رواية ياضياعه بالهون ترا نصفي يبيه -11
دخلت الغرفه وشافت جسسم يرتجف وصوت انين خافت ، قربت لها مشاعل وحطت ايدها ع كتفها : خير ي بنتي ايش فيك
ماجاها صوت ابد بس زادت حده الانين
جلست مشاعل جنبها ومسكت يدها ب حنان : استهدي ب الله ي بنتي
مشاعل : ايش اسمك ؟
مشاعل : طيب ع الاقل ارفعي راسك ومدت لها كاسه فيها مويه
رفعت رند راسها والتقت عيونها بعيون مشاعل اخذت المويه وشربت شوي ورجعت راسها من جديد تبكي ..
فجإه الرجفه وصلت ل اطراف مشاعل و لجسمها كامل وبدت دموعها تتجمع بعيونها
مشاعل بحزن : ايش اسمك ؟
رند : رند
قفلت مشاعل عيونها بقوه واخذت راس رند لصدرها تحظنها بقوه : ايش فيك ي امي ؟
رند اللي كان كثير ناقصها حنان الام تإثرت ب الموقف كثير وجلست تبكي
طلعت مشاعل من عند رند بعد ماشفتها هدت شوي واتصلت ع ديم عشان تجيها بداخل الاداره
ديم وهي مبتسمه : هلا ماما ، وطارت عيونها وهي تشوف عيون امها الحمرا وخشمها
ديم : ايش فيه ؟ ايش صاير
مشاعل بحزن : شكلي لقيت وحده من توائمك
ديم فتحت عيونها بصدمه : كيف ؟ وين ؟ وينها !
مشاعل : ديم مابيك تقولين لها شي البنت منهاره بس اللي ابيك تكونين صاحبتها ع الاقل
ديم ودموعها ع خدها : صاحبتها وبس ، وينها بشوفها
مشاعل : تعالي معي ، ودخلن سواا
مشاعل بحب : رند قومي ذي ديم بنتي بتجلس معك
رفعت راسها رند وانصدمت وهي تشوف شبيهتها ، وحده نسخه من رند القديمه قبل تموت رغد وتنهار
رند وضيقت حواجبها : بنتك !
ديم وهي مو مستوعبه الشبهه الكبير بينهم ، اصلا ك انهم واحد ع قولتهم فوله وانقسمت نصين خخخ
كانت متوقعه توائمها يشبهونها بس مو لدرجه ذي ..
حاولت ماتبين شي لكن ماعرفت ، ناظرت ديم امها وقالت بصوت ينسمع : تشبهني ماما ،
سكتت مشاعل ماعرفت وش ترد ،
ديم وهي تجلس جنب رند : ي الله وش كثر تشبهيني
رند الخوف والاستغراب اكل قلبها ، نزلت راسها بضعف وجلست تبكي
ديم وهي تحظنها وتبكي معها : لا تبكين انتي ماتعرفين وش كثر يعورني قلبي اذا بكيتي
رند وهي بحظن ديم شهقت بقوه وهي تحس ديم تحظنها بقوه
ديم ب حب : لا تبكين والله قلبي يعورني ..
مسكت ديم وجهه رند بيدينها : ايش فيك ؟
رند نزلت راسها بقوه وهزت راسها بعنف : ابي امووووت خلاص وجلست تشششهق بقوه
لحد يسإل عن قلب مشاعل اول ماسمعت هالكلمه ، طارت عيونها بقوه وقربت لرند وعيونها دموع : اسم الله عليك من الموت ي يمه
مشاعل وهي تكابر مشاعر الامومه بداخلها : انتي ماتدرين انه حرام الواحد يقول كذا !
وقفت رند وهي ماسكه جوالها : الحين بابا بيجي ياخذني للبيت
ديم وهي توقف : على كيفك هو ، ماصدقت احصلك
رند وهي مستغربه : نعم ؟
ديم وتمد ايدها تمسك ايد رند : تعالي معي بعرفك ع صاحباتي و و و
رند وهي تناظر للارض : لا شكرا ، انا اصلا ماعندي صاحبات ولا ابي اتعرف ،
ديم بحزن : بس انا ابي اتعرف عليك
رند بعصبيه وهي تتذكر منظر البنتين المقرف بين عيونها : وانا قلت مابي وطلعت وتركتهن ..
نزلت ديم راسها وبدت تبكي ، : ماما ماتبيني توإئمتي
مشاعل ب حب : بس هي شكلها ماتدري انها توائمتك وحنا ماتاكدنا
ديم : وش ماتاكدنا شفتي الشبهه
مشاعل بخوف : اي بس لازم تحاليل
ديم وهي تناظر امها بنص عين : وبنجلس نستنا لحد مانتاكد من التحالليل ، انا بروح الحقها وطلعت مستعجله بتلحق رند
ديم : رننند ، رننند استني شوي
رند ب استغراب : خير ؟
ديم مسكت ايدها : تعالي بوريك شي وسحبتها ل اقرب مرايه ووقفن الثنتين
ديم : شايفه الشببهه بيننا ؟ نفس العيون والخشم ولون العدسه والشعر والطول ونفس كل شي
رند وهي مو فاهمه شي : عادي يخلق من الشبهه ٤٠ ..
ديم وهي تناظرها : لو نمشي سوا كل الموجودين بيقولون توائم محد بيقول يشبهن بعض ابد
رند : بس انتي مو اختي ، انا اصلا ماعرفك
ديم وبدت تحس ان اللي قدامها انسانه مفهيه : كم مواليدك ؟
رند : ليش !!
ديم وهي تقولها مواليدها ، هاه كم مواليدك انتي ؟ اكيد نفس مواليدي صح !
رند وبدا الخوف يخف شوي وتركز : ايوه نفسه ايش عرفك
ديم : سالفه طويله تعالي اقولها لك
رند : بس بابا الحين بيجي
ديم : بسيطه قوليله هونتي تطلعين بتجلسين ، اصلا تو الدوام بادي
رند ب استسلام : طيب
ومشن التوائم بجنب بعض ، وديم تحكي لرند السالفه الطويله اللي مر عليها اكثر من ١٨ سنه
رند بتعجب : ايش يعني ؟
ديم : بديت احس انك ماتستوعبين بسرعه ! يعني اكيد انتي توائمي الضايع
رند : ايوه بس كيف !
ديم : اتصلي ع امك واساليها ب اي مستشفا ولدتك
اصابت ديم جرح رند الغاير بدون تحسس ، لاحظت رند ووجهها ينقلب اسود وبعيونها حزن : ايش فيك ؟
رند : ماله داعي
ديم : الا له داعي يلا اتصلي
رند : بتصل ع بابا
ديم وبدت تشك ب رند : طيب
قفلت رند من ابوها والدهشه عقدت لسانها ، : نفس المستشفا !
ديم : شفتي قلتلك ، بس نقطع الشك ب اليقين ونعمل التحليل
رند وهي تنزل راسها وتسترجع الماضي ب ادق تفاصيله ، بدت تستوعب اشياء كثيره عمرها مافكرت فيها
رند بحزن : عرفت الحين انا ليش ماشبههم ابد .
ديم وهي تحط راسها ع كتف رند : اسكتي كنت اموت مليون مره عشان موضوع الشبهه ذا ، الحمدلله ع كل حال
قفلت رند عيونها وهي تحس بالمراره تقطع قلبها وبدت دموعها تنزل من جديد
ديم وهي مقفله عيونها : ماقلتلك لا تبكين تعورين قلبي
رند ب استغراب : ايش عرفك !!!
ديم وهي تفتح عيونها وتناظر رند بعصبيه : هبلا مو توينزتي انتي ! وانا اقول مين اللي مقلقني ليل ونهار طلعتي انتي
رند : ايش اسوي غصب عني
ديم وهي تمسك حنكها : لازم تقوين نفسسسك مايصلح هيك وبعدين تعالي ليش ماعندك صاحبات !
رند وهي تنزل راسها وتبكي من جديد : ماادري
ديم كسرت خاطرها رند : خلاص مب لازم يكفي انا صح
رند وهي تهز راسها بهدوء : ايي
ديم : مييته جوع يالله ، قومي يلا نفطر
رند : مو مشتهيه
ديم : انتي شفتي وجهك قبل تقولين لا ؟
رند : ايش فيه
ديم : يروووع اصفر واسود
رند : مسويه شايفتني من قبل
ديم مبتسمه : كل ماشوف وجهي كني اشوفك خخخ
رند : احلفي هههههه
ديم : يالله باقي اختنا الثالثه
رند بحماس : جدددددد
ديم وهي تناظر رند : توك تستوعبين ان لنا توينز ثالثه !
رند بفهاوه : ايه وينها !
ديم : امشي امشي ل اذبحك الحين
مشششن وهن يضحكن ومبسوطات ، ديم نست حنان وامل والتهت ب رند وكيف بيثبتون النسب و و و و ..
\
نهى واخيرا لقت شجن اللي طالعه من محاضرتها ، تناظرها بخوف وشك
نهى : شجن لا تفهمين غلط !
شجن وعقدت حواجبها : خير ؟
نهى : والله مب مثل ماتتوقعين
شجن اللي توقعت ان ابوها متصل ع نهى ومهاوشها عشان شجن لحالها : لا تهتمين الموضوع اصلا مب هامني
نهى : بس انا يهمني كثير
شجن بدون اهتمام : اوكيه ، يلا انا بروح افطر
نهى : اجي معك ؟
شجن وهي ماشيه : لا ماله داعي ، وناظرتها ب ابتسامه سخريه : روحي مع صاحبتك
وقفت نهى خايفه ومنهاره ، ليش شجن تتكلم ب اللغه الغربيه ذي ، خافت تعلم ابوهن
واصلا يكفي ن شجن بتاخذ موقف من نهى وتطيح من عينها ..
/
ب نهايه الدوام
اللي كان نقطه تحول جذريه ل رند المبتسمه ، طلعت من الجامعه مبتسمه وركبت السياره مع ابوها والابتسامه ع وجهاا
ابو تركي : اووه ايش فيه ؟
رند ب فرح : اببد بس لقيت لي توييينز
ابو تركي مبتسم : صحيح ؟ معاك يعني ب القسم
رند : لا معاي ب الجامعه بس
ابو تركي وهو مبسوط : اها وكيف تعرفتي عليها ، وتحركت السياره ورند ل اول مره ماتسكت وتحكي وتحكي وهي تحاول تحفظ السر اللي كتمتها عليه ديم
وصلت البيت وسمعت صوت مسسج جاها فتحت جوالها مستغربه من بيرسلها ، لقته رقم ومكتوب : توينزتي ذا رقمي " ديييم "
رند اتصلت ع ديم وهي تطلع الدرج : كيف جبتي رقمي ؟
ديم وهي تضحك : عشانك هبلا ههههههه شوفي جوالك اخر اتصال
رند بغباء : متى اخذتي جوالي
ديم : اوووه فهم ي مفهم عاااد ، يلا فيصل شكله جا ماما تناديني
رند بفهاوه : اخونا ذا ؟
ديم شهقققت بقوه : حماااااره وش اخونا اذبحك اذبحك
رند مفجوعه : ايش فيك اسم الله
ديم : اذا وصلت احكيلك يلا بيباي
رند ب فهاوه : بيباي
انتهى / انتظروني ق1
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
/
الجزء الخامس عششر ،
رجعت للبيت مبسوطه ماتدري ليش .. غيرت ملابسها وحطت راسها تناااام ..
وراودها الحلم القديم ، ونفس المكان والاجواء ..
كانت لابسه ابيض ووجهها بوجهه نسختها .. كان كل شي بينهم متشابهه ،
صحت من هالحلم مستغربه ، راودها هالحلم ب الامارات وروادها الحين ..
مسكت راسها ب تعب وهي خايفه من المستقبل القريب .
سمعت طق باب غرفتها وانفتح الباب ودخلت نهى وجهها معتفس ،
شجن وهي ترجع ايدينها ورا راسها : ايش فيه
نهى وهي تقفل الباب وراها : شجن مابيك تفهمين شي غلط
شجن بنص عين : كيف غلط ؟
نهى : اللي صار اليوم
شجن وهي تقفل عيونها : قلتلك ماهمني الموضوع انتي ليش مكبره السالفه ؟
نهى وهي توقف مستغربه من رده فعل شجن : اها ، اوكي
وطلعت من الغرفه وهي محتاره وفجإه تذكرت شي كانت غافله عنه كل الساعات اللي راحت ، شي خلاها توقف واشياء كثيره تدور براسها
رجعت لغرفه شجن وهي تناظر ب ملابس شجن المرميه ع الكرسي وتقارنهم ب البنت اللي شافتها اليوم
طلعت بهدوء والف علامه استفهام تدور براسها ،
/
دخلت البيت قبل امها وفيصل وطلعت فوق ع طول ..
دخلت مشاعل والحيره والحزن بعيونها ، وسمعت فيصل يسولف وراها
فيصل : عمممممتي
مشاعل بتعب : وش تبي ؟
فيصل : وش فيك ؟ هاجده اليوم
مشاعل بقله صبر : ابد مافي شي
فيصل يسوي ضعيف : الله لنا صار عندك بنت وماعاد تقولين لي شي
مشاعل ب استغراب : من يقوله !!
فيصل : ماعاد تبيني !!
هنا عصبت مشاعل عليه : انت وش تحس ووش هو جوك ! وجلست ع الكنب متنرفزه
جلس جنبها فيصل : والله تقولين لي وش فيه
بدون سابق انذار جلست تبكي مشاعل
مد ايده ومسك ايدها : عمتي وش فيك ؟ ترا بصيح معاك
مشاعل وتحاول تسكت نفسها : شفتها اليوم وتقطع قلبي عليها
فيصل بخوف : من ذي ؟
مشاعل وهي تنطق الاسم : رند
فيصل : من ذي ؟
رجعت راسها ع ورا وبدت تبكي من جديد
حظنها فيصل وعاد السؤال من جديد : من ذي ؟
مشاعل : مدري من انا مدري بس ي فيصل نسخه ديم ، اااه ي قلبي مدري لمتى بتحمل هاللي يصير
تصدق اول ماشفتها حسبتها ديم بس الملابس هي اللي شككتني وو وجهها الشاحب وعيونها الذبلانه
فيصل وهو ينزل راسه : عمتي ان كانها بنتك بنثبت ذا الشي بس لازم صبر الامور ماتجي بذا البساطه
مشاعل : ادري بس وش يفهم ذا وهي تاشر ع قلبها
ااخ فيصل ماشفتها ، معاها انهيار عصبي ومكتئبه وترجف ، لو اقدر كنت اخذتها بحظني بس البنت كانت قاسيه معي
فيصل برحمه : اكيد ي عمتي لا تنسين ان موقفها غير عن ديم ولازم تتوقعين الرفض الناتج عن الصدمه
نزلت راسها مشاعل : مابي شي ي فيصل منها ، ابيها بس تهدا ولا تقطع قلبي ب انينها .. والله بدون اشوف وجهها كنت حاسه ان ذا اللي تبكي قطعه من روحي
فيصل بحب : ماعرفتي ايش اسمها الكامل ؟ قسمها ؟
مشاعل : لا ماعطتني فرصه طلعت وتركتني ، بس ديم لحقتها وطول الوقت كانن مع بعض
فيصل وقلبه دعس مليون ع طاري ديم : يالبييييه ذيبه طالعه علي
مشاعل وهي تخزه : بسوي حالي مسمعت
فيصل : عمتي خخخخخخ وطمر يبوس راسها
مشاعل وهي مستسلمه : يالله جنتك وترزق ذا الولد العقل ،
فيصل : اقول عمتي ماتحسين انك جيعانه
مشاعل : بالعكس احس اني شبعانه
فيصل : حلفت عليك تتغدين معي
مشاعل : بس فيصل والله مابي
فيصل : اووووووه الحين منو بيحطلي غدا ، والله امي ان تكرشني
مشاعل : هههههه خلاص عشانك بس
كانت بعيد وتسمع الحوار بين ولدها واخت زوجها ، دموعها ماوقفت ابد وقلبها يتقطع مليون قطعه ..
رجعت للمطبخ وهي تدعي بصمت : يالله ي كريم تجمعها ببناتها ..
تحب شي اسمه مشاعل وترحمها بشكل مجنون ، وبنفس الوقت حاسه ب الفخر ناحيه فيصل اللي دايم قد كلامه
وقررت تحطله الغدا دامه قدر يسلي عمته ويونسها .
ذي امل شخصيه تبين الشده والحزم لكن بداخلها قلب طيب وحنون ل ابعد حد ..
من طلعت غرفتها اتصلت ع رند ..
رند وكلها نوم : امممم
ديم : امدااك نمتي دبببا !
رند : احد يتصل بالوقت ذا ؟
ديم : ليش ان شاءالله بتحطين لي اوقات متى اتصل ومتى ماتصل ؟ لا ي حبيبتي حنا توينز يعني مافي هالكلافه
سكتت رند ماتدري وش ترد ع ديم وخصوصا ان الفهاوه ضاربه عندها : …. اها
ديم : ايوه قلتيلي تخصصك سنه تحضيريه ؟ ي تنقلين عندي ي انقل عندك بسرعه اختاري
رند بتناحه : انا مافهم ب قسمك !
ديم : ع اساس انك عارفه قسمي
رند ببرائه : لا ماعرفه
ديم : خلاص انا اقول لماما تتوسط تجيبني عندك
سكتت رند عند طاري الام ، وبدت تحس بالنقص اللي عمرها ماكمل عندها : …
ديم وهي ترخي صوتها : وش قلنا مافي بكاااا
رند مصدومه : ايش عرففك
ديم : ام الفهاوه اللي عندك ، انتي مدري كيف توينز
رند : مدري والله
ديم : طيب ركزي ، بما اننا توينز لازم تعرفي اننا نحس ببعض يعني لما حضرتك تبكين انا يجيني اكتئاب وضيقه واجلس ابكي
رند : صددق سبحان الله
ديم وهي تضحك : ههههههه بكرا بجيبلك كتاب يحكي عن حالتنا
رند وهي تتذكر : صح منو فيصل ذا ؟
ديم : ولد خالنا الوحيد
رند : صحيييح !
ديم وهي تسوي حالها معصبه : هااه حسك عينك تحطين عينك عليه لانه محجوز خلاص
رند : ومين اللي حاجزه ؟
ديم وهي ماسكه شعرها : احم انننااا
رند : ههههههههههه ومن متى ؟
ديم : من خزيته بالمستشفا معصببه خخخ
رند : متى هالحكي ؟
ديم : يوه بكرا اذا شفتك احكيلك ، الحين وقت النوم دايخه
رند : بس صحيتيني الفاضي
ديم : عادي عاودي الاتصال ب النوم خخخ
رند : يصلح ؟
ديم عصبت : ي ثقل دمك ي بنت امي وابوي انتي ؟ لمنو طالعه مادري
رند وهي متفشله : طيب خلاص
ديم : وحسك عينك تبكين وتسوين دراما ، ابي انام مو بنص نومتي اقوم مفزوعه والسبب انتي
رند : طيب
ديم : وانتي كلش عندك طيب ؟
رند : ايش تبغين اقول يعني
ديم : عاندي قولي لا خخخخ
رند : طيب لا
ديم : والله ان جيتك ل اذبحك ،
رند : ههههههههههههههههههه ياليت تجين تسليني بدل الطفش اللي اعيشه
ديم وهي تطق الصدر : اجيك وليش ماجيك توينزتي ثقيله الدم انتي
رند : وججججججع خخخ
ديم : باقي التوينز الثالثه مدري وين بنلاقيها
رند : ليش احنا كم وحده !
ديم : تعبت وانا اقولك ثلاثه
رند : بسسسسس
ديم فاتحه عيونها : كم تبين اجل ؟
رند : مدري حلوه العائله الكبيره
ديم : عائله ي ماما مو توائم شايفتنا فئران خخخخ
رند : ههههههههه مدري ب الجمله
ديم :ي خراااشي خخخخخ يلا بنام لاتطيرينه
رند : طيب تصبحي ع خير
ديم : وانتي بخير
وقفلن ، ديم حطت راسها ونامت وهي مبسوطه ، ومتمنيه يلتقون ب التوينز الاخيره ويجتمعن من اول وجديد
ورند اللي الفرح دخل عليها من اوسع ابوابه ، حسست ل اول مره ايش يعني اخت ! ايش يعني اخت ، ايش يعني اخت ..
/
دخلت مشاعل الغرفه ولمحت دييم تتقلب ع السرير ، جلست ع طرف السرير وهي تتذكر ملامح رند الحزينه
رجعت راسها ل ورا وكتمت شهقاتها الحزينه ، الف سؤال يموت بداخلها مالقى اجابه ..
ليش خذوهن من حظنها ولا قدروهن ، ليش يزعلون طفلاتها ليش !
والخوف يملي قلبها .. خافت اهل رند يعندون وخصوصا انها لمحت الرفض من رند وانها ماتبيها
ماحست الا بصوت ديم : ماما ايش فيك
مشاعل وتمسح دموعها : مافي شي كملي نومتك
قامت ديم وجلست ع السرير جنب امها : عشان رند ؟
هزت مشاعل راسها ب حزن ..
ديم وهي الدموع تتجمع بعيونها : ماما احسها مكسوره كثير ، وجمعت ديم ايديها ع فمها تكتم بكاها .. كانت ديم مثل الطفل الصغير بالضبط
اخذتها مشاعل لحظنها وهي تتمتم : حسبي الله على من كان السبب / حسبي الله على من خذاكن من حظني وحرمني منكن .
ديم بحزن : امين .. ماما انا ماعشت الا لما جيت عندك والله اول كنت مثل رند ميته ، الحمدلله ماوصلت لحالتها ..
مشاعل زاد الحزن بقلبها : وش اسوي بس مابيدي شي
ديم : انا بنقل لقسم رند ، عارفه ماما مابي اتركها ويصير لها شي
مشاعل بحب : ايش قسمها هي ؟
ديم : سنه تحضيريه
مشاعل : كانت عندي ماده اعطيهم بس تركتها عشان الدكتوراه ، وناظرت ديم شكلي برجع اعطيهم هالماده
ديم : ي عيني بس ..
مشاعل وهي تحظن ديم مثل اللي خايف يفقد شي ، جلست تمسح ع شعرها لحد مانامت ديم بحظنها وهي ماغير تمسح دموعها ..
حطت ديم وغطتها وقامت تتوضا وتدعي ربها يهون مصابها عليها ، خايفه من كل شي ..
مالقت نفسها الا تتصل ب ام ابراهيم ، ماتدري ليش بس تحس هالانسانه تعطي جرعات ايمانيه قويه
ام ابراهيم : وحدي الله ي ام ديم .. اللي كاتبه ربك بيصير .
مشاعل : خايفه ع البنت والله ، حالها مايسر ابد ..
ام ابراهيم : دام ديم معها لاتخافين ، والله ينصرك وتثبتين نسبها هي بعد ،
مشاعل : الله يسمع منك ..
ام ابراهيم : عليك صلاه الليل ، لها فعل السحر ي بنتي ..
وقفلت من ام ابراهيم وهي بعزيمه جديده .. ماراح تنهزم ابد دامها راعيه حق وبوطن تشريعه حق ! ق1
اما ام ابراهيم قفلت الخط وعيونها تدور بالبيت الكبير ، البيت اللي ماله صوت او حس
نزلت راسها بحزن وهي تمسح دموع الالم ، وش بقا بالعمر بعد ديم !
استغفرت ربها وقامت تصلي وتدعي ربها يجبر خاطرها ويعوضها خير ..
/
طلع من البيت عشان يقابل مشعل ، لبس وخلص ونزل ..
لمح امه جالسه تتفرج ع الاخبار ..
رجع ل العداد حق الكهرباء وفصل الكهرباء عن الدور اللي تحت كله
امل عصبت : وجع وقتهم هم
نزل بكل برائه : اففففففا وش فيها الغاليه معصبه !
امل : هالخايسين قطعوا الكهرباء الله يقطع روسهم
فيصل مسوي اخلاق : حرام يمه وراهم وراعين يبونهم !
ام فيصل : حرمت عيشتك اجل حنا نخس بذا الحر !
فيصل وهو يطق الصدر : افففا تخيسين وفيصل ولدك وحيدك هنا ، هزلللت والله انا بصلحه
ام فيصل : وش عرفك بالكهربا انت بس ؟
فيصل : انا بتااع كلو وراح للعداد يطقطق فيه وبعدين رجع شغله واشتغل الكهربا
ام فيصل بفرحه : روح ي فيصل الله يوسعها لك من وين مارحت
فيصل وهو يخز امه : ايه ماتجي هالدعاوي الحلوه الا ع مصلحتك
ام فيصل منفجعه : مصلحتي هااه
فيصل وهو يحط رجل ع رجل : اييه ي زمن حتى مشاعر الامومه ماتطلع الا نصلح الكهربا
ام فيصل : فيصلووه قم عن وجهي احسلك
فيصل : ليش ليش احس اني ناقص حنان
ام فيصل : واعيبااه وش هالحكي هاه
فيصل : اذا انتي ماعطيتيني حنان من يعطيني ؟ اروح ادوره بالشارع والا بالشارع !
ام فيصل وهي معصبه : ي ناس اقوم اطقلي رجال كبري والا الفعه ب النعله
فيصل : الفعيني ب النعله خل اشوف كم مقاس رجلك خخخخخ
ام فيصل وصلت معها : ماش اقول رجال وكبر وعقل وصار سنافي وبنخطبله بس منك كفو
فيصل : مابي بنات خواتك والله ان كانن عوانس انا مو ملزوم انقذهن من عنوستهن
ماحس الا امه تفصخ نعلتها بتشوتها
فيصل وهو طالع : هههههههههههههههههههههههههههههههههههههههه
ام فيصل : اوريك ان ماعلمت ابوك
فيصل وهو يرجع : وعلميه اني صلحت الكهربا خخخخ
سكتت عنه امل وهي تكمل تابع الاخبار ومعصبه اخر حد ، ودها انها لافعته بس انحاش خخخخ
طلع فيصل وهو ميت ضحك على امه : هههههههههه ي حلو امي والله
وطلع يقابل مششعل وهو وده يخنننقه
.
.
.
.
نزلت مشاعل وشافت امل معصبه وحالتها حاله
مشاعل : ي ساتر توك مافيك شي
امل وهي معصبه : هالولد بيطير عقلي ي مشاعل
مشاعل : وش سوا بعد ؟
امل : وش سوا !! ياويلي منه متى يعقل ؟ كل مافرحت وقلت عقل طلع اردا من قبل وعقله انتكس
مشاعل : هههههههههههه حرام عليك
امل معصبه : اجل يبي حنان وهو وش طوله
مشاعل بحذر : تراك شديده عليه خفي ع الولد شوي
امل وهي مصممه ع رايها : لو انه بنت قلت تبي دلع وحنان بس رجال وش طوله خلاص وش يبي
مشاعل : كلهم نفوس وكلهم يبون
امل وهي تقوم : خلي عنك كلام هالكتب بس وبروح اصحي محمد الحين بيصلون العصر
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك