رواية سر الشوق - 6
ركبت هند ومحمد بجانب عادل..ونجود وفرح وسمر..بالخلف
همست فرح لسمر يوووه..شكلي مسويه زحمه ..ليه ما قلتي لي ان هند بتجي
ترفع سمر صوتها لتسمعها هند هالغبيه..كانت بتقعد مع امي ..عشان تساعدها في الطبخ
وتمسك معن ..بس لما درت ان عادل بودينا بسيارته ...هدت كل الشغل
وما دريت الا وهي قبلي بالسياره..ونجودوو..ماتفوت فرصة ..لازم تنكد علينا
راسها يابس..تبي تسوي نفسهاا..وتختار ملابسها بروحهاا
هند بطيتي اذني..والله نسمع مايحتاج تصارخين..الله يصبر نبيل علي هبالج
سمر تمد يدها لتمسك كتف هد وتقرصها انقلعي ..انتي مو كفو احد يوديج مكان
مسكت فرح يد سمر لتهدئتها بنفس الوقت كان عادل يضع يده على يد سمر ليسحبها
وتلاقت يديهما..وفي لمح البصر امتلأ قلبه باالاشواق..وفاضت عينه بالسعادة
سحبت فرح يدها بسرعه..وحمدت ربها لانها تلبس القفاز
فرح تقترب من سمر وتهمس هونت ..برجع لبيتنا..ماقدر اروح معاكم
سمر بحده لا ياعمري.. هو دخول الحمام زي خروجه..ولو كنتي متضايقه
يرجعون كلهم..وانتي الي تروحين معاي..لانج الوحيده الي تفهمين بالماركات
مادامت القلوب تنبض بالحب ... فلابد أن يتواجد الشوق الذي أبكى كثير.. ودمّر الكثير
إنه ( الحب ) ولكن من طرف واحد؛؛
هناك مقولة..الحب بصمت انتحار بطئ
احبها من صميم قلبه,,ومستعد ان يهبها حياته..انها لا تشعر بمدى حبه
ربما لا تبادله نفس الحب..و لاتقبل الارتباط به
وقد تكون الاسباب التي تحدثت بها والدته لخالد..حبها لشخص اخر
ففضل الصمت..لانه لا يحتمل جراح الكرامة
اما حبه الصامت..فلا علاج له الا النسيان...وهيهات له ان ينسى
داخل المجمع ..انقسمو للمجموعتين واتفقو على التجمع في قسم المطاعم بعد صلاة الظهر
سمر وفرح وحمودي.. خذو لفه على محلات الملابس النسائيه..واختارت سمر من جنيفر
فستان ستان اسود... وفيه ورده بيضاء كبيره على الخصر
و اكسسوارات من اختيار البائع اللبناني
واختارت فرح تنوره باللون الاسود ومنقطه باالابيض..وفيها شريطه حمراء
ومعها بلوزه نفس التنوره .. واختارت بدي اسود لان البلوزه بدون اكمام
علقت سمر ساخره كأن المحلات عارفين ان عندي عزا.. اللون الاسود مغطي على الكل
فرح تدرين..صاار مافي لبس يستاهل...كل المعروضات اما موديلها سخيف..او اللون غبي
ومافي الا اللون الاسود..هو احسن شي بالسوق
سمر .احلى ياااسواد الليل ..ستار العيوووب ههههه
ذهبت سمر لغرفه القياس..امافرح ومحمد جلسو في قسم المطاعم
فرح حموودي .. شفت محل العصيرات هذاك..روح اطلب لي كوكتيل منجا..وانت خذ الي تبي
واعطته خمسين ريال..ذهب محمد مسرعاً قبل ان يؤذن للصلاة الظهر
كانت فرح تقرأ منيو بعض المطاعم ..رجع محمد ووضع الخمسين نفسها فوق الطاوله
قدام فرح..فرح ليييييه ..وين العصير؟؟
محمد عادل بيجيبه بعد شوي.. لما عرف ان العصير لج..مارضى انج تدفعين
واكمل محمد وهو يقلد صوت عادل ..عيب تاخذ ثمن العصير
المفروض انت الي تضيفهاا..مو تبي تصير رجال على الفاضي
بعد قليل..احضر عادل العصير ووضعه على الطاوله من جهة محمد
عادل وعينه على فرح حمودي ..مثل ما وصيتك..لو تبون شي اتصل علي
وجلس على طاولة قريبه..بعدها بفتره بسيطه..رجعن البنات وكل وحدة تتكلم عن مشترياتها
فرح سموره..شلون طلع الفستان
سمر يوووو..جناان ..رووعه..جنه مفصل علي
هند اكيد مقاس دبل إكس..هههههههه
سمر بسخريه احسن من الي يدورون عند ملابس الاطفال..اشوفج شاريه
فستان بشباحات وجاي معاه شرابات وربطة شعر..خخخخخ
هند قصدج الكيس الي من ادمز..هذا واخرجت منه بنطلون جينز وبلوزه باللون الاصفر
وحذاء ومجموعةمن الشرابات الصغيره
فرح ياااا حلوهم..يدنننون..صغاار حيييييل
سمر الحين هذول مقاااس معن؟؟ شكلهم صغار عليه
هند تحسبينا مانفهم.. شوفي المقاس ..من 1الى 2
سمر عدال !!ياام المفهوميه..حدج كتب الطبخ..المواعين
هند والله الطبخ هو الي خلاج توصلين هالمواصيل
فرح..تحاول تغير السالفه وانتي نجووود..ما شريتي شي؟؟
نجود شنو ..انا غبيه اوصل هنا وما اشتري كل الي بخااطري
هند موو تخلصين مصروفج..وبعدين تقولين سلفوني
سمر ترى ماااكو سلف..الدين ممنوع والعتب مرفوع
وصاارو هند وسمر على نجود..نصايح وتعليقات..واخر شي قامت نجود
من عندهن وجلست مع عادل ومحمد
بعد الصلاة..رجع عادل وطلب وجبات للكل من ماكدونلد
ورجع ينتظر الطلب..عادل نجود تعالي معي شوي
نجود وييييين؟؟
عادل تعالي وبتعرفين...وتوجه لمحل الورد وتغليف الهدايااا
اختار عادل ..اربع وردات..وطلب من البائع تغليف كل ورده وحدها
ووضع بطاقه اهداء ..على كل ورده..وكتب بعض الكلمات على كل بطاقه
عادل شوفي نجوودي..كل ورده مكتوب عليها اسم ..وصليهن بدون ماا تخلطين بينهن
نجود بفرح واناااا اي وحده لي..ابي الحمراااا
عادل لااا ماتصلح لج..انتي البنفسج يااا عمري
نجود توجهت بحماس واضح لطاولة البنات..واعطت سمرا ورده بيضاء
وهند الورده الصفرا..اما فرح كانت لها الورده الحمراء
نجود وعينها على فرح حركااات..ياما تحت السوااهي دواهي
فرح مااافهمت قصدها شقصدج؟؟
نجود عادل يحبك وما تقولين لنااا
كان كلام نجود بمثابه الصدمه للجميع..ظل الكل ساكت مو عارفين
كيف يردون على نجود..فرح بلعت ريقها اكثر من مرة
فكرت كثيراً ثم ردت بكل هدوء طبعاً احبه..مثل اخوي
عادل اخوي مثل ماهو اخوكم
اطلقت سمر تنهيده عميقه..وضربت نجود على راسها يااا متخلفه.. كل هاذا من القصص
والروايات الوهميه الي تقرينهااا
والتفتت لفرح انتي اكثر من اخت لنا كلنا ..عزيزه وغاليه وربي انج تستاهلين كل خير
تناولو وجباتهم بكل هدووء,,ورجعو ا والهدوء الحذر يسوود الجو
لما دخلو منزلهم .. سمر دفعت نجود امامها الى غرفتهم..واغلقت الباب خلفها
سمر بعصبيه يااا قليله الادب.. ياعديمة الاحسااس..شنو الهباب الي قلتيه لفرح
بدات نجود بالبكاء لاا تقعدين تجرحين بالكلام.. والله لو قااريه الاهداء الي كتبه عادل ببطاقه فرح
كان فهمتي شنو بينهم
سمر فقدت اعصابها يالفاااالحه..وش فهمج انتي بكلاام الحب
نجوود كل شي واااضح..لوحتى محمد قرااه بيعرف انهم يحبون بعض من زماان
دخلت ام خالد عليهم ..فسكتوو..ام خالد شفيكم..ليش الصراخ
سمر بتردد وارتباك وهي تغمز لنجود ماا..مااا في شي..نجود ما عجبها الي شرته من السوق
نجوود بصراحه تجرح لاا مو جذي..يمه.. عاادل اليوم اهدا فرح ورده
وكتب معاها عبارات حب وشوق..تدل على ان بينهم
علاقه من زمان
سمر لاااا تصدقينها يمه..هااذي بزره..شفهمها بمعنى العبارات
تغير ت ملامح ام خالد وعقد حاجبيها افهم من كلامكم ان عادل يحب فرح
نجوود هزت راسهاا بالموافقه
سمر تقف لتدافع عن فرح اي حب ..يمه فرح تعتبر عادل وخالد مثل اخوانها
ام خالد اييييييه معليه البنت مااعليها خلااف ..ولو احد قال عنها شي ان الي بدافع عنها
بس عادل ..ماايندرى شعنده ..وش هو مخبي لنااا
أحس إني اليوم ملكت الكون وحققت اروووووع أحلامي
اسكت كل هالعالم وأخلي شوقي يحكي وبس
لان أحلامي مع حبي فيها المستحيل يصير
عطيتك كل شي بصمت!!على شانك بكيت بصمت
تألمت وحزنت بصمت
عطيتك أغلى ماعندي
ومافيه أغلى من قلبي
لان الحب انا عندي ِ
كلمة ومعناها..احبك انتِ وبس
اعادت فرح قرأت الكلمات وهي تبحث عن سبب يخلي عادل يتجراء ويكتب لها مثل هالعبارات
تذكرت ايام الطفوله..وقت العطلات يتجمعون البنات
كانو مسمين نفسهم الخمسه..سمر وهند فرح وسعاد ونيران
تجمعو مرة في منزل ام خالد..و ناااسه وسهر.. لعبو لعبة والي تفوز ثلاث مرات
تطلب اي شي..كان الفوز حليف نيران..فطلبت ايس كريم
فطلبت سمر من عادل ان يشتري لهن
وبعد طول الترجي..سألها عادل..فرح معاكم؟؟
اجابته سمر ايييييه احنا شلة الخمسه
عادل..عشااان فرح بس بروح واشتري لكم وعلى حساابي
نقلت سمر كلام عادل للشلة وهي تضحك
انحرجت فرح من كلام عادل..اما نيران فشعرت بالغيره منهااا
عاادل ما سوى لها اي اعتباار وفضل فرح عليها..ومن يومها نيران انقطعت
عنهم وصاارو الشلة بس اربعه
هذه هي المرة الوحيدة التى تتذكرها فرح...والتي عبر فيها عادل عن اعجابه
احتاارت ..كيف تتصرف..واخيراً قررت تناسي الموضوع بأكمله
وضعت البطاقه مع باقي البطاقات التي تصلها يومياً من الطالبات..وفيها انواع القلوب
واللوان عبارات الاعجاب..واحجام من الدببه
صار وقت الافطار وفواز لم يعد للمنزل..توترت فرح ووالدتها
اتصلت فرح بجهازه النقال.. لاا يجيب ..ثم صار مغلق
ازدادت حدة التوتر بعد تلقت نوره اتصال من بشير.. يخبرها ان فواز في
الحجز..؟؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سـر الشـوقـ ؛؛؛ 7
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™
جلست ام خالد بقرب ابنها عادل..وكتفها ملاصق لكتفه..وضعت يدها اليمنى على كتفه الايمن
ويدها الاخرى على ركبته..وهمست بحنان حبيبي..موب تشوف
نفسك كبرت علي..ترى بتضل طول عمرك محتاج امك
يكون بعلمك اني أحترم اعتمادك على نفسك..لكن ماا
اتغاضى عن الخطاا
عادل..يقبل جبينها ومنو يقدر يستغى عن حنانج(ويضع رأسه على كتفها) الله
لايحرمنا منج..(ويقبل يدها)وان اخطيت
السموحه يمه(اكيد عرفت عن الورده والرساله من خواتي)؟؟
دخل ابو خالد..عقد حااجبيه وهو يرى زوجته تحتضن عادل خيييير .. مااخلصنا من ولدك بالليل
تكمل انت الناقص بالنهاار..والله حااله(ويهز راسه)!!؟؟..
ام خالد..تعلو شفتيها ابتسامه خجل مسكين معن..شكله فااقد امه حييييل
البارح ماصك حلجه من الصياح..خانت حيلي..على صوت واحد ..مااامي ..وماامي..قطع قلبي
ابو خالد .ايييه..الله لنا!! معن الي مسكين ؟؟..و الفقير الي البارح ماحد عطااه ويه.!!.وانتفخ راسه من صياح البزر؟؟
وانت يابوي..مالك نيه ترجع حرمتك..من حق معن يتربى بين امه وابوه..وفي اسرة مترابطه
لاح شبح إبتسامه ساخره واهنه..على شفتي عادل بعض الامهات..مايستحقون شرف
الأمومه..وما يقدرون النعمة..ولو ابي ارجع جنان كان رجعتها،،لكن
في فترة زواجنا الي ماتتعدى خمسة اشهر..عرفتها على حقيقتها
(الخاينه..كيف قدرت تعيشني بوهم ..اني الحب الوحيد بحياتها)
ام خالد كنت حاااسة انك موب مرتاح ..لا دينك ولاا اخلاقك
بيسمحون لك تستمر مع وحدة مو من مجتمعناا..وشااايفه نفسهاا علينا
ابو خالد شووف ياولدي !!الحياة الزوجية مو مبينه على عاطفة
ورومانسية وبس!!لكن على مسؤولية ..وارتباط ..ورغبة في الاستقرار
ام خالد باستغراب(تضع يدها على ذقنها) يوووو..وش هالكلام يابو خالد..رومنسيه وعاطفه..آآآه منك
تفكيرك صاير يخوف..؟؟
ابو خالد يميل ناحيتها ويهمس تدرين ظبيه!! ولي خلق هالزين(ويشد جديلتها)ماافي قلبي غير غلاج..ولو
شقيتي قلبي من هني ( ويأشر لصدره).. بتحصلين حبج متربع فيه
ام خالد تضع يدها على صدر ابو خالد بسم الله على قلبك
عادل آآآآآحم
ابو خالد الااا خالد وينه؟؟اليوم ماشفته في المسجد .وسيارته بنفس الموقف من الفجر
ام خالد واضح في صوتها الخوف مو من عوايده..لازم يمر اوعلى الاقل يدق نهار الخميس
قلبي ناغزني عليه واتصل عليه مايرد..وتلتفت لعادل..قوم شوفه بشقته
يمكن مريض ولا فيه شي
عادل او يمكن نايم بحضن زوجته..ويحلم احلام ورديه..وانتو تحااتونه
ابو خالد جاااان قالي ابو سعد..و جاااان ما فاااتته الصلاة في المسيد
عادل ان شاء الله وانا طالع بمر على شقته واشوف..ويهمس لامه..يمه
ابيج موضوع خاص
ام خالد بحماس ياعل عيني مااتبجيك..تراني حااسه فيك
بس انطرك تكلم او تلمح..جنان بدالها شيخه البنات.(ابتسم عادل بسعاده..امي شكلها بتوافق اتزوج فرح).و
اكملت ام خالد بنفس الحماس بشرى بنت خالك محمد..جمال وادب
واخلاق..وخالك موب محصل احسن منك ..و
قاطعها عادل معترض بحده لااا ..يمه ولي يعااافيج..افهميني.. في بالي بنت معينه
وبصراااحه احبهاااا..وعندي رغبه قويه للارتباط فيها ؟؟
ابو خالد بغضب اسمع كلام امك..هي ادرى بمصلحتك..كفايه اخترت اول مرة وفشلت
ولا ناوي تعيد التجربه..اي حب اي خرابيط..الحب الي بعد الزواج هو الاقوى والادوم
عادل لنفرض اني تزوجت بشرى وما حبيتها ولا حبتني إطلاقا..فالنهاية
الأكيدة الانفصال ..لابد من وجود الحب او الإعجاب بين الاثنين أولاً
لينتهي باالارتباط..والاستمراريه بعد الزواج
ام خالد وانا اخترت لك بشرى لانها اكثر وحدة تناسبك..والبنت منا وفينا
وبزواجك منها.. بتقوى العلاقه بين العايلتين
عادل هذا اختيااري الخاص للزواج..مو مجامله للاسرة على حسااب سعادتي
رنين جهاز عادل النقال قطع حوارهم
نظر عادل لشاشه الموبايل ..رقم غريب.. بعد ان نظر للساعه..الثانيه والربع
رد بثقه الوو..نعم
خالد بحذر عادل..انا محجوز بهيئه الامر بالمعروف والنهي عن المنكر
تعال بسرعه..المبنى الي وسط السوق
عادل..عيناه تدور وتتفحص بوالديه قبل ان يرد طيب ..طيب !!الحين جاي
(الله يستر..وش مسوى حتى يمسكونه الهيئه)
ام خالد شعرت بالخوف من المكالمه..وباحساس الام بالخطر المحدق بابنائها عسى ماااشر..خالد فيه شي؟؟
عادل بارتباك لااا ..هذا مو رقم خالد..عندي شغل ضروري..لازم اطلع الحين
وخرج مسرعاً
في غرفة البنات..سمر تضع بخاخ سبري على كل خصله من شعرها قبل ان تلفه بالرولات
سمر اوووف من هالشعر..ماينلف الا بتعب..ولا ينرفع الا بتعب
وموكل القصات تناسبه..تعب والله تعب
هند تحمدي ربج..ناس يتمنون هالشعر موب محصلبنه
سمر بملل تعالي ساااعديني..بدال وقفتج بدون فايده
هند وهي تمسك خصلات من شعر سمر هههه ياا حظ نبيل بهالشعر..شكله بينهبل الليله
فقدت سمر اعصابها وشدت شعرها من هند وقامت بفتح الفات بعصبيه
ضفي وجهج احسن.. مااابي منج شي..والتافه مايستاهل اتعب نفسي عشانه
وإرتمت على سريرها وانخرطت بنوبه بكاء حاده ..حتى غلبها النعاس
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™
إن قدرة سمر في علاقتها مع نبيل على بذل الحب.. وتلقيه
تعتبر إنعكاس لشعورها تجاه نفسها..فهي تميل للحساسيه
ومتهيجه عاطفياً.. وبحاجه لحب اكثر..لتعزز ثقتها بنفسها
بينما طيبة نبيل الزائده ولا مبالاته جعلتها تشعر بالاحباط
لانه بنظرهالا يعرف .كيف يبادلها نفس المشاعر
بل يكتفي بالجلوس بعيداًوالاستماع..والموافقه..بدون نقاش
..كانت هند تمسح على شعر سمر.. سموره حبيبتي..ليش انتي حساسه بزيااده
عشان خاااطري لا تزعلين مني..ويالله قومي لبسي واستعدي..نبيل على وصول
دخلت ام خالد على بناتها ودهشت من شكل سمر سمر!!؟؟ مااالبستي للحين؟؟
يالله بسرعه لبسي.نبيل برا..وريني اشوووف..(ورفعت وجه سمر للنظر بعينيها مباشرة)ليه ياا قلبي
هااا الدموع.. زعلانه من نبيل..عشانه حدد موعد الزواج بدون مايشاورج؟؟
سمر بضيق..تمسح دموعها مااا فيني شي..ابوي موجود؟؟
هند شتبين بابوي ؟؟..عندج نبيل ..هو الكل بالكل
دخلت نجود وهي تبتسم ياااا ويل قلبي!!سمر ..اذا ماا تبين نبيل انا باخذه
توني اكتشف انه خقااااق..يخرب بيته من وين ياب هالزين كله
هند تغمز لسمر وتضربها بخفه على كتفها هااا ..شي يغطي على شي
سمر وانتي وين شفتيه يالنزقه..لايكون طلعتي قدامه بدون عبايه؟؟
نجود ههههههه..طليت عليه وهو يسلم على امي
يمه.. متأكده ان الي برااا نبيل ولد العم؟؟
ام خالد..وجهت نظرة تحذير..واشرت لها يالله استعجلووو..هند ونجود روحو المطبخ..جهزوالشاي والقهوه والحلا
وطرشوها للمجلس مع محمد..وانتي خلصي وتعااالي ما ابيج تتاخرين
واقتربت من سمر وهمست سموره.. لاا تسمحين لنبيل يحاول .. يمارس اي من حقوقه الي مااتجوز الا بعد العرس
انتي فااهمتني.. صح؟؟
سمر بابتسامه واهنه..(لا قبل ولااا بعد..شكله مثل الحيط لا يهش ولا ينش) وتهز راسها بالموافقه
اكملت سمر لبسها ووضعت لمسات خفيفه من المكياج
دخلت المجلس بكل هدوء..سمر بصوت ناعم السلام عليكم..عندما رفعت راسها لتنظر لنبيل..خفق قلبها بشده
كما عهدته دائماً..جذاب ووسيم ..بشكل ملفت للنظر
اطول وانحف منهااا بكثير..لدرجة تشعرها بعدم التكافؤ
تقدم نبيل منها وقبل جبينها ..وقدم لها سله كبيرة ملفوفه بورق سولفان شفاف
اشتعلت سمر غضباً عندما رأت محتوى الهديه..دب أسود بحجم كبير..يحمل قلب باللون الاحمر
وبجانبه ورود ناصعة البيااض
ترقرقت الدموع بعينيها..وضعت السلة جانباً
وقالت بصوت متهدج شكراً..كللك ذوق
(وشماته)
عادل بابتسامه سااحره وساخره امي قالت..لازم ماتروح لهم ويدك فاضيه..وانا مطيع..ماارفض لامي طلب
ام خالد..وهي تستعد للخروج وتركهم لوحدهم ام نبيل..راعية واجب..هي ام السنع والذرابه..الله لايخلينا منها
(خذ راحتك يا ولدي...البيت بيتك..ونظرت لسمر..نظرة ذات معنى..(لاتنسين الي وصيتج
طالت فترة الصمت..رفعت سمر بصرها ..لتفاجأ بانه..يحدق بها واسنانه مطبقه على شفته السفلى
ارتجفت سمر من منظره..وكأنه متحفز لمعركه..قالت بتردد انا..اا..اناغلطت بحقك..ولازم اعتذر..انا اسفه
سكت نبيل للحظات..ثم وقف وتقدم خطوتين ..حتى اصبح امامها مباشرة شنو يدفعج للاعتذار الحين.. وين غرورج وحبج للسيطره
نكست سمر رأسها(اول مرة يتكلم معها بهذة الطريقه المستفزه)شد سمر من معصمها لتقف بمواجهته
وضع يده برفق على كتف سمر..واليد الاخرى وضعها تحت ذقنها
رفع راسها لترى شوقه اليها حبي ..؟؟
احتضنها بحنان..صدمت باعماقها من تصرفه..لم تستطيع مقاومة جاذبيته
فجأة..دفعته بعيد..وقالت بانفعال واضح لااا ياا نبيل.
.على اي اساس حبيتني ..يعني تركت بنات الدنيا وحبيتني انا، والاامك داعيه عليك
أتوقع اننا مو مناسبين لبعض..ابد
شعرت بيديه القويتين تحيطان خصرها ..حاولت الابتعاد عنه
لكنه كان يمسك بها بحزم..قربها منه اكثر..ثم قرب فمه من اذنها
همس برقه لو الامر بيدي..فأنتي ما تستحقين اي اهتمام
ألألم الي سببتيه لي..خلاني مو قادر ابدأ حياتي من حيث أنتهينا
اكتشفت اني لازم انتقم..واحطم حياتج..وادمر كل معاني الحب
اما عواطفي المنهكه..فما اعتقد انج تبالين بها ابداً
اغمضت عينيها لتتجنب النظر بعينيه التى بدأت تضيق ويزيد لمعانها
دخل محمد..ووقف يشاهد منظرهما..الذي يوحي بأنهما متيمان ببعض
عندما انتبه نبيل لوجود محمد..قبل شفتي سمر بخفه..وتراجع للخلف
ترنحت سمر ..وسقطت على الكنبه التي خلفها مذهوله..ومستأه من تصرف نبيل الغريب
رفعت رأسها لمحمد..الذي غطى عينيه بكفيه وهو يقول ماا شفت شي...مااشفت شي
نبيل عااادي حبيبي حمودي..الرجال وحرمته تصير بينهم مواقف حميميه..مثل الي شفتها الحين ..واكثر
بعد ان انسحب محمد خجلاً..أحست بدموعها الساخنه تنهمر على خديها
إجتاحتها سحابة غضب..فوقفت أمامه..واخذت تضرب بكفيها على صدره
انت باي حق تتصرف معاي مثل هالتصرفات
مسك نبيل كفيها وارجع يديها للخلف..وقال وهو يصر على اسنانه هذي اخر مره اسمح لج ترفعين يدج..فاااهمه
سمر بحده اشك انك تقدر تسوي شي..لانك مجرد انسان تااافه
ندمت على كلامها.. واستفزازها لنبيل..لانها اثارت جنونه
لف كفيه حول عنقها..وضغط على حنجرتها بقوة..فلم تستطيع التنفس
(هل سأموت بهذه الطريقه)
اخيراً ابتعد عنها..وهو يقول لا تحااولين تستفزيني مره ثانيه..والا ماراح يحصل طيب..ماقدر اضمن ردة فعلي
توجه للباب الخارجي..والتفت لسمر وهي تسعل سلمي على عمي ..وعمتي
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™
عند الساعه الثانيه ظهراً..دخل علوي للمنزل هائجاً مثل البركان
دفع الباب بقدمه اليمين..وصرخ عتييييييييقه ..وينج يااااساس البلا
خرجت الجازي تفرك عينيها علوووي ليه تصارح..كلهم نايمين
دفع الجازي عن طريقه ودخل غرفه البنات وصرخ ايماااانو ياالـــــ
رفعت ايمان اللحاف لتكشف عن وجهها نعم..يالله صباح خير
اندفع علوي ومسك شعر ايمان وشده بقوه يا بنت الـــ
.عتيقه ماااعرفت تربيكم..انتو يبيلكم ريال يشكمكم يا سواد الوجه
قوووومي ..ابيج لابسه عبايتج وواقفه عند الباب..ولا والله
مايحصل لج طيب..ويرميها على الارض
توجه لغرفه امه..دفع الباب بعد ان طرقه مرة واحدة وبقوه
علوي..يتأمل عتيقه وهي نائمه بكل هدوء ( لو عندج ذره من احساس الامومه
مانمتي مرتاحه عقب الي صار..واحسن اني حصلتها نايمه..وما صحت تتصل على العالم وتنشر الفضيحه )ومد
يده وحرك كتف عتيقه وهو مشمئز منها هييه..عتيقه ..هيييه
فزت عتيقه من نومها.. بعصبيه خييييييير..علووي؟؟وش جااابك مبجر..بالعادة الخميس مااتشرف هاالحزه
تعلو شفتي علووي ابتسامه ساااخره نااايمه ..والغراب ينعق
عتيقه الغرااااب يابته امك!! شعندك ؟؟قوول وخلصني
علوي يرفع سبابته امام وجهها الحين تطلعين انتي وايماانو
وتعتذرين لخالد..وتحلين المشكله بشكل ودي
عتيقه تقطب جبينها وتدفع يد ه بعيداً عنها نعم !! نعم..وشوووو..ماااسمعت
ماابقى الا انت يالفقس..تعلمني شغلي؟؟
علوي بثقه شووفي..لو ماسويتي الي اقول عليه..ماراح تشوفيني بهالبيت
قاطعته عتيقه بحنق ياااالنذل ..تبي تساااوم امك ..انت حقير وسافل..طالع على ابوك وعمامك
علووي ببرود تربية ايدج!!..خمس دقايق لو ما شفتج عند الباب !! باخذ ايمان بروحها
عتيقه وانت شدراك عن الي صار..ووين بتاخذ اختك؟؟
علوي توني ياي من هيئه الامر بالمعروف..هم اتصلو علي واستدعوني
بصفتي ولي امر ايمانو ..واخوها الوحيد..وطلبوهاعشان يحققون معاها
عتيقه بحقد هذول شيبون..انا الي مقدمه البلاغ..وهم شاااافوه يايبها من برى
وهي اعترفت انه اعتدى على شرفها
علوي خالد انكر..وطلب يسون فحص لايمان
عتيقه وشوووو..؟؟ لااا موب بكيفه..اهو غلط ولازم يتحمل نتيجه غلطته
علوي بملل يوووو..نقول لها تيس.. تقول حلبوه.. لو ماانهيتو الموضوع..بتكبر السالفه
وسااعتها بيوصل الموضوع لعمي بادي..وانتي تعرفين شنو بيسوي عمي
لو درى عن الفضيحه؟؟
فكرت عتيقه قليلاً ..ثم دفعت علوي لخارج غرفتها وهي تقول انطرني في السياره.. دقايق..بس ابدل
واروح معاكم اتنازل عن البلاغ
(مو مشكله ..ماصابت هالمرة.. الجاايات اكثر)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™
وصل عادل لمكتب هيئه الامر بالمعروف والنهي عن المنكر..سأل العسكري الذي يقف عند المدخل
عن مكتب التوقيف..فأشار له للمكتب رقم ثلاثه..شكره وتوجه للمكتب مباشرة
حضن خالد..وشد على يديه..وهو يسأله عن السبب
خالد ياااخوي.. وربي خدعه ومدبرتها ام علوووي وأصغر بناااتها
وحكى له عن كل الذي حدث بالتفصيل
عادل بقهر الهمج..والله مااا خليها تعدي لهم على خييييير..والبنت وينهاا..حولوها للفحص؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك