رواية سر الشوق - 11
فرح احس فيني النوم..اذا رجعتو صحوني عشان اتطمن عليج يمه
نوره نوم العوافي..بس عطيني مفتاحج.. لان مفتاحي عند فواز الله ينصره
وضعت فرح كفها على جبينها.. يووو..شنطتي بسياره
السواق حسبي الله عليه..وفيها الجوال والمفتاح
طمنتها ام الخير السياره بلي فيها عند الـ سالم..اكيد رح يعرفون انها لج
ويرسلونها مع بشير
نوره عيل بنخلي الباب مردود..وقفلي باب غرفتج عليج
ام الخير لا وش نخليي الباب مردود..وهالعمال تارسين الشارع
فرح خلاص يمه .. روحو وانا بنطركم..مو نايمه لين ترجعون
نوره كلها نص سااعه ..مارح نطول..في امان الله
تحممت ..ولبست بجامه من القطن الثقيل باللونين
الازرق والرمادي
وقفت امام المرآه لتجفف شعرها..وماا ان اغلقت المجفف
سمعت صوت شي يرتطم بشباك غرفتها..فرفعت شعرها بسرعه
ووقفت على سريرها ..(تحت النافذه)وبحذر شديد
ازاحت الستارة الورديه من الطرف..وابتسمت
كانت سمر تجلس على حافه شباك غرفتهم..وتمسك
بعض (الحصى) لتقذفها على شباك غرفة فرح المقاابل لها
لا يفصلهم سوى جدار مشترك..لم يرفعه فواز مثل باقي
السور.. لثقته الكبيرة بجيرانه..وتلبية لطلب من فرح
فتحت فرح النافذه..فصرخت سمر بعتب يااا البايخه..ليش ماتردين
على تلفونج من سااع ادق..ولا معبرتني
ردت فرح بابتسامه مرهقه وصوت متعب جوالي موب عندي
اشرت سمر بيدها اليسار وخري شوي
خلال ثواني..كانت سمر على سرير فرح تضحك
هههههه..من زمااان عن هالحركه
فرح خطييييره سموره..تذكرين آخر مرة شصاار
سمر تفرك وركها آآآح..للحين قرصة خاله مرزوقه معلمه بذاكرتي
فرح احمدي ربج بس قرصه..سعاد الي كلت الطيحه والضرب
سمر و الهوشه الي خذيتها من ابوي هذاك اليوم عن مية جلده
ومع ان الي سوينااه عشانج..ماجااج ولا حتى كف
فرح..ترفع حاجب لما قلت تعاالو عندي ..توقعتكم تيون
مثل الناس من الباب مو من الشباك..لا اا وبعد
مخليه سعاد تسوي سواتج..سعااد هالبنوته الحساسه الناعمه
تشجح الطوفه...وين عقلج يااشيخه
سمر الي اذكره .. كنا في إجازه ..وعقلي كان مآآخذ إجازه وياي
فرح هههههه..كان وما زال
سمر تسلملي هالضحكه..شرايج نروح لسعااد..من زمان عنها
فرح خليهاا بكره..الحين امي موب هني..ولاعندي مفتاح للبيت
سمر وين مفتاحج؟؟
فرح موب عندي
سمر شسالفتج اليوم..لا جوال ولاا مفتاح؟؟اصلاً
من شفت سلة الورد عندج بالمدرسه..وحاسه ان فيها سر
فرح ولاا سر ولا شي.. الساااالفه وماا فيها أن........وحكت لها من بدايه
لقائها الغريب بياااسر
سمر آآآهاا..يعني مثل الافلام..حب من اول نظره
فرح مثل هالحب..نسمع عنه بالقصص الخياليه بس
بلا اول نظره بلا بطيخ..هالكلمة امسحيها من قااموس الواقع
سمر بيأس صحيح ..في ناس لما نشوفهم نحبهم
بس لما يتكلمون..نقول ياليت مااتكلمو
فرح بغض النظر ..عن الحب والنظره الاولى
مايصير نحكم على الشخص او نثق فيه الا عقب ما نتعامل معه
ظهرت ابتسامه على طرف شفتي سمر سوأل يطرح نفسه الأن
لو تقدم لج ياسر من جد..توافقين؟؟
رفعت فرح انفها بشموخ ودي ارتبط بأنسان يحمل
قيم ومباديء ..يحبني لشخصي..مو لشكلي
واتمنى يكون مثل ابووي..مثالي
سمر رحنا وطي..ياااسر وييين والعم فواز وييين
اقول لج شي قبل ماارجع غرفتي..تباادلين؟؟
فرح اممممم..لو نبيل موافق ..ماعندي مانع
ومسكت سمر من يدها مايصير تروحين وانا ماااضيفتج
في المطبخ.. رن جرس الباب وفرح مشغوله بصنع كوبين من الموكا
فرح آكيد هاذي امي وخالتي
سمر خلج ..انا بفتح
دخلت سمر ابله فرح..عندج ضيووف
التفتت فرح لتجد سمر تحمل سلة الورد بيد وحقيبتها بيد ها الاخرى
وظهرت من خلفها..ناهد
بعد ثلاثه ايام من التحقيق ..واتخاذ الاجراءات اللازمه
وصل به الاجهاد والاعياء لدرجه خطيره...فلا سنه ولا صحته تتحملان
المعامله( السيئه)..التي اتخذت معه؟؟
مما اضطر الشرطه للذهاب به الى المستشفى..فجرى الكشف عليه
ووجد الطبيب ان حالته خطيره.. فقد تجمع صديد كثير على رئتيه..لذا
قاام بعمل اللازم من النااحيه الطبيه..بأن اجرى له عملية لتركيب
انبوب في صدره حتى يخرج الصديد من صدره..ولما كانت حالته خطيره جداً
فقد كتب الطبيب تقريراً عن حالته,,وامر بتحويله الى مستشفى مختص
بعلاج مثل تلك الحاالات..الا أن مندوب الشرطه رفض التحويل
الا بعد استئذان الجهات المختصه..لانه مسجون
فتم اعادة فواز للزنزانته..وهو بهذا الانبوب..لحين اتمام الاجراءت
لتحويله...فسااءت حالته خلال ساعات الانتظار
ولفظ انفاسه الاخيره..لعدم تعهده بالعلااج في حينه
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™
احضر المربيه..الفلبينيه من المطار..وشرح لها
طبيعة العمل المطلوب منها..وبعض التعليمات
دخل غرفته لينام..على امل انه في الغد سيحضر معن
ويخفف عن والدته العبء الذي تحملته بسببه
اخذ حماما بارد... ثم دفن جسمه تحت الاغطيه استعداد
لنوم هاديء...ازعجه صوت جرس الباب
فنهض بعد تردد...وهو يلوم نفسه لاختياره هذة النغمه
المرتفعه للجرس..شد حزام المئز الثقيل والذي يصل
لتحت الركبه بقليل..وفتح الباب ...ليجد امامه.. شخص لم يتوقع زيارته
عادل بتوجس خالي ..!!؟؟
رد وهو يمد يده اليمين السلام عليكم..عساك مو نابم من هالحزه؟
صافح عادل خاله وقبل رأسه
ثم تنحى جانبا ليتقدم الخال ويدخل وعليكم السلااااام..تفضل
البيت بيتك..ياهلا والله بالخال
محمد..بعد ان جلس كنت في زيارة عمل للشيخ سالم..ولما خلصت
لقيت نفسي قريب من هني ..فقلت امرك ...واكلمك بـ
قاطعه عادل عن اذنك ..اجيب نظارتي من الغرفه
دخل غرفته ..غير ملابسه ثم لبس نظارته
وطرق باب غرفة المربيه..ففتحت له يعلو وجهها اثار النوم
عادل آآآم سوري..بريج سم فرش جوس تو جيوست
المربيه ناني اوكي سييير..اني ثينك ايلز
عادل نووو..ثانكس ناني
رجع وجلس بجانب خاله ماشاء الله عليك يا خالي
متى رجعت من نيوزلندا؟؟
محمد هه هه..رجعت منها قبل اسبوع على ايطاليا..وقبل يومين
وصلت لجده..واليوم الصبح رجعت للشرقيه
عادل الله يعطيك العافيه.. عسى انهيت اشغالك
محمد الشغل مايخلص وانا خالك!!؟؟
بعد يومين عندي صفقه مع شركه يابانيه...ولازم اكون متواجد
عشان يتم الاتفلق على التفاصيل المهمه
عادل الله يعينك..ماقررت ترتاح..او تعين شخص تثق فيه
يساعدك ..ويشيل عنك
محمد بلهجه حاده مايشيل الرجال الا ولده الي من صلبه..!!؟؟
تفاجأ بنبرة خاله الحاده..وقال يجامله البركه ببشرى..ان شاء الله
تترس لكم البيت أولاد وبنات
محمد بس مهما كان ابي لي ولد يشيل اسمي بعد
ما تغمض عيني..بخلي كل هالفلوس حق منو؟؟
عادل (شكله الخال يبي يتزوج)الله يطول لنا بعمرك
دخلت ناني تحمل العصير..اعتدل محمد بجلسته
وقال وهو يتناول الكأس هااذي خادمه؟؟
عادل(عيل شنو) لااا..مربيه..توها واصله اليوم
محمد يهز راسه الحييين ام عيون ممغوطه بتربي ولدك..احسن من امك؟؟
عادل بخجل لااا ..موو الفكره
قاطعه بحدة شديده انت ماعندك نظر..مااتشوف سلسال الصليب
الي معلقته على صدرها..وتبيها تربي ولدك
موو كافي ان امه ــــــــ
خجل عادل من كلام خاله..فنكس رأسه
محمد بهدوء المهم.. كنت جاي لك بموضوع ثاااني
عادل تآمر آمر يالخال
رفع محمد ذقنه ..وركز عيناه بوجه عادل وقال بأسلوب آمر
ابيك تتزوج بشرى
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™
تشعر بالوهن و ترتعش من الحراره اغمضت عيناها
فتحررت دمعات مالحه على جانبي وجهها
لم تستطيع مقاومه غيبوبه النوم..فغابت عن عالمها
وجدت نفسها تسبح بين غيوم من لهب..وجبال تفورحمم
الا ان صراخ صغيرتها..اخرجها من اللظى
بصعوبه بالغة استطاعت رفع جفنيها..لتكشف عن عينين
ذابلتين..ممتلئتين بالدموع
عاودت الصغيرة الصراخ..واشتدت رفساتها داخل مهدها
نادت سعاد بصوت مرتجف يمااااه
رفعت عنها الغطاء بتأني وحذر شديد وهي تئن تحت وطأة الالم
تقلصت ملامحها مع زيادة الوجع..حملت الصغيرة
التي سكن صراخها..وراحت تحرك وجهها بفم مفتوح
تبحث عن غذائها..ارخت سعاد الصغيرة بحضنها
ومدت كفها من فتحة الصدر..واخرجت ثديها وادنته من الصغيره
التى اقبلت على الرضاعه بنهم
تأملت سعاد ملامح صغيرتها الجميله ..وراحت تمرر اصابعها
على خدها الغض...فأنسكبت دموع..وتبعتها شهقات
تمالكت نفسها..وبلعت لعابها المر..ثم طبعت قبلة على جبين
صغيرتها..ووضعتها بعنايه في مهدها
القت جسمها المتهالك على السرير..وطبقات الحرارة تزيد
مع الالم..ثم غرقت في بحر عمييييق..ليس له قرار..!!؟؟
أفاقت على يد قويه..تربت على وجنتيها
سعااد..سعاد..حبيبتي قومي..شصار لج
حاولت رفع جفنيها..وتشبثت بيد والدها ..وهذت
بكلمات شوق مؤثرة..ثم شهقت بعبارة حزن..خالد!!؟؟
تسمع صوت والدتها متوتر شكلها تهذي من الحرارة..يمكن حمى النفاس
بسرعه ودها الاسعاف..لا تروح البنت من بين يدينا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سر الشوق ؛؛؛12
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™
استقبلن اختهن بكثير من الصراخ..وسيل من الاحضان والقبل
نيران ماكنت اتوقع انكم بتوحشووني هالكثر
بيان صج فعلتج تسود الويه..لكني ..اييييييي
داست نيران على قدم بيان (تبي عمي يشوف فضايحنا) وهمست لها
اسكتي يالغبيه
بادي بصوت جاد بنات !!تدرون بشنو اخطت نيران؟؟
اخطت بانها تهربت من مشاكلها..وفضلت الهروب على
مواجهة امها بالحقيقه..وكان من المفروض يكون عندها
ثقه اكبر بنفسها ..وتدافع عن حقوقها كإنسانه لها كيان ورأي
وقفت نيران على اطراف اصابعها..وقبلت رأس بادي
الله لا يحرمنا منك(يانصير الحريه
اخرج بادي من محفظته (اوراق نقديه)..واعطاها
نيران..اطلبي لخواتج عشا من اي مطعم
انا رايح..دقي علي اذا خلصتو..اوكيه
رازان شنوو..يعني ماراح تنامين هني..هذي بس زياره
وبتردين ؟؟
نيران تمسك كف بادي بعد ماأكتشفت ان عمي مو مثل
ماصورته لنا عتيقه..مستحيل ارجع واعيش مع عتيقه ..بالذل والمهانه
وضع بادي كفه على كف نيران وابتسم بلطف
يمكن امج عندها اسباب تدفعها لكرهي..وعشان كذا
تحاول تبعدنا عن بعض
ورفع حاجبه بتحدي رح اسوي الي من زمان مفروض اسويه
خصوصاً وانا اشوفكم كبرتو..وما عدتو بحاجتها
نظر لايمان بجديه مختلفه..وقد تغيرت نبرة صوته والااا ..انا غلطآآن
( لاحظ انها مو سعيده بحضوره مثل باقي خواتها)
تجمدت إيمان بمكانها وهي تنظر لأظافرها المصبوغه على الطريقه الفرنسيه
بيان بحماس وااو..يعني مو متضايق من نيران
هز رأسه بالنفي بالعكس..فرحان لانها تصرفت صح
واتمنى انكم تفكرون مثلهاولا تنسون ان بيت
عمكم مفتوح لكم ..باي وقت..بس عطوني فرصه اخلص بعض
الآمور
رفعت إيمان رأسها..وقالت وهي ترتجف يمكن.. ماانبي نترك بيتنا
تجاهلها..ومشى دون ان يلتفت لا تنسين يا نيران.. دقي علي
ايمان ..بعد خروج بادي مباااشرة اووووف..مرة ثانيه لا تيبنه وياج
نيران لا يا حلوة..ترى كلكم بترجعون معاي
ايمان(تتخصر) نعم !!نعم!!..مو بكيفج...عن نفسي مآآبي اترك هني
نيران شعاجبج في هني..بلاج ما شفتي الفيلا..وربي قصر
قصر!!..تعرفين يعني شنو قصر!!..وكل وحده فيكم بتكون برنسيسه
والخدم والحشم حواليهاااا
ايمان مآآبي ابتعد عن خلودي
نيران بصراحه .. قلت لعمي عن حبج لخالد
وقالي لا زم يشوفه ويتكلم وياه..واذا شاف انه يناسبج
مستعد يساعدكم عشان تتزوجون
ايمان ..غير مصدقه قووولي والله..!!؟؟
نيران ببساطه والله ..سمعو كلامي..عمي انسان متحضر وفري وايد
روان ياليت عمي ما يتدخل ولايمنع زواجي من ابو خالد
نيران بألم سامحيني ..انا الي حطيتج بها الموقف
نزلت روان رأسها لا حبيبتي... عاذرتج والله
بعدين انسحابج هو سبب السعادة الي انا فيها
نيران تعرفين..لو اي واحد غير حامد..ماعندي مانع
لكن هااااشخص بالذات ..انتو عارفين ليش رافضته
إيمان طبعاً عاااارفين...ماتقدرين تاخذين
الابو..وانتي تحبين الولد..خصوصا انه رح يكون
قريب منج وتشوفين خيبتج كل ما شفتيه
وهو ما يدري عن شعورج ناحيته
(شبيصير فيج لو دريتي ان امه تبي تزوجه بنت اخوها)
اكملت بمرح خلووونا من هالسالفة..وقولو
شلون بنطلب عشاا..وعتيقه مقفله عل التلفون
وحتى الجازي المطراش..ماخذتها معاها
(في بعض المرات يرسلونها تكلم من تلفون البقاله)
نيران تمد يدها داخل حقيبتها لا تحااتون...من اي مطعم تبوووني اطلب لكم
روان ..تتفحص الجهاز اووووه ..جوال ..وبكامرتين..وش هالعز
الي انتي فيه يااوخيتي؟؟
التقطت ايمان الجهاز من روان لاااااا شكلي بغير رايي بعمي باادي
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™
في قاااعه كبيرة وفخمة...جلست عتيقه..تردد كلمات الاغنيه مع الفنانه
وتهز كتفيها بطرب .. وتنقر بأناملها على سطح الطاوله
مع نغمات الاورغ
حملت هاتفها الذي كان يهتز امامها..معلناً
عن وصول مكالمة
تجمدت اوصالها..وانزوت بركن بعيد
ثم ردت وهي تضع اصبعها السبابه على جبينها
سم طآآآآل عمرك
جأها صوته ..قوي ومتسلط شصار بالموضوع الي كلفتج فيه
عتيقه طآل عمرك ..مآقدرت اسوي شي
لازم آثر منها..او صوره على الاقل
نفذ صبره آآآوووه..من وين نجيب آثرها ..وحنا مآنعرف وينها
عتيييقه..دبري عمرج بأسرع وقت
عتيقه بتردد عندي أقتراح ..طآل عمرك
صمت للحظات..ثم قال بهدوء قولي الي عندج
عتيقه بما ان الوالده ...الله يشفيها ..ويطول لنا بعمرها
مآآتعرف شوق ..ولا قط شااافتها
ممكن نتفق مع اي وحدة تمثل دورها..مقابل مبلغ بسيط
صمت للمرة الثانيه..للتفكير
رد بعدها زيييين عندج وحدة جااهزه
لمعت عيناها بمكر عطني كم يوم ..وانا أظبط الامور
وآرد عليك
لم تستطع مواصلة السهرة..بعد انهاء المكالمه
فأتصلت بسائق لموزين تتعامل معه ..ليوصلها للبيت
سحبت يد الجازي من على منصة الرقص..وخرجت معها
وعلى غير عادتها..وصلت قبل موعدها المتوقع بكثير
لتجد نيران..تتناول وجبة ضخمه مع خواتها..بكل راحه وانبساط
رفعت عتيقه حاجبها بسخريه هااا ..اشوفج رجعتي
يعني غيرتي رايج..وعرفتي قيمة البيت الي ضافج انتي وخواتج
وضعت نيران علبه الكولا التي كانت تشربها على الطاولة
ثم نظرت لساعتها..واجبرت نفسها على الابتسام
ياااه..تأخرت..لازم اتصل على عمي يجي يأخذني
زي مااوعدته
انطلقت عبارات السخريه والشتم من عتيقه بغير حسااب يالباااره ..يالي مافيج خير
ياناكره المعروف...ياااااا بنت الـــ
..ياااا
ومدت يدها تشير للباب اطلععي من بيتي..مآآبي اشوف رقعه ويهج..ياالــ
مشت نيران متجه للباب..وهي تضع هاتفها النقال على اذنها
عتيقة بحنق تدريين..لو ابيج ..جاان خليتج تقعدين غصباً عن باادي
وبطريقتي الخاااصه..
اضافت وهي تقترب من روان
لكن هااذي عندي تسواج وتسوى عمج ..ياااالـ
وببرود متصنع..اخرجت مفتاح غرفتها من الحقيبه الجلديه المعلقه بكتفها
واستدارت لتفتح الغرفه.. وتخطو لداخلها ثم تقفلها خلفهااا
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™
استغلت غياب سمر..وانشغال امها وهند بالمطبخ
فتسللت للغرفه..اختطفت مكالمه سريعه..تروي بها عطشها
للحرام..وتلهفها لسماع كلمات الاعجاب والغزل
نجود هلا حبيبي..تأخرت عليك موو
علوي .. حبيبتي ..حرارتي وصلت 45 وبغيت اموت من شوقي لج
نجود ههه وليش ماااامت للحين
علوي بطفش اووف
نجود شفيك..زعلت
علوي لاا..بس طفشاان حدي
نجود طيييب العب سوني(تحسبه اخوها محمد..اذا طفش لعب سوني او كوره
علوي اش رايج تظيفيني عندج ..ونتكلم عل المسنجر
نجود..تكذب لاااا ..ابوي مايرضى
علوي والا حتى شاتنج
نجود بارتباك لا ..لااا..خلها بعدين..كمبيوترنا عطلان
علوي ببرود طيييب !!بكيفج
حاولت تغير مجرى الحديث حبيبي .. عندي لك سؤال محرج
علوي (وش هالبلشه)اسئلي انا كلي لج
نجود انت تكلم بنات؟؟
علوي هههههه..اوووه كثير
بس حااالياً وحدة بس..مآآخذه كل تفكيري
رجعت تسأل بفضول منهي هالوحده..يابختها
علوي بمكر تبين تاخذين اعتراف صريح مني ..وبعدين تهدديني فيه
ضحك الاثنين بسعاده
نجود عندي لك مفجأة
علوي تكفين..احب المفجأت
نجود اذا قلت..شلون تصير مفجأة
علووي صح..عيل الله يصبرني..متى اشوفج
نجود بأستغراب لييش تشوفني؟؟
علوي عشان تعطيني المفجأة
انفجرت نجود بالضحك هههههه..المفجأة الي عندي
تنسمع ماااتنشاف
علوي يعني بتغنين لي..ولا بتسمعيني شي
نجود لاااا ..بس اذا تبيني اغني لك ..انا حااضره
ورقتت صوتها وهي تغني بطرب
يا أحلاهم..
تلفت صوبي وطالع فيا يا محبوبي يا أحلاهم
ولا عامل حالك مو سامعني يا أحلاهم
أدري إنك تدري أني ميت فيك
وأدري إنك تدري أني ذايب فيك
خف شويه وطالع فيا ياللي تدري أني أعنيك
تلفت صوبي وطالع فيا يا محبوبي
قاطعها شمعنا هالغنيه بالذات
نجود عشان كلماتها حلوة
علوي وانا بعد احبها
نجود الكلمات ..ولا الفنانه وعد
علوي احب السمر عموماً..وامنيه حياتي اتزوج وحدة سمرااا
اكملت نجود مقطع الاغني
ه
لا تمثــل يـا حياتـــي ان بالـك مــو معــاي
ويا أصحـابك تسولف يعني مو سامع نداي
خافت عندما سمعت صوت امها ..وانهت المكالمة
قبل ان تنهي الاغنيه
اما علي..فوضع هاتفه بين يديه
وقال متوعداً هيييين يا نجوووود.. بديتي لعبه
ولاازم تنهينهااا
وزاد من سرعة سيارته...باتجاة المجمعات والاسواق..يبحث
هناك...عن صيده دسمه
اما نجود..توجهت لهند وسألتها شمعنى شاتنج
هند يعني دردشة يدخلون عليها السخيفين
والتافهين ويسالفون مع قليلات الأدب السخيفات
( لازم اقوله لا يدخل ..أغار عليه)
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™
لابد أن يفهم الطفل.. ويقال له جسمك شيء خاص بك
وخاصة الأجزاء التي تغطى بالملابس الداخلية سواء كنت ولداً أم بنتا
إذا طلب منك أحد أو تحايل عليك ليجعلك ترضى
بأن يلمس أو يرى أو يصور هذه الأجزاء من جسدك
فإنه يعتدي عليك جنسياً،وإذا طلب منك أحد
أن تلمس أنت أو ترى هذه الأجزاء أو صورها
فهذا أيضاً يعني أنه يعتدي عليك جنسياً
ولكن أحياناً يحتاج طبيبك أن يلمس
أعضاءك الخاصة لغرض الكشف الطبي
فهذا لا يعتبر اعتداء جنسياً
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك