رواية علميهم ليه احبك حب ما حبه بشر -51
مشعل كان منسدح على السرير ..يفكر شلون ممكن يراضي اثير
اللي سواه فيها ابدا ماهو قليل .. اول شي قال فرحتها بيوم زواجهم وبعدها بدا يرفضها وقلب عيشتها جهنم
كيف بتاسمحه .. عمرها مارح ترضى علي ابدا
انقلب على جمبه وغمض عينه يمكن ينام ويرتاح شوي
عدا عليه وقت طويل وهو على هالوضعيه بس النوم ماجاه
حس بالباب ينفتح من وراه وصوت خطوات تقرب ..ما التفت لانه توقع انها امه كالعاده
قعد هالشخص على السرير بهدوء
مشعل بصوت هادي: يمه ابي اقعد لحالي لوسمحتي
.......: .........
مشعل : لوووو سمحتي .. مابي اشوف احد
....: ولا اي احد ؟
مشعل سكت لفتره يبي يستوعب الصوت .. مايبي يلتفت ويكتشف انه كان يتوهم ..ومع هذا بيموووت ويلتفت ويشوف وجهها
اثير: ماتبي تشوفني يا مشعل
مشعل التفت لها ولقاها .. هو مايدري هو قاعد يتوهمها الحين ولا هي فعلا قدامه
قعد يتأملها ثواني ..ولا بحلمه حتى حس انها ممكن تجيه
مشعل : اثيير
اثير: عيون اثير
مشعل مسك يدها وضمها: اثير وربي محتاجك .. انا اسف والله اسف ..صدقيني انا ندمت على كل اللي سويته فيك .. ندمااان والله وحاس بغلطتي وقاعد ادفع ثمنها كل يوم ببعدك عني
اثير دمعت عيونها : خلاص انسى اللي راح
مشعل: انسى ؟ اذا انا نسيت انتي شلون تنسين .. انا غلطت عليك واتهمتمك بشرفك ..وانك خنتيني .. صدقتهم فيك بس ما صدقت ..مع اني احبك واموت بحبك
اثير بكت من حالة مشعل .. عمرها ماشافته بالشكل هذا والضعف والندم .. ولا توقعت لو للحظة انو مشعل العنيد المغرور رح يتعبه بعدها عنه للدرجه هذي ..
حضنها مشعل بقوة وهي صارت تمسح على شعره .. تبيه يهدا ماتحب تشوفه كذا ..
وبعد فتره طويله دامت وهم على نفس الوضع
مشعل: كرهتيني ؟
اثير: لو كرهتك مارجعت لك
مشعل: اثير لا تتركيني
اثير: مارح اتركك ابدا .. واذا انت تعبان ببعدي مره انا تعبانه مليون مره
مشعل رفع عينه لها ولقى الدموع ماليه عيونها ..مسحها لها وضمها وهو يهمس لها : اوعدك مارح ابكيك مره ثانيه .. بنسيك كل اللي فات ونفتح صفحه جديده مع بعض .. بس لا تحرميني منك
اثير ارتاحت من كلامه واستسلمت لحضنه
بيت ابو ماجد
ام ماجد كانت قاعده تقرا مجله ودخل عليها ماجد وهو مبسووط
ام ماجد ابتسمت: هلا والله
ماجد باس راسها: هلا بك
ام ماجد: ما اشوفك رحت العياده
ماجد بلا مبالاه: في بندر
ام ماجد:هههههههههه ياويلك من الله بذا البندر لو هج من الديره انت السبب .. كل شي راميه عليه
ماجد: اجل اخو عالفاضي ..
ام ماجد: ههههههههههه الله يهديك
ماجد : وش تسوين ؟
ام ماجد: ابدا والله زهقانه قلت اتصفح المجله
ماجد: اي وشوفي لك فستان حلو يخليك احلى وحده بالدنيا
ام ماجد: اي فستان ؟
ماجد: الفستان اللي بتلبسينه بزواجي
ام ماجد بزعل: اي الله يحيينا
ماجد: ليش كذا ؟
ام ماجد: مدري عنك
ماجد : طيب واللي يقول لك انه قريب
ام ماجد : قريب متى يعني؟
ماجد: يعني كلها كم اسبوع
ام ماجد بصدمه وفرح: حددتوا موعد انت ورنيم ؟
ماجد ابتسم لفرح امه: اي
ام ماجد فرحت وودها تقوم ترقص من الوناسه: اخييييييييييييييراااااا .. الحمدلله يااااارب مابغيتوا والله حسيت اني بموت وانتو ما سويتوا الزواج لسه
ماجد: بسم الله عليك .. جعل عمرك طويل يالغاليه
ام ماجد : الحمدلله يارب الف الحمدلله .. ومتى حددتوه ؟
ماجد بابتسامه عريضه: بعد 3 اسابيع
ام ماجد بصدمه اكبر: نععععععععععم ؟!!! 3 اسابيع وشو
ماجد : 3 اسابيع من الحين
ام ماجد بجديه : ماجد انجنيتوا ؟!!
ماجد: ليييش
ام ماجد : يا انك تمدد وتأجل بموعد الزواج بالشهووووور او انك تضغطنا ضغطه مهببه مثل ذي .. ماعندك وقت انت يا طخه يا اكسر مخه ؟.
ماجد: يمه الله يهديك 3 اسابيع مده كافيه انكم تجهزون كل شي
ام ماجد: ومن قال لك ؟
ماجد: ولا يهمك انا بدبر كل شي .. انتي تعالي بفستانك
ام ماجد عصبت: لا ماينفع .. اقل شي خلوها شهرين
ماجد : يمه لو سمحتي عاد .. مو انتي من اول تحنين علي انو نقدمه والحين تقولين لي لا اجله
ام ماجد: تبي تتزوج اي كلام انت ؟ مايمدينا نسوي ولاشي يا ولدي
ماجد: الا يمديكم .. دام العروسه نفسها موافقه وقالت بيمديها تخلص انتو وش عذركم
ام ماجد : اعوذ بالله منك راسك ياااابس
ماجد: هههههههههههههه
ايان دخلت:ضحكونا معاكم
ام ماجد: الحقي.. ماجد حدد موعد زواجه بعد ثلاث اسابيع
ايان: خييييييييييييير ان شائ الله انهبلت ؟
ماجد: لا ما انهبلت بس هذا قراري انا ورنيم
ايان: يعني المطلوب اننا نطلع منها ؟
ماجد: بالضبط
ايان: طيب مايمدينا نخلص شي
ماجد : الا يمديكم وش عاد .. روحي جيبي فستانك من الحين ويمديك تفصلين ويمديك حتى اذا حابه تسافرين تجيبينه وترجعين
ايان: طيب انا ومحلوله .. ورنيم ؟
ماجد: رنيم انا ادبرها معها لا تخافين
ام ماجد: مع اني مقتنعه ابدا .. بس الله يوفقكم ياولدي
ماجد : اميييييين يارب
ايان: اففف منك يا ماجد انت وزوجتك جيتوا وضغطتوني هالضغطه .. ربي يعيني بس والاقي اللي ابيه بسرعه
ماجد: بيعنك الله .. يللا عن اذنكم
ام ماجد وايان: اذنك معك
ام ماجد : ياحبي له مستانس .. اللي يشوف وجهه الحين ما شافه يوم ملكته
ايان: بالله عليك ماما في احد يعرف رنيم ومايحبها ..وربي انها ملااااك .. مو مثل اختها العومه الشيطان الرجيم
بالسياره
بدر كان يفكر بكلام امه ...
ام بندر:انسى لي بنت الفقر اللي كنت تعرفها واللي كنت ناوي تاخذها
بدر انصدم: نعم ؟
ام بندر: اللي سمعته
بدر: اي بنت ومن تقصدين؟
ام بندر: انت تعرف زين انا قصدي مين
معقوله تعرف اني للحين افكر فيها بعد الوقت هذا كله .. والله مشكله لو حست امي بالشي هذا بتوهقني بمشاكل لها اول مالها تالي الله يسترها ياااارب ..
بيت احمد
شذى قامت من نومتها وهي تحس جسمها منمل .. دااايخه وماهي حتى قادره ترفع راسها .. تحس بضعف ماهو طبيعي
حاولت بحالها لين قدرت تعدل جلستها ..
شذى: اففف اكيد هذا بسبب الجوع .. انتظرت وانظرت يمكن الشغاله تحن عليها وتجيب لها اكل ..
بس مافي فايده .. فتحت الدرج اللي عند راسها وطلعت بسكوت تاكل منه قبل لا يغمى عليها من الجوع وهي ماتدري وش مصيرها ابدا لا هي ولا ولدها اللي لسى ماطلع على الدنيا
بيت ابوبندر
مشاعل كانت قايمه من الصبح وطفشانه مرره ..
مشاعل بعصبيه: افففف الحقير بدر لو انه مسافر معي كان مارح يكون كذا وضعي .. مو كفايه اني متحملته هو وثقل دمه وبروده
الله لا يوفق بابا كانه دبسني فيه وانا اللي سويته اصلا ما يستاهل هذا كله ودفعت ثمنه بزواجي من البليد هذا
مشاعل متعوده انها تكون محور اهتمام كل احد ..
وبدر مهملها لاقصى درجه .. انا مابي الا خالد هو اللي بموت عليه وبجيبه يعني بجيبه ..
فتحت جوالها وصارت تقلب بالارقام اللي عندها وعلى شفايفها احلى ابتسامه .. من زمان ما تهورت واتثلت على واحد منهم ..
اممم مين اختااار ميييييييين ؟؟
وصلت لاسم تأملته لثواني .. ودقت عليه على طووول
بمكان ثاني .. باستراحته
.....: الووووو
مشاعل: هلاااا
.....: مييين ؟
مشاعل : افاااا يا احمد نسيتني ؟
احمد تذكر صوتها اللي من زمان عنه .. وتذكر وجهها الحلو: انتي ؟ في احد ينساك انتي
مشاعل: هههههههه حسبت
احمد : اخبارها ؟
مشاعل: طفشااااانه
احمد وهو يشرب شوي من سقارته : افاااا الحلو طفشان ليش ان شاء الله ؟ مالقيتي حجز لباريس او ايطاليا تروحين تغيرين جو فيهم كم يوم ههههههههههههه
مشاعل ابتسمت: لا تقعد تسوي لي فيها وتتطنز اوكي
احمد : وانا صادق .. من متى وانتي تطفشين .. اللي مثلك مايطفش
مشاعل بغرور: طبعا اكيد .. اصلا مالي مثيل بالدنيا كلها
احمد : ااااه بس وحشني هالصوت
مشاعل قعدت على الصوفا وحطت رجل على رجل: لاي درجة طيب ؟
احمد : لدرجة تمنيت اذبحك يوم دقيتي علي اخر مره
مشاعل: هههههههههه يوم اقول لك عن و ع زوجتك
احمد : اي الله لا يعيده من يوم ولا يعيدها من ساعه
مشاعل: طيب وش سويت ؟
احمد : مثل ما امرتي ومثل مايرضيني
مشاعل : حلووو يعني عايشه بعذاب ؟
احمد : فوق ما تتصورين .. كان بامكاني اتفنن فيها بس ولدي كاسر ظهري
مشاعل : ولدك ؟؟ اي ولد ؟
احمد : شذى حامل
مشاعل : ههههههههههههههههههه امااااا حااااااامل .. مسكيييييينه
احمد : الا انا المسكين .. ساعات احس انو ربي كتب لها تحمل بس عشان يكون هالولد رحمه لها
مشاعل : وايش بعد ؟
احمد : ابدا .. بس تولد باخذ الولد واطلقها
مشاعل ابتسمت : اوووه بتحرم الام من ولدها يا قاسي
احمد : ومنكم نستفييد
مشاعل : ههههههههههه .. اممم احمد
احمد : ااااه يازين اسمي على لسانك .. امررري
مشاعل: وش رايك نطلع نغير جو تراني مره زهقاااانه
احمد : امري وين تبين تروحين ؟
مشاعل: مممم مدري .. اي حفله من الحفلات اللي كنت توديني لها اول .. تذكر ؟
احمد بوله: اذكر ؟؟ ليش انا عمري نسيت
مشاعل: وش رايك طيب ؟
احمد :اوكي ماعندي مانع .. بس متى؟
مشاعل: بأقرب وقت حدي طفشانه .. وش رايك بكره ؟
احمد : يوووووه صح .. انا مسافر بكره مقدر
مشاعل:قهرررر .. وين بتسافر؟
احمد: بروح دبي كم يوم وارجع
مشاعل: طيب وش رايك اجي معك ؟
احمد : تجين معاي وين ؟
مشاعل :دبي يعني وين
احمد ابتسم : اكيد حياك الله
مشاعل ابتسمت : بس هااا اول ما نرجع لنا طلعه من اياهم اوكي ؟؟
احمد : اكييييد
وظلت تكلم وتسولف معاه وتضيع وقتها
بسيارة تاكسي
منيره : هذا بيتها
اريج بنص عين: اكيييييد ؟
منيره : اي اكيد اجل اكذب عليك انا
اريج انزلي معي اشوف
منيره : لاتكفين لا يشوفني احمد الحين ويلعن خيري
اريج : وش يلعن خيرك مو انتي خالته اخت امه
منيره : الا بس مايدانيني
اريج: ما الومه والله .. ونزلت
اريج لمنيره: لا تتحركين سامعه .. لين اشوف الوضع وشو
منيره: طيب ..
اريج تقدمت من باب البيت الفخم .. كان شكل البيت من بره مرره حلو اجل شلون من جوه .. حزنت على صديقتها مررره ساكنه بالبيت الحلو هذا بس حياتها فيه جحييم لا يطااااق
رنت الجرس .. وطقت الباب مره واثنين وعشر
الشغاله : مييييييييين ؟
اريج : وين شذى ؟
الشغاله: في موجود
اريج : طيب افتحي الباب وناديها
الشغاله : لا مافي .. بابا قول مافي افتح باب
اريج : اقول افتحي الباب بحاكيها شوي بس
الشغاله : لا مافي افتح .. يللا رووح
اريج شهقت: هيييييييء راحت روحك عسرة ان شاء الله .. هين يا شغالة ابليس برجع لك وين بتروحين مني ..
ركبت السياره
منيره: وش صار ؟
اريج بعصبيه: وش صاااار ؟!!! ليش ما سمعتي وش قالت لي يعني ولا تستهبلين علي ؟
منيره: طيب وش فيها شذى ؟
اريج : مافيها شي .. وتحاكي السواق.. يللا امشي عالبيت مكان ما اخذتنا
بعد كم يوم
بيت ابومشعل
مشعل قام من النوم ولقى اثير لساتها نايمه .. ابتسم وباسها على خدها .. وجودها بحياته من جديد نعمه يحمد ربه عليها كل يوم
قام اخذ له دش وغير ملابسه وطلع للصاله اللي بالجناح حقه
فتح التلفزيون وطلب له قهوه وقعد يتفرج ويروق شوي ..
انبسط انو اليوم ويك اند وقرر على حسها انه بيقضي الوقت كله مع اثير
اثير: صباح الخير
مشعل: هلا حبيبي صباح الورد
اثير : متى صحيت ؟
مشعل وهو يأشر لها تجي تجلس جمبه : صار لي حوالي ساعه ..
اثير قعدت جمبه وحطت راسها على صدره : فطرت ؟
مشعل: لا انتظرك نفطر سوا .. وباس راسها
اثير: اشوة انو اليوم مافي دوام ابد مالي خلق جامعه
مشعل: اساسا حتى لو كان في داوم ماكنت بخليك تروحين
اثير: وليش ؟
مشعل : عشان ابي اقضي اليوم معك
اثير: صار لك 4 ايام وانت تقضي كل اليوم معي هههههههه
مشعل : ابي اليوم كمان وبكره وبعده والسنه كلها وعشره سنين قدام والعمري كله بعد ابي اقضيه معك
اثير ابتسمت له
مشعل: من حقي ولا مو من حقي؟
اثير تضمه: اكيد من حقك
مشعل يضمها زياده : الله لا يحرمني منك يارب
اثير: ولا منك حبيبي
دبي
كانت مشاعل فالتها عالاخييييييير مع احمد وبكل النواحي ..
كانت كل يوم تطلع معاه .. من مطعم لمقهى لمول للبحر وكللل مكان ممكن يخطر على بال انسان
مشاعل: اااه تعبت ابي ارجع الاوتيل
ااحمد : ليش تونا بدري
مشاعل: لا خلاص تعبت ابي انااام عشان الليل يمديني اطلع ثاني ابي سهره ولا ارووووووع
احمد : اوكي ولا يهمك .. اجل الحين نتوجه للاوتيل ..
وصلوا للاوتيل .. واحمد عرض على مشاعل انه يوصلها غرفتها
مشاعل : شكرا
احمد: افاا مارح تعزميني على شي اشربه يعني؟
مشاعل: بصراحه ابي انام يا احمد
احمد:معليييش يابنتي كلها خمس دقايق وش فيك ..
مشاعل :....... طيب يللا
دخل احمد وقعد بالصاله .. وانتظر مشاعل تجي وتجيب له العصير
مشاعل قعدت جمبه : طيب وين ناوي تسهرنا اليوم؟
احمد وهو يتفحصها: اي مكان انتي حابته .. تعرفين عاد انا امووت بذوقك
مشاعل ابتسمت: خلاص اجل سهرة الليله علي ..
احمد حط كاس العصير وقرب منها : ايوة وش بعد ؟
مشاعل بابتسامه : وش فيك ؟
احمد : مافيني شي
مشاعل وهي تأشر على الكنبات اللي ماليه الجناح حقها: الحين كل كنبات الغرفة ضاقت عينك على هذي ؟
احمد وهو يحوطها بيدينه : امممم لا بس عجبتني القعده هنا
مشاعل تسندت : احمد وش تبي مني ؟
احمد قرب منها زياده : ولا شي بس نحكي سوا .. نقضي وقت سوا وكذا يعني
مشاعل :.......
احمد سحبها من يدها : تعالي بس ..
بيت ابوبندر
ريما كانت قاعده مع سلطان وديما وبندر بالصاله يتابعون لهم مسلسل وبانسجااااام
رن التلفون الثابت
بندر: اماااا مين اللي داق مو بالعاده يعني احد يتصل عالثابت
ديما:رد طيب وانت بتعرف
بندر: الوو
.....: السلام عليكم
بندر استنكر الصوت:وعليكم السلام
......: هذا بيت سلمان بن .. ال.... ؟
بندر: اي نعم ..
.....: من معي .؟
بندر نفذ صبره: معك ولده بندر .. من معي ؟
.....: طيب .. انا صديق حمد
بندر : حمد ؟
.....: اي حمد ..
بندر: وش فيه ؟
......: حمد بذمة الله ..
بندر: نعععععم ؟
.....: توفى امس الليل .. لجرعة زايده من المخدرات ادعي له بالرحمه
بندر: انت متاكد ؟
.....: نعم متأكد .. انا الضابط سعد بن متعب معاك
بندر: لا حول ولا قوة الا بالله ..
الضابط: طبعا انا كلمتكم عشان جواله لقيناه متصل اخر مره على هالرقم .. وقلت ابلغكم
بندر: ماتقصر والله
الضابط : مع السلامه
بندر: مع السلامه
ديما: وش فيك يابندر ؟
بندر يناظر اخته اللي انظلمت بزواجها منه : حمد
ريما: ايش فيه ؟
بندر: حمد توفى امس بالليل
ديما انصدمت .. وريما شهقت من الصدمه
ديما: شلون توفى ؟
بندر: مخدرات ..
ريما: لا حول ولا قوة الا بالله .. انا لله وانا اليه راجعون
بندر قام من مكانه
ديما: على وين ؟
بندر: بروح ابلغ اهله ..لازم احد يقول لهم
ديما:طيب ليش دقوا علينا احنا ؟
بندر: يقول الضابط انه كان متصل اخر مره على البيت .. هو اتصل يا ريما ؟
ريما: الفتره الاخيره كان يتصل على الثابت عشان يحاكيني ..لاني مغيره رقم جوالي
بندر هز راسه : الله يرحمه يارب
ريما وديما : اميييين
بندر:انا بروح لاهله
البنات:طيب ..طلع بندر
ديما تحضن ريما: عظم الله اجرك
ريما:اجرنا واجرك .. قعدت ريما وظلت ساكته
ديما: زعلانه ياريما؟
ريما: معقول افرح يعني يا ديما ؟اكيد زعلانه ابدا ما كنت اتمنى له النهايه هذي ابدا بس كنت اتمنى انه يبعد عني ويشوف حياته بعيد عني
ديما: الله يرحمه يارب
ريما: امييييين يارب
توقعاتكم للبااارت ؟
ايش تتوقعون الاحداث الجايه باخر بارتات الروايه ؟
شذى ايش مصيرها ؟
احمد ومشاعل ..
رنيم وماجد ..
والحمدلللللله اهو رجعوا اثير ومشعل لبعض وان شاء الله ومارح يفرق شي بينهم ..ولا ؟!!!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت الرابع والثلاثين
دبي
قامت مشاعل من النوم وقعدت على حيلها .. حطت يدها على راسها وحست بصدااااع .. التفتت جمبها ولقت احمد
انصدمت ..
معقول انا سويت كذا !!!!
هزت احمد : احمد احممممد
احمد: همممممم
مشاعل: قوم اطلع
احمد وهو ميت نوم: اطلع وين ؟
مشاعل: اطلع من هنا .. روح جناحك بسرعه
احمد: ميش حبيبي خليني اكمل نومي وبس اصحى بطلع من هنا
مشاعل : لا الحين تطلع يعني الحين
احمد قام من النوم وهو يسحب رجوله تسحيب والتفت عليها : بنام شوي بعدين نقوم ناكل طيب
مشاعل هزت راسها يعني طيب
احمد عطاها بوسه بالهوى وطلع من الجناح حقها ..
مشاعل انسدحت من جديد وصارت تفكر باللي صار .. مصدومه مره من اللي صار ولا تدري كيف طاوعته اصلا
بيت ابوبندر
ام بندر وعيالها كانوا قاعدين سوا بالصاله .. الكل كان مستغرب الوضع لانو اول مره تصير معهم .. عشان كذا كانوا كلهم ساكتين
ام بندر وهي تشرب قهوتها:بدر متى بترجع مشاعل؟
بدر: مدري
ام بندر: طيب وين راحت ؟
بدر: اممم اتوقع دبي مدري ابوظبي
ام بندر: وش دعوه ماتعرف وين زوجتك
بدر:دامها سافرت وانا مدري وكلمتني من هناك وقالت لي والله انا بالبلد الفلانيه ليش اهتم يعني
ام بندر: بعذرها لازم تسوي كذا وانت مهملها
بدر: ليش هي اشتكت لك ؟
ام بندر: مشاعل ماتخبي عني شي .. مو مثل بناتي
ريما وديما ما علقوا ولا حتى طالعوا امهم
بندر يبي يغير السالفه : اقول بنات وش رايكم اطلعكم ؟
ديما: وييين ؟
بندر: اي مكان انتو نفسكم فيه
.......: لا محد رايح مكان دامني جيت
الكل التفت لمصدر الصوت : بااباا
ابوبندر : السلااام عليكم
قاموا البنات وحضنوا ابوهم اللي اشتاقوا له مووت والعيال سلموا على ابوهم
ابوبندر ابتسم: الله لا يحرمني منكم يارب.. شلونك ديما شلون دراستك ؟
ديما وهي ميته من الوناسه انو ابوها رجع: الحمدلله كله تمام
ابوبندر: وانتي ياريما؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك