رواية ياضياعه بالهون ترا نصفي يبيه -12
نزلت مشاعل وشافت امل معصبه وحالتها حاله
مشاعل : ي ساتر توك مافيك شي
امل وهي معصبه : هالولد بيطير عقلي ي مشاعل
مشاعل : وش سوا بعد ؟
امل : وش سوا !! ياويلي منه متى يعقل ؟ كل مافرحت وقلت عقل طلع اردا من قبل وعقله انتكس
مشاعل : هههههههههههه حرام عليك
امل معصبه : اجل يبي حنان وهو وش طوله
مشاعل بحذر : تراك شديده عليه خفي ع الولد شوي
امل وهي مصممه ع رايها : لو انه بنت قلت تبي دلع وحنان بس رجال وش طوله خلاص وش يبي
مشاعل : كلهم نفوس وكلهم يبون
امل وهي تقوم : خلي عنك كلام هالكتب بس وبروح اصحي محمد الحين بيصلون العصر .
//
فيصل وهو يدخل الكوفي ويلمح مشعل جالس وبيده جريده يقرا فيها
فيصل وهو ياخذ الجريده من يده : وقت جرايد هو
مشعل وهو رافع حاجبه : ايش فيك ؟
فيصل وهو يجلس : كلمت ابو سعود ؟
مشعل : لا باقي
فيصل عقد حواجبه : ايش تستنا طيب ؟
مشعل بكذب : استنا موعدتهم بالعياده .
فيصل : اها ، ومتى موعدهم ؟
مشعل : والله مادري
فيصل بنص عين : وش فيك ؟ ماتبي تقوله ؟ عادي انا بقوله وقام وهو معصب
مشعل وهو يمسكه : وش فيك انت ليش مابي اقوله ، بس والله ظروفي العائليه لك عليها
فيصل وهو يجلس مسوي معصب : وش فيك
مشعل : ابد مافي شي ، بس شكلي بكمل نص ديني
فيصل وعيونه طايره : افففا استنني طيب نعرس سوا
مشعل : هههههههه ي انك رجه
فيصل : ومن سعيده الحظ
مشعل بتوتر : بنت عمي ، ( ومن بعيد لمح طيف خفيف يشببهها ، عيون رماديه بريئه وشعر اسود فاحم .. قفل عيونه بقوه يطلعها من راسه
لمح الطيف يمشي ب اعتزاز .. وراحت للابد )
فيصل وهو يركز ب مشعل : ايش فيك ؟
مشعل بضحكه كذابه : مافي شي ، باخذ بنت عمي حب حياتي ووقف يستعرض طوله الفارع ويلبس نظارته يحجب الطيف عن عيونه
فيصل : وين ي ابو الشباب ؟
مشعل : قوم نتمشى بالسياره طفش الجلسه
فيصل وهو متشكك : اها طفش ، طيب يالله تعال نجري
مشعل بدون يناظر فيصل : خير وش بيقولون العالم ؟
فيصل بعدم اهتمام : على اساس ان الناس تهمني
مشعل :ماتهمني بس برستيجي مايسمحَ !
فيصل وهو يلوي بوزه : مايسمح اجل
مشعل : عندك شك ؟
فيصل : ههههههه لا ابد دكتور مشعل
/
صباح اليوم الاخر / صباح لا يشبه الا ظلمهَ الليل ..
مبهم كئيب ..
كئيب ..
صحت ديم متحمسه لدوام والفرحه ماليه قلبها ، طول الوقت تستعجل مشاعل عشان اليوم بتحول وبتقابل رند و و و
مشاعل بضيقه خاطر : مو الحين النقل بشوفلك ع اخر الاسبوع
ديم : ليش ماما اخاف مايقبلون
مشاعل : ايوه حنا ب نص الترم صعبه شوي لكن بحاول ..
ديم : طيب ، وهي تكمل لبسسها
مشاعل اللي لفت وكتمت عبره مخنوقه ، تحس في شي بيصير بس ماتدري وش ابد
طول طريق الروحه للجامعه ومشاعل مخنوقه وعاجزه تعبر صح اول مادخلت الجامعه دخلت جوا ع طول ،
اما ديم اللي اتصلت ع رند تشوفها متى بتجي لكن لا حياه لمن تنادي محد يرد ،
بعدها بربع ساعه دخلت رند بملامحها الباهته ، ووجهها الحزين ..
ديم وهي تجيها معصبه : ليش حاطه فونك سايلنت ؟
رند : لا مو سايلنت
ديم : وليش ماتردين ع خير ؟
رند وهي تدور جوالها : يوه نسيته شكلي ب البيت
ديم : اها سامحتك ^^
/
نزل الدرجات بخطوات ثابته ، بشخصيته الجذابه وعيونه الحاده ..
لمح جوال ع طرف الطاوله ب الصاله مد ايده واخذه ولمح مكالمات لم يرد عليها
عقد حواجبه وهو عارف ان اخته مالها علاقات وشبه انطوائيه ، فتح المكالمات ولمح اسم my twins
زاد استغراب تركي وفتح ع الرسايل ، مسك جواله واتصل ..
تركي : السلام عليكم دكتور مصطفى
الدكتور مصطفى : اهلا استاز تركي ازيك ؟
تركي : بسالك ايش قلتلي اسم البنت اللي لها توائم مفقوده ؟
الدكتور مصطفى : ديم ال ….
تركي وعيونه معلقه بين السما والارض : اها !! اوكي مشكور
الدكتور مصطفى : انتا خبرت الناس اللي ..
تركي يقاطعه معصب : لا طلع شكهم مب بمحله وقفل الخط متوتر
نزل الجوال بمكانه وطلع والف شغله بباله والانانيه تمتلك قلبه وعقله ..
/
رند : بس لي شهر غايبه لازم احضر و ..
ديم : مسوي دافوره استني اخر الاسبوع ندفر سوا
رند ب استسلام : طيب
بدا الصمت هادي وفتحت رند دفتر المحاضرات حقها وبدت تخربش فيه
اما ديم انشغلت تتصل ع امل وحنان ..
رفعت ديم راسها ولمحت عيون رند الحزينه : ايش تكتبي
رند بخجل : ولا شي
ديم : تخبي ع توينزتك وريني وشدت الدفتر من يدها
رند : اه عورتيني
ديم : ههههههههه ي ناعمه ي انتي
وبدت تقرا الحروفَ المكتوبه بخط انيق …
:
.
ي ضياعه ب الهون ترا نصفي يبيه ..
كل حزني بعيد عنه ينتظرهَ
جزء مني وانا جزء منه ..
كنا واحد ، طفل يسبح بظلمه الرحمَ
وكنا واحد .. روح تتشارك جسسدَ
كننا ننتظر نور ، نور الدنيا الفانيهَ
وجانا بعد تسع اشهر ظلمه الدنيا
وعشنا مراره ضيمَ
ي ضياعه اقصر خطوتك شويَ !
من لي بعدهَ .. من لي بعده ؟
ماعرفهم ! عالم هالبشريه ماعرفهمَ !
يكرهوني ، مدري يعاتبوني ، مدري ملامحيَ تزعجهمَ !
اخاف .. ي ضياعه اخاف انا لحاليَ ..
الكائبه درس ناجحه انا فيهَ
والحزنَ ، اخذ ملامحه من ملامحيَ ..
والالمَ استشعر كل خليهَ فينيَ
بعيشَ ي ضياعه معهَ .. بعيشَ معه !
لا تزعجنيَ ب رداه حظيَ !!
لا تذكرنيَ بقصر يديَ
طفله حزينهَ تبي المطرَ
وجا المطر بللها وراحَ !
ومرضتَ .. ايه المرض استحلها !
ي ضياعه ب الله عليك ب الهون ب الهونَ
مابقا ب الحشششا مكان لصدمات اكثرَ
ارخي يد العطفَ علي والمح ملامح الفرحَ
….. ي ضياعه ب الهونَ ترا نصفي يبيهَ !
يبيه ….
يبيه …
[ خاطرهَ لي لا احلل النقل بدون ذكر المصدر # شروآيَ حلمً ]
ديم اللي قلبها عورها وحست ان هالكلام عنها هي مو عن وضع رند ، واصلا وضعهن واحد مو هن توائم !
رفعت عينها وتلاقت عيونهن الحزينهَ والدمعَ والالم والحزن !
ديم وهي تشق الصفحه : ذي لي اباخذها
رند بطواعيه : خذيها براحتك
ديم : خطك يجنن ، دبببا انا اقول ليش خطي شين ماخذه الزين كله خخ
رند وهي فاتحه عيونها : اننا
ديم وهي تهز راسها : خففي تناحه
رند : هههههههههههههههه
ديم : قومي اعرفك ع صاحباتي
رند : لا بروح احضر محاضرتي ، بابا بيزعل لو يعرف اني ماحضر
ديم ماحبت تضغط عليها : خلاص بتلاقيني هنا استناك طيب
رند : اوكيه ب البريك بجي هنا
وافترقنَ .. كل وحده مسكت مسار خاص فيها ،
دخلت رند محاضرتها ومامدا المحاضره تبدا الا تجي وحده تسال : وين رند ال … ؟
رند ب استغراب : انا ؟
المسؤوله : لك مكالمه تعالي
طلعت رند وهي مستغربه ، دخلت ترد بهدوء : ايوه
تركي : السلام عليكم
رند : وعليكم السلام
تركي : في وحده تداوم تنسا جوالها ؟
رند : هههههههه انا
تركي : عقاب لك يلا اطلعي
رند : وين اطلع
تركي : برا انا استإذنتلك خلاص
رند : اها طيب دقايق بس
تركي وهو يشدد ع كلماته : بسسسرعه
رند : طيب ، وطلعت اخذت اغراضها وعيونها تدور ديم ، لكن مالقتها فقالت بترسلها مسج بس توصل البيت
ركبت السياره : ايش فيه ؟
تركي : مسويلك سبرايز
رند مبتسمه : ايش هي ؟
تركي وهو يسوق : بنزل امريكا بدل الوالد وباخذك معي
صفعه قويه ع وجهه رند الحزين ، تلعثمت كثير ومات الحكي ع لسانها قبل يطلع ، كانت بترفض بس العجز اللي دايم يمسك لسانها اليييم اليييم
تركي : مافي وقت كلمت الشغالات يجهزون اغراضك عشان بنطلع الحين للبحرين
نزلت رند راسها ب حزن كبير وكتمت شهقاتها الحزينه ..
وصلوا البيت ودخلت رند ع الصاله تدور جوالها ..
رند : تركي شفت جوالي ؟
تركي ببرود : لا ماشفته ومو وقته بناخذ جهاز من المطار
رند بحزن : لا ابي جهازي
تركي وعينه بعين رند : وش فيه جهازك يعني ؟ ماغير حنا وكلمي من جوالي ومد لها جواله .
رند بضعف : طيب وطلعت تمسح دموع عنيده مارضت تموت بداخل عيونها
/
امل وهي تناظر : وينها ؟
ديم : مادري هالمفهيه وين راحت
امل : خسساره متحمسه اشوفها
ديم : الحين بتجي وتشوفيها
حنان : لا ماتخيل نسختين من ديم خخ
ديم : قصدك ثلاث نسخ
امل : واااااااااو
ديم بفجعه : فجرتي اذني ايش فيك ؟
امل : لا حلوه التوائم ، حنان امشي ندور توائمنا
حنان : اي توائم ؟
امل : مدر يمكن حتى حنا مضيعين نسخ حقاتنا
ديم : مااااالت زين
امل : خخخخخخخخ
وانتهى الدوام بكسر خاطر ديم ، اللي ماخلت مكان بالجامعه تدور رند فيه ، واول مارجعت للبيت اعطت نفسها صبر نص ساعه لو رند ماتصلت بتتصل هي
مشاعل وهي جالسه مع محمد والصمت مخيم عليها
محمد : اذكري الله ي اختي لو لك فيهن نصيب بيرجعن لك
مشاعل : قلبي يعورني ي محمد خايفه مادري ليش
محمد بقلبه الكبير : اذكري الله يالغاليه ، كلنا تحت رحمته
دخل عليهم وهو مطفي ع الاخر وصاح بصوت عالي : جيععععععاان
مشاعل : انت دايم جيعان
فيصل ويشد ثوبه : بموت من الجوع
محمد : ي ولد عيب
فيصل وبصوت اعلى : واللله جيعععان ارحموني بطني تقطع
ديم كانت فوق وتسمعه ماتت ضحك عليه ونزلت خطوات تتسمع وش يقول
امل وهي جايه من المطبخ : قص لسانك يالخايس فضحتنا
فيصل : وش تطبخين انتي لو مفطح امداه خلص
محمد : فيصصصل
فيصل : يبه والله جيعان وش فيكم انتم ماتجوعون ؟
مشاعل : انا صدعت بطلع انام ابرك
امل : ابو فيصل احطلك غدا ؟
محمد بنذاله : لا شبعان
امل : وانا مالي نفس بعد
فيصل وهو ياشر لنفسه : انا جيعان ولي نفس اكل
امل : خلاص روح حط لنفسك اكل وطلعت وتركته
محمد وهو رايح للمكتب حقه : تعلم السنع وانا ابوك بس لاتحرق حالك
فيصل وهو واقف ب الصاله لحاله : ابوها من حاله ، انا الدكتور فيصل احط اكل لحالي ، شايفيني بنقاليه ولا بنقاليه
وطلع للمجلس يبدل ملابسه وهو معصب وجيعان ومطفر .
مشاعل وهي تناظر ديم : مسكين فيصل محد عطاه وجهه
ديم بحذر : عادي احطله انا الاكل
مشاعل وهي ماسكه راسها : روحي تاخذين بذا الضعيف اجر اعرفه عجاز بينوم بجوعه
نزلت ديم وهي قلبها يطقطق وبدت تجهزله الغداا ، بكل اناقه وحب .. وتمتم بينها وبين نفسها ( اوريها الفاهيه والله بهزأها بس ترد علي )
دخل فيصل وهو رافع كمه الين كتففه ، يحسبوني بترك حالي بذا الجوع والله لا اوريهم ل اكل واخبص المطبخ بطريقي بعد عشان يتوبون
وقبل يوصل سمع صوت الطقطقه ودخل راسه بس بيشوف من ذا ولمح ديم تجهز الاكل ، هنا بس طمممر قلب فيصل مليون ونسسا انه جيعان
فيصل بنفسه : وه تشاركني مشاعر الجوع ق1
استحا ع وجهه ورجع للمجلس وقرر ينام خلاص شبع ماعاد له نيه ي اكل اصلا
طلعت ديم ورتبت الاكل ع الطاوله وطلعت تقول ل امها تتصل ب فيصل عشان يجي يتغدا
و جلس ع الطاوله وهو يتخيل ديم ويلعب بالملعقه بدون ياكل ويرمش بعيونه
طلع محمد ولمح فيصل بذا الحاله : وش فيك ي ابوك ؟
فيصل : مافي شي
محمد : رحمتك اجل امك وحطتلك اكل
فيصل : لا الله يخلي من يرحمني ماهوب انتم
محمد وهو يجلس : انا اقول لو انها امك كان حطته لك ب الارض وماجبتلك ملعقه وشوكه خخخ
فيصل : وش قصدك ي والدي
محمد : ذا احد مو عارف عن ذوقك واتيكيتك صدقني
فيصل يقوي عزيمته : من يومي اتيكيت وراعي ذوق
محمد : ايه بس تغدا بيدك عشان تشبع
فيصل بعناد : لا اسف ماقدر اوسخ يدي
محمد : الله يخلف على امك
فيصل : متى اقول لولدي الله يخلف على امك
محمد بصوت عالي : هههههههههههههههههههههههههههههههههههههههههههههههههه ههههههههه
فيصل : خخخخخخ اعجبتك صح وغمزله
محمد : والله لدقايق شكيت انك عقلت بس ابو طبيع
فيصل : لا كنت عايش اللحظه
محمد : اي لحظه
فيصل : شي راح عليك خاص بالشباب
محمد : وش قصدك ؟
فيصل ويوطي صوته : اذا جيت بتعرس على امي بتحس بذا اللحظه
سكت محمد شوي كنه يفكر وبعدين نادى بصوت عالي : اممممممممل ي ام فيصل
فيصل وهو يرمي الملعقه وياكل بيده بسرعه : ههههههههه اعوذ بالله محد يمزح معك
حس ان امه جت اخذ الصحن اللي فيه الرز وحط رجله
محمد : الحقي بس
امل وهي نازله : خير ي رب
محمد : فيصل يشجعني اتزوج عليك ويحرضني
امل بشهقققه : وشششششششو ؟
محمد : محد بيخربني الا هالولد
امل : وانت عقلك صغير تسمع لذا المخفه
محمد : الشيطان شاطر
امل وعينها طالعه : اوريه فيصلووه خلني اشوفه بس
/
ديم ميته ضحك : ههههههههههههه
مشاعل وهي مغمضه عينها : ايش فيك ؟
ديم : توحففففه فيصل ذا
مشاعل : هههههههههههههههههه جو ثاني
ديم بحالميه : مرررررررررره
واخذت جوالها تتصل على رند وهي بقمه حالميتيها لكن صدمها شي ورجعها للواقع اللي عمره ماابتسم
( ان الرقم الذي تتصل عليه غير موجود بالخدمه مؤقتا )
رجعت تتصل مره واثنين وثلاثه ونفس الجمله تتكرر ..
ديم وهي بقمه استغرابها : خير تفصل رقمها !
مشاعل وهي تناظرها : ايش ؟
ديم بخوف : رند اختفت من الجامعه فجإه وفصلت جوالها بعد
مشاعل اللي اخذت الموضوع ببرود لان قلبها من اليوم ينبهها ع شي مب زين ابد
ديم اللي لاحظت صمت امها : ماما
مشاعل وقفت : لا تحسبين كل شي يجي ب الهون ي ديم ، عشان تاخذين حقك بذا الدنيا لازم تجاهدين .
ديم اللي تذكرت ام ابراهيم وكلامها العطر : بشوف بكرا ايش قصتها
مشاعل : الله يجيب بكرا بس .
\\
جاا يركض لرند وحضنها بقوه : لا تروحين وتتركني كافي رغد
رند وهي تحظن فارس : شهر وبرجع
فارس : ابجي معاكم
تركي : وراك مدرسه
فارس : وهي عندها جامعه
تركي : هي عادي تإجل ترم مو مشكله
طلع فارس وهو يركض يبكي .. ورند لفت وجهها تمسح دموع الحزن
تركي وهو يدخل مكتب ابوه : يلا الوالد بنطلع المطار توصي شي
ابو تركي بحزن : كان ودي اروح انا بس ..
تركي : افا عليك انا مكانك
ابو تركي : انتبه ع رند مع اني شايفها احسن لو تجلس تكمل دراستها
تركي بحده : لا ماهي زينه خليني اخذها تغير جو احسن
ابو تركي : مافي اخبار عن اهلها ؟
تركي : لا ابد ، ووصيت ناس يسإلون هنا وهناك
ابو تركي : خير ان شاءالله وطلع يودع رند ويوصلهم للباب
ركبت السياره جنب تركي وانطلقت المرسيدس مبتعده عن القصر الكبير
وعيون خفيه تلمحهم يختفون قفلت عيونها ودموع القهر تطيح ، صمت انين قطع قلبها ، راحت طفلتها الثانيه وهي مالها يد ابد او كلمه
حتى ماقدرت تودع رند ، الامور صارت سريعه جدا جدا ..
ب السياره رند وهي تبكي : ماودعت ماما
تركي : مو مشكله شهر وبنرجع
رند : بس ولو ماودعتها
تركي : خلاص رند لا تقلبينها مناحه ، حتى انا ماودعتها ، واصلا هي بنروح ونرجع ماراح تفقدنا
رند وهي ترجع راسها لورا : ااه بس ، ماعندي جوال
تركي وهو يمدلها جواله : ذا جوال اتصلي منه
رند : مابتطلعلي ؟
تركي : مب وقته وابتسم لها
صدت عنه وهي تكتم شهقاتها ، مالها شخصيه ابد ولما حست ان لحياتها هدف ، انهدم كل شي ! كل شي !
/
نزلت لصاله بعد ماصحت ع الصداع العجيب اللي يجيها ب فترات وفترات ..
شجن بتعب : باباا
بدت تختنق وتموت .. بدت تحس ب الالم يخنقها من جديد
بنفس الوقت طلعت نهى من المطبخ ولمحت شجن ثانيه نفسها ع الجدار وتكح بصوت مخنوق
وقفت بصمت تراقبها وتناظر الباب كل شوي احد بيجي
شجن بصوت ضعيف : سع..وود ، ببابا ، نهى
محد رد الصوت لها ، محد فيه ابد …
قدمت خطوه بتساعد شجن لكن الماضي التعيس كله انعاد قدام عيونها ، من صغرها وهي تنضرب عشان شجن
كل شي لشجن .. لا تصيح لا تطيح لا تحزن لا تنمرض !!
وهي وش كان لها .. ماكان لنهى الا الاهمال والتطنيش !
بكل برود رجعت للمطبخ واخذت جوالها تطقطق فيه ، بداخلها عارفه ان ششجن ماراح يصير لها شي بس ودها تتعذب الغيره اعمت قلبها خلاص
رمشت كم مره بعيونها وبعدها قامت تركض ل شجن ، حست ب الخوف ماتدري ليش
شافت شجن وجهها اصفر وجالسه ع الارض تاخذ انفاسها
تنهدت ب راحه ورجعت لجوالها ..
طلعت ومرت من عند شجن ..
شجن : انتي هنا ؟
نهى : ليش فيه شي ؟
شجن : لا مافي شي، ووقفت رايحه المطبخ تشرب مويه بعد هالازمه
نهى بنفسها : ذابحك الغرور وطلعت لغرفتها …
دخلت المطبخ متخدره من الالم اللي جاها اخذت بنادول وجلست شوي تحاول تروق
اخذت جوالها واتصلت ع رقم المستشفى ، طلبت الدكتور مشعل لكنه ماكان ماداوم
شجن : عفوا اخوي اقدر اخذ رقم جواله ؟
الرسبشن : لحظه اختي ، واعطاها الرقم
اتصلت ب الارقام ببطئ وجلست تستنا الرد ، لكنه مارد
رجعت تتصل من جديد
شجن : السلام عليكم ، الدكتور مشعل ؟
مشعل : وعليكم السلام .. من معي ؟
شجن : بس حبيت استفسر منك عن شغله ، بصراحه كثير مدحوك لكن ظروفي ماتسمح اني اجي عندك للعياده
مشعل بتفهم : تفضلي اختي
شجن : طيب دكتور انا تجيني حالات غريبه من الصداع العادي الى المزمن ومرات اختناق و ..
مشعل : ايوه ! ممكن تجين العياده عشان نسوي فحص
شجن تقاطعه : كل التحالليل عملتها سواء داخل او خارج المملكه وكل شي سلييم
مشعل : طيب عندك توإم ؟
شجن بصدمه : ايش دخل ؟
مشعل : كان ودي اخدمك لكني الان مشغول
شجن : اوه اسفه مادريت اني متصله بوقت غلط
مشعل : معذوره اختي ، الله معاك وقفل الخط
شجن بنرفزه : مالت عليه مايخلي غروره ابد .
وهدا قلبه اخيرا ، جمع جواله لقلبه يرخي اعصابه المتوتره ، مشعل بنفسه : مو معقول بجلس اتخيل كل الاصوات صوتها
هز راسه اخيرا ودخل جوا يتفق مع اهله على موعد خطوبته من الهنوف و و و و ..
ورجعت تفكر شجن بعمق : وش مناسبته هو وجهه ؟ معقوله اعرس .. ي صبر حرمته بس والله
حست نفسها احسن فقامت تتفرج ع التلفزيون وبعدين تذاكر ليوم حافل .
/
وجا بكرا اسود .. جا محمل ب غيم الحزن .. ستنسكب الامطار اخيراً ..
لها ساعه واقفه ، الساعه صارت ٨ ونص ورند للحين مابينت ،
حنان وهي تناظر ديم : خلاص ديم خلينا نروح المحاظره قفلوا الباب
ديم ببرود : بروح اشوف اسإل ماما
ومشت ديم ومشت معها حنان وامل ..
ديم : ايوه ماما اسالي عنها بليز
مشاعل : الحين مشغوله خليني اخلص اشغالي
ديم بحزن : ماما اخاف جرالها شي
مشاعل اللي تخفي اللهفه والخوف : طيب
ومشت ديم معاها ع المسؤوله ، كانت تسمع الخبر وفوق راسها اكبر علامه استفهام
ديم ب استغراب : اجلت الترم ؟
المسؤوله : اي امس اجلته !
ديم تكلم نفسها بصوت عالي : ماقالتلي !
مشاعل وهي تاخذ ديم وتطلع : ديم …
ديم وهي تقاطعها : توائمي ماتبيني ، وجمعت ايدينها ع وجهها تبكي
مشاعل وهي تخنق العبرات بداخلها : ماتدرين وش الظروف ي ديم
ديم بصوت عالي : لا ماتبيني ماتبيني
مشاعل بصوت هادي : ليش ماقلت انا كذا لما اول مره شفتك ؟ ليش ماقلت بنتي ماتبيني وطردتني ؟
ديم واخيرا حست بنفسها : ماقصدت والله ماما بس الصدمه و
مشاعل بحكمه : وهي بعد اكيد عندها الظروف اللي بيجي يوم وتحكيها لنا ، واخذت ديم بحظنها ،
مشاعل : يلا روحي كملي محاظراتك .
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك