رواية علميهم ليه احبك حب ما حبه بشر -50
ام مشعل: هذا كبرك وتسأليني نفس السؤال ؟
الهنوف: وش اسوي .. مهما كبرت مارح اكبر على هالحركات
ام مشعل بضيق: وخري يابنتي عني مالي خلق شي
الهنوف:وش فيييييييييك
ام مشعل: يالهنوف مالي خلق شي وخري عني خليني اتنفس
الهنوف: لا حووووول وش ذا البيت كل اللي فيه ....
قاطعتها نظرة ام مشعل لها
الهنوف:وشو
ام مشعل: ايوة كملي وش فيهم اللي بالبيت ؟!!!
الهنوف تتعدل بجلستها وتتكتف: مافيهم شي
ام مشعل : مشعل
مشعل:............
ام مشعل : يا مشععععععععل
مشعل: سمي
ام مشعل: وين وصلت ؟
مشعل: معكم
ام مشعل: وش معنا وانت حتى ما انتبهت اني دخلت عليكم
مشعل وقف: اعذريني يمه تعبان مره ومحتاج انام
ام مشعل وقفت وشالت عبايتها: الهنوف ودي عبايتي الغرفه
الهنوف : لا والللللللللللله ادري بك تبين تصرفيني
ام مشعل: بسرعه يالهنوف قبل لا اخلاقي تطلع عليك الحين
الهنوف تأففت وهي تاخذ العبايه من امها:كل هالخدم ولازمممم تتعبني لااااازم ياربي وش اسوي بعمري انا ..وصارت تتحلطم وهي متوجهه لغرفة امها
ام مشعل: اقعد يا مشعل ابي اتكلم معك
مشعل: ما يتأجل لبكره يعني ؟
ام مشعل: لا
مشعل قعد وهو حاط يده على راسه .. عارف امه وش ناوية تحكي معاه عنه ولا له خلق اي شي اصلا تعب من التفكير
ام مشعل: وين تتوقع كنت الحين ؟
مشعل: وين ؟
ام مشعل: عند اصير
مشعل رفع راسه لامه : ليش ؟
ام مشعل: رحت تاطمن عليها واشوف متى ناوية ترجع البيت
مشعل عصب: انا وش قلت لك يمه
ام مشعل: خليني اكمل كلامي
مشعل:........
ام مشعل: اممم ليش ما قلتي لي عن المشاكل اللي صايره بينكم ؟
مشعل :......
ام مشعل: وليش ماقلت لي انو في احد داخل بحياكم وقاعد ينقل لك كلام عن اثير ماهو كويس
مشعل انصدم من كلام امه .. هي ايش دراها اذا كانت اثير نفسها ماتدري عن ذا الموضوع ..
بلم ولا عرف وش يقول
ام مشعل: انا عرفت كل شيييي .. وبصراحه انا مصدومه فيك .. كيف تقدر تسوي هذا كله بالبنت المسكينه اللي مالها ذنب غير انو الله كتب لها تكون زوجتك ؟
مشعل ابتسم باستهزاء: مسكينه ..ومالها ذنب ؟!! هذا كله بجمله وحده
ام مشعل: اي مسكينه .. وكمان مالها ذنب .. هي تحبك وتحترمك وانت عمرك ما عطيتها ريق حلو ولا احترمتها .. راميها عند اهلها صار لك فتره طويله ولا سألت عنها ..ولا حتى قررت انك تطلقها عشان تشوف حياتها مع غيرك
مشعل حس بالنار تاكله من كلمة امه .. كيف اثير تشوف غيره .. معقول ممكن يجي يوم ويصير هذا الشي
ام مشعل: رد علي
مشعل: ان كان قصدك من ورا هذا كله اني اطلقها ابيك ترتاحين مارح اطلقها
ام مشعل: ومن قال لك اني ابيك تطلقها ؟ انا ابيك ترجعها
مشعل: ماني مرجع احد
ام مشعل: مشعل .. رجعها واسمع لها ..شوف وش تبي تقول لك
تراك ظالمها
مشعل بانفعال: وش مخليك واثقه من هذا كله ؟؟؟
ام مشعل: انا كنت هناك ..وشهدت على شي لو تعيش عمرك كله تشكرني عليه ما تكفيني
مشعل ماهو فاهم شي : يمه تكفين انا قلت لك تعبااااان واحتاج ارتاح قولي لي وش صاير بدون الغاز ترى مافيني عقل يفكر !!
ام مشعل: انا كنت عند اثير من شوي وشفت ام زياد ..تعرفها صح ؟
مشعل يتذكر: اي ام زياد جارتهم من يومهم بجده وكانت ساكنه عندهم الفتره الاخيره
ام مشعل: طيب وتدري انو ام زياد كانت تبي اثير لولدها زياد ولا لا ؟
مشعل رجعت النار تولع فيه: طييييييييييب ؟!!!
ام مشعل: طيب تدري انو زياد هو اللي كان يبي اثير ولا لا ؟
مشعل سكت ماهو فاهم ولا شي ..
ام مشعل: ببساطه ياولدي .. زياد هو البلا ورا كل المشاكل اللي صايره بينكم
مشعل انصدم: ومن قال لك ؟ هي اللي قالت لك اكيد تغطي على سواد فعايلها
ام مشعل: اقول لك انا كنت شاهده على هالشي .. زياد كان هناك واعترف بهذا كله وقدام الكل ..انه هو ورا المسجات والاتصالات اللي تجيك وتجي اثير .. هو اللي كان يوسوس لك من ناحيتها ويخليك تشك فيها
مشعل بينهبل: شلوووون يعني .. هو يدري عن اشياء صعبه تنقال بسهوله .. يوصفها لي بالملي .. ويقول لي لبسها وكل شي يصير معها .. هذا الحكي مايقدر الواحد يعرفه بسهوله
ام مشعل: امه كانت تساعده .. عشان كذا كانت ساكنه عندهم بالبيت اخر فتره
مشعل وقف : يعني وشو ؟
ام مشعل: يعني زياد الكلب هو ورا كل هذا هو وامه يبي يشككك بأثير عشان تطلقها ويرجع ياخذها هو لانها ما خذته من اول بسبب خطبتك لها
مشعل حس بخنقه : يعني وشووووووووووو
ام مشعل: يعني اثير مظلومه من هذا كله .. اثير مالها ذنب
مشعل بضعف: يمه قولي لي انتي متأكده من الكلام هذا ؟
ام مشعل رحمت ولدها: متأكده يا ولدي
مشعل قعد عالكرسي وتنهد بقهر .. كان خايف من هالشي انه يجي اليوم اللي يبان فيه انه ظلم اثير .. انه ماسمع لها .. كيف ممكن يصدق انو وحده بالبراءة هذي ممكن يطلع منها شي زي كذا ، انها ممكن تخونه وما تخلص له
مشعل : انا ظلمتها .. ظلمتها
ام مشعل: هد حالك يامشعل .. احمد ربك انو الله بين لك الحقيقه .. الحق عاللي بقى منها ترى البنت منتهيه من بعدك .. اثير تحبك بصدق وانت خذلتها
مشعل حس وده يبكي من القهر .. مسك حاله ووقف : يمه عن اذنك
ام مشعل حست انه بوضع يبي يستوعب اللي صار : طيب حبيبي على راحتك
مشعل طلع غرفته .. وسكر الباب عليه
قعد على السرير يحاول يستوعب اللي صار
مو معقول اني كنت ظالمها طول الفتره هذي .. كيف يقدر زياد يسوي شي زي كذا , كيف هانت عليه
وانا الحمار كيف ماسمعتلها ولا عطيتها فرصه تدافع عن حالها
قبل شهور
اثير: ادخلللل ..
دخل مشعل عليها وهي عيونها تعلقت فيه .. كان شكله يجنن او عشانها ما شافته من يومين .. تحس انها ولهانه عليه
اثير: هلاا واللللله ..
مشعل يناظرها بنظرات هو وحده عارف معناها ..
اثير: تو مانورت غرفتي .. سامحني حبيبي بس مقدر اقوم لك
مشعل ناظر رجلها: رجلك صح ؟
اثير ابتسمت بألم: صح .. اكيد غدير قالت لك ..
ناظر لبسها .. وفعلا كانت لابسه اخضر
مشعل : وين كنتي ؟
اثير مافهمت: وين كنت ؟
مشعل: يوم طحتي ..وين كنتي ومع مين ؟
اثير بهتت ابتسامتها : طحت على درج بيتنا وكنت مع غدير ..
مشعل باستهزاء: غدير ؟ يعني ماطلعتي من البيت ؟
اثير: لا ماطلعت من البيت .. مشعل وش فيك ؟ وش طاري هالاسئله ؟
مشعل سكت وهو يناظرها نظرات .. ندمان انه فكر يعطيها فرصه ثانيه
مشعل : ماكان معك احد غريب ؟
اثير ماهي فاهمه شي: احد غريب مين يعني ؟
مشعل عصب: اثير تكلمي ولاتتعبين قلبي ..
اثير: كانت معي غدير اختي و..
مشعل : ايوة .. و مين ؟
اثير: زياد
مشعل ابتسم: حلو حلووو .. زياد اجل ..
اثير سكتت مصدومه .. تحاول تستوعب كلام مشعل ونظرته
اثير: اي زياد
مشعل : اثير .. انا تعبت معك كثير.. حبيتك حب وانتي ما تستاهلينه .. عطيتك قلبي ولا عرفتي قيمته .. لحد هنا وبس .. تقعدين مع غيري وتحاكينه وبينك وبينه سوالف ما ارضاها ..
اثير انصدمت: انت وش قاعد تقول ؟؟؟؟
مشعل : اثير .. مابي اقول لك حاجه اندم عليها بعدين.. بس قراري للحين انو مالك بقلبي محل ..
مشى للباب
اثير : مشعل .. مشعل لا تخليني وين رايح ؟ انا محتاجتك استنى
مشعل يحااول يقاوم بكاها وشاد على يده بقوة
اثير: مشعل انتظر .. لاتروح افهم السالفه بالاول وبعدين احكم
مشعل بعصبيه: وش اسمععععع ؟ رجال غريب يوصفك لي بالتفصيل .. وتقولين لي اسمع وبعدين احكم ؟؟؟ من تزوجنا وانا حالي حاله .. ما ارتحت ولا يوم .. خصوصا من بديت احبك ..
خليني اروح الحين قبل لا اتهووور
اثير تبكي: طيب انت اسمع وش السالفه وانا اقول لك ..
مشعل: قلت لكككككككككككك مابي اسمممممممممع
اثير: لا تخليني يامشعل وربي مظلومه .. كنت ابي اقول لك اني برجع معاك ..لا تخليني ..
مشعل ابتسم بألم : مالك مكان لا بقلبي ولاببيتي .. طلع وسكر الباب
وترك اثير تبكي قهر
مشعل كان يضغط على يده بقوووة من القهرر لدرجة حاس انو عروقه بتنفجر .. الدم يغلي فيه .. والله لو يطيح الحين الكلب زياد بيدي ما يفكني منه شي .. ذابحه ذابحه .. بس وين القاه الحقير
بكيتها .. وتعبتها وظلمتها
وهو حضرته مبسوط عاللي قاعد يصير
بس اشوووفك ..والله ما يفكك مني شي
بيت ابورنيم
ماجد وصل للبيت ودق على رنيم عشان تنزل له
رنيم ركبت السياره: السلام عليكم
ماجد ابتسم: وعليكم السلام .. وحشتيني
رنيم ابتسمت : من شوي وانت عندي
ماجد يغني لها: توحشني وانت بجنبي واشتاق لك لو تغيب
واحسد عليك حتى نفسي واخشى يمسك غريب
رنيم تكمل : واخجل اذا جت عيني صدفه بعينك واصير
مربوك وحاير في امري من فرحي ابغى اطيييير
ماجد : ياعمررررررري انتي ويلوموني فيك
رنيم ضحكت
ماجد: ها حبيبي وين حابه نروح ؟
رنيم: اي مكان ..بس يكون قريب من البيت عشان ما نتأخر على ماما
ماجد يحرك: اوكي
كان في ستار بكس قريب من البيت نزلوا له .. وجاب ماجد طلب رنيم المفضل
رنيم: اوووه وش دراك اني احبه
ماجد: معقول ما ادري وش اللي تحبينه ؟
رنيم ابتسمت وهي تحرك السكر داخل قهوتها: يخلي لي
ماجد : ويخليك لي يارب .. اممممم رنوووم
رنيم: هلا
ماجد: لمتى يعني ؟
رنيم: وشو ؟
ماجد: بنظل على ذا الحال ؟
رنيم: انت ليش مستعجل؟
ماجد: انا مستعجل ؟ انتي ليش تبين تطولينها .. حرام عليك ابوك بيذبحني ترى ان شافني ببيتكم يوم زياده
رنيم: ههههههههههههه اجل خفف زياراتك
ماجد:البلا ما اقدر يعدي يوم ما اشوفك فييييه
رنيم: طيب وش المطلوب مني ؟
ماجد: نحدد زواجنا .. وقريب بعد
رنيم: متى يعني
ماجد: اقرب وقت.. وش رايك بعد 3 اسابيع ؟
رنيم انصدمت: نعممممممممم
ماجد: اللي سمعتيه .. خلاص مافي نقاش بعد ثلاث اسابيع
رنيم: توك الحين قاعد تاخذ رايي .. تقوم تحدده على كيفك ؟
ماجد بجديه: رنيم الله يخليك .. ابيك جمبي خلاص
رنيم: بس مايمديني
ماجد: الا بيمديك .. شوفي البنات اكيد رح يساعدونك ..
رنيم: ..........
ماجد: ها حبيبي وش قلتي ؟
رنيم: طيب اللي تشوفه
ماجد حس انه ملك الدنيا كلها من الفرحه .. اخيراااا رح تكون معاه .. وبكذا بيكسر عين رانيا ولارح تقدر تسوي اي شي يبعدهم عن بعض .. رح يتزوج قريب وبأسرع وقت وخصوصا عشان ما ينتشر خبر زواجه بين الناس .. لانه ولد رجل اعمال والكل رح يحكي .. الله يستر علينا بس وبنخلي الزواج محدود مانبي الكل يدري
بيت ابوبندر
بدر كان قاعد بالصاله اللي بالجناح حقه يقرا له كتاب
مشاعل: بدر
بدر: هلا
مشاعل: انا طفشانه
بدر: طيب؟
مشاعل: لو سمحت ابي اسافر اغير جو
بدر: طيب روحي
مشاعل: يا سلام .. تبيني اروح لحالي يعني ..وانا ليش متزوجه
بدر: انا مقدر اخلي الشغل واسافر وخصوصا فجأة .. روحي شوفي المكان اللي تبين تروحين له واحجز لك عليه روحي قد ما تبين وارجعي ما اقول لك لا ومارح اقصر عليك من ناحية المصروف
مشاعل باستحقار: مسكيييين حالك .. ابيعك واشتريك يا بابا ..مادريت عنك ولا عن فلوسك
بدر تأفف: طيب وش تبين مني ؟
مشاعل: ابيك تسافر معي وش محسوب زوج عالفاضي
بدر : مو الحين الفتره هذي انا مشغول
مشاعل صرخت: يووووووووه عيشه تقصر العمر ..وطلعت من الغرفه
بدر :اففف ياحبها للصراخ .. الله يسامحك يابوي
اليوم الثاني
بيت احمد
احمد رجع من استراحته عالصبح كالعاده .. فتح الباب لقى شذى نايمه عالارض
احمد رفسها : قومي
شذى قامت : ااااه .. احمد لو سمحت انا بالطقاق بس ولدي لا يجيه شي
احمد: لا تكثرين كلام وقومي سوي لي شاهي
شذى ناظرت فيه بقهر ثواني وقامت
احمد: بحسب لك 5 دقايق من هنا للمطبخ ان كملتي 6 دقايق ولا جيتي ياويلك سامعه ولا لا ..
توجهت شذى للمبطخ واستغلت الفتره اللي يغلي فيها المويه واخذت لها خبزة تاكلها عشان مايغمى عليها من الجوع
خلصت المويه وسوت له الشاهي وطلعت لغرفتها
احمد اخذه منها : انا بسافر
شذى: بالسلامه
احمد: الخدامه هي اللي بتهتم بامي ..وانتي مالك طلعه من الغرفه هذي اكلك بيجيك لعندك مالك طلعه من هنا
شذى تبكي: ناوي تحبسني
احمد: اي
شذى: حرام عليك ياخي .. انا حامل والله لو يصير لي شي محد درا عني
احمد : انا قلت لك اللي عندي وماني متحمل اي نوع من انواع النقاش !
شذى صارت تبكي بهدوء
احمد طلع من الغرفه وسكر عليها الباب من جديد
انسدخت شذى عالسرير وهي تفكر لها بحل .. خلاص العيشه عنده مستحيله لازم اطلع من هنا بأسرع وقت ولا بنحرم من ولدي طول العمر ولا يهمني وين اروح .. ربي معي
توقعااااااتكم للبارت الجاي ؟؟!!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت الثالث والثلاثين
بيت ام عبدالرحمن
ام عبدالرحمن دخلت على بنتها اثير لقتها واقفه عند الشباك
ام عبدالرحمن: صباح الخير
اثير ابتسمت: صباح النور
ام عبدالرحمن: يللا حبيبتي انزلي افطري مع اخوانك
اثير تتوجه للستريحه: لا ماما بالعافيه عليكم انا ماني مشتيه شي الحين
ام عبدالرحمن تطالع الحوسه من حولها: ايش هذا كله يا اثير
اثير: ولا شي قاعده اجهز اغراضي
ام عبدالرحمن: بترجعين ؟
اثير: وهي تحط كريماتها بالشنطه: اكيد ماما زوجي محتاج لي
ام عبدالرحمن: انا من رايي تنتظرين لين ماهو يجي ياخذك
اثير: انتظرت بما فيه الكفايه .. متزوجه من سنه ونص ولاكني متزوجه .. اكثر المده عشاتها هنا معاكم .. لازم نصفي كل شي مابينا .. ان نفع الحمدلله يارب وان مانفع هذا معناته انو مشعل بجد ماهو من نصيبي
ام عبدالرحمن: يعني مقتنعه باللي بتسوينه ؟
اثير: اي مقتنعه .. مانمت طول الليل افكر .. وان شاء الله ربي بيعنني
ام عبدالرحمن: الله يوفقك حبيبتي .. تعالي الله يسعدك افطري او كلي لك حاجه من امس وانتي مادخل بطنك شي
اثير: صدقيني يمه مالي نفس اكل .. بشرب قهوه او اي شي
ام عبدالرحمن قعدت: طيب والله ما افطر الا وانتي نازله تفطرين معي
اثير: يا ماما الله يسعدك
ام عبدالرحمن حطت يدها على خدها: وهذي قعده ..
اثير ابتسمت: طيب باكل بسسس شوي عشانك
ام عبدالرحمن: اي كذا حبيبتي .. يللا مشينا على تحت
بيت ام فهد
دلال كانت قاعده تفطر مع ام فهد قبل ما تروح لدوامها
نزل فهد : صباااح الخييير
ام فهد : صباح الورد حبيبي
فهد باس دلال على خدها:صباح الخير حبيبي
دلال ما التفتت عليه ولا ردت اصلا
فهد ضاق صدره .. بجد زعلانه مني من بعد امس
ام فهد : فهد ترى تأخرت على شغلك
فهد : الحين بوصل دلال وبروح
دلال: لا .. بروح مع السواق
فهد: معليش حبيبي انا اللي بوصلك
دلال حطت كوب القهوه: لا شكرا انا بروح مع السواق .. قامت واخذت شنطتها
تهاني دخلت:صباح الخير
الكل: صباح النور
تهاني: فهووود توصلني الجامعه ؟
فهد : طيب حبيبي ماعندي مانع .. بس خليني اقنع دلال اول تروح معنا اوصلها
تهاني: اففف ترى عندي محاضره الاولى مابي اتأخر
فهد : طيب ثواني بس .. دلوو يللا عاد خليني اوصلك
دلال: قلت لك مابي اروح معك انا بروح مع السواق
تهاني: يللللا يا فهد تأخرت انا
فهد : طيب طيب ..مصره حبيبي ؟
دلال: اي مصره
فهد : على راحتك اجل بس انا اللي برجعك
تهاني: افففففف منك يللا
فهد : يللا مشينا .. مشت تهاني بس قبلها عطت دلال نظره
دلال تنرفزت ..دقت على السواق عشان يجهز لها السياره وتطلع للجامعه
ام فهد: دلال وش فيك ؟
دلال: مافيني شي حبيبتي
ام فهد : انتي متزاعله مع فهد؟
دلال:...... لا
ام فهد بابتسامه : اجل تهاني مضايقتك
دلال:...........
ام فهد: تهاني من يوم يومها مدلعه ..وتحب تكون شغل كل احد الشاغل وعلاقتها بأخوها مره قويه عشان كذا تشوفينهم مع بعض دايم .. هي تحبك بس مشكلتها تغار ولا تحب تشوف فهد يهتم بأحد غيرها
دلال اي هين تحبني: صدقيني ماني متاضيقه خالتي
ام فهد: الحمدلله حبيبتي..
دلال: عن اذنك خالتي بلحق على محاضرتي
ام فهد: اذنك معك حبيبتي ..موفقه
طلعت دلال وهي باقي متنرفزة من فهد وتهاني والود ودها تقطعهم
بمكان بعيييييييد زمان مارحنا له
كانت تدور بصالة البيت اللي فضى عليها الفتره الاخيره من بعد ابوها وزوجته
حالتها حاله من يومين
اريج:ياااااااااااربي شلون اتطمن على شذى الحين .. ما ادري عنها شي من يوم ما مسكها احمد تكلمني .. يارب مايكون اذاها يارب ولا شلون بوصل لها وقتها ..
قعدت وصارت تفكر بجديه شلون ممكن توصل لشذى الحين وبأي ثمن حتى لو سبب لها الامر هذا مشكله مايهما كل اللي ودها الحين انها تتطمن انو شذى بخير وانو احمد ما سوى لها شي او اذاها
طرا على بالها الحل مافي الا هذا الشي
لبست عبايتها بسرعه وطلعت
.....
مييييييييين يطق الباب علي الحين يااااااالله صباح خير
منيره: ميييييييييين ؟
اريج : انا افتحي الباب
منيره : من انتي ؟
اريج: افتحي الباب ذبحني الحررر حسبي الله على شيطانك
منيره وعرفتها من لسانها الطويل:الله لا كان جاب الغلا.. وش تبين
اريج: افتحي يام منير لا اكسر ذا الباب على راسك الحين ذبحتني الشمس
منيره : لا وش تكسرين الباب كنه ناقص .. فتحت الباب وعلى طول دخلت اريج
اريج وهي تشيل غطاها عن وجهها: افففففففففف سنه ..سننننننه تفتحين الباب انتي
منيره تتكتف: وش تبين بذا الصبح
اريج: وين زوجك ؟
منيره : نعمممممممممممم ؟ وش تبين بزوجي
اريج تتنهد بطفش: اوووووووف شوفي يامنيره .. بتروحين تنادين زوجك الحين ولا اذكرك بقوة ذي ؟؟ وتأشر على يدها
شكلو من زمان محد مد يده عليك ..روحي نادي لي زوجي
منيره مقهوره من اريج مرره : ماهو موجود مسافر
اريج: اقول لك وينه
منيره: صدقيني انه مسافر
اريج سكتت شوي .. : وين بيت ولد اختك ؟
منيره: اي ولد اخت ؟
اريج عصبت : تستعبطين انتي .. احمد زوج شذى من يعني ..ولد اختك
منيره: ووش تبين بولد اختي
اريج تعوذت من الشيطان لا تقوم تتوطاها : بتقولين لي ولا شلوووووون ..
منيره: فهميني السالفه
اريج : ماني قايلة لك شي بتقولين لي ولا اجرك جر الحين للعنوان
منيره : طيب طيب بعطيك اياه
بيت ابوبندر
بدر كان قاعد بالحديقه .. يفكر بوضعه مع مشاعل
ابدا ماهو مرتاح معاها ولاهو طايق العيشه معاها .. ماديه لابعد درجة وراعية مظاهر وتحب النكد والقلق ..
تنهد وهو يتذكر شذى ..وانها عكس مشاعل بكللل شي
كان يحس معها بالحب والراحه
والله لو القاك يا شذى ويكون املي فيك لو واحد بالميه لا اقلب الدنيا فوق تحت بس عشان القاك
.....:بدر
بدر : هلا
ام بندر تقعد : ليش لحالك ؟
بدر : ابد .. الجو حلو اليوم قلت اغير واشرب قهوتي بالحديقه
ام بندر: ووين مشاعل تجي تقعد معاك ؟
بدر: مدري
ام بندر تنهدت: بدر انا اشوف انك مهمل زوجتك
بدر يناظرها: ليش هي اشتكت لك ؟
ام بندر: لا ما اشتكت بس انا اشوف
بدر ابتسم: يمه انتي ماتدرين عننا من يومنا صغار ولا تعرفين لنا تقومين بتعرفين لي انا وزوجتي واحنا كبار !!
ام بندر عصبت: انت وبعدين معك ياولد سلمان ..
بدر : هذاك قلتيها ..ولد سلمان ..قام وقف من مكانه
ام بندر: على وين؟
بدر: بدخل جوه اغير واطلع الدوام
ام بندر : اهتم بزوجتك
بدر مارد عليها
ام بندر: اي وصح .. انسى لي بنت الفقر اللي كنت تعرفها واللي كنت ناوي تاخذها
بدر انصدم: نعم ؟
ام بندر: اللي سمعته
بدر: اي بنت ومن تقصدين؟
ام بندر: انت تعرف زين انا قصدي مين
بدر ناظر بأمه لفتره ومشى لغرفته
ام بندر : بعد هذا اللي ناقص يجيب لي الاشكال التعبانه لبيتي
بيت ابو مشعل
مشعل كان منسدح على السرير ..يفكر شلون ممكن يراضي اثير
اللي سواه فيها ابدا ماهو قليل .. اول شي قال فرحتها بيوم زواجهم وبعدها بدا يرفضها وقلب عيشتها جهنم
كيف بتاسمحه .. عمرها مارح ترضى علي ابدا
انقلب على جمبه وغمض عينه يمكن ينام ويرتاح شوي
عدا عليه وقت طويل وهو على هالوضعيه بس النوم ماجاه
حس بالباب ينفتح من وراه وصوت خطوات تقرب ..ما التفت لانه توقع انها امه كالعاده
قعد هالشخص على السرير بهدوء
مشعل بصوت هادي: يمه ابي اقعد لحالي لوسمحتي
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك