رواية رهينة حميّته -87
تركتو رجل حامل كفنو على كتفو،
درصاف اجابتها خلال تحرّك السيارة فيهم:
هدا هو نصيب الرجال بهالبلد عنا
اللي ما بموت من الفقر بموت من رخاصة الناس اللي حولو قهرًا
المهم هلأ نبلش الفيلم اللي اتفقنا عليه
انا وإياكي على خالك لنحرق فيه متل ما حرقنا
ولو فكرتي تتراجعي يا بنت شاهباشا لتشوفي بناتك كلهم تحت التراب ورب السماوات، لإنك انتي البوابة الوحيدة اللي بقتلي لأكسر فيه عمر،
ميسا اشاحت بوجهها عنها مذكرتها:
أنا خوف ما أدفن بناتي جيت اتحالف معك،
بتغطية من كنتي وبطلب من جدها باسم،
فدام مشيت بشو بدك
صار تمشّي شو بدي
لنسافر على أرض النار
قاطعتها درصاف بتعجب:
وابنك بكرك لمين تاركتيه وسط هالحرب؟
اجابتها بحسرة:
تركتو للي رح يردلو عقلو متل ما سلبلو إياه،
لإنو لو هربناه رح نفقدو ونخسرو،
فلا منا ولا من تهريبو؟!
درصاف حركت راسها مطالعة بلا شيء
سائلتها: همه لهلأ مفعلين تجاربهم للسيطرة على الناس، بتغيير تركيبة الدماغ، كنت مفكرة حفيدة باسم بعد قصتها مع وحوش وابالسة البشر تقفّل الملف،
ضحكت ميسا بكره
مجيبتها: لو تقفل ابني ما وصل لهون،
اخدو بنت خيْلان وحقنوه بالمواد، فجاري التنفيذ عليه المشروع دام دخل المستشفى العسكري المنطقة المغلقة الما حد بدري شو بصير في طوابقها السفلية،
درصاف مسحت على وجهها
سائلتها:
انا ما فيني اعرف كل شاردة وواردة هناك من منع خالك سواعدي يصلوها، ففهميني بس شو المعنى هلأ عم يستفردوا فيه هيك،
قاطعتها ميسا بهدوء:
يطلعوا اخوه، ليكملوا مشروعو اللي تبنوه همه،
درصاف تنهدت ناطقتلها:
مدري شو قلك اهلك وهيك ساووا فيكي يبقى ما حد بعتب ع عيلة زوجك
المهم هلأ، انا رح جهزلكم جوازات السفر لتكونوا قبل ما تصل الساعة 12 بالليل فيها، و.. .
قاطعتها ميسا بتعجب:
انا ما بهمني هالتفاصيل قد ما بهمني كيف معاملاتنا جاهزة من قبل ما نطلب منك وهلأ العكس عم تقولي
لتكوني بالصورة
وصلني اتصال مخبرني كلشي جاهز لإلنا من قبل ما اطلبك أنا رسميًا
فيبقى مين طلب منك هالشي؟!
وليه عم تتدعي العكس وتماطلي بالوقت
...
فتبسمت درصاف بمرار ع جرأتها بالكلام معاها
ناسية هيه مين بتكون وشو بتقدر معاها تعمل ع هيك كلام
رافضة تناظرها بعيونها
الفصل التاسع والخمسون
ربّاه سلّم أهلها و احمِ المخارج والمداخل
واحفظ بلاد المسلمين عن اليمائن والشمائل
مستضعفين فمن لهم يارب غيرك في النوازل
♥️قراءة ممتعة♥️
لا أبرئ أمام الله من يقرأ ولا يعلق
اللهم إني بلغت اللهم فاشهد
~~~~~~
انا ما بهمني هالتفاصيل قد ما بهمني كيف معاملاتنا جاهزة "جاهزين"
من قبل ما نطلب منك وهلأ العكس عم تقولي
لتكوني بالصورة
وصلني اتصال مخبرني كلشي جاهز لإلنا من قبل ما اطلبك أنا رسميًا
فيبقى مين طلب منك هالشي؟!
فتبسمت درصاف بمرار ع جرأتها بالكلام معاها
ناسية هيه مين بتكون وشو بتقدر معاها تعمل ع هيك كلام
رافضة تناظرها بعيونها
ملقية ع سماعها بكل بساطة:
مين غيرو للي .. . ببالك،
خليني بالمثل خبرك شي يا ميسا، كرمال تعيشوا وتطلعوا سالمين ما تسألي أي سؤال
لإنو
الاسئلة ممكن تعرضك للخطر انتي وبناتك،
انا من محبة ومعزة ابوكي وبعض الأهل بدي طلعلكم بسلام من هون مع أهلك كمان، لإنو البلد رح تخرب مش شايفة وضع مصـ..ـر تونـ..ـس سـ..ـوريا وبقية البلدان اللي عم تلحقهم، احنا حالنا مش مختلف هيكون بالربيع ولا بالخريف العربي، فحطي الماضي وراكي وامشي
وصدقيني تمسكك بابنك هزيم رح يحرق ما تبقّى منكم، ومدري إذا كان ابنك هو نفسو الجماعات عنا هون وبرا عم يدوروا عليه، لكني بعرف شي واحد ومتأكدة منو
لو طلع هو
اعرفي الجماعات ما رح ترحمكم وهيكون دمكم بإيدهم طُعم لإلو، فامشي وانجي بروحك وروح بناتك ورضيعك وابقي برا، وتفرجي مين فينا هيبقى، وع الأملاك بتنرد، المهم اطلعي
في مظاهرات ع الحدود واحنا بنحاول نكتمها بقتلها قبل ما تكبر وتطمع بأشياء من حقهم لكنها بالتوقيت الغلط
ظلمنا للبلد اهون بكتير من الظلم الرح يجيلها من تجهيز السكاكين كرمال بس بقرتنا توقع اصحاب هالسكاكين يقسموها ع كيفهم، فاهمة علي،
وتنهدت مستكملة بكل وضوح وهي عم تلف عيونها عليها بتحذير مباغت لإلها:
وأتوقع ما ضل أجرأ من هيك بيننا
كرمال ما تحركي علاقاتك وتفتحي الخط وتكشفي اللعب معانا
فهلأ رح سفرك انتي وبناتك مع حذف كلشي وحرق شرايحكم وكسر تليفوناتكم وحرقها قدامكم وتوقعي عنهم تلتزمي الصمت وعدم التواصل مع أي حد من هون من خلال التليفون ولا على مواقع تواصل الاجتماعي وإلا بوجهك هنكون، مفهوم؟!
مفهوم...
هه
عن أي مفهوم بتحكي عنو معاها
وهي ودها مش بس تنشل حالها ونسلها إلا تنتقم من كل حد شرْذمْهم بهالشكل المأساوي
قبل ما تغادر هالبلد
لكن يا حسرتاه
من تكالب كل من حولهم عليهم
تاركينهم حفاة عراة
بوجه رياح الإيام
فابتسمت بشكل لا إرادي
من قهر روحها الكاد يتحول لبكاء من حدة الضغط اللي هي فيه
مطالعتها بازدراء، عاجزة بشو تردلها من شدة حقارتها معاها، آبية الرد عليها، من إدراكها قلة الكلام معاها أبرك وأسلم وأضمن...
وعلى السفر
تمام تسفّرهم،
لكن بعدها هتعرف كيف تلتف عليها وتحمي حالها منها ومن أشكالها،
واعية ع رجفة إيدها اليمين
محاولة اخفاءها،
شادة ع فكينها بآسى ع الحال اللي وصلوه، بفعل أهل زوجها، اللي فتّحوا العيون ع ذكاء ابنها وعقبريتو الوجعتلهم راسهم من لحظتها لحد هاللحظة هاي،
نازلة دمعة من عينها ع فجأة آسى ع حالها
مين تخيل بنت العز والدلال تصل لهالمذلة والهوان
داعية ربها يرحمها من يلي هي فيه
اثناء اغلاقها لعيونها
من إدراكها كل المداخل مسكرة بوجهها
لكن باب خالقها الرحمن الرحيم المغير للأقدار بقبول الدعاء
ما في شي مستحيل عليه
ما في شي بعيد عن قدرتو
عكس هالناس المفكرين حالهم
مالكين هالعالم وهالكون
من قوة وعظمة علاقاتهم
غافلين كل ما بملكوه ملك خالقهم الوهاب
وبضربة وحدة منو
بتفقدهم كل ما بملكوه
بثواني معدودة
لأجل هيك
دعت ربها
وهي بقوة ضعفها وذلها وعجزها
ليغير كل موازين القوة
وينصرها عليهم كلهم
صادة رغبة بكاها
وفتح عيونها من بغضها لتناظر ولا تلمح طرف الجالسة قريب منها
حاسة بحركتها بجانبها
ورنة تليفونها المستمرة والموترة لأعصابها
شاعرة بشي مهيب رح يصير
داقق قلبها بخوف
زايد شكها برشّة يقين
من تهافت الأفكار عليها
هايبة ليكون اللعين الخال جلادار
عم يضرها ببكرها
نور رحمها الأول
من مشاطرة حرقو مع ألد أعداءو
حاسة بتخبط وخوف
هي تحالفت مع المدعوة درصاف
من إدراكها رح تحترص على حمايتهم نكاية بالخال
وحرق فيه
لكن الكارثة يضرها بزعيم
اللي بحماية الجد باسم
مخونة آمانة الجد باسم ع فجأة
منفجرة بكى
من تهافت بعض المواقف القديمة والحديثة
بذهنها ومخيلتها
مدركة خيوط أحبال اللعبة اللي من غلها وزعلها على حالهم
عموا عيونها عن شوفتهم
****
فبكت بصوت مقهور
مفارق حنجرتها غصب عنها
فالتفت درصاف بخوف عليها بس لمحتها كيف منهارة من البكى واطرافها عم ترتجف
محاولة تهون منها
لكن كيف والطامة حلّت وخلصت
منادية برعشة صوت
ع زعيم
ع زعيمها الكان
يعامل كنو أقل من الإنسان والحيوان بدرجات
وتاركينو اليوم بدون الجرعة الكانت تهدمو وتفصلو عن أوجاعو اللي همه كانوا وما زال
سببها
خابط حالو بالجدران
رغم إنو مقيّد
رغم إنو فاقد الإدراك
لكنو بلاواعي مبرمج بدو الحقنة اللي رح تخفف صرعة افكارو والهلوسات اللي عم يشوفها
مهمهم من الوجع بشكل
كان يريّح صاحب العيون العم تراقب فيه
من الكاميرات العم يصير فيه
حاسس غلو ما انشفى لازم ينزللو
لازم يواجهو ليزيد وجعو وجنونو
مش هدا اللي أهلو فضلوه وخلوه وصوروه
وشافوا فيه النور
بينما هو كان الظلمة والعار لإلهم
فلازم يحرمهم الأمان
متل ما حرموه يكبر بينهم
من تخلي أبوه عنو
بعد قصة حريق الخيمة
كرمال يحمي بقية ذريتو
لكنو هو حلف إلا يردلهم وينتقم منهم كلهم
فردًا فردًا
من أخ لأخت
ما في شي رح يرحمهم من شرو
هو جاي يكوي ويدمر كل جزء فيهم
هو جاي يزرع فيهم الوحشية
اللي ما حاولوا يحرموه منها
ويخلصوه من شرها
تركوه ذئب صغير
بين مجموعة خنازير وضباع
لخاوى عليهم وصاروا طوع إيدو وفكرو وأوامرو
بعد ما فهم لغتهم ولغة عالم الأسود وبقية ألوان
الليل وغياب الشمس ونور القمر
بالوقت اللي ناتعو جوا الزنازنة الاسمنتية
عاش وصار وتصور بالنور
وتوهج
حاصل على أفضل تعليم بالبلد بالنسبة لإلو
وكبر وسط الحب والرعاية ودفء المشاعر
لكنو هو ربي وسط النار والآهات والصرخات ودق الحديد
وحرق النار وصوت محركات السيارة ونباح الكلاب
ودبيب الرجلين وصراخ الرجال
ورجاء الخونة والمستضعفين
وعرة الرجالة
كبر على اصوات الليل
ونوم النهار
ربي ع الجلافة واللآمة
ربي ع الجحود
ومعانقة الموت
المصر ما يريحو
جسمو بشهد
ع كمية الطلق النار اللي تعرضو
ويرد من الموت
جسمو بشهد على كمية التواريخ
اللي رجع فيهم من الموت
كرمال بس ينتقم من أهلو
بكشفلهم عن حرمة اللي عملو
ليحرق قلبهم
ويعذبهم عنو في الآخرة اللي بآمنوا فيها
ويتحسروا على حالهم وحالو معاهم بدنيتهم
هالتواريخ المشومة عليه
شاهد حي
وذاكرة فذة
على رغبة الرب برجوعو للحياة لينتقم منهم همه وأعداؤو
الـ ملقبينو
بألقاب وفق تعجّبهم وانذهالهم منو
"برستم زال"
"دمجر"
"عنقاء "
"الروح الخالدة"
"جبّار "
"لعين الحياة "
"اسطورة"
كلشي بعظم فيه وحشو الداخلي
المشتاق فيه حلم ورغبة
ليهدم زعيم بكر أبوه وأمو
فهبط بالاسانسير الخفي
على طابقو
وعيونو عم تشع عداء وكره مخيف من تعطشها
ليقابلو
وينهال عليه بالضرب
ولحظة ما
انفتح الباب
عابر ع القسم الأرضي
بطولو الفارع المهيب
مستكمل بسيْرو
لعند غرفة وحدة
عيونو ما عم تشوف غيرها
مشتهي اراقة دماء فريستو المستضعفة منو
فريستو الملقبها بالكردي
شيران
أي الأسد
وهو فعلًا اسد ابوه ومفخرتو
لكنو هو هون
عندو وبين إيديه
خضيع
ذليل
مخبول وشعرة بينو وبين الجنون
فانفعل بس اخترق
سمعو
صوت التخبط والهمهمة
مقرّب أكتر من بوابة زنزانة
الـ شاطرو طفولتو ومراهقتو وتحولو لنسخة ما بتشبه ترباية أهلهم لإلهم
متأهب تماماً
لينسف فيه
بقية الحيل المتبقيلو لبقية اليوم
دامو هيحرمو من حقنو الاعتيادية
دامو هيجرم فيه
هيبدع بتفريغ غضبو من أبوه وأمو فيه
فبعجلة اخرج مفاتيحو المرافقة لإلو
معجل نفسو بادخالها بالباب
ولحظة ما سمع الطقة الأولى
وصلو صوت.. .
الفصل الستون
ربّاه سلّم أهلها و احمِ المخارج والمداخل
واحفظ بلاد المسلمين عن اليمائن والشمائل
مستضعفين فمن لهم يارب غيرك في النوازل
♥️قراءة ممتعة♥️
لن أبري أمام الله من يقرأ ولا يعلّق
اللهم إني بلغت اللهم فاشهد
***
فانفعل بس اخترق
سمعو
صوت التخبط والهمهمة
مقرّب أكتر من بوابة زنزانة
الـ شاطرو طفولتو ومراهقتو وتحولو لنسخة ما بتشبه ترباية أهلهم لإلهم
متأهب تماماً
لينسف فيه
بقية الحيل المتبقيلو لبقية اليوم
دامو هيحرمو من حقنو الاعتيادية
دامو هيجرم فيه
هيبدع بتفريغ غضبو من أبوه وأمو فيه
فبعجلة اخرج مفاتيحو المرافقة لإلو
معجل نفسو بادخالها بالباب
ولحظة ما سمع الطقة الأولى
وصلو صوت
تأوه عميق
"آآآه"
خرج من صدر
شيرانو
مفخرة أبوه
بكرو الوحيد
من الأوجاع العم يحس فيها براسو
ف
تصلّب مطرحو
مستمع لتأوهو
الكركبو محلو
وهبط
فيه بعيد عن جبروت قلبو وقلعة جحودو
ليلقي فيه
أسير وعاري تمامًا
أمام الرمال المتحركة لذكرياتو المضنية الماضية
دايرين فيه بغياهب أوجاعو وتخبطاتو
مذكرينو بوجعو
مذكرينو بقهر ووحش طفولتو ومراهقتو
الـ خلوه يرتمي
يئن بحجر أمو
ويبكي بضعف
من وجع عقلو ومخو وروحو
من شدة تزاحم الأفكار وزخم المعلومات العم يدبو بمسيلاتو العصبية
كرمال يبتكر ويكون ويصير ويفيد الأمة
مش هيك أبوهم ربّاهم
لكنو بفضل هالأفكار ومنة الله لإلو بالعقل
الزمن دار فيه مدارو لحد ما رماه في ظلمة موحشة
بِرحم جناة للذنوب
قساة للقلوب
جيوبهم ملآه بالعملة الصعبة
وخوصرهم "خواصرهم" خالية من الأسلحة
نظراتهم خالية من كلشي عدا نظرة اشباع الشهوة
عقولهم ما بشغلها شي غير ترضى هواهم
أما رضى الرب ونصرة العبد ورحمة المستضعف والثكلى
مش غايتهم إلا بتتقاطع معاها
همه خلقو ليوجعوا
خلقو ليكونوا أعداء الله
خلقو ليكونوا عون للشيطان في الأرض
لكنو هو خلق ليكون السد والدرع المنيع لإلهم
هو
كبر من نعومة أظافرو
على الدين وقصة خلق آدم وتحدي الشيطان لله بعدم سجودو لإلو
متعلم تفريق الناس بين الهادي والمضل والكافر والمنافق
تعلّم يشوف الفتنة وما يمشي جنبها
وكل ما يكبر أكتر
يحس بفضل كلام القرآن الكريم والسنة النبوية ومشايخ مجالسهم العلمية والاجتماعية وسط احضان العائلة
أدرك هو هيكون الشي العظيم
ليعلي كلمة الحق والدين
وينشل المسلمين من تبعيتهم الغربية
محاول يفكّر كيف وبـ ايش
من خشية مفكرينهم ومشايخهم ومن حولهم قول الحق
من ملاحقة الحكومة لإلهم
مقرر الغطس
بعمر ثماني سنوات فما فوق بالقراءة خفية بما يتوفر
أمامه بمكاتب العامة مدعوم من كل ما حولو
غير دارين عن يلي عم يخطط فيه
لإنو تربى على كتم النوايا
وفي ناس مهبطين رح يحاولوا يهبّطوا من عزيمتو وإرادتو متل ما كان يصير بالأطفال اللي من سنو بس يتحمسوا ويحلموا متلو
لذلك كان بالتخفي يورجيهم كتب تناسب سنو
بالنسبة لإلهم ويناقشهم فيه
لكنو بالواقع كان يقرأ أي شي عجيب
بفيدو بنشل الأمة من مستنقع التخلف والجهل والتبعية والبعد عن الدين
لكن ما في
ما في شي
يحسسو هو هون
لحد ما انجمع بتقادير من الله
ببيت جدو مع عساكر مراتبهم عالية بالجيش
للحديث حول استعادة افغانستان السيادة على أرضها في بداية تسعينيات
سامع حكي عجيب مـٰا اعتياد على سماعو من قبل
حاسس بعيونو لمعوا بحماس
صارلو كم سنة بدوّر وبدوّر
وهو غافل عن أهم شي واللي كان دايمًا متوفر ببيت جدو شاه باشا بكترة ومعموللو زي متحف صغير خاص فيه ليتباهى فيه قدام الأجيال القادمة تما ينسوا
احدى نقاط قوتهم
وكان هو يحب يرسمو ويرغب ليخترع شي خاص فيه من طفولتو
واللي هو
أيوة
السـ....ـلاح
بالفعل الأمة العربية
تفتقر لصناعة سـ... ـلاح فعال من قبل عقول فذة متلو
لذلك
هو لازم يكون شي إلو علاقة بالجيش
والسياسة
هو لازم يدخل ويتعمق بهالفكر
وريتو ما تعمق واكتفى برسم اللي كان يتخيلو
حول الاسـlحة وشكلها
من تنقاض الأفكار
بين الدين والعلمانية والإلحاد
حاسس ما حد فاهم عليه بس يسأل
راغب يهشّم راسو
راغب ينزوي بحالو
رافض يراجع مجالس الذكر
رافض الصلاة وأي كلمة متعلقة بذكر العبادة
متحدي الأهل اللي جابوه على هالحياة
غير راغب يتعلم تعليم بالي مبني على نظريات مشكوك فيها
راغب بعلوم متقدمة متطورة بتناسب فكرو وثقافتو وفوضة افكارو
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك