رواية سر الشوق - 7
عن مكتب التوقيف..فأشار له للمكتب رقم ثلاثه..شكره وتوجه للمكتب مباشرة
حضن خالد..وشد على يديه..وهو يسأله عن السبب
خالد ياااخوي.. وربي خدعه ومدبرتها ام علوووي وأصغر بناااتها
وحكى له عن كل الذي حدث بالتفصيل
عادل بقهر الهمج..والله مااا خليها تعدي لهم على خييييير..والبنت وينهاا..حولوها للفحص؟؟
خالد للحين..كلمت علوووي..وشرحت له الوضع..ووعدني انه يحضر امه واخته ..ويتنااازلون
عادل يعني البنت مااا مسكوها ..ليييييييه..المفروض هي معااك
خالد .. ويده تتخلل شعره الناعم..اووووف..متى ينتهي هاااالكابوس
دخل شيخ ذو لحية طويله بيضاء ويلبس بشت بني..ومعه عسكري يحمل سلاح
جلس الشيخ خلف المكتب..وفتح احد الملفات التي اماامه هاا يا أخ خالد...ماااعند ك اقوال اخرى
هز خالد رأسه بالنفي..تكلم عادل شلوون مااا يمسكون البنت ..مو هي ويااه..والمفروض تكون بنفس وضعه
الشيخ لاااا ياابني..الفتاة..لها وضع خاص..لان والدتها هي التي قدمت البلاغ
عادل بعصبيه وقسم..انهم طابخين الطبخه مع بعض
الشيخ كثرت المصائب في هذا الزمن..بسبب الابتعاد عن تعاليم دينا الاسلامي
كان خالد ..يتحدث مع عادل والشيخ..بكل ادب ووديه..حتى دخل علوي وخلفه
عتيقه وإيمان...علوي السلاااام..جبت اختي ..عشان تقول كل الي حصل
وامي عشااان تتناااازل..ونحل الاشكااال بدون تعقيدات
وقف عادل..متعصب ومن قااال بنوافق على التنااازل..الاجرات بتمشي حسب القااانون
ونبي فحص يبين اذا كانت البنت عذراء ولا لاااا
عتيقه بصوت مرتفع عشتووو..وانت وش دخلك..الموضوع مااايخصك
فقد عادل اعصااابه..وحاول يمد يده على عتيقه..وقف خالد بينه وبين عتيقه..ودفعه بعيد عنهااا
خالد.. عاااادل..لاا تخليني اتحسف اني نااديتك..نبي السااالفه تنتهي وخلاااص
عادل لاااا ياخالد...يرمون بلاهم عليك وتسكت..مااارضااها على اخوي
الشيخ احب ابين لكم..انه اذا تم فحص الفتاة..وكانت بكراً..فقد يكون هناك تهمه الصحبة بدون محرم..وهذه عقوبتها
السجن من سته الى ثمانيه اشهر للاثنين..والجلد كذلك
خافت ايمان من كلام الشيخ..ونكست راسها خجلاً
عتيقه ياااامال الماااحي..عيال ظبيه مستقوين..جعلهم الضاارب..بنتناازل.. موب خوووف منهم
لكن على مستقبل بنااتي ..لو صااارت شوشره على سمعتهم..منو بيتزوجهم
هز الشيخ راسه..قرب الاوراق من طرف المكتب..تقدمو للتوقيع
وقع خالد..وعندما رجع وجد ايمان اماامه..مسكت كفه متعمده..ثم وقعت
وبعدهاا عتيقه..وعلوووي..وخرجو ..جميعاً من هيئه الامر بالمعروف
في سيارة عادل..طلب خالد من عادل ان يصله لشقته ..حتى يغتسل .. ويحلق..ويبدل
عادل لاا تنسى تمر على الوااالده..تراها تحااتيك
خالد اذا خلصت ..بمر على عيالي ..ثم اروح اتعشاا وانااام عند الوالده
عادل بمزح افاااا..ياخوي..بتبدي حرمتك على امك..هههههههه
خالد لا والله امي محد يجي مكاانتها...بس في إشكال مع سعاد..بحاول احله
عادل لو زوجتك شمت خبر عن الي صار اليوم..بتقوم الدنيا عليك
خالد .الله يستر..بقولها بنفسي قبل ماا تسمع من برى
عادل يوقف سيارته امام المبنى الذي يسكن به خالد الله يوفقك..ويسهل امورك
خالد وهو يفتح باب السيارة لينزل وانت ..الله يعوضك ببنت الحلال الي تعينك على دينك ودنيتك
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™
في منزل فواز وخلف الباب الحديدي الاسود..كانت فرح تجلس على العتبه الصغيره
تستمع تلاوة إمام المسجد..بدل والدهااا..لصلاة العشاء
هبت نسمات بارده..فارتجفت فرح ..ولفت ذراعيها حول نفسها
ثم دخلت لجلوس مع ام الخير ونوره
ام الخير وينج حبيبتي.. خلصنا صلاة وماا شفناج
فرح بحزن خااالتي..اللحين ابوي وش تهمته بالضبط
ام الخير ابد..حسب كلام بشير لما جابني عندكم..ماعليه اي شي
مجرد مايمسكون السياره والعمال الي حملو فيها اثاث المدرسه الجديد
ابوج بيطلع منها زي الشعره من العجينه
نوره ودموعها لم تتوقف منذ سمعت بالخبر واذا ما قدرو يمسكونهم..وش ذنب فواز..هو وش دراه عنهم
ام الخير يااابنت الحلال ..اكيد بيمسكونهم ..وين بيروحون؟؟.. تريلا وش كبرها
وين بيقدرون يخشونهاااا؟؟
فرح في بالها الكثيرمن التساؤلات يعني السيارة الي فيها الاثاث ..موب مرخصه..ولا هي تبع شركه
مخصصه للاثاث
ام الخير توضح لهم لما فواز فتح بوابة المدرسه..دخلو االعمال بعض قطع الاثاث للساحه
وأذن الظهر..خلاهم فواز وراح يصلي..ولم رجع بعد الصلاة
ماالقى السياره ولا العمال..وحتى الاثاث الي نزلوه..رجعو حملوه وياهم
فرح يعني ابوي ماعليه اي مسؤليه..ليش حاااجزينه..ولا هي تبلي وخلاص
ام الخير اوامر سالم السالم..راعي الحلال
يعله ..للنار..يارب مايمر عليه يوم الا وهو شايف عقوبه من الي ماتنام عينه
فرح بضيق خاالتي..ليش تدعين عليه..كفايه تقولين.. حسبي الله ونعم الوكيل
رفعت نوره كفيها مع ام الخير حسبي الله ونعم الوكيل..الله على الظالم
وبعد الساعة التاسعه..كما اعتدوا دائماً..كانت نوره تستمع لبرنامج على اذاعه القران الكريم
ودخلت ام الخير لغرفة فرح..وجدتها تقرا في مجلد فقه السنه
ام الخير فرووحه..يا قلبي..ماتبيني اكمل لج الحزايه؟؟
فرح اغلقت المجلد..ورفعت راسها لام الخير خالتي .. اليوم موب جايني نوم ..البيت مظلم من غير ابوي
ام الخير الله يرجعه لكم بالسلامه..بس احنا وين رحناااا..ما نسد
فرح الله لايحرمني منكم ياارب
تمددت ام الخير على فرشتها ونادت فرح..اقتربت منها فرح ووضعت راسها على كتف ام الخير
واستمعت لباقي الحكايه..صلي على النبي..عليه افضل الصلاة ةالتسليم
عاش الشيخ التاجر مع زوجته وبناته الثلاث في القصر..بكل هدواء..ومرت الايام والتاجر
يتردد مع بناته الثلاث للشيخ الي يعالج بالقران ..ولاحظ تحسن في حالات بناته
بس استصعب طلعتهم كل يوم والثاني من القصر للبيت الشيخ
فصار يحضر الشيخ بنفسه للقصر ..ويقرا على البنات ..ويعطيهم ماء مقري فيه ..او زيت يدهنون فيه مكان الالم
توطدت العلاقه بين الشيخ والتاجر..حتى صارو مثل الاخوة
كان التاجر ..رجل طيب..ويحب الخير..فتح قصره للكل ..ووظف الكثير من معارف الشيخ بأجر مرتفع..إكراماً للشيخ ذاته
شاء الله وتوفيت زوجته قبل بناته..فأحتاج التاجر لسيده تعتني ببناته ..لم يفكر بالزواج
لان عمره فوق الثمانين..تعرف عن طريق زوجة الشيخ المقرئ بممرضه من بلد عربي
ووظفها عنده براتب مرتفع..للعنايه ببناته المعوقات..واظطر ان يجعلهاتعيش معهم في نفس القصر
وكان لابد له من الاحتكاك بالممرضه عند دخوله للاطمئنان على بناته
وقع التاجر العجوز بحب الممرضه الشابه..فتزوجهااا..وقضى احلى ايام حياته معها
فقد تفننت الشابه بإرضاء نزوات التاجر..وقدمت له قلبها على كفيها
واعتنت ببناته الثلاث ..خير عنايه..حتى صارو لا يستغنون عنها
لكن سعادة التاجر العجوز وبناته..لم يكتب لها الاستمرار..فقد علمت خالة البنات بزواج التاجر
وخافت على بنات اختها من زوجة ابوهم..ودخلت القصر لتحول حياتهم لجحيم
التاجر..رحب بأخت زوجته المتوفيه وخالة بناته.المعوقات.وابنة عمه بنفس الوقت
..وخصص لها الجناح الغربي من القصر
بينما اتخذ الجناح الشرقي له ولزوجته الشابه وبناته..لانه اكبرواوسع ...ويطل على البحر مباااشرة
الخالة كانت شديدة الحقد.. لجئت للسحر والشعوذة للتفريق بين التاجر العجوز وزوجته الممرضه الشابه
واستعانت بأبنها المتكبرالظالم..الذي حاول ان يتزوج من واحدة من بنات التاجر المعوقات ..للإستيلاء على املاك التاجر
صارت الحياة بالقصر لااا تطاق ..بسبب السحر..واتهم التاجر زوجته الشريفه بالبغاء ..لانها حامل
قاطع التاجر كل اصحابه ..ومنهم الشيخ القارئ..وصار يرى احلام مزعجه
ويحكي للخدم عن معاناته اليوميه حتى يستطيع النوم
فقدمت له احدى الخادمات ..علاج شعبي ..يساعده على النوم ويذهب الارق
فذوبه التاجر كله في زجاجه عصيركبيره..ووضعه قرب سريره ليشرب منه قبل ذهابه للنوم
في اليوم التالي..وجد التاجر وبناته الثلاث..قد فارقو الحياة..اثر تناول جرعة كبيرة من السم
اختفت الخادمه..التي قدمت الدواء للتاجر
وتوجهت اصابع الاتهام للزوجه الشابه..لانها المستفيده من موت التاجر وبناته
هربت الزوجه الشابه..ولكن ليس بعيداً.. لانها غريبه ووحيده
فبقيت تسكن عند خادمة ..تعرفها..داخل القصر..حتى ولدت بنت مثل القمر
وساعدها زوج الخادمه..باستخراج اوراق المولودة واثبات نسبها للتاجر
ورحلت الممرضه الشابه..لبلدها تاركه بنتها المولودة برعاية الخادمه وزوجها
بعد ان اوصتها ..بأن تبعد ابتها عن القصر..والسحرة الي فيه..خوفاًعليها
تثاوبت ام الخير ..والتفتت لفرح هاا حبيبتي.. النوده ما داعبت عيونج
فرح ماا قدر انااام..وانا افكر بابوي.. وشنو حالته الحين..نايم . ولا صاحي..عنده اكل ولا جوعان
وعسى مايرتفع عنده السكر ..ويتعب ومحد حوله..الله يكون بعونه
ام الخير والحزايه ما عجبتج؟؟
فرح خاااالتي..التاجر هو الشيخ منصور السالم ..صح
ارتجفت ام الخير(شدراها عن منصور) وردت بسرعة
اييييييه حبيبتي..بس اهو مات وبناته المعوقات ويايه بنفس اليوم..و انتي شدراج
فرح القصر شهرته ..مثل نار على علم..ومكتوب عللى القصرلوووحة وش كبرهااا
قصر الشيخ..منصور الـ سالم
واكملت فرح كلامها وهي مستمره بالتفكير..لا يكون ابوي هو الشيخ الي يقرا عليهم
بس انا من وعيت على الدنيا ما شفت ابوي يقرأ على احد غريب
وانتي ياااخالتي ..اكيد كنتي الخادمه الي ساعدت ام البنت..والعم بشير هو الي ساعدها وياج
تنهدت ام الخير بارتياح( آآآآآه..قطعت شوط طويل ..وقربت وايد من الحقيقه)تصبجين على خير حبيبتي
غطت ام الخير بنوم عميق..اما فرح فتقلبت كثيراً
ثم قررت الاتصال بسمر لتسألها عن احوالها وتطمئن عليها
خرجت فرح للصالة.. واتصلت على سمر..بعد رنتين ردت سمر ..بصوت متحشرج
سمر الوو..فرح...وينج محتاجه لج ولنصايحج بقوووة
فرح سمووره.. اختي الغاليه..وش صار..صوتج ما يوحي بأن الامور مشت زي ما تبين
سمر والله ياااا فروحه..الا تعقدت زياده..ونبيلوو طلع موب سهل
جاب الاولي والتالي على راسي
فرح هههههه..عسى ما صار مضارب
سمر يوووو ..فاتج..الا صار خنق.(.وسعلت )..وبغيت اموت
فرح سموووره..هبلتي الريال..خفي عنه شوي
سمر هههههه..قررت من بكره ابتدي حميه شديده ..عشان اخف عنه
الاانتي غريبه صااااحيه يالدجاجه..وش صاير بالدنيا..لا يكون متضايقه من عادل
ولا كلام نجود..معليه ..مسحيها بويهي
فرح لا ..انا ماقدر ازعل او اشيل بخاطري من اخواني
السالفه ان ابوي ..محجوز..وانا متضايقه عشانه
وحكت فرح لصديقتها العزيزه عن والدها وسبب حجزه
واما سمر فحدثت فرح عن قصة خالد وإيمان...وكيف خرج بدون فضايح
سمر الله يرجع العم فواز بالسلامه
فرح آآآمين..يالله حبيبتي..صار لنا اكثر من ساعه نهذر..نشف ريقي
وانتي ماخلصتي سوالف..الله يساعد نبيل على طولة لسانج
سمر هههههه.. ليه انا هبله اوريه طولة لساني ..انا باخذه اول شي بالسياسه
وبعدين بالتدريج .. بخليه يتعود على سوالفي ..وما يقدر يستغنى عني
فرح ههههههه..تصبحين على خير ..يا ام السياسه
اغلقت..فرح من مكالمة سمر..وتمطت ..ثم رددت بعض الاذكار
ودخلت لتنام..سمعت جهازها النقال يرن ..نظرت للشاشه
فوجدت رقم بدون اسم..خفق قلبهااا..وتوترت
عندما تذكرت انه رقم..ياااسر الـ سالم
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™[ color]
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
«-`¸`~*•.• ّ¤؛°`°؛¤ّ•.• ¦‡ سر الشوق؛؛8 ‡¦•.• ّ¤؛°`°؛¤ّ•.•*~`¸`-
سر الشوق؛؛؛8
عندما ياتي الحب ..ليس هناك موعد له ..او مواسم ننتظره يجئ بها
وإنما يأتي دون أن نتوقعه..ولا نتمكن من التصدي له
ومثلما يبعث في النفس مشاعر من البهجه والاشتياق،،أيضاً
يسبب الآلام..ويدمي القلوب بجروح قاسيه..قد لاتندمل..!!؟؟
وقفت فرح ..تنظر لشاشه هاتفها تضئ ..متردده !!والدهشه تعلو ملامحها
مالذي يدعوه للاتصال بهذا الوقت..هل حدث مكروه لنااهد..هل والدها بخير؟؟
ام سيوجه لها إهانة أخرى..؟؟ توقف رننين الهاتف..فتنفست الصعداء
وضعت جهازها النقال على طاولتها الصغيره ..واتكأت
بذقنها على ركبتيها..وابعدت خصلات من شعرها عن وجهها
للمرة الثانيه ..رن هاتفها....اجابت بعصبيه
تحاول اخفاء توترها السلام عليكم..نعم
ياسر..بجديه وعليكم...اعتذر لاتصالي بهالوقت المتأخر
فرح(وش هالروح الطيبه..غريبه) اذا كان السبب يستاهل..مافي داعي للاعتذار
ياسر بسخريه ظاهره .لو تقبلتي السبب بصدر رحب..يصير يستاهل
فرح(تكلم بسرعه..بلا لف ودوران) ابوي فيه شي..ولا ناهد
اصابها مكروه؟؟
ياسر(تحسسني باهتمامها بناهد..لجذب انتباهي) مشكلة ناهد..تم التعامل معها..وثمن خدماتج..يـ
قاطعته بخوف ابوووي!! اكيدارتفع عنده السكر..ولا.. ماا تحمل الصدمه؟؟
ولا تعب من الحجز..؟؟وقلبه الضعيف اكيد مااا تحمل ال
ياسر..يقطع سيل الاسئله فواااز ..أُحيل للجهات المختصه..لاكمال الازم
تقطعت انياط قلبها..وبصعوبه استطاعت كظم غيظهااا
فرح..بكل هدوء مالكم اي حق ..باتهامه..ولا عندكم دليل او اثبات
يدينه..كل اتهاماتكم ..وتلفيقاتكم..مبنيه على زور..وبهتان
ابووي ..عمره ماخان المسؤليه..مهما كان السبب
ياسر(الثقه الزايدة..مشكله) عندما يحتاج الرجل..يعمل المستحيل
والعم فواز..اخطأ بفعلته الشينه..كان عليه مراعاة الله
فرح(و..من يتكلم عن مراعة حقوق الله) ابووي اكثر واحد يراعي الله ..في جميع اموره
امام مسجد..ورجل دين..الجميع يشهد له بالصلاح
ياسر ..بتهكم مثل اي فرد بمجتمعكم.. عاش طول عمره فقير..ومعدم..ولما جاته الفرصه. ما قدر يفوتها
الم حقيقي..احسته بكرامتها..فرفعت رأسها..وسيطرت على غضبها
فرح(بسخريته..فقد الاحترام) شعورك بالفوقيه..المتغلغلة باعماقك المريضه
دفعك للسخريه من ابوي.. لكم الشرف يالـ سالم بعمله حارس بمدرستكم
ولكم الشرف ..بانه رضى بالعمل عندكم وهو بهالسن
ياسر.. واي منطق ..سخيف..يقول ان الـسالم بحاجه لحارس
يستغل ثقنتا ..ويتواطئ مع سراق..لزيادة رصيده
فرح..(اهانه..ورا اهانه..من مفكر نفسه) الاهانه الي تجرح مشاعر الاخرين ..لا تنبعث
الا من نفوس ملوثه بالتكبر
ياسر..(مللت من الاستماع ..لهذا النوع من الكلام) الاختلاف بوجهات النظر..وبطريقه محترمه
لا يفسد للود قضيه
فرح..( افسد الكثييييير) اذا كان بالحجه والمنطق..اما التجرح..فهو اسلوب سخيف
ياسر..(التافهه..عطيتها من وقتي اكثر مما تستحق) استاذه مرح.. او فرح..امامي اوراق.. تثبت
تورط فواز بالتهمه الموجه اليه.. لكن لو يبي ما يتحمل
اي عقوبه باستثاء ..اعفاءه من الخدمه
وطبعاً ماراح نحرمه من المكفأه الماديه
فرح ..بحذر والمقابل
ياسر حسب علمي..انتي ابنته الوحيده..ولج معزه خاصه عنده
فحاولي تقنعينه الاعتراف..ويدلنا على مكان الشاحنه ..وشركائه بالسرقه
فرح..(انسان عديم الاحساس) اخ يااسر تدري ان الاهانات الموجه لنا..وتشويه سمعتناا
واالاكاذيب الي اطلقتوهاا.بااطله..لانها بدون دليل اواثبااات..كلها زور وبهتان
يااسر هههه..في اكثر من اثبات.. فواتير استلاام الاثاث بالكامل
كلها تحمل توقيع فواااز..و ايصالات الايداع في حساااابه
خلال يوومين فقط..اصبح رصيده نصف مليون رياااال.!!.من وين؟؟
فرح..بحزن عميق تآكد (( الظلم ظلمات يوم القيامه |)) وما راح يضيع حقه
اذا ابوي نفس ماتقول مايضيع جزاه بيآخذه .. واذا انظلم باذن الله بيآخذ حقه منكم
بالدنيا ان شاء الله قبل الاخره
وقبل ان ينهي المكالمه..قال بحده.. خلال يومين..اذا لم يعترف..سأكون مضطر لاستخدام اسلوب آخر
سيطر عليها التوتر..وظهر على شكل وساوس
وتهيء لها ان الحجز.. غرفه صغيره منعزله ..مظلمه..قذره..وتتخيل والدهها يجلس في الزاويه
على الارض البارده..ويتألم من الجوع والمرض..ومتضايق من الوحدة
حاااولت التحكم بمشاعر ..الخوف ..القلق.. كما ان أحساسها بالذنب تجاه ناهد أدى دور
في ظهور العصبيه والتوتر بشكل عميق
تمتمت فرح بصوت مرتفع اعوووذ بالله من الشيطان الرجيم
\..لا إله إلا أنت سبحانك إني كنت من الظالمين\
استرخت قليلاً.. ثم رجعت تفكر بغياب والدها..وأحست بعدم الامان
فخرجت لـتتأكد من اغلاق الباب والنوافذ
حركت الباب الخارجي..وتطمنت عندما وجدته موصد..وقفت في الفناء
الذي لايتعدى المتر..من امام الباب االرئيسي ..للباب الخشبي المؤدي للداخل
ورفعت رأسها لتنظر للنوافذ.. بدون قضبان حديديه..يغطيها الغبار وتراكم التراب على جانبيها
رجعت لغرفتها..والقت بنفسها على السرير..لفت طرف لحافها
حول اصبعها..وقربته من انفهااا..عيناهاالحزينتان..تراقبان
السقف فوق رأسها..كأنها تبحث عن حل..لمشكله مستعصيه
«-`¸`~*•.• ّ¤؛°`°؛¤ّ•.• ¦‡ سر الشوق؛؛8 ‡¦•.• ّ¤؛°`°؛¤ّ•.•*~`¸`-
الفترة التي ظهرت ايمان في حياته واستمرت تطارده
وتظهر له حبها بطرق ملتويه..كانت فترة فتور في علاقته مع سعاد
يعاني من الجفاف عاطفي..والحرمان من الاشباع الزوجي
فتسببت تصرفات إيمان في اثارة رغباته المكبوته..وتأججت نار الشوق
فبادر خالد..للمصالحه..والاعتذار من زوجته سعاد ..لإشباع رغباته
اوقف خالد سيارته امام منزل ابو سعد..واخرج هاتفه واتصل ..وبعد اكثر من رنة
ردت ..ام سعد..ووجهت له بعض الكلمات الجارح والانتقادت
بعدها..ظل يفكر..بطريقه ..كيف يصل لزوجته..بدون تدخل والدتها
وتذكر..ام سعد لاا تعرف القراءة..فكتب رسالة نصيه..وارسلها
ما اتصلتي ما سألتي .. ولا قلتي خالد شخباره
ما سهرتي ما تعبتي .. وما وصلتي لعتبت داره
وينك عني وينك .. ودي بشوفت عينك
انا مالي غيرك انتي هوا .. ولا غيرك لجروحي دوا
كاني غالي لي تعالي .. قبل حالي لا تذبل ازهاره
بعد دقائق..وصله الرد
تعبت من الوله والشوق
تعبت وطول الهجران
تعبت من الفرااق الي..ابد ماشفت له آخر
امانه يابعيد ارجع..ذبحني الشوق
ومابين للاشواق ابد اخر
ضحك خالد..وكتب مرة اخرى
حبي.. لو تبيني ردي على اتصالي
ثم اعاد الاتصال..وتكلم مباشرة الوو..سعاد؟؟
سعاد..بخجل هلاااا
خالد..بوله وشوق..ورغبة عيون خالد..حياته..طالت المده ..ومليت الانتظار
سعاد بدلع( صدقت امي ..ماقدر يصبر).. خاالد ..لاتزعل..ولا تاخذ بخاطرك مني
امووت لو احس انك..ما تبيني
خالد عيوني..من قال ماااابيج..وربي مشتاااق ..لج كلج..حتى لجنونج
سعاد تدري !! جنوني..من حبك؟؟
خالد موو حرام الي تسويه امج فينا ..تحاول تفرق بينا..وتمنعني اشوفج
سعاد هههه..ابي اتأسف..لين ارضي غرورك..غصب عني يالغالي
خالد ماينفع..لازم .نتفاهم..دوري لج اي عذر وطلعي معاي
سعاد..باستنكار ماااقدر.. امي ماااترضى
ا(يمان عرضت نفسها للخطر..ووصلت لين عندي) مالي شغل ..دبري نفسج
سعاد.. اقول لهم اني تعبانه..وانك بتوديني الطبيب؟؟
خالد هههه..مووب شغلي.. مشي حااالج
بعد..عشر دقائق..خرجت له سعاد..تحمل ابنتهما..وقلبهااا..يمتلئ لهفة ..على حبها الخالد
تناولا العشاء..في مطعم راقي..وعادا معاً لعشهما الصغير
كان للقاء بعد الزعل.. طعم خاااص..ولذة..مميزه
خالد سوسو..خلج اليوم..وبكره ارجعج
سعاد..تأشر لعينيها من عيوني..وتكمل بمكر..مااقدر افيدك بشي
خالد.. الاهم..احساسي انج قريبه يكفيني
كان الحوار بينهمااا..همسة..ونظرة..ولمسة.. وتتزايد اللهفة..!! حتى بوجود بعض الموانع؟؟
وضع رأسه على صدرهااا..واحاطها بذراعيه..وناام ..بهدوء ..وراحه ذهنيه ..ونفسيه
«-`¸`~*•.• ّ¤؛°`°؛¤ّ•.• ¦‡ سر الشوق؛؛8 ‡¦•.• ّ¤؛°`°؛¤ّ•.•*~`¸`-
فجر يوم الجمعه..استيقظت على صوت المؤذن
رددت خلفه عبارات الاذان..ثم الدعاء..ولم تنسى وردها اليومي..عند الاستيقاظ
وقفت في الممر..بين غرفتها..ودورة المياه..تتمنى رؤية والدها..يقف امامها
والنور يشع من وجهه البشوش..وأثار الوضوء..تزيده تألقاً
حتى التجاعيد الظاهرة على جبينه..تزيده وقار ورصانه
بعد ان تحممت..ولبست..سرحت شعرها..وتركته منسدل ليجف تماماً..
وما ان دخلت فرح المطبخ..حتى ادركتا.نوره وام الخير.من ملامح فرح المنهكه من الحزن
ان هناك امر ما..على غير مااايرام
نهضت نوره..واعطت اختها..الوعاء البلاستيكي ..الذي يحوي العجين
وتمططت..لازالة الخدر الذي اصاب قدميهاا..من جلوسها على الارض لتعجن
غسلت يديها من بقايا العجين العالقه بين اصابعها..واقتربت من ابنتها
ظلت تنظر لابنتها..بإعجاب امومي..وتتأمل لون بشرتها الفاتح
والخالي من العيوب..والناعم مثل بشرة الاطفال
وفمها..الحساس المليء بلون الورد..وعينيها العسليتين
وشعرها الطويل ولونه الجذاب والمتهدل على كتفيها النحيلتين
ام الخير..وهي تمرر اصابعها في شعر فرح فرووحه..لا تكتمين بقلبج.. ابكي..وفضفي
نوره..بحزن عميق آآآآه..مااندري وش مسوي الحين
ام الخير عينو خير.ابو فرح بيرجع لكم سالم غانم..بس اذكرو الله وصلو على النبي
ولا تشيلون هم.. راح اكلم يااسر.. وبيساعدناا
هذه المرة..عجزت فرح عن اخفاء توترهاا..وبدت مضطربه وهي تقول
ما قط شفت بحياتي.. انسان يحمل حقد بهذا العمق
ولا سخريه واستهزاء بهذا البرود..والا مبالة بمشاعر الاخرين
مثل هاذا الانسان..
ام الخير بتعجب قصدج ياسر الـ سالم؟؟
هزت فرح راسها..علامه الموافقه ..
ام الخير بذهول ياااويلي..!!كل هاذا فيه
انتي غلطانه..ياسر انسان طيب وخلووق..ليت كل الرجال مثله
احنت فرح راسها..مستسلمه لليأس ابوي ..حولوه للتحقيق
ثم اخذت ترتجف من احساسها بالذل..والمهانه...والقهر
ربتت ام الخير على يدها..وقالت علميناا..وش صاااير..من البدايه
شلوون عرفتي عن ياسر
حكت لهم فرح..عن المكالمه بتفاصيلها..وسخرية ياسر من فقر والدها
واتهامه ..بالخيانه..والسرقه..ورصيد فواز بالبنك
ام الخير برصانه لكن..صحيح من وين له نص مليووون..من وين جااب هالمبلغ؟؟
نوره بجديه لازم نساعد ياااسر..عشان يطلع فواز بالسلامه
ظهرت على فرح..علامات الامتعاض شلوون ..تتبين ابوي يعترف بشي ماا يعرفه
ام الخير حبيبتي..تقدرين تقنعين ابوج..يقول من وين ياته الفلوس
وهم بيتأكدون من كلامه ويسااعدونه
اقتنعت فرح بكلام خالتها شلوون اروح له الحجز
ابتسمت ام الخير بارتياح ولااا يهمج..الحين ادق على بشير
حملت ام الخير هاتفها..واتصلت على بشير..وجدت جهازه مغلق
صلت الفجر..وخبزت..ثم تناولو الافطار
واتصلت مرة اخرى..نفس الشي..مغلق
صاارت تتصل كل نصف سااعه..و..مغلق
«-`¸`~*•.• ّ¤؛°`°؛¤ّ•.• ¦‡ سر الشوق؛؛8 ‡¦•.• ّ¤؛°`°؛¤ّ•.•*~`¸`-
يوم الجمعه..الساعة العاشرة صباحاً
كانت سمر تتناول افطار خفيف..للحميه..مكون من
عصير برتقاله..بيضه مسلوقه..وشرائح من الطماطم
دخل ..حمود..مسرعاً ومد لها هاتفها هاااج. يرن اكثرمن ساعه
وجدت ثلاث مكالمات من نبيل..ارجعت شعرها للخلف
بظهر كفها..واعادت الاتصال بنبيل هلاا نبيل ..اخبارك
نبيل بعصبيه الله بالخير..كل هاذا عشان تردين
سمر..بملل تو ..حمد ياب لي الجوال..واول مااشفت المكالمات
اتصلت
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك