رواية رهينة حميّته -101
طالبة لو في إلها صور من معرفتي ردينة كانت تحب للذكرى تاخد صور
فكان في صور إلها
حاسستو عم يضيع معاها بالتفاصيل
سائلتو ع فجأة:
ما بتتذكر الطفلة الكنت تقعدها بحضنك وإنتا عند جدك شاهباشا وتحب تضلها تبوس فيك وتلعب معك وإلك ألبوم كامل معاها
هي نفسها اللي كنت بقلك عنها
بتبقى بعد ما دورت عنها
هي نفسها مرتك! وصورتها ما زالت عندك وأمك غصب عنك أخدتها لتحطها بالألبوم من غيرة ميرنار منها هي وستيفاني راغبات يسمروا حالهم عشان تعجب فيهم من تباهيك بسمارك وإنتا وحبيبة قلبك ملكجان
هدا الكلام من جدتك اخدتو
ضاحكة بمرار كيف دار الزمن وأخدتها
فضحكت عليه غامزتو ع شقاوتو
لكنو هو ما بادلها الضحك
راجع لمطرحو
من شعورو
ضاع وضيّع معاها
عاجز يجمّع باللي عم تحكيه من وجع راسو
لكنو كاره يبعد عنها لحظة من خوفو يضيّع أكتر وهو سامعها عم تكلمو لكنو مو فاقه شو عم تقلو غير لما سمعها عم تحكي ع فجأة:
والسؤال اللي طبيعي تسألو
كيف تأكدت من هالشي وغيراتو
لك قلك بكل بساطة
من حبي للتحري، وتحريك علاقاتي والذاكرة اللي عندي
من بعد كشف زواج أختك رناد من ابن خيْلان
مشيت معاها بعيد عنا
لامحة أنا من بعيد سيارات واقفة
فضولي والله ما تركني بحالي خاصة بعد ما سمعت صوت طلق نار مكتوم
مفكرة حد صارلو شي مقربة أكتر
وذهلت لما شفت مرتك وهي مش قادرة تسند طولها مع رجال لابسين أبيض بأبيض حتى وجههم مخبى
وهدول الرجال بعرفهم منيح
دام أخي شاهباشا استلم تدريب أباتهم مجبر من الملك ليحمي عيلتو من الدرجة الأولى بس
وهدول وظيفتهم بالدولة حصرًا للـقتل واخفاء أي حد بهدد ورثة الملك
وما بظهروا غير لتصفية الحسابات
حايرة هدول ليه أخدوها مش قتلوها
والأهم همه حتى كادوا رح يقتلوك كأنو كرمال تروح معاك
عجزت افهم القصة فحاولت قلّب شمال يمين
واربط باللي بعرفو شاكة ملك زي جدها مدسوسة بينهم
فقيّمت الدنيا وقعّدتها بعلاقاتي
لحد ما ارسلتلي شرمين
تهديد مكتوب بنص الليل بالدم
عند فراشي
"اطلعي من القصة وإلا حالك هيكون متل اللي قبلك وينكتب بدمك تهديد لغيرك"
وطبعًا لحالي فهمت إنها منها لإنو جلادار ما بعمل هيك
لكني بطرقي الملتفة فهمت وتيقنت
ليه هي ما بدها حد يدري
لكن بالأول خليني قلك
صدقني
هي أخدت ملك لتبرّي وزرها بحقها
لتجبر كسرها
بعد ما حطتها بوز مدفع لتحمي ميرنار تـ ما توقع بإيد خالها وتكون فيد عروسة الليلة بالحرام لخالها الملك و.. .
زعيم ما قدر يسمع أكتر من هيك راجيها بثقل من تورم قلبو ع شي مش عارفو وفاهمو ليش،
من شعورو
الذاكرة عندو عم تروح هلأ أكتر ما بترجع:
شــ.. .ـوي،
وسكت محاول يجمّع شو دخل ملك لتنحط بوز مدفع حماية لميرنار بنتها، سائلها بضيعان من عجزو ليتذكر شي: رجاءً فهميني
وضاع ناسي تكملة السؤال، مكملة عنو شاهمير السؤال: قصدك فهمك بس ليه هيك عملت فيها؟!
فرك عيونو ناسي إذا هيك قصدو او لا
مجيبتو
شيري باشمئزاز: من ميولات أخوها وجماعاتو المنحرفة، عباداتهم بالعلن اسلام جديد لكن بالخفاء طعن لهالدين وكل دين، همه اتباع ابليس، بس كرمال يمسكوا البلد إذا مش بالدم بالولاء للعالم التاني، فكرمال يثبت هو الأفضل لحكم البلد وضياع الأمة كان لازم يعمل تمزيق للأمة وفتنة بين الأعراق الموجودين بالدولة، وشي أعظم منهم هي ممارسة الفحشاء مع حد من عرضو، مختار بنت شخصية مهمة ودو يكسرها وكسر أبوه الحاكم فيها، بإنو يلمس بنت أحب بنت جابها واللي كانت شرمين اللي كانت تقول بنتها ماتت بسرداب بيت أهل هوْدة مدفونة عند الشجرة، وبالفعل لقوا رفاة هناك لحد من دمهم، بس أنا شاكة جابت عظام بنتها اللي ماتت قبل انجابها لميرنار و.. .
زعيم ضاع من كترة التفاصيل العم تحكيها، معجلها لتعطيه الصافي من عدم ادراكو الذاكرة هلأ عم تحيي فيه الشعور أكتر من ذكرى المواقف وخباياهم: لليش لليش ملك اللي هي ملكجان تنحط بالصورة، وميرنار بدل ما تربى مع أمها تروح تربى ببيت نارت و.. .
قاطعتو بغصة: مرت نارت المسكينة كانت حامل
ورايحة بزيارة سرية للبلد لعند هوْدة كرمال تنقل الأخبار لصاحب زوجها نارت الكان مسافر برا شغل رافض يتدخل بهالشي
منتخية زوجتو ديانا بالخفية من وراه بس كرمال تضمن ورقة قوة لإلها
بدخول أهلها للبلد هروبًا من الاضطهاد الثقافي والمعيشي الكانوا يعانوه لحد ما تحت حكم السوفيات
باختصار كانت بدها أهلها يستقروا هون بالبلد مع تسهيلات اقتصادية لينقلوا شغلهم ويعيشوا في مناطق بعيدة عن فوضى البلد
فلذلك كانت تدخل نازدار ببطاقة وهمية بحجة شغل مع خيْلان
في بداية الحصار
فقامت مرت ابنها وئام المغضوبة مخبرة الحكومة الجديدة في منطقتهم عن الخداع والغش عن طريق أخوها
جايين مباشرة بعدها
بدهم يقبضوا عليها لكن بسرعة هوْدة خبتها معاهم بالسرداب وهي حامل
بآخر شهورها
فولدت بنتها بالسرداب لكن مع جهلهم بالولادة وقرب العسكر منهم
حاولوا يكتموا صوت بكى البنت
فماتت بنتها مخنوقة بعد ولادتها بدقايق بسيطة
فجنت باكية وبدها تهرب من هون
لكن ما حد قبل
ماخد بنتها للدفن خلف دارهم
فزعلت شرمين عليها ملقفتها ميرنار بنتها اللي متوقع بأي لحظة تفارقهم من شح حليبها والأكل والمي اللي بتصلهم بعد إشتداد الحصار،
ومن بعدها ما بعرف شاللي صار غير إنو ميرنار اخدتها ديانا ع أساس إنها بنتها وشرمين طلقت جلادار وحاكية بنتها ماتت واندفنت هناك، وجلادار صدّق، والكل حتى صدّق بما فيهم أنا لكن بأحد زياراتي لباسم بلندن، دخلوا عليه رجالو مخبرينو باللي صار، حايرين ايش يقولوا لجلادار، لكنو سمهم قدامي بفنجان القهوة القدمتو الخدامة
ناهي موضوعهم ومدّخل رجالو ينظفوا فوضتهم، فسألتو يومها "ليه هيك عملت"
قلي ببساطة: جلادار رح يحرق البلد
فيموت تنين تلاتة ولا نموّت نص الأمة بالبلد عشان بنتو والأخد بالثأر من مرتو وأبوها وأخوتو وولادهم والمقربين منهم واتباعهم،
ما اقتنعت بكلامو لكني بس شفت جلادار كان وحش أيامها وشو كان يعمل ويلجأ كحل أول للمشاكل كان بس القتل
فهمت قصد باسم
وبصراحة السؤال اللي عجزت افهمو
ليش سمح لحفيدتو تكون فدا بنت جلادار
قلت ممكن عشان اللي بحكم أعداؤو ومرتو هوْدة خّونت فيه وبأخوتها
فتركها تقلّع شوكها هي وذريتو اللي فضلوا هوْدة عليه
وكمان عشان زوج أختو صفوت اللي كان ملعون والدين والحمدلله اللي مات حرق بالخيمة هو وبقية الطواغيت اللي زيو
فلذلك هو ترك نمر كمنحو فرصة بالحياة وحمى اللي حرقوا الخيمة حماية لاسمو وما ينحط بوز مدفع بالصورة
فانضغط ناطقلها ع فجأة:
طيب ردي للبداية شو قصتها لملك مع حاكم البلد
شيري بلعت ريقها حاسة بالتعب من كتر ما طلّعت من عندها
محذرتو: آخر شي رح احكيه بعدها خلي البقية لسهرة الليلة بعد ما نروح نعزي بأهل نارت،
فشد ع حالو رافض اللي عم تحكيه، طامع بسطّحها بكترة الاسئلة تَـ بس ياخد الأجوبة ع الاسئلة والشكوك العم تكتر عندو: بصير خير المهم قولي شو علاقتها فيه؟!
تنهدت مجيبتو باشمئزاز:
ميرنار كانت هاربة لعندكم بالوقت اللي مرتك هربت من أهلها
فما بعرف كيف وصلت بيتكم بس كل اللي بعرفو تركتها شرمين فيد لبنتها ميرنار اللي ما حد بفهم ليش راحت هناك هل ساقها القدر كرمال ما يصير الحرام الأعظم بلمس خالها "خال ميرنار" لإلها
فقاطعها زعيم باستوحاش:
الحاكم لمـ.. .
قاطعتو شاهمير بصراخ: لا تطمن يييي لو عملها لخربت بيتو بالصحافة برا، بطرق مدسوسة،
فتنهد براحة، مستذكر الملف اللي وصلو لعندو بعد ما شك هي متعرضة لشي
رايح مباشرة يفاتح أبوه باللي وصلو من الخال جلادار،
سائلها بغيظ: طيب جلادار ليه قبل بملك لينحكى عنها إنها هي بنتو،
شيري تثاوبت بنعس
حاسة خلص لازم تناملها شوي
مجيبتو بفك مرخي: ليغيظ اعداؤو في ذرية بقتلو بالخفاء
حرب نفسية وأعصاب
والأهم خليني قلك
والله لما بتتعامل مع حد بآمن بتناسخ الأرواح
وبشوف روح بنتو بهالجسد... شو بدك تعمل ساعتها، لك قتلك هو يزيدي واليزيديين عندهم فكرة التقمص ودوران الأرواح، بس انا عندي كلو واحد تناسخ تقمص بغض النظر عن الفلسفة تبعت التناسخ والتقمص،
والفلسفة عندهم بما معناه لهالمعتقد بتقول
الحلو بهالدنيا لو انضرت الروح بهالجسد قدامك حيوات آخرى تعدل فيها.... فاللي بموت ظلم بعوضو الخالق بجسد تاني تـ....
تـَ شو
من شان خالق السموات ترحمو من يلي عم تقولو،
حضرتو مفكر روح بنتو فيها وبنتو أصلًا ما ماتت
الطامة حضرتو جازم إنها هالطفلة الخلقت بعد موت بنتو
هي بنتو من تقمص روحها فيها
طيب دامو فكّر هيك ليش ما كان يتدخل بكلشي بخصها
ولا هي بنتو لساعات وساعات
ففج قايم من مطرحو سائلها بتخبط: طيب ليش تركها تعاني لبنتو و.. .
ردتلو بكل بساطة:
ترك البلد سنين وراح ع افغا نستان يقاتل
فرجع حد تاني وظهر بقصة حمايتها فيما بعد
ماسح ع راسو واعي ع تعليقها لإلو مخبرتو ع فجأة وهي عم تسند حالها شايلة قطتها معاها:
إذا بدك تخلّص ع عدو واحد لتحل كل مشكلتك
بدك ترجع للأساس اللي بدعم اعداءك بظهرك وبحل عقدة اعداءك المعادين لإلك ولإلو بكل بساطة
فلفلها معجلها بهالحركة
تنطق اللي عندها
لكنها تثاوبت من شدة النعس
مجيبتو بعشوائية:
النعس وفعايلو نسياني
اووه
وين كنت،
لكنو قبل ما يجيبها ردتلو ببساطة:
خلاصة القول
بتعرف مين غريمك الأكبر هلأ
هو حاكم البلد باللي فيه،
وصدقني نمر لو دري وربي ليصف بجنبك ويحرق جدتها والخوجة تبعتها، ~~~~
وتطاير الكلام من سمعو
متوقف عند كلمة وحدة
تردد صداها ع سمعو
الـ
خُـوجــ.. .ـة؟!
لحظة بس أي خوجة بتحكي عنها
لتكون .. .
~~~~~~~~~~~~~~~~~~~~~
عند نطق شرمين رجع الخال للساحة بقصة حمايتها
قصدها قصة تعذيب ملك بعد خطفها
الفصل الثامن والسبعون
رباه سلّم أهلها و احمِ المخارج والمداخل
واحفظ بلاد المسلمين عن اليمائن والشمائل
مستضعفين فمن لهم يارب غيرك في النوازل
♥️قراءة ممتعة♥️
~~:إذا بدك تخلّص ع عدو واحد لتحل كل مشكلتك
بدك ترجع للأساس اللي بدعم اعداءك بظهرك وبحل عقدة اعداءك المعادين لإلك ولإلو بكل بساطة
فلفلها معجلها بهالحركة
تنطق اللي عندها
لكنها تثاوبت من شدة النعس
مجيبتو بعشوائية:
النعس وفعايلو نساني
اووه
وين كنت،
لكنو قبل ما يجيبها ردتلو ببساطة:
خلاصة القول
بتعرف مين غريمك الأكبر هلأ
هو حاكم البلد باللي فيه،
وصدقني نمر لو دري وربي ليصف بجنبك ويحرق جدتها والخوجة تبعتها، ~~~~
وتطاير الكلام من سمعو
متوقف عند كلمة وحدة
تردد صداها ع سمعو
الـ
خُـوجــ.. .ـة؟!
لحظة بس أي خوجة بتحكي عنها
لتكون.. .
فمباشرة سألها قبل ما تختفي عن مرأى عينو:
لتكون ما غيرها
أجابتو بدون تركيز
: أيوة هي ما في غيرها كان بالبلد عندكم،
شاهقة ع فجأة بس أدركت نطقها بشي
ما كان من المفترض تنطق فيه
خاطفة حالها بعيد عنو
تاركتو
لوحدو ولعالمو العم يهوي فيه لبعيد
عند ذكر هالاسم
الزلزلو من جواتو
وفاتح
عليه باب كبير
من الذكريات العم تتراكض عليه
عاجز يلاحقها
بفضل رد شيري العبرت لغرفتها
سادة الباب وراها وهي حاسة بتأنيب ضمير
وتخبط من نطقها بآخر شي
متحسفة ع قعدتها الأخيرة معاه
راجية ما تنقلب الدنيا ع راسها بعدين
حاسة هي طول عمرها ماشية بسكة السلامة
لكنها باللي نطقت فيه
شرمين رح تصفي بكل وحشية دمها
ودم كل حد دري عن ماضيها بنازدار
راجفة إيدها من معرفتها ما بترحم
فبعجلة حملت تليفونها
متوقعة واصلها شي كتهديد لكن ما وصلها
فارتمت ع سريرها حاسة اعصابها مش قادرة تحملها
وهي اللي مالها علاقة بالموضوع
لا من قريب ولا من بعيد
يبقى شو حال ابن مزار
هيكون
لو دري بقية التفاصيل الما رح تبوح فيها لا لإلو ولا لغيرتو
متنتن تليفونها ع فجأة
حاسة قلبها هيوقف لحظتها
هايبة تشوف الرسالة ضامة القطة لإلها
معلقتلها بخوف: خايفة قوي يا كوكو، بوظت الدنيا كلها بهبابي وطولة لساني، هنروح فيها صدقيني،
إلا بصوت تنتة معلنة وصول
رسالة تانية ع تليفونها راجفة بخوف
وساحبة تليفونها بلا تفكير منها من حيرتها شو تعمل
لامحة الرسالة الواصلتها من باجس
فكبروا عيونها بس قرأت شو كاتب
مغمى عليها بعدها
من هول اللي طالبو منها
مرسلها رسالة تانية
كرمال تعطيه جواب
لكنها ما أعطتو
شي يريح بالو
مطالع الجالسة جنبو
وهي مش بهالعالم بعد المسكن الـ حقنوها فيه
بسبب كسر الضلعين اللي عندها
نتيجة لضربتو القوية لإلها بعد عملتها الندلة فيه
حاسس بحسافة كبير ع مجاراتها
ويلها تسلّط العالم التاني
عليها وويلها كسرها هالضلعين اللي عندها
كاره حالو والعالم كلو
من غياب حسها وطولة لسانها معو وعنو
باصم هي مش شكل وجع أبدًا
وحمّلها فوق طاقتها الكتير
متأمل فيها مع بداية نزول المطر بخفة
شايف فيها جمال ساحر كان غايب عن نظرو من قبل
حاكك راسو محاول ما يتعمق ف
لون البشرة،
وأهدابها الطوال الكثيفين المرفوعين،
وأنفها و.. .،
وشو بعدها
تلاشى التفكير فيها وبملامحها
لحظة ما وعي ع ضو عالي مسلط عليهم
مع صوت تزمير سيارات مزعج
فلف وجهو خَطف
لامح حد عم يدخل عكس السير
مع موكب سيارات مظللة
لعندو فبعجلة
حرك السيارة
بس
لمح نمرة السيارات
مكشّر
من تيقنو التام
هالسيارات بتعود لهزيم
الصار شبه الكل بالكل بهالمنطقة
بعد ما دعس ع آمان وغيرتو
واعي ع المجنون هزيم عم يفتحلو الشباك
طالبو:
سباق للي رايحلها يا ابن حكيم؟
وقبل ما يجيبو سد الشباك مقرب منو يجبرو ع اللي بدو اياه
منخضة السيارة فيهم
واعي ع صوت دانة وهي عم تتأوه
من حرها بهالخضة "آآآآه"
شاتم هزيم
وغير راغب يخوض معاه السباق
لكن ما فيه مجال
غير يجاريه
بس بحلمو
فبعجلة قرر يغدر فيه بس يقرّب عليه
ليتقدم عليه ويلف عكس السير سايق ع مسارو
وهيك بتنصل منو ومن رجالو بهالحركة المجنونة
ومباشرة بس اجى بدو يخبطو من جانبو
تقدم عليه بسرعة جنونية
ولف بحالو عكس السير
واعي ع فجأة سيارة هزيم صارت تتراقص
غير هامو مكمل عكس مسارو
ومأجل المواجهة معاه لبس يترك الفاتنة الموجوعة عند شيري
ضارب جبينو ع فجأة بس تذكر هو عم يبعد عنها طالع من منطقة برجيس بدل ما يكمّل لعندها
كلو من الندل الـ**** هزيم
طالعة عيونو ع فجأة بس تذكو شو قلو
"سباق للي رايحلها يا ابن حكيم؟"
فأدرك هو رايح لعند شيري
فبعجلة لف بدو يلحقو بسرعة جنونية
لكن تكرار تأوه فاتنتو الموجوعة بجانبو
ذكرو بطيشو بهالقرار
مبطيء بسرعتو
لعند شيري
وهو عاجز يصل لليش هزيم الـ **** رايحلها
بفضل الله
لإنو
لو دري بالسبب لكن حرقو
حرق باللي عم يعملو بأخوه
مزار الراكب بجنبو
وهو عم يسألو بيأس:
لوين بدك تروح فيي يا ابن الأيام
لليش نازل بتحرق فيي
بأهلي واحد ورا التاني
بدك تقتل اخي كمان قدامي
لك ارحم بقلبي لعيش ليوم قتلك إلي
ردلو هزيم بضحكة باردة:
هه شد ع مراجلك
لإنو هيك حالك صار عشان أهلك
طيب شو حال بس تشوف حال بِكْرك هلأ
بس اكشف كلشي قدامو وقدامك
شو رح يصير فيه
شو رح يعمل ويقول بس يدري عن سواياك
بقبولك بترك ابن رناد عندي كرمال ما اقتل واسم ابنك ع عيون أمو ميسا
ولا شو ردة فعلو بس يدري إنتا حكيت عن عرّابي
الـ.. .
مسكو ع فجأة العم مزار سائلو بآسى:
لك لليش هيك بتعمل؟
لليش عقلي رافض يستوعب مدى سوء اللي اجى من صلبي؟
لك لليش بدك تحمّلني دفع كلشي بحسرتي ع أخوك اللي بر فيي وما كسرني بيوم،
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك