشرجه..وغصة..في حلقها
ابتلعت دموعها ..وشعرت بمرارتها..واخيراً ..أجابت بتردد الووو
نبيل بعصبيه افتحي البااب ..انا براا
سمر بخوف(جاك الموت..يا تارك الصلاة)برا وين؟؟
نبيل بملل عند بابكم
سمر بارتباك أتصل على ابوي..ولا احد من أخواني
شدد قبضته على هاتفه..وقال بعصبيه سمر...لااا تستفزيني أكثر..عقابج رح يكون شديد
سمر..وهي تلمس عنقها مكان اصابعه طييييب..برسلك محمد
نبيل باالحاح لااا.. افتحي البااب انتي..بنفسج
سيطر عليها الخوف..فتسحبت ..تجر قدميها..وفتحت الباب ..بهدوء وحذر
دخل نبيل..تسبقه رائحه عطره الجذاب..وقال بعصبيه انتي بصراحه يبي لج
طق على بطنك الين تعرفين ان الله حــق..تحسبيني بسكت عن الي قلتيه؟؟
على بالك انك قويه.. انا اشهد ان ماعندج سالفة
سكت قليلاً ..واكمل كانج قويه..حطي عينج بعيني..وقولي ..الي تبين
احنت سمر رأسها..والتزمت الصمت
نبيل عندج قدرة عجيبه على تحطيمي ..و إعادة تشكيلي من جديد
لكن ما راح تشعرين بإحساسي إلا إذا صرتي بمكاني
وإن غداً لناظره..لقريب..ومسح بكفه على خدها..وقال بتهكم
خلي ..المكابر..لأهله..يااا جوهرتي السوداء
وضع بين يديها..عدد قديم من مجله معروفه..ورحل
«-`¸`~*•.• ّ¤؛°`°؛¤ّ•.• ¦‡ سر الشوق ‡¦•.• ّ¤؛°`°؛¤ّ•.•*~`¸`-
خيبه الأمل التي تصيب .. بعض الرجال من وراء زوجاتهم
تدفع فئه منهم ليبحثوا عن ما يجبر نقص بيوتهم
تلك المشاعر الغائبه في البيت ..يبحث عنها خارجاً
بعضهم .. يسكتون في شبابهم لضعف ما
وما يلبثون الا ان تسنح لهم الفرصه ..وتموت المسببات.. او تختفي ..او تضعف
فينفضون غبار الماضي ويعلنون العصيان على الطاعه والرضوخ والرضى
ويبدأ التمرد واختيار الحياه دون قيود
ليبحث عن جمال الشكل .. الرائحه .. اللبس.. الجسد .. جميعهم .وأكثر. ولو كان ..كذب او تصنع
خرج..العريس..بعد ما تفاهم مع عتيقه..على المهر..والجهاز
وجميع طلبات العروسه..وامها واخواتها..مقابل..ان يتم الزواج..بسريه
لفترة قصيرة..الى ان ..يضبط اموره
ايمان..بحماس واااااو..يهبل ..يجنن..رزه..وتكانه..وسناعه
بيان من صج..شايب..بس مهتم بلبسه وشكله..حتى كرش ماااعنده
روان بطفش شايب كبر جدي..شيبي بالزواج وهوبها السن..يروح يموت احسن له
رزان هههههههه..خذيه..وبعدين يموت على راحته
إيمان اسمعي نصيحتي..وتزوجيه لا يطير من يدج
روان هذا فيه شده يمشي ..عشان يطير..رجل بالدنيا ورجل بالقبر
إيمان موو كبير لهاا درجه..سن الخمسين..سن العقل والثبات
تدخلت عتيقة وقالت رأيها بغضب الشايب الي مو عااجبج..على الموضه الي
طالعين فيها البنات..تعرس على شايب..وعنده فلوس
ومكون نفسه وبسكنها بيت وتستانس معه وتشتري كل اللي تتمناه
احسن من شاب توه بادي حياته .. بتصبر معه على الديون
(والاجارات ويبيله سنين لين ما يشتري بيت.. لا واذا شراه ..لينها عاد (تافله العافيه
إيمان..تأشر باصابعها الاربعه والاسلاام محلل ارب
روان ..بحيره ليه يتزوج ..وحده من عمر بنااته..مافي بينا اي توافق بالتفكير والميول والرغبات
عتيقه يمكن عشان يقهر حرمته..ويوريها انه شباب..وفيه قوة
مالت..ايمان لناحية ..روان..وهمست ههههه..(القوة.).مقدور عليهاا..دزيه (بلحبوب الزرقه)هههه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سر الشوق؛؛؛11
آه لو تدري بقلبي وش غلاك.... كان تسمح لي كثر ما أخطي عليك
كان تغفر لي كثر ما هم جاك مني..وكل همٍ راح يجيك
نعم أخطي !! ماني ملاك ..كيف ما أخطي ؟؟.. وأنا ..مجنون فيك
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™
في كثير من المجتمعات..يدور صراع بين الأباء والأبناء..بسبب
اختلاف في وجهات النظر..وخصوصاً البنات اللاتي يرغبن ببعض الحريه
فبعض الآباء لديهم خوف شديد ومبالغ فيه احياناً..بالنسبة لإعطاء
الفتاة حقوقاً أكثر ومجالاً أوسع لاكمال تعليمها..والعمل
او إتخاذ قراراتها بنفسها
ابو خالد.. بسبب خوفه على بناته..وحرصه على مصلحتهن
فرض مزيد من التشدد والسيطره..على البنات دون الاولاد
بحجه ان الشاب (شايل عيبه)..والفتاة للزوج وتربية الاطفال
وكأن الحساب يختلف امام الله عز وجل
بعد ان تخرجت سمرمن القسم الادبي..بامتياز ...كانت رغبتها
تتجه نحو دراسة الصحافه والاعلام لتحقق طموحها
بأن تصبح إعلاميه ..او كاتبه في إحدى الصحف المرموقه
وبسبب معارضة والدها الشديدة وأسلوبه السلطوي
منعها اصلاً من التسجيل بكلية الاعلام
تارة بقصد الخوف عليها من مخاطر هذه المهنة
وتارة أخرى مخافة ما سيقال عنها من قبل من يعرفونها
حدث رد فعل عكسي ادى إلى انفلات سمر
وبالسر عن أهلها..والتجائها إلى طريق الكذب
لتقع في اعمال تنافي.. معتقدات والدها
فهربت للكذب والخداع...مع انه سلوك ترفضه وبشده
فارسلت مقالات وخواطر..تحت اسم مستعار
لاكثر من مجله وصحيفه محليه
لم يبدر منها اي تصرف يخالف الدين..الا انها
كانت تشعر دائماً بالخوف ان يصل الخبر الى اذن والدها
فتتسب بمشكله تعرض حياتهم الاسريه للخطر
تصفحت العدد القديم من مجلتها المفضله ..متيقنه من دافع نبيل لاعطائها هذا المجله بالذات
ليس صدفه.أبداً...آكيد انه على علم بما تحويه؟؟
ياترى هو يعلم بكل خواطرها؟؟..ام هذه فقط
تنقلت بين الصفحات..بتوتر.. الى ان وصلت لصفحة فيها زاويه بعنوان ..الحضن الدافئ
خااطرة (الحب..وخيبه الامل)الجوهرة السمراء
*لنحلق في فضاء خيال شاعرة وتصويرها الرائع لـ "خيبتها" بمن ابتليت به
والذي خالفها الإهتمام وشذ عنها بالتأثر .. فأشارت له بجرحها المعنوي المميت
فقابلها بجرح حسي يظهر بُعد الإهتمام وقلة الإلتزام بنزعات الحب وتبعاته
ما أجبرها على أن تندفع ثائره متضجرة من هذه "الخيبة" حيث تقول
لي صاحبٍ منّه تبي تطلع الـروح
خبلٍ ومنهي مولعـه فيـه خبلـه
عامين أبين له مع الجد ومـزوح
وأقـول ياعنتـر تناديـك عبلـه
طال المدى ثم قلت أنا اغليك يالوح
مجروحةٍ جرح مخاطـره عجلـه
دنق وقال انا من العـام مجـروح
وأشر لجرحٍ مبطيٍ وسـط رجلـه
أن خيبة الأمل مؤلمة جدا ..ويمكن أن تتسبب ضربة قويه وجرح عميق
لكن الضربه إذا ما موتتك تقويك!!..والحمد لله
الخيبه التي اصبت بها( قوتني )كثير
هل صحيح ان الشخص يمكن معرفته
من : موبايله ، حذائه ، عطره ، شماغه ، كندورته ، ساعته ، .......... الــــــخ
وهل صحيح ان جمال المظهر..اهم من الجوهر؟؟
لانكر اني .. وقبل كل شي جذبني مظهره
لكن وبعد ان اقتربت منه وتعرفت على صفاته وتفاهته
واكتشفت اي نوع هو من اصحاب المظاهر المزيفه
مظهره فقط جميل اما مخبره وجوهره فعكس ذالك
هنا ..اصبت بخيبة .. وسقط من عيني جماله
مافي شك ان الاثنين مكملين بعض إنما الجوهر يغني عن المظهر
ممكن ان نحب انسان مظهره بشع و يملك قلب طيب
مستحيل نحب انسان قمر زمانه اذا كان هالانسان تافه وعقله صغير
يعني ..تصوروا بيت من ورق برأيكم ممكن يصمد امام نسمة هواء؟؟
هذا البيت مثل الانسان صاحب المظهر الجميل ولا شي بالداخل*
خفق قلبها بشده...حين تذكرت ..احساسها بالحب..والقلق والخيبه
بدايةً ابهرها وشغل بالها ..بجماله واناقته..وجاذبيته
ثم صدمها .. صمته ..وازعجتها نظراته الحاده..وحذره الشديد بكل كلمه يقولها
حتى صارت على وشك الانفجار من شعورها بالاحباط..وانعدام الثقه بذاتها
بالوقت الذي كانت فيه بحاجه لكلمات اعجاب ..او نظرة حب منه
فسرت اعتماده للصمت..ضعف بشخصيته..ولما طال صمته..اعتقدت انه تااافه
تقبله لاساءتها..وصبره على سخطها..فاق كل توقعاتها
الى ان وصلت لقناعه..عدم قدرتهاعلى الاستمرار
لم تناقش ما تحس به مع والديها..وفضلت تجاهل
مشاعرها بهدف نسيانها..وضغطت على نفسها كثيراً
حتى لا تخرج ما بداخلها من حزن
لم يستيطع احد أن يعرف مدى إيلام الصدمة العاطفية التي تعرضت لها
صارحت سعاد وهند وفرح..بمدى تأثرها وبمدى خيبتها
تعودت أن تكون مسيطره على عواطفها ..وكان تصرفها محرج لاسرتها
ومنهكا جداً..لها
وجدت نفسها..تسرد مشاعرها على اسطر وأوراق
بكلمات وأفكار من داخل رأسها
كل ذلك كان شيئاً رائع..الا ان صوت بداخلها..يدعوها لنشره
حتى تصل مشاعرها وصراعاتها للنور..وتحقق ما تطمح اليه
قطع افكارها صوت اختها هند سمااره..هيييييه..وين وصلتي ؟؟
سمر هااا..هند.تبين شي؟
هند شفيج متضايقه ؟
وقبل ان تسمع الرد..انتبهت للمجله بيد سمر ارسلتي شي يديد للمجله؟
سحبت المجله من سمر.. عن شنو كااتبه هالمره ؟..يالخبله
سمر مالخبله الا انتي..هاذا عدد قديم يايبه نبيل وقطه بويهي
هند ههههه..وآكيد قط وياها كم كلمه
سمر..بغضب التااافه ..السخيف..يحسب بتصرفاته ذي بيخوفني
هند حبيبتي..انتي فااهمته غلط..هو يبيج تحبينه مو تخافين منه
اشرت سمر بيديها في الهواء اقوول فكيناا..وفاارقي للمطبخ
وقبل ان تخرج ناادتها هنووود..من يعرف غيرنا اني اكتب لهذي المجله
هند انا وانتي وسعاد وفرح وطبعاً سعد بس
سمر يعني .. مااقلتي حق احد غير
هند بارتباك واضح احد زي منووو..اصلاً انااا وين اشووف آحد
صرخت سمربعصبيه عارفه شنو قصدي..لاا تستهبلين..
عيل نبيل من وين عرف
هند ترد بصوت اعلى كم مره حذرتج..لكن ماااطعتيني
الحين لو ابوي او اخواني عرفو..علميني شلون بتتصرفين
سمر منووو بيقول لهم..؟؟
هند بهدوء تكفين...لااتعاندين..اكيد سرج بينكشف مستحيل تضلين
مستغفلتهم طول هاالمده
بعدين شدراج !!يمكن نبيل غير عن
ابوي ويسمح ..تكملين دراستج..وتشتغلين باالاعلام والصحافه
سمر..بحزن وانكسار .هه.. وهو بالصورة ذي
مستحيل يتحقق حلمي..ورمت براسها على المخده..اوووف
دخلت ام خالد كل هااذي اووف..شفيج انتي بعد؟
هند لييييش..في غيرهاا يتآآفف بها البيت
ام خالد شبيهتهاا ..نجوود العله..عورت راسي بحنتهااا
الا تبي جوال
سمر ياااسلاااام!! انا ما صارعندي جوال الا بعد ماا توظفت..وبطلوع الروح
ونجووودو ..تبي جوال وهي مااخلصت متوسط..تحلم
هند وابوي وشقااال؟؟..اكيد صومعهااا
ام خالد هههه... بييب لها الي تبيه من السفر
هند وسمر مستغربين غريبه!!؟
ام خالد لحقي انتي ويااها الي تبي شي
تروح تطلب منه..ادامه رايق
خرجت هند مسرعه..اما سمر فتنهدت وهي تقول يمه... نجود شتبي بالجوال
اذا بتكلم وحده من صديقاتها ..عندها التلفون الثابت..ترى الي بسنها
ماايصلح لهم الجوال
ام خالد على قولتهاكل صديقاتها عندهم ..وهي موب اقل منهم
علبالها جواد العلي يصير لنا من صج..كذبت الكذبه وصدقتها
سمر طارق العلي ويخب عليها..
ماااتعرفينها يمه؟؟..تتمسكن ليما تتمكن..تراها تقول جذي
تبي تكسر خاااطركم..وتلبون طلباتها
ام خالد كلكم مريتو بهالمرحله..وانتي بالذات تزعلين
لما كنانحرمج من اي شي تبينه
سمر طفشتوني من كثر مااتشبهونها فيني..زمانا غير زمانهم
حضرتي متفهمه ان معاملتكم نابعه من محافظتكم وحبكم لنا
عكس نجود الي تشوفه تسلط وحرمان
ام خالد مصيرها بتعرف ان الي نسويه كله لمصلحتها
سمر لا تنسين يمه.. انا وهند كانت صداقاتنا محدوده
فرح وسعاد وكم بنت من العايله..اما الاخت
نجود.. كل يوم لها صديقه..عسى ماا سألها عن بنت
الا قالت صديقتي
ام خالد وزود بعد..مصاحبه ايمانو ..ياخوفي تتأثر و تسوي مثلها
سمر عشان جذي يمه.. خل اقولج شغله مهمه..
ممكن تعطونها حرية بمساحة ورقابة معقولة
يعني ,,امسكي العصا من النص
بهذه اللحظة دخلت عليهم نجود وهي تتمايل وتردد
احبك كلمة تنفينى تصبحنى وتمسينى
سرت فى ظلمة ضلوعى تنور كل مافينى
احبك اه احبك
تخرج ورقه ماليه من جيب بنطالها الجنز وتلوح بها لسمر..وتقول
الله يطول لنا بعمر الوالد..ويكثر سفراته
ام خالد اشوف !!عطاج الفلوس الي تبينها؟؟
نجود والباقي بيعطيني اياه بكره والجوال وعدني ييبه لي من السفر
اقووول يمه..ابوي وين مساافر
ام خالد ماادري عنه...للحين مااحددو..اهم شي يشم هوا..ويرتاح
وتمد يدها لنجود..هاتي الفلوس اخشها عندي لا تضيع
نجود عشان ماشوفها طول عمري..خلها عندي اخشها بمعرفتي احسن
واقتربت من سمر..واكملت وهي تضحك
ساعة تنبض بقلبى وساعة تشرق بعينى
وساعة من كثر شوقى تضحكنى وتبكينى
احبك آآآآآه احبك
مسكت ام خالد يد ابنتها سمر متى تبينا نبدا نجهز ..ترى مافي وقت
ابتسمت ام خالد ..لكن وجه سمر مازال منكمشاً
ورمت راسها من جديد على الوسادة
بلعت ام خالد ريقها ..وقالت بعد تردد واضح تحبين واحد غير نبيل!!!؟؟
صدمت سمر من كلام والدتها..وردت بدون تفكير
وهي تضع اصبعها على صدرها
انااااا؟؟؟
وسألت بدهشه ليش تقولين جذي يمه؟؟ من وين لج هالفكرة الغريبه؟؟
ام خالد صدقيني..انا اكثر وحدة حاسه فيج..ومن زمان ودي اصارحج
لكني ترددت لاني مو متأكده زين..ولانج تربيتي
وواثقه في تصرفاتج..بس مو قادره افسر كرهج ورفضج لنبيل
سمر بنبرة حزن واضحة مو قادرة أحبه !!!! ... مع أنه وربي وربي
مافي أحد في بالي غيره ولا لي أي علاقات..سابقه مع اي احد
ام خالد شوفي حبيبتي..انتي مو مغصوبه..ولا حد منا طقج
عشان توافقين على نبيل..كان عندج فترة طويله..ليش مااتكلمتي فيها
سمر بنبرة حزن مو قادره احس
بإمكانية وجود أي حب بينا حتى لو بعد الزواج
وانا ساكته طول هاالمده..على امل انه يمل
ويشوف له وحده ثانيه تنااسبه
ام خالد والله اني ادعي لج في كل صلاة ان ربي يسخركم لبعض..ويجمع
قلوبكم بالحب..ويوفقكم
سمر باصرار موووب متقبلته... انا وياه مانصلح لبعض
ام خالد بحسره الله رزقج بزوج ماكو مثله..يااخوفي بكره لي خسرتيه
تموتين من الحسره
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™
في طريق العوده..ام الخير تميل برأسها لجهة زوجها وتهمس ببضع كلمات
ويرد عليها بهمس كذلك.وتطول الهمسات..ويزيد توتر فرح
تلتفت ام الخير لفرح وتقول الحين بنوقف عند المغسله..هاتي اللحاف
ينزله بشير غسيل وكوي مستعجل
فرح بخجل ماله داعي..اذا رحت البيت بنفسي اغسله واجففه
ام الخير هاا..هذي المغسله..وقف بشير يعلني قبلك
مدت يدها باللحاف وهي محرجه تعبناك ويانا ياعم
بشير ماهنا تعب ولا شي..نعين ونعاون
وبعد نزول بشير.. سألت فرح مافي اخبار عن الوالد
ام الخير وباختصار ما شي يديد..ولا جان علمتج
ماتزال فرح تشعر بثقل رأسها..خطت مسرعه
لداخل البيت بعد ان وجدت الباب موارب
ولتخفف من توترها..سمت..وذكرت دعاء الدخول..بصوت مسموع
نزعت عبائتها..وتوجهت لغرفه نورة متلهفه للقاءوالدتها .. طرقت الباب بخفه
السلااام عليكم...يماااه وينج؟؟
نوره تجلس متربعه على (المصلاة)..وتغطي وجهها برداء الصلاة
صوت بكائها جعل فرح تحس بقسوة الالم وتأنيب الضمير
وجدت نفسها ترتمي عند قدمي والدتها وتقبلها..لتخفف من شعورها
بالذنب يمااا..سااامحيني ..ماكان قصدي اتسبب بحزنج
مسكت نوره فرح من كتفيها ورفعتها وقد زادت حده بكائها
فرح..يمه..ماابي افقدج مره ثانيه..كفايه.. مارح اتحمل فراقج
مستعده اتنازل عن قلبي ونور عيني..بس ..لاااا
ام الخير تمسح دموعها ..وتقدمت ببطء من نورة
انحنت لتمسح على رأسها فديتج...بطلي عيونج زين
فرح هاذهي تحت نظرج..زي ما وعدتج رجعت ساالمه
نوره تمسح دموعها ليش يصير فينا جذي..اكيد عقووبه
ام الخير هااو يا حافظ.. ليش عقوبه...بالعكس كل الي سويناه من
مصلحتهااا..وحفاظاً على حياتها
اكملت ام الخير لما شعرت بفرح تنظر لهما باستغراب
شلون راسج الحين..خف الصداع..ولا نروح الطبيب
نوره الصداع كل ماله ويزيد...وهالمره احسه من قمة راسي
تمسك ام الخير يد اختها لتساعدها على الوقوف
قوومي المركز الصحي..وبالمره تسلمين على رفيقتج الأوليه .. السيلانيه
وهمست بصوت خفيض ..ونتفاهم معها
نهضت نوره بثقل واضح اتكأت على عضد فرح
احضرت لها ام الخير عبائتها ووضعتها على راسها
فرح احس فيني النوم..اذا رجعتو صحوني عشان اتطمن عليج يمه
نوره نوم العوافي..بس عطيني مفتاحج.. لان مفتاحي عند فواز الله ينصره
وضعت فرح كفها على جبينها.. يووو..شنطتي بسياره
السواق حسبي الله عليه..وفيها الجوال والمفتاح
طمنتها ام الخير السياره بلي فيها عند الـ سالم..اكيد رح يعرفون انها لج
ويرسلونها مع بشير
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك