رواية علميهم ليه احبك حب ما حبه بشر -49
فهد : وين راحت ؟
راح لغرفتهم .. اول مافتح الباب لقى الغرفه باااااارده وظلام ..معقوله نامت؟
قعد على السرير ونادى بهدوء: دلال.. دلو حبيبتي نمتي ؟
دلال: اي نمت
فهد ابتسم: كيف نمتي والحين تردين علي
دلال: فهد ابي انام .. خليني لو سمحت
فهد قرب منها : مو بدري ؟
دلال: لا مو بدري .. انا عندي بكره دوام ولا نسيت ؟
فهد : طيب خلينا نقعد شوي ..
دلال: ماني قاعده .. اقعد لحالك ..ولا اقول لك رح اقعد مع تهاني احسن لك
فهد : حبيبي زعلانه
دلال بعصبيه:ممكن تخليني انام ولا اطلع انام بالصاله ؟
فهد: طيب طيب بخليك .. تصبحين على خير
دلال ماردت
فهد ضاق صدره لانها نامت وهي زعلانه عليه ..
بيت ام عبدالرحمن
ام زياد بعد ما لمت اغراضها وقشها قعدت تنتظر ولدها يجي ياخذها
زياد دق على امه : يمه انا تحت
ام زياد : طيب الحين بنزل لك
زياد: لا انتظري .. انا بنزل
ام زياد: زياد مارح انتظر ولا دقيقه زياده .. ابي اطلع من هنا على طول اصلا انا الغلطانه اللي طاوعتك من البدايه وخليت بيتي وحالي وجيت هنا اقابل حبيبة القلب
زياد: يمه الله يهديك بس شوي .. مارح اطول
ام زياد : بس خمس دقايق
زياد: طيب بس خمس دقايق
بالصاله
ام عبدالرحمن كانت قاعده مع ام مشعل اللي كانت تشرب شاهي وتنتظر اثير تخلص من ترتيب اغراضها عشان ترجع البيت معها
رن جرس البيت
ام عبدالرحمن: خير ان شاء الله ..من بيكون جاينا الحين ؟
غدير نزلت : انا بفتح الباب ماما اكيد المطعم انا طالبه اكل
ام عبدالرحمن: طيب
غدير من عند الباب: ميييييييييين ؟
زياد: انا زياد
غدير كشرت : نعم
زياد: ابي الوالده ..
غدير فتحت الباب : عد للعشره وادخل
زياد ابتسم : طيب ...
غدير ركضت لجوة: ماما هذا زياد
ام عبدالرحمن: طيب خليتيه يدخل ؟
غدير: خليته بالحوش
ام عبدالرحمن:شكله ينتظر امه عشان ياخذها
غدير بعدم تصديق: احلللللللللللفي انها بتطلع
ام عبدالرحمن : بس ياغدير عيب
غدير: اااااااااه اخيرا .. وركضت لغرفتها من الوناسه
ام مشعل: ههههههههه الله يسعدها .. ذكرتني ببنتي الهنوف
ام عبدالرحمن ابتسمت: الله يهديهم ويصلحهم ..
ثواني نزلت اثير بشنطها: خالتي انا جاهزه
ام مشعل ابتسمت : يللا حبيبتي .. متأكده مانسيتي شي ؟
اثير: اي متأكده .. واذا نسيت شي بكلم ماما ترسل لي اياه مع السواق
ام مشعل : طيب يللا مشينا اجل
:انتظري
اثير التفتت لمصدر الصوت وانصدمت .. هذا كيف يدخل كذا بدون لا احم ولا دستور
ام مشعل ناظرت بمشعل وشكت بالوضع .. هذا ماهو سالم ولا عبدالرحمن
زياد: اثير ممكن احكي معك شوي ؟
اثير اللي حطت شنطتها على جمب ورمت الطرحه على وجهها : عن ايش ؟
زياد: عن رجعتك لزوجي
اثير: وانت ايش لك علاقه برجعتي لزوجي ؟
زياد: اثير انتي عارفه اكثر مني انو انتي ومشعل ما تصلحون سوا
اثير: انا ماني فاهمه شي .. انت ليش تقول كذا
زياد بعصبيه: ماينفع ترجعين له .. هو مايحبك .. هو يصدق عنك كل شي ينقال ولا يثق فيك .. وكل مره بتجي له الفرصه رح يرميك عند اهلك بالشكل هذا
اثير ماهي مستوعبه اللي قاعد ينقال.. ايش دخل زياد وايش عرفه بهذا كله
اثير: زياد ممكن تكون واضح اكثر من كذا ؟
زياد بعصبيه: اثير زواجك من مشعل كان غلطه .. واكبر غلطه ممكن ترتكبينها بحق نفسك .. مشعل مجنون ولا هو مقدر النعمه اللي عايشها .. انتي زوجته وله .. عايش بجنتك بس ماهو مقدرها .. محد مقدرك كثري .. خليه يطلقك وانا باخذك ..والله لا اعيشك ملكه ..
اثير مصدومه من الكلام
ام مشعل بعصبيه: انت احترم نفسك .. بأي حق تقول عن ولدي مجنون ؟ وبعدين كيف تطلب منها تطلب الطلاق من زوجها ؟!!!!
ام عبدالرحمن: زياد .. انت جاك شي انت وامك ؟؟ خير ان شاء الله .. انتوا متفقين شي ؟
زياد: انا اللي مخلي امي تجي هنا طول الفتره هذي بس عشان تطمني عليك .. ما ابي غيرك يابنت الناس افهميني
ام عبدالرحمن زياد وش الكلام هذا ؟؟ انتو اخوان متربين سوا وبع\ين نسيت انو اثير متزوجه ولا ايش ؟
زياد: لا ما نسيت .. وكمان مارح انسى انكم انتو اللي بعدتوها عني .. ولا حتى اصلا عطيتوها فرصه تختار بيني وبين مشعل .. على طول زوجتوها له بدون ما تقولون لها اني ابيها .. حرمتوني منها
ام عبدالرحمن: يا ولدي ما يجوز الكلام اللي انت قاعد تقوله حرام عليك
زياد: ومو حرام عليكم تحرموني من حياتي ؟؟ تحرموني اياها
ام مشعل بعصبيه: اثير .. يللا مشينا عالبيت زوجك ينتظرك
اثير تقدمت خطوتين بس وقفها كلام زياد
زياد : زوجك اللي صدق انك تخونينه .. هو اللي تبين ترجعين له صح
اثير وقفت مكانها وام مشعل ماهي فاهمه اللي قاعد يصير .. اما ام عبدالرحمن شوي ويوقف قلبها .. ايش هذا اللي قاعد ينقال ؟ اي خيانه يحكي عنها المجنون زياد ؟!!!
زياد: اي .. مشعل اللي صدق انك تخونينه وانك مو مخلصه له .. وانو له فيك شريك .. اللي جحدك ورماك عند اهلك طول الفتره هذي ولا كلف خاطره حتى يسمعك او يخليك تدافعين عنه
ام مشعل : وش الكلام اللي قاعد تقوله انت .. اي خيانه واي دفاع عن النفس
زياد وهو يناظر اثير: اثير عارفه وش السالفه ما يحتاج اقولها مره واثنين وعشره
ام مشعل : امشي معي يا اثير
اثير: دقيقه .. انت وش دراك باللي صاير بيني وبين زوجي ؟؟؟
زياد:............
اثير: فهمني وش دراك ؟
زياد: ما يحتاج اقول لك ..
اثير: الا يحتاج وانا مصره اني اعرف بعد
زياد: عندي مصادري الخاصه
اثير : ممكن تحكي معي بوضوح ؟!!!
زياد : مارح اقول لك وانتهى الموضوع
اثير: شفت .. هذا دليل انك كذاب اصلا وانك تبي بس تخرب سمعتي قدام كل احد ولا انت عارف زين انو انا ومشعل مافي احسن من علاقتنا
زياد صار يطالع فيها بقهر ..مو معقوله تحبه بعد كل اللي سواه فيها ..
زياد: وش تبين توصلين له بالضبط ؟
اثير:.......
زياد: اوكي .. انا اقول لك .. بصراحه انا ورا هذا كله ..انا ورا المشاكل اللي بينك وبين زوجك
اثير : صدددددددددددددددمه
وام عبدالرحمن وام مشعل على راسهم اكبر علامة استفهام
زياد : وش فيك ؟
اثير: وش قصدك ؟ انا ماني مستوعبه اللي تقوله
زياد وهو بايعها خلااااص .. حس انو مستحيل اثير تكون له وخصوصا يوم شافها شلون متمسكه بزوجها وناويه تروح له من جديد بعد كل اللي صار .. قرر انه يقول لها كل شي : يعني انا اللي كنت اكلمك وارسل لك المسجات من الارقام الغريبه .. وانا اللي كنت اشكك مشعل فيك واسبب بينكم المشاكل ..انا السبب ورا عدم ثقته فيك .. وانا اللي خليته يقلب عليك قبل 6 شهور بعدما تحسنت الامور بينكم وانا وانا وانا
اثير حست نفسها بدا يضيق وبراكين جواها تتفجر
اثير بعصبيه: انت وش قاعد تقووووول
زياد : اللي سمعتيه
ام مشعل مصدومه وام عبدالرحمن ماهي مصدقه باللي بنته مرت فيه بدون ما تقول لها
اثير: انت السبب اللي بعدني عن مشعل طول الفتره هذي ؟؟ انت يا زياد ؟ طيب ليش انا مو اختك ؟
زياد: انتي عمرك ماكنتي اختي .. انتي حبيبتي من يوم يومي وكل يوم وانا اتمناك وكل ماكبرت يكبر حبك بقلبي
اثير بصراخ : ماهو عذررررررر ماهوووووو عذررررررررررر .. انت دمرت حياتي بسببك ما عشت يوم واحد حلو مع زوجي وحبيبي واللي تمناه قلبي
زياد: طول ما انتي بتقضين مع غيري باقي حياتك خلاص معد اهتم ولا هاي فارقه معي تعيشين مرتاحه او لا
اثير صارت تبكي من القهر .. وش تقدر ترد على انسان بليد بارد الاحساس مثل زياد !!!
ام مشعل قعدت تحاول تهدي باقي اعصابها اللي ممكن تنفلت بأي لحطة على زياد
وام عبدالرحمن مصدومه من اللي قاعده تسمعه ماهي متوقعه انو ولد هي ربته وشافته يكبر قدام عينها يكون بالوقاحه هذي ويكون كمان السبب الاساسي بدمار حياة بنتها
ام زياد نزلت اخيرا: يللا مشينا يازياد
ام عبدالرحمن: اسمعي يام زياد ..مالك دخله على بيتي من ثاني وانسي وحده اسمها عايشه وانسى اني كنت لك بيوم مثل الاخت واكثر
ام زياد: اصلا انا طالعه من هنا ولا لي رجعه ويا خسارة ايامي اللي قضيتها معك .. من جيتي الرياض وانتي شايفه حالك علينا وناكرتنا انا وولدي وحرمتيه من البنت اللي يحبها
ام عبدالرحمن: حسبي الله ونعم الوكيل
ام زياد : يللا مشينا يا زياد .. وطلعت بدون كلمه زياده
زياد قبل ما يطلع ورا امه قرب من اثير وقال لها : انا حبيتك وبظل احبك سواءا كنتي لي او لغيري ..والله يسامحك على اللي سويتيه بقلبي ..وطلع وخلاها بدموعها
اثير قعدت على الكنبه وشالت غطاها ومسحت دموعها
حضنتها وصارت تهديها
ام عبدالرحمن بهدوء: ليش ما قلتي لي انو كل هذا صاير بينك وبين مشعل ؟
اثير:...............
ام عبدالرحمن: ردي ؟؟
اثير: ما حبيت اكبر السالفه اكثر من كذا
ام عبدالرحمن: يعني عجبك اللي صار يوم سكتي .. كنا شفنا حل ..كنا رح نكتشف سوايا زياد النذل وبنحل الموضوع بسلام
اثير تبكي: ماما لا تزيدينها علي والله اللي فيني كافيني
ام مشعل اشرت لام عبدالرحمن عشان تخف على اثير شوي لانو بجد ماهو وقته ..
وبعد حوالي مص ساعه
ام مشعل: يللا يا اثير نروح البيت
ام عبدالرحمن: لا يا نوره اثير بتقعد عندي اليوم
ام مشعل: وش جاك يا عايشه الله يهديك .. خلي البنت تجي معي بيت زوجها لانه محتاجها
ام عبدالرحمن: معليش يام مشعل خليها اليوم كمان وبكره ان شاء الله تجيكم .. حتى عشان تهدى نفسيتها
ام مشعل وهي تطالع اثير: وعد ؟
ام عبدالرحمن: وعد .. خذيها مني
ام مشعل : طيب .. انا اسأتذن الحين
ام عبدالرحمن: بدري
ام مشعل: بدري من عمرك .. لازم ارجع البيت لاني ماقلت لابو مشعل اني بطلع
ام عبدالرحمن: طيب حبيبتي
ام مشعل تبوس راس اثير: يللا حبيبتي ابيك الحين ترتاحين وتنامين وتشيلين هذا اللي صار من راسك .. ابيك بكره لما ترجعين بيتك وتنوريه ما يبان عليك شي وابي ابتسامتك من هنا لهنا
اثير: ان شاء الله
ام مشعل: الله يهدي بالك يابنتي .. يللا مع السلامه
اثير: مع السلامه
ام عبدالرحمن وصلت ام مشعل لباب البيت وسلمت عليها ورجعت عشان تتطمن على بنتها ..وقررت انها ما تفتح معها الموضوع لانه رح يتعبها ومافي فايده من زيادة الحكي بهالموضوع
العياده
بندر كان معصب من فعايل ماجد فيه جاحده من الصبح ورايح يتغدا مع رنيم
بندر: والله لا اوريه الشغل
ماجد فتح باب المكتب وطل براسه : هيلللووووو.. من ذا اللي بتوريه الشغل ومعصب عليه
بندر رمى عليه علبة الكلينكس بقوة
ماجد :ههههههههههههههههههههه وانت هذا لونك كلما زعلت علي رميت علي علب المنديل .. ياخي فلقتني حرام عليك .. شكلي بصادر منك المناديل وابدلها بخرق ومناشف عالاقل ماتعور اذا رجمتني فيها
بندر: ها ها ها .. يابو دم خفيف انت !!!
ماجد : ها عاد لا تزعل احمد ربك اني رجعت للعياده ولا انا اصلا كنت انوي ارجع البيت واسحبها نومه للصبح
بندر: الله ياااامرك بس .. هذا اللي ناقص بعد !!! كان يمينا بالله لا جي بيتك واسوي فيك العجب
ماجد:ههههههههههههههههه اموت بالمعصبين
بندر: اقول لا يكثر ..روح على مكتبك شوف فيه مرضى هناك محتاجينك ضروري من زمان وهم ينتظرونك
ماجد : طيب .. توجه لمكتبه وشاف الممرضه
الممرضه :دكتور ماجد .. في مريضه جوه تنتظرك من العصر وماهي راضيه تتحرك من هنا .. تقول مابي اتعالج الا عند الدكتور ماجد
ماجد : طيب طيب جيبي لي ملفها
الممرضه: انا فتحت لها ملف لانها جديده اول مره تجي العياده
ماجد استغرب: جديده وجايتني بالاسم .. طيب طيب انا بدخل المكتب الحين
الممرضه: عن اذنك ,.
دخل ماجد المكتب : السلام عليكم .. عفوا على التأخير اختي بس .....
وقف مصدوم
......: وش فيك ؟
ماجد: انتي ؟!!
رانيا وقفت: يب انا .. ولا نسيتني ..
ماجد: وش جايبك ؟
رانيا : انت
ماجد : انا وياك انتهينا .. ومن زمان
رانيا: انت على بالك اني بطوف لك حركة نواف ولا شنو ؟
ماجد: اتوقع انك كنتي حاضره وشايفه كيف كانت ردة فعلي من الموقف .. وانك دريتي اني انصدمت مثلي مثلك ..يعني جيتك للانتقام مني بتكون عالفاضي عزيزتي
رانيا عصبت: تزوجت ؟
ماجد: بايش يهمك ؟
رانيا : نسيتني
ماجد وقف .. بلع ريقه بصعوبه .. صحيح انها واطيه لكنها باقي تأثر عليه
ماجد: رانيا اللي بيني وبينك انتهى
رانيا تقرب منه : مو بسهوله يا ماجد .. ومسكت يده
ماجد دفها: اطلعي بره الحين ولا اشوف وجهك هنا
رانيا : ماهو بصالحك ابدا تطردني من هنا .. لا انت ولا رنيم
ماجد ارتاع : وش تبين برنيم انتي .. وكيف عرفتي عنها اصلا ؟
رانيا: اللي بيسأل ما يتوهش .. عرفتها عنها زي ما عرفت عن مكان بيتك وعيادتك وكل المعلومات هذي وغيرها كثير
ماجد بوعيد: شوفي .. انا ممكن اسكت لك وكلل شي .. بس لو صار الامر له علاقة بزوجتي صدقيني مارح اسكت لك ابدا
رانيا تبعد عنه : اوووه .. شكلك بديت تحبها ..
للدرجه هذي البنيه تنحب ؟
ماجد: مالك شغل فيها وزي ما وصيتك ..
رانيا تنرفزت منه لانه يدافع عنها .. اخذت شنطتها وقبل تطلع: نشوف بالاخر يا ماجد .. بنشووووووف.. وطلعت
ماجد قعد عالمكتب يفكر باللي صار .. مو معقول يوم بدت تتحسن الامور بيني وبين رنيم تطلع لي رانيا من جديد .. اكيد اذا درت عنها رنيم رح تدري انها هي السبب اللي خلاني اجحدها ولا اقبلها طول فترة ملكتنا ..
لازم اتصرف
قام على طول من مكتبه وراح لبندر فتح الباب عليه بقوة
بندر: انااا لللللللللللللله انت ماعندك شغل ؟؟ ماعندك مرضى تقابلهم ؟ صجيتني وانت كل شوي ناط لي
ماجد : اسمع انا بطلع
بندر: نعععععععععععععم .. اقول اسمعني انت
ماجد ماعطاه فرصه يحكي: مشكله صايره لازم اتصرف نتقابل الليل واعلمك .. طلع وسكر الباب بسرعه
بندر : ياااااااااااااااااااارب صببببببببرني
ماجد طلع جواله من جيبه ودق على رنيم
اللي ماردت بالبدايه على طول .. بس كسر جوالها بالاتصالات لين ردت
رنيم: هلا
ماجد : وينك ؟
رنيم: كنت عند ماما .. ايش فيك ؟
ماجد: رنيم ابي اشوفك
رنيم ضحكت: ههههههههههههه طيب انت توك طالع من عندي ما كملت ساعه
ماجد: مشتاق لك حبيبي
رنيم: احم .. ماجد ترى بابا رح يتضايق
ماجد: ماهمني احد ..دامك زوجتي محد له كلمه عندي اقدر اخذك الحين باللي عليك
رنيم :.......
ماجد: الووو
رنيم: وش فيك ماجد وش صاير
ماجد .. ياعمري انتي الله لا يحرمني من قلبك اللي يحس فيني: مافيني شي حبيبي بس مشتاق لك
رنيم تنهدت: طيب بحاول اقتنع
ماجد : احبك .. يللا انا ربع ساعه وبكون عندك خلك جاهزه
رنيم: ليش طيب انزل انت
ماجد : لا اخاف عمي يبهذلني
رنيم: هههههههههههههههه ماجد مقدر اخلي ماما
ماجد: يابنت الحلال كلها نص ساعه وانا مرجعك البيت لا تخافين
رنيم: ...... طيب ,يللا بروح اجهز
ماجد : اوكي .. يللا باي
رنيم: باااي
بيت احمد
شذى قامت من النوم وتحممت وغيرت ملابسها
واستغلت فرصة انو احمد بره وماهو راجع الا وجه الفجر كالعاده
وراحت لتلفون البيت بمكتب احمد .. الفتره الاخيره تعودت تحاكي اريج كلللل يوم طبعا من ورا احمد وبدون مايدري .. وتقول لها كل شي يصير معها بالتفصيل لانو مالها غيرها تفضفض له وتخفف عنها
شذى: والله وهذا حالي
اريج : اااااخ بس يايزن من جت لعندك وسوت كورسات ملاكمه بزوجك البثر هذا مثل ماكنت اسوي بمرت ابوي .. كان والله لا اخليه يتفل العافيه
شذى: ههههههههههه زين اجل انك منتي فيه .. منا ناقصين تسببين عاهات للرجال
اريج : بالللللله اشوفك قمتي تدافعين عنه
شذى: اي اكيد مو زوجي
اريج سكتت :......... هذا كلام جديد
شذى :شلون يعني؟
اريج : يعني وين بدر وحبك له
شذى: انتي اللي تقوليين لي الكلام هذا يا اريج .. هذا وانتي عارفه اخلاقي .. انا متزوجه كيف بفكر ببدر ؟
اريج : يعني تبين تقنعيني انك ماتفكرين فيه وانك نسيتيه
شذى: ...............
اريج : تلعبين على مين ولا مين انتي ؟
شذى: اريج .. انا اللي قاعده اسويه شي مره غلط .. لازم انسى بدر مايصير هذا كله .. انا متزوجه مقدر اخون زوجي حتى لو ماكنت احبه
........: الللللللللللللله الللللللللللللله .. قاعده بمكتبي وتكلميييين ولااا جايبه طاري الحقير بدر !!!!
شذى انشلت من الصدمه .. احمد قدامها ومسكها قاعده بمكتبه وتحكي عن بدر ..
وش بيكون مصيرها الحين
احمد قرب منها زي المجنون وسحب السماعه منها: الووو الووووووووووووو رد من انت ؟!! الووووووووو
بس اريج كانت ساكته ماحبت تحكي لانو لو درى انو شذى تحاكيها رح يسوي لها مشكله كبيره لانه محذرها من انها تحاكيها
احمد رزع السماعه مكانها والتفت على شذى والشرار طاير من عيونه
احمد: مو كفايه علي اني متحملك وضافك عندي .. فوق هذا تخونيني وتجيبين طاري واحد حمار كنتي تعرفينه
شذى خنقتها العبره: يا احمد افهمني الله يخليك .. انت اسمع مني
احمد قرب منها زياده وسحبها من يدها بقوة وقفها : ماااااني سامع شي يا كلبه
شذى : احمد الله يخليك لا تنسى اني حامل لو سمحت لا تمد يدك ..انا بالشيطان ان شاء الله بس اهم شي ولدك لا يجيه شي تكفى
احمد: انتي لو مهتمه لولدي ماكان هذا فعل تسوينه .. اصلا انا انتظر لين تولدين وباخذه منك واحلمي تشوفينه ثاني
شذى تبكي بقهر:ليش تعذبني ؟ انا وش سويت لك ليش تكرهني .. تراك ظالمني وربي بيعاقبك
احمد بصراخ: انا ظالمك ؟!!!
شذى: اي ظالمني .. مقصر بحقي ولا انت مراعيني وتمد يدك علي وتسمعيني كل يوم انواع السب والاهانات وانا ساااكته .. ترجع لي بالليل وحالتك حاله اخلاقك بخشمك واحيانا سكران .. وملابسك ريحة عطر نسائي ولا الاقي فيه انواع المكياج والروج واسكت واقول يابنتي كبري دماغك وحافظي على زوجك وبيتك .. وبالاخر تجيني كذا تظلمني ولا ترضى تسمع لي حتى
احمد من القهر عطاها كفففففف قوي .. وصار يضربها متناسي انها حامل
اما شذى المسكينه كانت تحط يدها على بطنها خايفه يجي ولدها شي
احمد بعد ما شبع من ضربها سحبها لغرفتها ورماها عالارض
شذى بصراخ: حرررررررررام علييييييييييييييييك
احمد بعصبيه: اصصصصصصص ولا كلمه لا اسمع لك نفس .. هالغرفه مارح تطلعين منها لين ما تولدين وذيك الساعه برميك للشارع اللي جيتي منه بعدما اخذ ولدي منك واحلمي انك تشوفينه ثاني
شذى تناظره بحثد وقهر وبدون ماتحكي ولا كلمه زياده
طلع من الغرفه وسكر عليها بالمفتاح
شذى: حسبي اللللله ونعم الوكيل فيك
بيت ابوبندر
ريما وديما كانوا قاعدين بالصاله يسولفون ..نادتهم الخدامه عشان الغدا جهز
ريما:طيب نادي ماما ومشاعل
الخدامه: اوكي
ديما: اووووف اخيرا بغيت اموت من الجوع
ريما: الحين انحط العشا كلي لين تشبعين
دقايق ونزلت مشاعل
عطتهم نظره وتوجهت لغرفة الاكل
ديما: وش فيها ذا النفسيه؟
ريما:والله مدري عنها صار لها فتره وهي على ذا الحال وكلما شافتني عطتني ذا النظره
ديما: قلتها لك نفسيه البنت ..
قعدوا على الطاوله وام بندر كالعاده عيت تاكل معهم وبندر بالعياده مسكين
مشاعل وقفت عند البوفيه تصب لها عصير
ديما: مشاعل ما تبين عشا ؟
مشاعل بدون ما تطالعها : لا
ريما: ليش تعالي كلي شي لا يفوتك العشا شكله يجنن
مشاعل : قلت لك مابي
ديما: وش فيك انت منفسنه علينا بشويش ترى ما قالت لك شي
مشاعل تحط الكاس بقوة: انا قلت كلمه ليش تكثرون حكي معي ..قلت لكم ماني مشتهيه يعني ماني مشتهيه !!!
ديما : احسن توفرين
ريما : ديما عيب عليك
ديما عصبت:منتي شايفه اخلاقها انتي .. 24 ساعه قافله علينا وتحاكينا من طرف خشمها كننا نشتغل عندها ..
ريما: خلاص يابنتي ماعليك منها ماتبي تاكل
مشاعل قربت من ريما:وانتي احد طلب منك تكونين محامية الدفاع عني
ريما : مشاعل اقصري الشر واقعدي واذا ما بغيتي تاكلين خلاص بسلامتك ماله داعي مشاكل
مشاعل سكتت وصارت تناظر فيها بحقد وهي ودها تقلب الطاوله على راسها باللي فيها: بتندمين يا ريما.. وقولي ماقلت
ريما استغربت مررره وش ذا الحقد اللي عليها من مشاعل ..انا وش سويت لها
ريما نزلت عينها على صحنها ومشاعل كسرت عينها وطلعت للغرفة
ديما بعصبيه: ليش سكتي لها ؟
ريما: وش تبيني اسوي لها يعني ؟
ديما وهي تمسك المغرفه: كان صكيتي جبهتها فيها
ريما ابتسمت: انتي صايره عدوانيه بزياده ترى
ديما : لا تلوميني ذا البيت على كبره ورفاهيته الا انه بالنسبه لي اضيق مكان بالدنيا ولااا وكله مشاكل وخلافات بعد لازم اكون كذا عدوانيه عشان ادافع عن حالي
ريما :ههههههههههههه كلي يابنتي قمتي تقطين خيط وخيط
ديما تحط لها مكرونه: يابنتي الجوع كافر
ريما ضحكت عليها وصارت تتذكر اللي صار مع مشاعل قبل شوي .. ماتنكر انه ضيق صدرها بس ماهي عارفه وش السبب ..وش اللي بدر مني مضتيقها للدرجه هذي وانا مابيني وبينها غير صباح الخير ومساء الخير ..يمكن شافت مني شي ما يعجبها !!! والله مدري
بيت ابو مشعل
ام مشعل دخلت البيت .. وقعدت على الكنبه بعبايتها
الهنوف ومشعل كانوا بالصاله يتفرجون عل التلفزيون ..ومشعل كان شكله سرحان لانه حتى ما انتبه لامه اللي دخلت
الهنوف: هلا هلا
ام مشعل: هلا بك
الهنوف تقعد جمبها وتحط راسها على كتفها : وش جبتي ليييييييي
ام مشعل: هذا كبرك وتسأليني نفس السؤال ؟
الهنوف: وش اسوي .. مهما كبرت مارح اكبر على هالحركات
ام مشعل بضيق: وخري يابنتي عني مالي خلق شي
الهنوف:وش فيييييييييك
ام مشعل: يالهنوف مالي خلق شي وخري عني خليني اتنفس
الهنوف: لا حووووول وش ذا البيت كل اللي فيه ....
قاطعتها نظرة ام مشعل لها
الهنوف:وشو
ام مشعل: ايوة كملي وش فيهم اللي بالبيت ؟!!!
الهنوف تتعدل بجلستها وتتكتف: مافيهم شي
ام مشعل : مشعل
مشعل:............
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك